christineypy的個人專頁

上星期日要去尖沙咀攪D嘢，正當行經The One附近收到 "一寶中日高級海鮮火鍋" 宣傳單，寫上大中細點一律$18於下午茶時段，於是即刻上5樓試下先。當日叫咗5碟點心，當然全部係大中細點之內，一於食平嘢。首先講下叫咗碟牛肉腸粉，嘩一見到碟嘢，我個反應即刻話 "嘩!乜咁好嘅，有2條蘆筍"，D腸粉個皮好薄，好透明，又滑又好食，牛肉算多，唔錯。另一推介，就係呢碟名叫"真係菠蘿飽"，的確真係有菠蘿係入面，有又叉燒，真料做到皮薄涵靚，諗起都想食。整體來說，叫咗呢5碟點心，都不過失，而且亦勝在夠熱，尤其是"菜苗鮮蝦餃"，一來賣相不錯，二來個皮又好薄，三來又好足料，四來又夠熱，總之正呀!我當日差不多3時去食，食咗1個鐘多D。不過最驚喜係，臨埋單前竟然有紅豆沙甜品送，好香陳皮味，太滿足喇!…查看更多

剛剛好要去紅磡觀音廟還神，還神正剛好12時左右，又係要醫肚時候，我知道近馬會附近有一間好好味嘅車仔麵，就係民康小食喇!!!當然食車仔麵係要自己搵位，自己去買啦……..個日我叫咗4個餸，油麵加豬紅，豬皮，蘿蔔，牛肚。而另一碗叫咗河粉加冬菇，魚肉條同蘿蔔。其實每當叫完晒D嘢食，個老板好自動波問客人要唔要辣，要唔要腩汁，好好服務，雖然呢度食嘢係好平，但D員工都好好服務，正呀!!! 首先講下我食個碗油麵加豬紅，豬皮，蘿蔔同牛肚，本人覺得食車仔麵一定係要配油麵，真的唔知點解咁諗，個度D豬紅，豬皮，蘿蔔同牛肚都好入味，尤其是D豬紅，不過我覺得D豬紅略為細咗一D，仲有個日D蘿蔔有少許梗一點，可能未煮得太林，但so far都ok。而另一碗我只試過魚肉條，好味，又好入味。至於價錢呢２碗嘢加埋平到你唔信，係＄３９蚊，你冇睇錯係真係＄３９蚊。…查看更多

當日成差不多晚上8時，我阿媽話唔想煮飯，於是話不如出街食，一時之間諗唔起食咩好，叫我話事。諗咗一陣突然自己好想食酸辣麵，於是去屋企附近個間「莉苑美食」喇。當晚成8時左右，眼見當時全場爆滿，因舖位好細，老實說坐得麻麻地舒服，又係等咗唔夠3分鐘就有位坐。當日我都無需要看餐牌，我就知道我一定會叫酸辣麵，而我媽叫碗鎮江排骨麵。首先講下我碗酸辣麵先，好熱辣辣，味道不是好辣，又好足料，冬菇絲，筍絲，木耳絲。。。。至於我阿媽叫個碗鎮江排骨麵，麵同鎮江排骨分開上，好細心，D排骨好入味，肉質同骨已經離晒骨，好”林”，超容易咬得開。最後叫埋碗2碗豆腐花加糖水帶走，拎返屋企食慢慢嘆，因為係度食會貴D，而外賣豆腐花 $14蚊就有2大碗，豆腐花真係好滑，真係好正。…查看更多

自從我上個月先幫襯完「譽宴」，今日又同阿媽又再食過。今次幫襯時間係下午茶時段，而且又係平日，眼見當時全場爆滿，不過又好彩地又等一陣又有位。都係個句食下午茶原因係要希望食到平靚正嘅嘢，我哋個日只係叫咗3碟點心，燒賣、千層馬拉糕同香煎腸粉，再加碟星洲抄米，兩個人又食咁多嘢，哈哈!!!首先講下碟星洲抄米先，只係$48咋，好大碟，抄得好好，又夠料又夠火喉，色香味俱全。另外個3碟點心，都係熱辣辣，尤其是千層馬拉糕好好味，又不是太甜，有香噴噴蛋黃味，正! 至於碟香煎腸粉，件件煎得好香脆，而且份量十足。 …查看更多

老實講我係第一次來池記食嘢，佢最初比我感覺係好貴，唔抵食，係做遊客生意嘅雲吞麵舖。咁啱行經池記被下午茶牌有所吸引，於是我同我個朋友即望下自己隻錶將近下午6點，大家即一齊講不如食埋當晚餐橫掂都聽日要返工，食完早D閃。依我所見當時差不多坐滿人，不過好彩都比我哋搵到位。於是我哋叫咗2 sets豬手河，另一個叫咗豬手麵加杯熱豆漿同薏米水。等咗大概3分鐘首先我個碗豬手河來先，好大碗，份量都OK，大概有2至3件大大件豬手，但D豬手比較梗咗D，D肉未”林”，好難咬得開。跟住我朋友碗豬手麵都來埋，不過咁見我朋友碗豬手麵SIZE同我碗豬手河曾了成個SIZE，我朋友個碗係細好多，可能吃麵掛。。。。。最後講杯嘢先，好似看來杯熱豆漿同薏米水沒什麼特別，但老實說我杯豆漿好夠熱，好正! 飲完杯嘢成身暖晒。至於我朋友杯薏米水，我就冇試過，不過見到好多薏米同好熱，我諗唔會差。呢2 sets下午茶每人只需$34蚊，的確好抵食，坐得又舒服，D嘢食又OK，力推! …查看更多

元旦日，同朋友仔要去Ikea買傢俬，又剛好食飯時間，於是近近地去Ikea食番個Lunch先。大家都知去Ikea食飯係自助形式買嘢食、搵位，甚之乎收回食完或剩下嘅食物及餐具都係自己擺番好收集地方，大家都好守規矩。因本人太大食關係，當日叫咗圖中嘅食物，係我一人食，係咪好犀利先。肉丸10粒加4粒薯仔，龍蝦仔意粉配芝士，同埋薯條。但好可惜以上食物全部都係好微溫，尤其是碟龍蝦仔意粉配芝士，我係要極速9秒9快食完，因為唔想再”灘”到再凍晒，其實味道唔差，但如果熱食一定會更加好味道。至於碟肉丸，一向都係好好食，都係個句微溫囉，不過咁係呢度食一碟肉丸係有埋薯仔送。個度D薯條，係粗身嘅，好有口感，都又係個句，凍冰冰囉，如果唔咪真係會好好食。成SET都係食咗$65蚊咋，好老實講賣相同食物質素係相當唔錯，不過可能今次唔好彩，希望下次再食唔好再係咁就好喇。…查看更多

好耐沒試食越棧，於是自己還放假期間再去食下佢個下午茶，睇下仲係咪咁好食。當日叫咗碗生牛肉金邊粉加杯凍檸蜜比自己，而我阿媽叫咗碗香茅豬扒金邊粉，同埋熱咖啡。首先講下我個碗生牛肉金邊粉先，通常我食湯麵都會飲啖湯先，都覺得唔錯，好有牛肉嘅鮮味，不過咁個碗粉嘅份量少咗好多，個碗同湯都好大好多，但D 牛肉只得2至3大片，D粉又少咗。另外個碗香茅豬扒金邊粉，之前還記得香茅豬扒係會分開上，但宜家係把香茅豬扒放埋碗金邊粉入面，浸到D香茅豬扒林晒，一D都唔好食，因為D香茅豬扒應該係脆的。個度食加埋嘢飲都係$34蚊，重要係飲凍嘢唔洗加錢，仲有唔洗加一。…查看更多

好耐沒試過飲早茶，所以一早起身同阿媽去嘆茶，於是揀咗又係稻香@皇室堡。去到茶樓當然係自己搵位，當日係星期一返工日，但照我所見已經差不多座無虛席，不過咁也好好彩地比我哋搵到個卡位坐添。嘩! 一坐低，就比我好心急地見到張特價點心紙，果然真係好抵食，尤其是張早晨孖寶。結果叫咗好多孖寶餐，好似我至愛叉燒飽、滑雞卷、雞扎併鴨腳扎、三式餃、韭菜角併魚片頭、炸兩腸、仲有懷舊糯米雞。死味，晨早已經咁好胃口。講番D食物先，D點心夠晒熱，不過份雞扎併鴨腳扎，我就覺得麻麻地好食，因為件配件竽頭比較梗，好似未熟咁，希望有關方面能夠改善一下。其他點心都不過不失，算係咁上下。個日埋單$85.5，仲要自己出去埋單，I LIKE自助式找數，可以唔使再比Trips，我諗可能呢個係稻香STYLE。…查看更多

那天正是聖誕節正日，度度訂位食晚飯都差不多已滿，好彩地我只係早3日前訂位。當日小妹第一個準時6:30 PM到達，而且稻香職員好快咁安排靠邊座位入座，都OK舒服。小妹眼中所見，有好多人Walk-in入座，可能九龍湾MegaBox始於比較略偏遠一點，唔太方便嘅關係。等咗一陣，我D朋友都來齊，我哋當晚揀咗HOTPOT。首先，揀咗個湯底先，豬骨鍋$18，是最平個個，我諗呢個係Promotion唯一湯底，都好夠料，好多豬骨，算不過不失。除了湯底之外，當然叫咗好多嘢食，包括炸魚皮、竽絲、元貝片、墨魚滑、肥牛、鮮蝦丸、蜂巢豆腐、菜等等。。。。。。數之不盡，也沒有什麼特別，但總括來說，D食物算是新鮮。不得不提，當日我由6:30PM坐到成10:00PM左右，成3個半鐘，都冇比人趕走，算唔錯。個日埋單$678.5，我哋3個人，即每人平均$226，係D咁大節日食晚飯算係咁啦。 …查看更多

是日聖誕節相約朋友係九龍湾食晚飯，因小妹早到加上有點口乾同凍，又剛好行到去Piago 超市去打發時間之時，比我發現「天仁喫茶趣」。照我所見，個度係度買完要等起碼有成10以上嘅人係度等緊，於是我還是決定去買杯「熱珍鮮奶綠」嘅50%甜度飲，橫掂小妹有的是時間。結果等咗6分鐘左右，我杯「熱珍鮮奶綠」終於到我手，一飲之下，成杯嘢竟然係微溫，而不是熱的。。。。。感覺好差，唉! 還記得係台灣飲杯「天仁」係好好飲，又夠熱。杯嘢成$20蚊，係當然唔貴，但質數沒理由咁差，而且D鮮奶綠好浠，好水，完全冇乜奶綠味，希望有關方面能改善及注意一下。 …查看更多

察實本人已經係第二次食「渝酸辣粉」，係冇訂位之下情況下，約咗2個朋友仔於晚上6:30直接係餐廳等位，大概等了３至５分鐘左右好快地安排位我哋入座。當晚我哋叫咗２碗好細碗「四川担担麵」、「素菜拚盤」、「熗炒雜菜」、「鍾水餃」、「半隻口水鷄」、同埋３碗甜品「桂花冰粉」。首先講下碟「半隻口水鷄」先，如果自問好食得辣同麻辣的，可以不妨一試，不過咁食之前最好叫定杯凍嘢飲，因為會越食越麻，麻到得來又越食越鹹，，又越食越痺，好鬼過引。而且Ｄ鷄唔係太入味，好似Ｄ汁淋上Ｄ鷄面咁，因為之前食過不是這樣，係會入味好多。至於「四川担担麵」，我哋叫咗１碗係少辣而另１碗中辣，我只係試咗少辣個１碗，味道都不錯，不過份量少咗Ｄ，話晒１碗成＄４４蚊，希望下次再食份量多番Ｄ。其餘３樣式「」、「熗炒雜菜」、「鍾水餃」都沒有什麼特別，「鍾水餃」好似出面食個Ｄ紅油炒手，不是太辣，不過Ｄ水餃皮厚咗Ｄ同埋比較硬身，希望能夠注意一下。不過全晚最好食竟然係個甜品「桂花冰粉」。有好香桂花味，又不是好甜，可以推介下！今晚埋單＄４６０，不算太貴，話晒係銅鑼灣。…查看更多

是晚獨個兒去搵食，身處於銅鑼灣，一定唔担心搵唔到食。行吓行吓行到登龍街，宜家成條登龍街成條好似食街咁，有平有貴，好多選擇。話雖如此，自己一個人食嘢當然揀啲平靚正嘅嘢食。最後揀咗一間叫「金西南米線」來作為我嘅晚餐。一入去就已經有位坐，之後又好快手揀咗「腩肉配紅薯粉，加一杯凍檸茶」，因為本人實在太肚餓嘅關係。過咗一陣，好快就有杯凍檸茶上，講開杯凍檸茶，首先自己冇要求嘅情況下，即冇話少甜，少冰，多乜…….結果出到來杯凍檸茶，好淡口，希望店主能改善一下。不過咁呢杯凍檸茶只需$6蚊，嘩! 真的好平!當然大家都要幫襯碗米線先啦。之後好快我碗少少辣嘅腩肉配紅薯粉，首先講吓湯底，好微辣湯底加上有啲酸菜，芽菜，都算好味。我今次只係叫咗腩肉一味送，佢哋啲腩肉，嘩! 好好味，佢哋整到啲腩肉好入味，有好少嘅辣味，$5蚊一味送，算抵啦!加埋杯凍檸茶都只不過$36蚊，係銅鑼灣喎，好OK啦! …查看更多

個晚一行六人去食完打邊邊，之後見時間尚早，繼續再係東大街再搵過食。結果我哋求其搵間甜品屋來試下，行行比我哋搵到「糖品」呢間甜品屋，而且又即刻有位安排入座，你哋知啦係東大街啲鋪頭都好細間，坐位有限，仲要係我哋都有成6個人，坐嘅位都舒服，一啲都唔迫，環境又唔錯，真的好好彩!食甜品呢家嘢會真係令人開心又興奮，見到MENU上嘅圖，咩到想食，最亮點位係呢間鋪用嘅雪糕係MOVENPICK, WOW 超吸引!!!大家諗咗一陣，最後我哋就叫咗1個火焰雪山、3個朱古力冰露、1個朱古力心太軟配朱古力雪糕，同1個綠茶心太軟配士多啤利雪糕。首先講下個「火焰雪山」先，當然大家食過都知係會點火，玩下花臣，都幾特別下。不過一提如果叫呢款甜品，考慮下自己係好食得之人先好一人去食火焰雪山，如果唔咪最好係2個人先好食一個，原因係會越食越膩。而我當然揀咗我至愛嘅「綠茶心太軟配士多啤利雪糕」，WOW……真的好好味，好濃嘅綠茶留心，又唔甜，又好熱再加上冰凍士多啤利雪糕，甜甜地加一點酸酸地嘅感覺，簡直係絕配。講真，呢間甜品屋賣相好正，最重要係好好味，而且服務都OK，真係值得推介!!!…查看更多

星期六上午同阿媽飲完茶，晚上相約幾位友人去筲箕灣東大街「魚鍋小甜甜」食飯GATHERING。本人係第一次去呢間食店，由於係我其中一個朋友推介呢間店，所以當我知道去呢間店我就去OPEN RICE SEARCH 下，結果只得一個食評，仲要係食家當時係幫襯午飯時段，所以本人抱住好奇心態去試下。當日我朋友已經係一星期前訂了位，我哋一行6人亦好準時7時到達，所以我哋都可以即刻可以安排入座。間店舖不是好大，環境一般，枱與枱都好窄，背對背，坐得唔舒服，希望能改善一下。至於服務又麻麻地，連水都唔比杯人，今時今日食晚飯好少唔比水，要食客開到聲就冇引啦 !我朋友首先點咗個鍋「奇味雞煲」先，講開呢個湯鍋，材料有好多雞件(即雞雜)，洋蔥，雞紅……所以個湯底比較濃，但大家好堅持試下個湯底先，結果….好鹹，好油，好”傑”，好似汁咁，跟本唔可以當飲湯，我估佢哋知道之後不斷加水個湯底會希，所以特別濃。不得不提，由於個湯底有D雞紅，大家都未能每人一件，而且大家又想ENCORE再食，原因只得一個因為太好味，D雞紅好入味，好鬆，但又唔容易爛，推介之一。之後我哋叫咗手切肥牛肉，蠔，黑柏葉，鵝腸......... 不過又再講開呢碟嘢成「手切肥牛肉」成為$128一碟，大家都話好貴，又細碟，切得又唔靓，好唔抵食。其實個日叫既種類不是太多，都係同出面既火鍋店差不多既食物，好普通，所以如果呢間店有更好生意，不防諗多D唔同食物，總括來說，整體都麻麻地。個日埋單$1,275，即每人＄212.50，你話貴定唔貴，就見仁見智。…查看更多

剛星期六同阿媽係銅鑼灣做完嘢，自己肚子開始不停咁叫，望望時間差不多下午1時多。我阿媽提議不如去飲茶，橫掂好耐都未飲過茶。結果我哋揀咗去「譽宴」，一上到去好快就有位坐，唔洗等，實在太好了。一坐低，阿媽負責洗杯，而我就負責點點心，好合拍。不過我就好快咁點完點心，立即比服務員落單。結果，等咗成差不多15分鐘先上第一樣點心，呢方面希望能夠注意一下。我哋果日揀咗5碟點心，最特別係點咗一款「原籠蒸馬拉糕」成為$29，真的好香，好鬆軟，我哋兩個人食真係好足夠。 總括來說，樣樣點心都夠熱，好正。個日埋單$146，不過呢度要消費$150以上先可以簽卡，即每人＄73，食正價時間，不算太貴。…查看更多