leekmkaren21的個人專頁

呢間以綠茶為主的店鋪，開業近10年，一直能保持水準今次試咗栗mont blanc cup，配牛乳雪糕，絕配。牛奶味超出，栗子蓉鋪面，唔太甜，仲要夠冰凍，正！今次仲叫埋件綠茶巴士克蛋糕，好夠綠茶味！…查看更多

第一次去呢間餐廳，上樓的，本來無咩期望，點知呢間越南餐廳都有幾多選擇， 味道唔錯，都可以叫是 “平、靚、正”。另外，侍應招呼都幾好，我本來落錯單，佢哋都肯俾我改番。今次叫咗蟹糕湯檬，檬雞翼同埋慢煮牛肉拼法包。…查看更多

今日嚟食午餐，簡單叫咗個鹽酥雞鹵肉飯同鹽酥雞陽春面。味道唔錯，似足我在台灣食嘅味道，而份量剛剛好。仲叫咗兩杯嘢飲，仙草奶茶同珍珠奶茶。唔太甜，正！呢間下次可以再來。另外，店員好有禮貌。…查看更多

本來諗住呢度chill吓，點知一坐低未夠5分鐘，一個侍應就走嚟問我們喺咪唔識手機落單（嫌我們睇餐牌睇得耐）。我們話識自己落單，佢先至行開。我們落完單，啲嘢食好快就到。我先食完，一放低餐具，個侍應就走嚟收晒啲碟同餐具。同行友人的遭遇都是一樣。之後我們叫咗杯熱水，一倒入另一隻杯待凉，個侍應又走嚟迅速收走咗隻杯。跟住我們連嘢杯凍咖啡都未飲，個侍應竟然俾張單我們，問我們喺咪埋單！嘩！啲嘢食雖然OK，但無服務之餘仲要咁趕客！我們由坐低、落單、食完，只是用咗40分鐘！有無咁趕？！…查看更多

今日行過深水埗，發現呢間隱世新開小店。裝修唔錯，入到去幾舒服，老細非常nice，好似招呼屋企人咁親切。食物質素好，大件夾抵食，味道正。叫咗個全日早餐同煙三文魚waffle。Waffle有蛋味，唔係用蛋水，有口感。呢間可以再去！…查看更多

價錢不合理，啲單亂到不得了，啲嘢食又求其。叫咗兩個下午茶餐，一碗麵同雞翼薯條多士，一罐可樂同一杯涷奶奶茶。等咗勁耐，條奶茶漏單，咁唯有轉可樂，點知要另收8 蚊！啲薯條同雞翼應該喺用萬年油炸，黑色一點點！仲要放在紙袋上面，衞生情況差勁！完全唔知自己食咗咩！…查看更多

叫咗兩個雞脾醬油拉麵同埋一客薯條。味道好好，拉麵湯底濃郁但唔鹹，隻雞脾超級腍，勁入味 （有少許薑味）。特別之處仲有幾片炸腩肉，口感好脆，但略微肥膩。薯條有海苔同少許鹽，夠熱同脆。…查看更多

我們因為Ricky嘅大名見，尋晚去幫親呢間餐廳，叫咗牛油果沙津、脆脆豬扒飯（升級，連兩日兩夜羅宋湯）、新出的肉骨茶豬軟骨寬條面，同埋雪糕芭菲。牛油果沙津用料新鮮，有幾款水果，連紅菜頭等等，幾好味。脆脆豬扒夠脆，不過個飯就極之普通，同一般茶記的汁醬飯無分別！至於個肉骨茶，胡椒味極重，除咗辣，我食唔出有咩味。個豬軟骨一啲都唔軟，硬到可以練牙力！ 嗰個芭菲，大家唔叫也罷！四條百力兹插在雪糕上面，好似拜神咁！雪糕球嘅味，有椰子、綠茶同朱古力三款。不過味道仲衰過“牛記雪糕”！入面有幾粒生果，不過送頭髮一條！好嘔心。總之，無下次。…查看更多

呢度好舒服，服務不錯，又唔會趕人走！我們叫咗份Egg Benedict Premium Burger 同 Smoked Salmon and Avocado Eggs Benedict。嘩，個漢堡飽好大個，裡面的牛肉很juicy，一點都唔乾。而個蛋好正，食完没有滯的感覺，蛋醬同牛油果好夾。我們仲配埋綠茶咖啡，可以再去！…查看更多

誤打誤撞嚟咗呢間嘢食午餐，好有驚喜！ 老闆仲話星期六有甜品送㖭！份量剛剛好，性價比冇得輸😋個燒雞真係好好味， 啲餐可以揀配脆薯皇、飯或者意粉， 仲有餐湯同蒜蓉包。個餐湯仲要送一隻青口！ 個沙律係兒時食開嗰隻，好味！…查看更多

食物味道尚可，無乜味精味，食完唔太口渴。我們三個人叫咗蒜香雞，水果sangria, 蕃茄芝士pizza同韓式年糕。蒜香雞幾滑，但汁未能滲入雞肉，所以雞肉無乜味。年糕的汁太多同太稠。個pizza每片只有半個車厘茄加一小條rocket leaf，不過個餅底好厚。我們坐咗1個鐘10分鐘，跟住個侍應見我們食完嘢，竟然攞張單叫我們走。我們有訂位，但是入座時帶位無講可以坐幾耐，不過通常都可以坐1.5小時。到我們被逼走時先至坐咗1小時10分鐘，但是個侍應竟然話我們可以坐1.5小時，不過照叫我們走！咁樣迫人走太過份！…查看更多

呢度的人蔘雞湯真是好味，仲要好抵食！個紫菜卷都好好味，前菜有三款，好味。呢度服務員態度好，唔會趕你走。辛辣面仲加送雜菜同蛋，一點也不馬虎。雖然位置屬街尾，人流較少，但是好值得行多幾步去試！…查看更多