fi fi的個人專頁

雲吞好正~好彈牙!好好味!佢入面d料好多:有蝦,有豬肉,而且湯底好熱好濃,真係好好味道!試得過~…查看更多

我地7點鐘開始等位,等左5至6對人之後,已經大約係7點9了,時間剛剛好~又係肚餓時間我地叫左~吉列豬扒同豬柳:好軟身,好鬆化,好好味~薯塊:好細塊,不過不失豬骨麵豉湯:本人覺得好咸生菜絲:可以混芝麻海草汁, 柚子醋汁,我覺得這兩個汁無得頂~gooooooood~白飯:我食左2碗半,一句:好飽~埋單要4百2,貴架~…查看更多

同朋友係尖沙咀相約做事,完成之後已經晚上9點,之後就相約去食壽司,嘩!簡直多人到無法形容,餐廳9時11,已經肯放人入去食減價時段,我地4人,不停地落單!落單!落單!落單!落單!落單!落單!好好彩,師父絕不偷懶,快手快腳!三文魚:新鮮!~好味呀~蟹子壽司:好重魚鮮味!掂!天富羅:無得頂~勁好味~蟹子沙律:味道好清,好清~我一定會再去食過~…查看更多

食物簡直十級恐怖~魚:很像食橡皮,又冇味,又硬菠菜:出面果幾塊明顯未擇過,又黑又黃牛拍業:完全未剪開,成半隻手板大一塊肥牛:冰冰牛就真,冇味,唔好食~…查看更多

我同男朋友食過燸米雞,乾蒸牛肉,大包,糯米包,咸魚肉片飯呀~糯米雞:蒸得未夠耐呀,所以D飯未夠淋同埋有D生米,乾蒸牛肉:可以接受,大包:少料,但個包好軟熟,好夠熱,糯米包:強烈推介~好多料,好夠熱,好夠味,咸魚肉片飯:可以接受,順便一提,普洱茶好濃,水好夠熱!…查看更多

其實上個星期已經行過朗豪,見到佢個Fully monty 好似好正咁,所以我男朋友尋日生日,立即要去食下,嘩~勁大件呀,我估佢個批底起碼有1cm厚,芝士就簡直唔洗講,起碼高8cm.成件芝士cake好重身,好厚,好濃味,好掂.我地兩個人好傻,唸住一人一件big berry & Fully monty,最後結果係兩個人一件Fully monty,都食唔曬~水準一流,冇得頂.Main St. Cafe - 加油呀,保持水準呀~順便一提,朗豪做國慶,全單有85折,Fully monty = original price $42,big berry = original $28所以我地尋日只係60蚊左右,已經有兩件,好抵,強烈推介~…查看更多

次次同男朋友去親中環時,大多數都食佢叉雞飯同叉燒燒肉飯,嘩!掂呀,好好味呀,特別係佢d叉燒,半肥瘦,加上d汁,簡直好味到唔識點形容,總之好味啦!…查看更多

因為男朋友想同我搵好野食,特別去左一間勁老字號的酒樓.嘩,一入到去,已經有伙記大聲講:小姐,幾位呀?埋邊坐,飲咩茶?感覺好新鮮伙記放低左張點心紙之後,我地就自己行出門口位置攞野食,我地攞左燒賣,叉燒飽,粉果,糥米包等.......嘩,樣樣都勁熱,勁熱,真係好好味.特別係~燒賣,竟然一粒燒賣有兩隻蝦架.西利!西利!仲有呀,佢d茶係勁熱果隻,小心熱呀~…查看更多

明日就係我生日,我同男朋友去左pizza express 食左chocolate fudge cake同埋焗蘑茹。嘩，個朱古力旦糕好好味呀，佢出面有好濃好滑的朱古力醬，好香好滑，而且佢個餅底比其他旦糕實，所以好有口味，加上唔係好甜，感覺好好～另，焗蘑茹都焗得幾多有水準，唔會太過濃同乾，總之，今餐味道好好，我地都好滿足啦！…查看更多

有一次同同事行過,唔知食咩午飯好,咁就亂入一間食啦!間舖冇人的?心知不妙~算啦,試佢一次啦~我地叫左台式燥肉飯,唉......燥肉是凍的....飯是過夜飯,凍上加凍.....算吧啦,一次算啦......…查看更多

佢個早市,特別推出左一張紙仔係細點類,其中有一個我一定次次點:壽包~佢一籠三個,嘩,勁熱勁熱呀,一睇就知佢係即叫即蒸,包內d連容勁香勁軟呀,總之就係好正啦~大致上,我覺得這間 稻香點心做得幾好,唔錯...唔錯...…查看更多

市道唔好,出去食午飯都要格下價先好叫.最近,我發現左海皇粥店南瓜粟米肉碎粥幾掂喎.佢落左南瓜,粟米粒同肉碎落去煲,又幾好味喎,最緊要佢煲得都好軟好香,正!你估下佢賣幾錢?$14喳,講你都唔信.現家佢仲有個優惠係,$8.5三個迷你油器,海皇粥店,我地支持你!…查看更多

一句到尾:掂!點掂法:雖然佢係一間唔係咁顯眼的地段,但一入到去,好多感覺都好古色古香,我男朋友叫左蓮子桑寄生茶,哈哈,好特別架,有一隻銀碟係隻碗下面,感覺一流.蓮子桑寄生茶好熱好熱,佢d蓮子煲到好淋好軟,總之正啦!而我就叫左熱紅綠豆沙,嘩,都好熱架,佢d紅綠豆已經開曬花,好味道呀.唔怪得佢咁多客仔啦!一間老字號糖水舖.…查看更多

阿爸生日,買叉燒同燒肉加料啦~嗶,真係估佢唔到,6:45,已經人山人海,我叫左肥叉,正呀,廿蚊,肉汁多,又熱,又唔硬,燒肉,96蚊一斤,正呀,皮好脆,肉好軟架,總之包你話好啦~你一過7點就冇買架啦…查看更多

我男朋友簡左好耐,先簡左lee 間餐廳一早book位食情人節餐,哈哈,當然冇簡錯啦!我地叫左5樣野:1)Poutine $56 我覺得咸左d同濕左d,但可以嘗試,新口味薯條2)Clam Chowder Soup $38味道好濃,好多料,有薯仔,有海鮮,好大碗,一碗兩份,絕對可以,3)Caesar $48菜好新鮮,好青綠,好好味4)Spaghetti Puttanesca $78有少少辣,唔係好大碟,都幾好味,(其實叫4樣已經好飽)5)Fadio Pizza $138絕對係勁大個,8塊,整整齊齊,個底好薄,料好多,大家要叫黎試,我地兩個絕對係食唔曬啦,打包左返屋企,有三條化骨龍幫手清,一返到去已解體.加埋一,收$394. *佢間餐廳做緊promotion,有15蚊coupon送...或者下次再食過啦~…查看更多