dalish的個人專頁

等你回歸好耐啦，由深水埗搬入旺角，間鋪闊落咗，可以慢慢嘆😳一睇餐牌，選擇困難又嚟，最終揀咗 #全日早餐 😛 店員一送上枱，我係勁開心，俾我想像多，同埋好！好！味！慢煮雞胸烤蔬菜🥬 雞胸一啲都唔嚡，仲要有烤邊，煮得勁有心思，配菜亦都特別多，新鮮好味千層薯仔🥔 呢個勁有驚喜，滿滿嘅薯味又香口，好好食😍沙律菜🥗 正常水準飯團🍙 有兩個小飯團，係我第一次食全日早餐 #alldaybreakfast 見到，你以為會好飽，但係又唔會，同埋睇得出係自己整，我都幾鍾意❤️楓糖酸種麵包🥯 酸種麵包配食烤菜好好食整體係令到你食得津津有味，每一味都係有佢嘅特色，絕對係有誠意，又健康，有別於平時食煙肉、茄汁焗豆之類，呢個我都推介大家試吓，我真係食晒㗎😎我叫咗杯 #flatwhite，豆唔係佢哋自己烘焙，係嚟自 @oakscoffeeco ，滑身而且超級fruity😳有自閉位，亦有同三五知己傾偈嘅座位，好體貼🥹一直係忙碌同疲倦之間周旋，但不忘要俾啲 #metime 自己，同自己好好相處，然後再出發🫶🏼…查看更多

多謝港島食神介紹，喺銅鑼灣呢個小小角落，隱藏咗大大驚喜🫣蕃茄布拉塔沙律🥗撈出嚟非常開胃，橙紅蕃茄兩溝配搭下味道更豐富，再加埋周邊烘多士去配合，食到停唔到口🤣黑糖麵包配自製雞肝🥖無緣食到佢哋自家製麵包，但係食到自製雞肝，超出色，呢籃麵包必點青口鍋我人生追求嘅青口鍋最基本係夠熱，呢度唔止熱，個汁超出色（我認我字窮），青口份量多不得止，個汁係超級好飲到我哋係好似飲湯咁飲（所以先會有點埋麵包🥯）烤魷魚🦑我本身麻麻地魷魚，但係呢款鐵板上烤魷魚超出色，熟度時間掌握得剛剛好，佢係整到魷魚爽彈，自調汁酸酸甜甜亦好開胃🫢24oz US ribeyes 🥩又係鐵板上，係正宗medium，塊牛軟身，入口即溶無得輸，配埋佢自製醬係好獨有嘅美食享受😋Steak fries 🍟 叫扒送埋，真係好大份，好開心，鍾意食薯條一定好滿足😁Souffle Pancake即叫即整，好厚身但超鬆軟。朋友生日，好多謝寫咗生日快樂係碟上，配沾三款醬，大大大滿足😌叫咗蘋果酒同抹茶椰子水，幾特別整體真心驚喜不斷，每一道菜上個陣我哋一食就靜靜地食，呢度大部分都係一人主廚處理，時間上要等一等絕對值得等。有咩想食，早啲打電話同佢哋落定，就唔會錯過😝…查看更多

聽咗好多年呢間茶樓，終於我有機會嚟 #理大 飲茶🤣 我哋埋位時間比師生早少少，店員安排我哋坐到偏廳🤨 點心就係隨意點，想食就點（四個人好似多咗少少😜）蜜汁叉燒包：一籠有三個，包實淨，餡還可以馬拉糕：好味，正常水準黑蒜蒸排骨：好惹味，蒸嘅時間啱啱好，個底唔會好多汁韮黃鮮蝦腸：皮薄餡夠，蝦大大粒，爽彈😍上湯杞子娃娃菜：呢道抵食，娃娃菜都幾多，湯頭清甜😋黃橋燒餅：估唔到呢度有得食，幾層外皮保持到脆口，餡料幾足，如果鍾意食台灣Q餅，不妨可以嗌嚟食😉脆皮燒腩仔：估唔到好食，係咁追食😛椒鹽魷魚鬚：食出係即整無翻炸，薄粉魷魚份量都唔少XO醬炒腸粉：夠哂火喉，唔會過辣，腸粉有先煎香再炒👍🏻鴛鴦釀燒賣：大大舊，螺片花菰，我個人認為可以唔使叫記得爸爸在世，身體仲行得食得，每個禮拜日佢都會同佢幾位朋友去呢間茶樓飲茶（當時唔需要登記做訪客），有時食嘢係為咗聚埋一齊吹下水，人生能有傾得到計嘅朋友，開心笑下就好，希望我老咗都係咁🤭 …查看更多

冇乜幾可嚟呢頭，去啟德體育園 就搵好嘢食😜呢間食啲特色嘅東南亞菜，嚟到先知可以喺 GULU app撳定飛🫡如果大家離開呢邊睇演唱會，預計定時間就可以撳定飛🤩我哋三個人就叫咗一個二人套餐，再加小食同甜品都好飽🤭首先係二人套餐B越式大蝦柚子沙律：正常水準，大蝦算係鮮爽雞肉串燒：燒得啱啱好，雞肉唔鞋咖喱牛腩煲配蒜蓉法包：咖喱味夠，牛腩亦都好腍，識食梗係要用法包點咖喱食啦，好味😍馬拉盞炒通菜：中間食一住菜係最好，炒得啱啱好👍🏻芒果糯米飯：好耐冇食過芒果糯米飯，平時出邊嗌一碟都唔平，呢度個餐有埋就覺得零舍抵🫢另外加嘅有香葉蟹肉辣肉脆脆球：呢個見到餐牌嘅時候就覺得好特別，於是就點嚟試吓，咁樣用個脆球夾住啲肉嚟食，都幾好食，口感都幾豐富越式炸春卷：唔算貴，餡都幾足，配埋新鮮嘅生菜食🤭咖也班蘭多士：咖也唔算多，難得食一次，都幾滋味個餐仲包兩杯嘢飲，我哋叫咗唔使加錢而價錢最貴🤭斑蘭芒芒特飲：斑斕味都幾夠，配埋芒果冇得輸🤩朱古力牛油果沙冰：以為沙冰會易稀，又唔會話都幾好食，呢兩樣嘢加埋原來都唔會話好奇怪😆我諗係呢頭搵嘢食，呢間算係幾抵食，環境都幾闊落，而且都幾乾淨，服務都OK，值得推介一下😎…查看更多

好耐冇嚟新蒲崗，一嚟到就要試吓近期勁熱門嘅有團火叉燒事務所😋古法蜜煉腩叉飯，確實係夠肥美，唔係個種入口即溶，但肉質絕對可以留喺口腔裏面嘆耐啲😏 脢腩雙拼叉燒飯，絕對滿足咗我兩樣都想食嘅慾望。一上枱超香燶邊味，眼球望到嘅係自然令身，蜜汁搽得好均勻，肉質好好食，完全唔會韌🤩 小食有海蜇脆爽三拼，三款質感完全唔一樣，不過都係咁開胃😬舖頭唔算話好大，我哋晚飯好早就已經去食，所以未算係好多人。不過到我哋坐到差唔多七點幾就開始滿足啦，想堂食嘅話，可能就要早啲嚟啦💪🏻…查看更多

如果你曾經去過灣仔食過，你一定知道呢間薔紅有幾出色。較早前喺奧海城開分店，即刻買嚟睇下掂唔掂先😬必食一定係金牌脆皮燒雞，半隻俾你但係都已經好多😍雞嫩滑唔再講，啖啖肉好好食，皮都真係脆👏🏻 本身叫套餐會有埋羅宋湯，唔會係罐頭嘢，材料都比足你。同大大份嘅厚薯條，佢嘅薯條炸得好好食☺️ 我自己就鍾意加錢轉做維他奶紅豆冰，好滿足🤩 薔紅特色叉燒蛋飯第一次食，叉燒肥瘦適中還可，配滑蛋都可以，最欣賞係佢會有埋菜譜俾你，食落去就豐富好多啦😆 無論咩時間去現場都要好多人食，大家有機會就試吓啦😝…查看更多

嚟到灣仔突然間好想食啲香口嘅嘢，搵到呢一間山上面一間開業超過65年嘅茶餐廳😬招牌家鄉炒飯，一上枱我心裏面「嘩」咗一聲，勁大碟，而且非常足料🤩叉燒、蝦仁、炸過嘅魚仔、蔥蛋，飯底一啲都唔鹹，而且非常夠鑊氣，飯粒唔濕，啱啱好😳 第一啖好香口，鮮味十足，跟住就有衝出嚟拍一拍你再急停嘅辣味，一啖裏面有咁多刺激，確實係停唔到口。奶茶亦沖好好飲，少少辣嘅情況底下再飲一啖奶茶，即刻就再食過😋 依家天氣冇咁熱，坐喺出邊應該好舒服，有機會大家都嚟試吓啦😉…查看更多

為咗食可以去到幾盡？我哋就衝咗入去機場食中菜😬 建議想食咩就早啲預訂定，專登入去食好嘢都希望到步人齊就可以順序食啦😎杏汁白肺湯：夠晒火候，足料🥰招牌蜜汁叉燒皇：少少燶邊，肥瘦均勻，正😍粉絲蝦球煲 （多粉絲）：大大隻蝦，粉絲吸晒啲汁，超入味，記得嗌多粉絲😌海鹽燒鮮鮑魚：大大隻鮑魚，一啲都唔韌紅燒牛肋骨：啲肉起埋俾你，炆得勁腍，入口即溶脆皮芝麻雞（半隻)：呢個係必嗌，皮炸得啱啱好，雞都好嫩滑鮮腐竹豆乳浸菜苗（例)：正常水準，真係夠新鮮百鳳朝鳳：呢個係重點，位位手機已經準備好，一到即相機先食🤣 打卡得嚟一啲都唔伏，每款甜品非常到位，有酥皮嘅超酥，一小口係好啱，味道非常之豐富😋 幾乎每一道甜品都係手工藝術，唔淨止打卡，亦都滿足到味覺😳餐廳空間感夠，我哋就坐到足，坐到餐廳就嚟收，每道餸我哋都好嘆🫣 臨走之前就影返張餐廳嘅相俾大家參考😆 裝修嘅感覺就好似喺雲當中食嘢，好自然就會放鬆😝…查看更多

好食嘅餐廳開新鋪梗係要支持啦，恭喜新鋪衝出九龍，嚟到鰂魚涌呢個位置，今次試試佢嘅午餐壓力測試😆裝修依舊係佢哋粉紅色加金色嘅設計，係佢哋獨特嘅餐廳設計👍🏻 未到12:30已經開始有人龍，都算好快就有位😬 蒜香辣蟹肉菠菜扁意粉：少少辣唔會好勁，入口點到即止，蟹肉夠晒香，整體依舊出色😍黑松露醋煙燻鴨胸貓耳朵粉：貓耳朵偏向比較厚身，煮起上嚟要掛汁都要俾啲心機，呢道我都鍾意食，煙燻鴨胸啱啱好，個汁都好好食，好夾😋開心果巴斯克芝士蛋糕：呢度一定一定一定要食佢哋嘅蛋糕，如果我每個星期只得一個甜品quota，呢款係必點😳 開心果第一下好濃郁，本身蛋糕個底都做得好好食，夾埋個cream超好食，每啖好有口感同豐富😙南瓜餐湯同Aamericano 一樣都好好飲，成餐飯好滿足😌一貫保持水準，作為粉絲嘅我表示大讚同支持👏🏻👏🏻👏🏻 港島返工朋友夠時間食不妨同我夾個時間，我可以encore😏…查看更多

一間老字號茶樓搬咗位，搞新意思開通宵。老best返嚟，同佢哋去食下🤭 餐廳裝修同舊舖好唔同，新淨咗，亦都用多咗其他嘅元素。幾人座位之間偏逼，除非你係一大班人，可能會鬆動少少。燒鵝三拼，上到枱比想像中大碟，絕對可以一次過滿足食燒味嘅慾望。叉燒燒得唔錯，唔算話肥。燒腩仔個皮都燒得OK，燒鵝都係正常發揮。喺外國返嚟最懷緬嘅就係菜，一碟普通嘅蒜蓉炒時菜都可以好好食😋叫咗一碟比較特別嘅比佢哋試吓，就係 #蝦籽油皮 。以前年代冇咁多嘢食揀，所以每樣食材都會用到盡。呢種功夫菜係買少見少🫣首先要將柚子去皮，抽出佢嘅內層，然後不停煮先可以去除苦味👍🏻好耐以前朋友介紹過，我第一次食嘅時候以為係硬身，原來係好似蛋糕咁錦，自始見到都會提議點嚟食，我自己覺得呢度個汁濃味咗啲。食飯除咗一齊試伏，增加記憶點，亦都可以update大家嘅近況，亦都可以返返去舊時咩都講嘅樣子，呢啲就係老best。…查看更多

無幾耐之前先去九龍灣分店，知道銅鑼灣利園開咗，即去😗今次可以試手沖咖啡 ☕️ 花香味係幾出色，飲到淡淡桃味 😋最正嘅係自家製撻，我個人好欣賞放撻嘅櫃，用唔同高度嘅木做托，撻都做到裝飾咁，絕對吸到我眼球，我第一眼就睇中 Earl Grey Chocolate Tart🤭 兩隻味道神奇地前後腳出嚟，無邊個搶咗邊個，做得好出色👍🏻👍🏻 飲一啖咖啡，就再衝激過，正🤩 細心望到周圍玻璃面用咗啲科學元素，幾得意🤣成日都想係銅鑼灣搵個地方靜靜地休息下，都會好自然嚟呢邊搵咖啡店坐下，宜家又多一個選擇啦😎 有電掣位，真係可以帶電腦嚟做嘢，靈感大爆發😆…查看更多

一位老闆逆境都擴張業務嘅勵志故事，終於等到可以飛，到我入嚟撐你啦😆 今次我搭凌晨機，機場限定Bun果然無哂🥲 店員推介食手撕豬肉芝士佛卡夏，少少辣，幾香口，豬肉入味🤩 叫咗自家製鴛鴦Protein shake，個底係用double espresso 再加奶茶，勁在計埋俾你幾多卡路里👏🏻 我自己幾鍾意呢個配搭，香口完飲啖shake中和番，個樽個有窩心設計，個蓋有個圈方便你掛起佢，上機或重用♻️都好好用😌 無論天氣幾好幾差，機場所有鋪頭都要如時開工，希望大家係風雨中平安，沖出最好嘅咖啡煮出最好嘅美食，帶俾各旅客不安中一點安慰🫶🏼…查看更多

由喺牛頭角樓上小店識你，做到幾間分店嘅老闆，幾忙都要路過嚟會一會杯啡😬 遲來嘅恭喜，返到嚟觀塘開分店🎊一杯Black magic，一杯floral magic，絕對推介floral magic，加入咗由老闆變出嚟嘅薰衣草糖漿，香味有，味道亦非常驚喜（連唔好咖啡嘅朋友都話好飲，已經幫襯幾次😆）🤭 老闆一直專研咖啡，而且越做越出色，加油💪🏻 有唔同嘅咖啡豆可以揀（睇到老闆好似整自家製麵包🤩唔知係咪真係有呢🤪）…查看更多

好耐無嚟太子，行花墟前，入嚟FSTW攞啲綠植靈感💚無論午飯定下午茶，都好抵食😍仍然喜愛FSTW厚厚嘅Flat white，啡師再次做出厚度奶啡，送上一刻既擔心又期待，好好飲，大愛。佩服🫶🏼幫襯嘅時間正好係下午，陽光透過窗戶射入店內，望著窗邊植物格外舒服，彷彿喺呢個空間亦變得清新起來🍀依家咁熱嘅天氣，望住狗狗勁嘆咁瞓喺地下，你望著我，我望著你😂。 店內 「飛仔」嘅畫風帶有七八十年代漫畫風格，望住狗狗眼神，真係有感覺哦😳…查看更多

話說有排特別有興趣食餃子，聽同事講佢認為最好食嘅餃子，即刻去試試佢😋平時食得多湯餃，呢間見到佢有邪惡金沙餃，點咗雙併嚟食😁每隻餃黃金係面都好平均，一款係麻辣🌶️白菜鮮肉餃，唔會過麻或者過辣，絕對係令到即止；另一款係芝士🧀粟米鮮肉餃，芝士有誠意地放多少少，又唔會搶咗肉味👍🏻聽到隔籬位一位哥哥講，佢平時都好鍾意嚟呢一間食湯餃，個湯底係有料😳 係好好飲，仲不斷帶朋友嚟一齊食，下次我都試下湯餃先，椰子海帶鮮雞排骨濃湯😍…查看更多