mk.manki的個人專頁

/ 朋友們佢地知道我鐘意富士山🗻，所以就突登揀左個「富士山下」既蛋糕🎂俾我⋯📍富士山下🗻 (6吋 hkd$388)💬就咁睇個蛋糕🎂真係好靚，搞到即刻好想飛去日本🇯🇵，睇真正既富士山🥺⋯蛋糕外層係白朱古力，而底下舖滿綠色扮草地既就係抹茶碎！💬切開左之後，有小量士多啤梨流心，(不過真係太小量，所以影唔到📸)而入面既蛋糕係抹茶牛油同埋抹茶朱古力，味道都還好，不過整體黎講，我地覺得都係好睇麻麻地好食既「蛋糕🎂」🙈…查看更多

/ 每次經過觀塘APM既一田超市，都會好想食勝手丼🍱，而今次都唔例外⋯(每次放工諗唔到食咩而又好想食刺身，就會好自然去買勝手丼黎食，因為覺得好新鮮又好好食🤤)📍自選丼飯🍱💬我揀左牛油蒜蓉燒帶子、明太子醬燒玉子、北寄貝、蒜味螺肉、飛魚子、中華海草，本身想叫埋海膽，但無哂貨😭😭😭，總結，刺身好新鮮，都幾好食😋，不過性價比就唔太高，因為d飯真係好小，食幾啖就無左🥺⋯如果下次有埋海膽就更好！…查看更多

/ 行街經過見到Chateraise，一直都覺得呢間舖頭既蛋糕同埋瑞士卷好好食，而突然間好想試下丸子🍡⋯結果⋯點知原來自己發雞盲😭，以為係唔甜，但其實人地已經寫住「香甜」⋯📍香甜丸子🍡 ($18)💬入面有四小串，每串有兩粒丸子，而另外有個醬汁俾你點黎食，雖然都有日本既風味，不過就唔太岩我心水😭，丸子d粉唔彈，好鬆，味道一般般！所以下次都係食返蛋糕/瑞士卷穩陣d⋯…查看更多

/ 睇到Ig同埋fb上面都有好多呢間cafe既蹤影，然後心思思想同朋友去試下，去打下卡📸️⋯我地諗住早小小11點去到，點知都已經人山人海，結果排左成個鐘先入到去，本身想坐outdoor chill下，但店員話要再等，我地又勁肚餓，所以都係無再等，照坐左入室內！📍士多啤梨三文治🍓 ($68)💬賣相就好吸引，好有韓feel，不過味道就真係好一般🥺📍明太子意粉🍝 ($158)💬份量比較小，味道就還好，明太子汁都幾creamy飲品我地就揀左涷既芝麻椰子奶 ($68)，同埋熱既抹茶鮮奶($48)，飲品方面就兩杯既味道都好好飲，而芝麻椰子奶比較出色！整體上，如果想黎打卡既話，呢間cafe係幾適合，因為野食既賣相係唔錯，但d價錢真係偏貴，CP值唔高，味道只係一般，同埋等候入座時間真係好耐🥺…查看更多

/ 同事帶我豪食Omakase🤤⋯呢間餐廳座位唔多，但環境幾舒服！雖然俾好多高樓大廈遮擋，但整體上出面個景都唔錯，另一個角度，仲會有維港景睇🏙一坐低，店員就放低左部Ipad，俾我地睇一睇個餐牌，同事最後order左(櫻)呢一個set，見到個價錢我都有小小嚇親🙈，不過食完之後，真係覺得好好食😭😋📍前菜(好細既粒貝bb、黃金花枝、溫室蕃茄啫喱)💬粒貝加左醬油落去，特別鮮甜，黃金花枝都好正，個溫室蕃茄啫喱就最驚喜，咬落去會爆d汁出黎，好特別！📍刺身 (8款)💬已經唔太記得係咩刺身😭，但最正係九洲生蠔🦪同埋赤蝦刺身，真係無得輸，好好味啊😍，生蠔入口即融，又爽又多汁，so crazy！📍壽司🍣 (6款)💬最吸引到我既係北海道馬糞海膽壽司，同埋吞拿魚腦天壽司，連埋紫菜食，真係高級既享受😋！📍和食 (2款)💬係蟹肉啊救命！真係超好食😋！已經無其他形容詞形容到啦😭⋯再黎就係稻庭烏冬🍜，牛肉稻庭烏冬，不得了，個烏冬索哂d牛肉湯既味，好正🤤！📍水果 (夕張橙肉蜜瓜)💬個蜜瓜好多汁又好甜，係一個好完美既總結⋯食完呢個Omakase(櫻)，真係返唔到轉頭😭，已經好想再Encore啦！真係超級無敵正😍🤤另外一提係店員服務態度超級好，好nice，值得一讚👍🏻！…查看更多

/ 又再次Encore⋯(自Tea roll、蝴蝶酥之後，又到拿破崙蛋糕啦😍)帝苑餅店既糕點真係從來都唔會令人失望！今次到爸爸👨🏻生日，而佢又勁鐘意食芒果，所以就訂左個一磅既芒果拿破崙蛋糕俾佢🥳📍芒果拿破崙蛋糕 (一磅) $420💬帝苑餅店最signature既蛋糕，差唔多成個櫥窗都見到係呢一款蛋糕，千層酥皮夾雜著芒果同埋吉士忌廉，真係好正🥰，原本我地仲驚一磅會唔會食唔哂，結果我地六個人食，岩岩好，個個都食得好滋味😋！…查看更多

/ 同事特意去左Tea WG買farewell禮物俾我地🥺，係茶味既馬卡龍，真係好驚喜🙈黃色既包裝仲要好吸睛，好靚！📍Tea WG Macarons (馬卡龍) $20一件同事揀左六款口味：(由左邊開始)第十二號茶佐以提拉米蘇、檸檬木紅茶、玫瑰芬香茶、抹茶、拿破崙探險茶佐以焦糖、伯爵富貴茶佐以巧克力💬真係靚到都唔捨得食😭⋯本身我對馬卡龍真係無太特別既感覺，因為記得細個既時候食過係好甜，點知，呢個茶味既馬卡龍好正🙈我揀左抹茶同埋伯爵富貴茶佐以巧克力，兩隻都好好味，好香茶味，唔係死甜果一種，食完之後令我對馬卡龍有返好感，哈哈😆令我會想再Encore🙆🏻‍♀️！…查看更多

/ 聖誕節無個蛋糕食好似爭左小小野咁，所以就周圍去搵下d麵包舖睇下有無蛋糕岩⋯行行下見到A1 Bakery仲有好多蛋糕喺櫥窗，Size唔太大，岩哂我地四個人食，都幾好！登登登登，最後揀左香芒戀人呢一個🥳📍香芒戀人蛋糕 $148 (12cm)💬本身我地仲糾結緊要芒果定係士多啤梨朱古力好，最後屋企人話想食芒果多d，所以就揀左呢個🙆🏻‍♀️⋯呢個香芒戀人唔會俾人好甜好heavy既感覺，佢底下係海綿蛋糕，然後面頭係芒果同埋慕絲，個感覺好match，好好味😋！不過其實男朋友話有d搵笨🙈，因為佢話呢款蛋糕應該平時都有，只係放左個Christmas既牌仔落去，就當左係聖誕節蛋糕，哈哈😆！無辦法啦！因為突然想聖誕節有個小小既儀式感，周圍又無哂細細地既聖誕節蛋糕，唯有頂住當先！不過好好彩，呢個蛋糕都幾好食🥳…查看更多

/ 「無飯」情侶收工之後又要諗買咩外賣好，行下行下，見到荃灣有間刀削麵好似幾出名，就決定試一試佢🙆🏻‍♀️📍(唔辣)麻醬手撕雞冷撈刀削麵 ($60)💬同男朋友都唔想食湯既刀削麵，所以一齊揀左冷撈，又估佢唔到，都幾出色，幾好食😋，可能本身我地都好鐘意食麻醬既野食，所以覺得好好食，撈刀削麵都幾特別⋯不過食到碗底就有小小「漏」既感覺🙈整體上唔錯，不過就覺得略貴，CP值唔太高，但味道都幾好，店員服務唔錯👍🏻…查看更多

/ 話說好耐無食過IKEA既瑞典肉丸，好想過下口癮，所以就買黎食下🙆🏻‍♀️📍瑞典肉丸配忌廉汁及紅果醬 $10 (5粒)💬小食黎講算幾抵食，都幾好味，不過就覺得d肉丸比起以前細粒左好多🥺另外其實男朋友仲買左個細爆谷($7)食，不過我地掛住食，唔記得左影相⋯爆谷係焦糖味，甜甜地，幾好食😋…查看更多

/ 同男朋友喺新蒲崗食完野，經過見到呢間麵包舖個門面幾特別、幾日系feel，就吸引左我同男朋友入去睇下！之後見到有Bagel (貝果)🥯，我地心思思想買返個黎試下⋯(因為我男朋友成日聽我講Bagel Bagel，但佢從來未食過，唔知食落去個感覺係點，所以最後我地就買左個黎食🤣)我地見到都有幾種口味，有原味、胡椒芝士、藍莓、抹茶等等⋯本身我地糾結緊要選擇胡椒芝士定係藍莓好，因為我地見到藍莓得返一件，我地估應該藍莓好搶手、好好食😆，不過最後⋯身為芝士迷既我地就選擇左胡椒芝士Bagel🧀🥯🥰📍胡椒芝士貝果🥯 ($18)💬我地諗住其實Bagel $18既話都還好既，同出面其他地方買都差唔多價錢，好好彩一食都真係唔錯，入面好多芝士粒粒，胡椒同埋芝士都幾match，個Bagel都好軟熟，幾好食，證明我地無揀錯口味😋！…查看更多

/ 同男朋友一齊放假，一訓醒就想食上海野，想食鍋貼、飲酸辣湯⋯ ⋯所以就決定去君戶鍋貼大王食個早餐👀環境就比較一般，屬於好地道既平民小食店咁，不過我地無考慮太多，因為主要想醫下肚，哈哈😆📍酸辣湯 ($25)💬同男朋友都覺得幾好飲，好開胃食得唔太辣既我都飲得到🤪，而且都好足料！📍生煎鮮肉鍋貼 $17 (5隻)💬配辣椒醬食係真係無得輸，好好食😋，不過就偏油左小小，入面d汁「必」哂出黎⋯📍粢飯 ($18)💬雖然個粢飯都好足料，不過我地就覺得麻麻地，唔係話好出色🙈📍淨韮菜水餃🥟 ($25)💬男朋友覺得個水餃都係正常發揮，不過就好多菜喺個底到🤣📍上海粗炒 ($37)💬都ok，但味道鹹左小小⋯整體上都還好，價錢上黎講都算平同抵食，CP值都高，其實我地都encore過一兩次，主要想食下鍋貼同埋飲下酸辣湯既話，呢間係幾唔錯！…查看更多

/ 舊同事話街市入面有間幾出名又幾好食，之後就一齊入左去食，入到去先知原來係「華香園」⋯好耐之前聽過，但未食過，今次終於有得試試佢！環境同衞生就真係一般般，因為始終喺街市入面，但就好地道，d野食都唔差，都幾好食！💬最後叫左三餸麵，揀左香腸、煎蛋、午餐肉，要出前一丁，另外舊同事話食炸雞翼，所以叫左4隻，都唔錯！📍咖央多士我地覺得個多士最出色、最好食😋⋯不過兩個人食個茶記，都食左接近$200，價錢都偏貴，唔係話太抵食！…查看更多

/ 經過開佐敦，探完舊同事，適逢3月14日白色情人節，咁岩屋企又咁齊人，所以就買左個蛋糕慶祝下，黎個小小既儀式感🙆🏻‍♀️本身我仲糾結緊，睇緊到底買特濃朱古力味定係北海道牛乳好⋯最後都係揀左No.1熱門既北海道牛乳原味蛋糕🥳📍北海道牛乳原味蛋糕🍰 ($100)💬佢其實仲有個cream配埋俾我，但我唔記得左影⋯ 個蛋糕熱食再加涷既cream一齊食落去，真係好正，無得輸🤤！屋企人覺得呢個蛋糕好似古早味蛋糕咁，食落去個感覺一d都唔漏，所以都幾推介，下次可以再encore試下其他味😆另外一提，店員既態度都幾好、好nice，前面有個客人想買撻，咁岩淨返最後一個，而咁岩果個撻係整衰左既，舊cream一pat pat⋯但個店員都好坦白、好老實咁同客人解釋，最後個客人都話唔緊要，照買左🤣…查看更多

/ 同同事喺公司附近周圍覓食，見到呢間日本餐廳新開，仲要堂食有7折優惠，好飲好抵咁，就同同事去左試🙆🏻‍♀️！💬餐廳環境都幾有日本feel🇯🇵，幾舒服，旁邊仲有卡位(需要你除鞋先至可以入去坐)⋯📍自選三色魚生丼💬揀左北海道海膽、鱈場蟹蟹膏同埋吞拿魚刺身，好好食😋，蟹膏同埋海膽都好正，用黎撈飯食，真係一流🤩🤩🤩！仲有個麵豉湯配，好吸引既lunch🥰我地仲叫左d串燒食，有牛舌、雞軟骨、雞皮同埋魚等等⋯呢幾款都好好食，特別出色既係雞皮串燒，雖然好邪惡，好肥，但真係好吸引，佢燒到d雞皮脆卜卜，又唔會話韌，諗起都流口水🥺🤤🤤🤤！整體黎講，呢間餐廳好掂，雖然堂食有七折優惠，但對於食lunch，其實計返都唔算話好抵，但真係食物質素唔錯，好好食！員工服務態度都好好👍🏻…查看更多