foodsecretaryhk's Profile

十一假期同朋友去尖沙咀行街，記得厚福街藍馬有幾間Cafe同埋餐廳，就揀咗鮨一試吓。「梅」、「蘭」刺身杯 $158 each今次試咗「梅」同埋「蘭」兩款刺身杯，感覺都好澎湃！梅以蝦同蟹做主題，蟹肉、蟹鉗、赤蝦上面加上魚子醬同蟹籽做點綴，蘭就用吞拿魚蓉撈埋蝦肉、三文魚籽做底，上面加上白身魚，仲有加咗金箔嘅海膽！成件事真係好奢侈🤣🤣🤣我最欣賞係佢個醋飯，唔係一般普通壽司白飯，而係已經加咗醬油嘅醋飯，個味道調校得幾好。白子刺身 $148日本鮟鱇魚肝 $84人生第一次食白子刺身同鮟鱇魚肝，本身都驚會好腥，但係食落覺得幾清爽彈牙，完全冇想像中以為會好滑潺潺嘅感覺，我諗我下次都會再試～鹽燒雞中翼（四隻） $52辣酒煮廣島蠔 $88食咗咁多刺身，同朋友都叫咗啲熟食暖一暖個胃，鹽燒雞翼燒得比較乾身脆口，幾啱我口味，辣酒煮廣島蠔比我想像中辣少少，個甜味同辣係平衡到，個蠔都幾大隻，索咗啲湯汁好入味，最欣賞係佢個蘿蔔真係炆得好腍🍲🍲🍲…Read More

呢間係玩法都幾癲嘅邊爐🤣兩個半鐘頭任食，有齊燉湯、活海鮮、雞煲、刺身，仲要每一樣都做得幾好。嗰日book咗夜晚9:00 ，因為佢哋九點後入座有全單八五折，但都要等一陣先入到去，因為真係全場爆滿🤯一坐低就有得飲燉湯，第一啖已經覺得好驚艷，應該真係落足料熬咗好耐。之後店員問我哋揀咩雞煲，因為我唔係太食得辣，所以就揀咗花膠雞煲（另外仲可以揀韓式芝士雞煲、麻辣雞煲、酸辣雞煲）。花膠數量唔多，但係勝在大大塊，又有啲咬口。店員同我哋講話只要like其中一個Social Media嘅專頁，就可以免費有刺身盤，刺身盤都幾有誠意～壓軸出場就係主角超霸氣嘅海鮮拼盤！果然有成個海鮮魚缸嘅舖頭係唔同啲，啲鮑魚識郁，最鍾意食佢個蟶子王，超級無敵大隻，口感非常之軟嫩。如果個海鮮盤都滿足唔到你，仲可以無限encore 加單，所以如果你係海鮮控嘅話，呢間應該好滿足到你😚😚😚除咗海鮮之外，佢仲有另外50幾款配料，呢間鋪細心嘅位係你可以半份或者一份叫，唔使逐件逐件咁數，會比較容易控制自己個份量😙😙除咗海鮮之外，我嘅最愛就係將安格斯牛肉同埋牛胸爽一齊食，呢個配搭真係去到邊度都會係我心目中嘅冠軍🤣🤣🤣…Read More

上星期終於試到人氣嘅台式烤肉店—安平燒肉！安平燒肉作為牛大人嘅姊妹店，口碑一直唔錯，坐埋位就發現有超級多選擇，海鮮、豬、牛、雞樣樣有齊，再加埋唔同嘅小食，可以揀嘅食品數目超過100款，真係睇到人眼花撩亂🤣🤣🤣澳洲M5和牛吃到飽（19:30前離座） $378 // 肉類 //安格斯牛小排嚴選裙邊牛柳澳洲M5和牛肩胛肉🥇山椒牛柳丁🥈嚴選牛仔骨SRF極黑一口牛美國SRF極黑牛三角牛肩肉鹽選牛舌鹽蒜麻油雞腿肉黑椒洋蔥牛舌牛舌芯（每人兩件）🥉其實我哋肉類每款都係揀咗x1 已經擺到成枱都係🤯🤯🤯幾欣賞佢哋即使將唔同嘅肉類放埋喺同一盤，都會有紙牌寫明邊款打邊款，所以你食落口嘅時候就唔會有唔知自己食緊乜嘢肉嘅感覺😌😌😌佢哋嘅牛肉項目的確係最強嘅❗️套餐主打嘅M5和牛冇令我哋失望，牛肉軟滑得黎又充滿油香，理所當然成為咗我哋心目中嘅No.1🥰🥰🥰第二名係成功跑出嘅山椒牛柳丁，呢個淨係睇名冇諗過會咁好食🤣🤣🤣個醃料幫佢加咗唔少分， 食落口非常惹味🤤🤤🤤去到後期真係不停重點嗌呢一個🤪🤪🤪第三名係隨餐贈送嘅牛舌芯（所以每人只有兩條），口感確實係彈牙過普通嘅薄切牛舌好多😚😚😚除咗牛嘅選項之外，我哋都有叫一輪雞嘅主場🍗🍗🍗佢哋嘅雞翼係拆骨嘅單骨雞翼，所以食落好方便，雞肉嘅調味係好地道嘅台式風味，就算係原味嘅雞肉都好嫩滑多汁，所以都幾推介大家主攻牛肉嘅同時都可以叫下佢哋嘅雞肉黎試下！// 海鮮 //鹽蒜燒生蠔燒帆立貝 🥇爽彈虎蝦 🥈屏東燒魚腹 🥉安平私房烤青口絲瓜煮蜆除咗肉類之外，海鮮都係佢哋嘅強項，尤其燒帆立貝同虎蝦嘅質素絕對媲美單點嘅燒烤店🦐🦐🦐仲有生蠔可以任叫🦪🦪🦪帆立貝上面加咗少少牛油，所以食嘅時候帆立貝嘅汁同牛油好似慢慢炆緊個帆立貝咁，令到佢超入味😋😋😋同埋帆立貝熟左之後嘅size同未燒之前差唔多大，食落口仲係啖啖肉、鮮甜又彈牙，真係好好食！// 沙瓦 //薑母茶沙瓦 $30檸檬沙瓦 $30我哋另外都有叫佢哋嘅薑母茶沙瓦同埋檸檬沙瓦，不過可能因為我哋唔係太習慣薑母茶嘅味道🙈🙈🙈所以就鍾意檸檬沙瓦多啲，比較清新解渴，大家嚟燒肉嘅時候都可以叫黎解下膩！味道：👩🏻‍💻8/10性價比：👩🏻‍💻8/10環境：👩🏻‍💻7/10…Read More

前排突然好想食蟹腳🦀🦀🦀所以就搵吓有邊間酒店有蟹腳食，咁啱見到尖沙咀百樂酒店嘅Park Cafe推出咗「和牛龍蝦海鮮」主題自助晩餐，價錢又幾抵，所以就搵咗個星期六去食～//「和」豐「龍」味 和牛龍蝦海鮮自助晚餐 （6:30-9:30pm) //星期一至四成人 HK$568 小童 HK $398星期五至日、公眾假期及其前夕成人HK$598 小童HK$408// 海鮮 // 黎食自助餐海鮮一定係主要戰場🦐🐟🦞🦑佢哋嘅凍海鮮有四款，有青口、蝦、蜆同埋蟹腳，四款入邊我哋最鍾意係蟹腳（畢竟就係因為蟹腳所以想食自助餐😛😛😛）佢哋嘅蟹腳海水味比較重，但係幾有彈性～除咗凍海鮮之外，佢哋都有好多以龍蝦為主題嘅食物款式，每人會有一隻鵝肝醬芝士焗波士頓龍蝦，個醬汁幾濃味🦞🦞🦞另外亦有酥皮龍蝦湯、牛肝菌牛柳粒龍蝦炒飯同埋泰式辣醬爆炒龍蝦，幾多選擇🍛🍛🍛// 熱葷 //佢哋嘅熱葷選擇都唔少，咁多款入邊最鍾意佢哋嘅果醋骨，個調味啱啱好同埋可能啱啱出爐嘅關係，對佢又加咗印象分🤣🤣🤣佢哋亦都有即場燒嘅鐵板區，有唔同嘅串燒好似雞軟骨、雞翼等等，亦都有即燒嘅羊架同埋牛柳粒～咁多樣覺得牛柳粒最好食😋😋😋食食吓自助餐突然見到有好多人排隊先發現原來佢哋都有做定時推出嘅北京填鴨，幾有驚喜！// 壽司刺身 //佢哋嘅刺身有四款，我就試咗佢哋嘅三文魚、油甘魚同埋八爪魚，融雪處理唔錯，咁多款三文魚個感覺比較軟滑同埋有鮮味，所以都叫咗幾round🍣🍣🍣另外佢哋都有啲特色壽司，好似和牛火炙壽司，都係做得細細件，食落唔會太飽肚，食刺身嘅時候可以拎埋😗😗😗// 甜品 //佢哋嘅甜品區都花咗幾多心思，除咗有朱古力噴泉之外，隔離都有做幾款熱食嘅甜品，好似即製嘅窩夫、疏乎厘，亦都會有專人幫手舀Movenpick雪糕，亦都有班蘭椰汁凍、泰式奶茶凍、蛋白撻、炸香蕉、法式焦糖燉蛋呢啲甜品可以任拎，咁多款入面最鍾意蛋白撻，外皮熱辣辣又脆口，入面做得幾軟滑🧁🧁🧁佢哋都有現場即做嘅火焰雪山蛋糕，有噱頭同埋都幾好食🔥🔥🔥味道：👩🏻‍💻7/10性價比：👩🏻‍💻7.5/10環境：👩🏻‍💻7.5/10…Read More

佢哋dinner set係4-course，價錢因應主菜有唔同，但係每個set都會包前菜、湯、主菜同埋甜品，另外都會包咖啡或者茶，但我哋今次就揀咗mocktail同cocktail~// Appetiser //1. 鯷魚車厘茄沙律 或2. 蟹沙律酥皮撻前菜可以揀鯷魚車厘茄沙律或者蟹沙律酥皮撻，呢度嘅沙律用嘅係漬鯷魚，味道都幾明顯但因為份量唔太多，撈埋酸甜嘅車厘茄同埋清爽嘅沙律菜感覺偏輕盈，個人就鍾意蟹沙律酥皮撻多啲，咬落有蟹肉拌沙律醬再加脆口嘅酥皮，係相當開胃嘅小菜～🦀🦀🦀// Soup //1. 法式洋蔥湯 或2. 龍蝦湯（須額外加＄18）同樣地湯都有兩款選擇，有法式洋蔥湯同埋龍蝦湯，我哋對呢兩道湯都係高度評價❗️❗️❗️🥰🥰🥰法式洋蔥湯超級濃味，店家應該煎香啲洋蔥，之後熬咗好耐先熬到洋蔥咁甘甜嘅味🧅🧅🧅龍蝦湯仲驚艷🦞🦞🦞好耐冇飲過龍蝦味咁純既龍蝦湯😋😋😋// Main Course //1. 燒黃油春雞配羊肚菌黑松露汁 $3282. 熟成 21 日阿根廷西冷配法式賓利士汁 $388我哋主菜叫咗燒春雞同埋西冷～兩款入邊我哋鍾意西冷多啲，個牛扒真係太靚🥹🥹🥹超級粉嫩🥩🥩🥩最上面嗰一層有油脂感，下面嘅肉質又鮮嫩多汁，調味做得啱啱好，都係第一次食牛扒配法式賓利士汁，醬汁比平時配牛扒嘅醬輕身，食到有蛋黃、牛油同埋白酒醋，但係又唔會蓋過牛肉本身嘅味道😚😚😚燒春雞嘅愛皮都焗得好香脆，同埋都幾難得食到西餐入邊醃得咁入味嘅雞肉🍗🍗🍗如果再多汁少少，個分數可能會超越牛扒🤣🤣🤣// Dessert //Hazelnut Cake (廚師精選）今日嘅廚師精選甜品係hazelnut cake🍰🍰🍰擺盤又係好靚😚😚😚香蕉片砌成一條魚尾咁🍌🍌🍌最上一層有啲似芝士蛋糕，口感好綿滑，之後食到好濃郁嘅榛子醬同埋榛子粒，最下層再夾多一層鬆軟嘅蛋糕，成個口感好豐富!// Drinks //1. Flamingo (Cranberry jus, Orange jus, Gingle Ale) $682. Tequila Sunrise (Tequila, Orange jus, Grenadine) $78我哋分別嗌咗一杯Mocktail 同埋Cocktail，用嚟打卡真係一流！（但記得係攪勻之前影相🤣🤣🤣因為本身係七彩漸層嘅顏色攪勻之後隻色就冇咁靚hahaha)兩者入邊鍾意flamingo多啲~呢間餐廳喺觀塘嘅價位算高，但計埋環境同埋食物質素，覺得都係幾抵食嘅西餐！同埋環境真係好大😮😮😮味道：👩🏻‍💻8/10性價比：👩🏻‍💻7.5/10環境：👩🏻‍💻8/10…Read More

呢間以天燈做主題既鐵板燒餐廳近排真係超級紅🎏🎏🎏🎑🎑🎑所以決定黎見識下先👀👀👀 餐廳嘅面積好大，除咗出邊嘅鐵板燒區之外，入面仲有幾間專做鐵板燒嘅VIP房，隔離仲有專做omakase嘅壽司吧🍣🍣🍣一入門口就見到個超級大嘅LED mon，之後等緊嘢食嘅時候比左部iPad我，可以喺上面寫嘢之後就會係LED mon 既天燈度show出黎!!!（Food Sec 當然把握呢個新嘅宣傳渠道（？）見到Food Sec個名係啲天燈上面真係好神奇🤣🤣🤣）大家都可以將自己嘅願望寫喺天燈上面許願！🧞‍♂️🧞‍♂️🧞‍♂️今次就試咗佢哋嘅午市套餐，鐵板燒嚟講都幾抵玩，$380 有9樣item~// 午市套餐（星）一人前 $380 //沙律帆立貝汁煮白鱈魚大蝦美國牛肉薄燒或厚燒或 日本黑豚肉 (可+$200轉A5)櫻花蝦炒飯漬物湯甜品（豆腐雪糕）呢個set嘅驚喜都唔少！帆立貝微微煎香，肉質鮮嫩，仲將滿到瀉嘅魚子醬淋喺上面，超級奢侈🤤🤤🤤大蝦嘅處理手法都係將頭同身分開，將入邊嘅蝦膏挑出黎，比較特別嘅係放左三文魚籽喺上面，更加有鮮味🦐🦐🦐魚類方面佢哋唔係就咁燒，而係用汁煮，食過咁多次鐵板燒都比較少見！食落口會有微微燒過既脆感，同時又食到鮮魚湯🐟🐟🐟呢個set我覺得最抵玩嘅地方係牛肉可以揀厚燒！（平時轉厚燒通常都要加錢🤣🤣🤣）個人就鍾意厚燒多啲，油香比較豐富又啖啖肉😋😋😋但如果你胃口比較細/容易覺得滯，可以揀返薄燒，因為食完咁多嘢之後再食牛肉厚燒都幾容易膩🙈🙈🙈佢哋個櫻花蝦炒飯都幾誇張，上面會放多隻流心太陽蛋🍳🍳🍳太陽蛋少少燶邊（學肥豪話齋太陽蛋嘅精髓就係蛋邊要炸出嚟唔係煎出嚟）好邪惡😈😈😈成餐飯嘅用餐體驗都好開心，師傅會好細心咁問你食唔食某啲配料，店員見我玩個天燈玩到不亦樂乎又會幫手㩒啲天燈出嚟🤣🤣🤣有得食又有得玩，價錢仲要唔太貴，幾推薦大家試試～味道：👩🏻‍💻8/10性價比：👩🏻‍💻8.5/10環境：👩🏻‍💻8.5/10…Read More

上星期日適逢父親節，梗係要慰勞吓爸子啦👨🏻爸子超級鍾意食中菜，所以前排已經Mark實左佐敦一間裝修高雅但係味道又好懷舊、好地道嘅煲仔飯！餐廳位處文匯街，柯士甸站B5出口一出，行5分鐘就會見到～算係文英街/文匯街一帶比較近地鐵站嘅餐廳，所以都幾方便！佢哋主打回憶殺嘅臘味煲仔飯🍲🍲🍲1. 川味臘味煲仔飯 $158個賣相真係幾靚仔，臘鴨、臘肉、臘腸排好晒陣式好治癒🔸🔹🔺🔻之後店家會幫你落豉油將個煲仔飯撈勻（撈嘅時候已經覺得好香😙😙😙）呢個煲仔飯好足料，基本上每一啖飯都有餸（之前食過其他餐廳啲煲仔飯得幾舊餸頭幾啖有餸，之後要乾爭爭食晒剩低啲飯🥲），同埋佢哋嘅臘味做得幾好一啲都唔乾，有少少咬口但唔會話要咬好耐，臘味既油香滲落飯粒真係好好食😋😋😋最後刮埋超脆口既飯焦，真係幾有細個食煲仔飯既感覺👧🏻👧🏻👧🏻2. 川椒麻辣雞煲 $108我哋另外仲叫咗個麻辣雞煲🔥🔥🔥雖然個菜名有「麻辣」兩個字，但係食落我地又唔覺得好辣，醬汁惹味，就算係雞胸位置都做得幾滑～入邊都有好多塊雞，基本上食完個煲仔飯再加埋個雞煲已經好飽😮‍💨🤣🤣3. 姜汁炒芥蘭 $88食咗咁多油膩有咁邪惡嘅嘢，都要叫返阿爸最鍾意食嘅炒芥蘭清清腸胃🥬🥬🥬呢道清炒蔬菜做法簡單，但係啲菜都做到好脆口又唔會太油，好唔錯！😙😙😙味道：👩🏻‍💻7.5/10性價比：👩🏻‍💻7.5/10環境：👩🏻‍💻8/10…Read More

到而家牛大人依然係我最愛嘅台式邊爐放題😚😚😚皆因佢哋嘅服務真係太好😂😂😂每次去唔使出聲店員都會自動自覺過嚟幫手加湯，送菜嘅速度又超級快，我筷子一跌落地下一秒佢哋嘅店員下已經送咗新嘅筷子過嚟🤯🤯🤯呢個服務質素同埋效率暫時真係未有人能夠超越🤣🤣🤣我哋平時嚟食牛大人都係食午市，難得今次過嚟佢哋荃灣分店食晚市就食豪啲，揀左佢哋最貴嘅極上澳洲和牛套餐✨✨// 極上和牛套餐 $298 （19:30前離座）//平時食佢地午市已經覺得幾多野食，但食晚市套餐解鎖晒所有嘅食物item先發現世界原來咁大😂😂😂（可以叫曬牛大人Menu上面所有嘅item原來真係好爽🤣🤣🤣）牛大人紅燒牛骨鍋咁多個湯底入面最鍾意係紅燒牛骨鍋，因為真係好濃，同埋個湯底係越熬越濃嘅，所以唔會食到後期會無味，基本上我每次叫呢個湯底都唔再需要加其他醬汁或者配料～同埋牛大人個鍋真係又大又深，每次都可以放到超級多嘢一次過煲！🥘🥘🥘🏆順德鯪魚球新鮮沙白😋鮮甜海蝦😋蟹籽墨汁漿干貝鮮魚漿黑松露海鮮漿😋我知道牛大人最出名係牛肉，但係唔好意思個全場總冠軍我都係要頒比佢哋嘅順德鯪魚球🫣🫣🫣因為真係好！好！ 食 ！我甚至有少少唔開心點解佢哋堅持一定要一個鯪魚球放一個細碗仔，唔可以一下子俾大嚿啲我🥺🤣🤣🤣（搞到我成日都叫到成疊細碗仔😂😂😂）佢哋個鯪魚球真係我so far食過最彈牙嘅鯪魚球，我諗我下次應該都會因為個鯪魚球特登去食晚市嘅牛大人hahaha 其實除咗鯪魚球之外，佢哋其他嘅海鮮都幾新鮮，尤其沙白擺落個湯會令到個湯好鮮甜～🥇手切封門柳 + 牛胸爽🥈澳洲和牛M5牛肩卷🥉SRF美國黑牛後腿肉安格斯一口牛肉粒安格斯牛小排美國PRIME極級肩里肌😋安格斯特選牛板腱免費澳州和牛牛丸(2粒）😋要介紹大家封門柳加埋牛胸爽一齊嚟食❗️❗️❗️真係會返唔到轉頭，封門柳牛味重口感又紮實，配埋牛胸爽超級爽口嘅口感一口咬落去真係好驚艷🤩🤩🤩佢哋黃牛套餐主打嘅黃牛堅卷同埋黑牛後腿肉都好出色，所以霸占左我心目中嘅第二同埋第三名，和牛肩卷嘅口感比較軟滑、油脂比較多，黑牛後腿肉口感就會紮實一啲，但呢個價錢食到咁多咁靚嘅牛真係冇得輸😌😌😌同埋叫呢個set每人會有兩粒免費嘅澳洲和牛牛丸，個口感咁同我平時最鍾意食嗰隻牛骨濃汁牛丸好相似，都係會爆汁出嚟嘅！味道：👩🏻‍💻8/10性價比：👩🏻‍💻8.5/10環境：👩🏻‍💻7/10…Read More

Friend子生日飯帶左佢黎大概一年前食過嘅神木日本料理🇯🇵🇯🇵🎌🎌🎎🎎之前去食佢哋嘅放題套餐，而家先知原來佢哋改咗做晚市set，但都仲係抵食到好誇張🥵🥵$288 有齊四重奏1️⃣刺身拼盤2️⃣和牛拼盤3️⃣海鮮拼盤4️⃣拉麵/ 烏冬，真係超級多野食🤣🤣（我唸平時去其他餐廳單叫呢個份量應該至少都要$5/600？）// 豪華燒肉套餐 Set B $288 //1. 刺身拼盤 （有頭甘蝦、白身魚、三文魚、帆立貝、北寄貝）呢個拼盤其實單點都好抵，好似40幾蚊就有兩切，當然而家食燒肉套餐送埋梗係開心啲啦😆😆😆食食吓燒肉可以食到新鮮嘅刺身轉換下口味都唔錯，呢到嘅刺身融雪處理得幾好冇雪味，尤其三文魚食落好軟滑🍣🍣🍣覺得呢個刺身拼盤喺燒肉店嚟講算有合格以上嘅分數！2. M7澳洲和牛拼盤（上肩胛、肩胛小排、肩胛里肌、厚切牛舌、美國Prime極上牛板健扒（半塊））之後就嚟到呢個套餐嘅重頭戲—澳洲和牛！🥩🥩🥩啲肉嘅雪花紋理都幾靚，食落口唔係入口即溶嗰一款嘅和牛，口感偏紮實，但油脂香同牛味都係有嘅，加上佢每一款牛至少都有五六塊，份量都幾足！前面食完唔同嘅M7和牛部位同牛舌，最後再嚟食佢塊prime牛扒真係已經覺得好飽🤣🤣🤣3. 海鮮拼盤 （鮑魚、扇貝、甲羅燒、魷魚）其實$288有個和牛set同埋刺身拼盤我已經覺得好抵😂😂😂佢離譜到仲要整多個海鮮拼盤，仲要一啲都唔Hea，有鮑魚、扇貝、魷魚串都算，仲要有平時閒閒哋出去餐廳食都要收百幾蚊一隻嘅甲羅燒！🦀🦀🦀真係太誇張！甲羅燒上面有一隻鵪鶉蛋，放落去撈埋嚟食，真係大癲！🥹🥹🥹4. 拉麵/烏冬上面三個拼盤都滿足唔到你？唔緊要，你仲可以揀多一碗拉麵或者烏冬😛😛😛friend子發明咗種神仙食法就係將甲羅燒上面嘅蟹膏蟹肉撈埋落烏冬度食，令到個烏冬加咗唔少分，大家黎都可以試吓😚😚😚呢間嘅抵食程度真係爆燈，絕對會回頭幫襯！😙😙😙味道：👩🏻‍💻7.5/10 性價比：👩🏻‍💻9/10環境：👩🏻‍💻7.5/10…Read More

呢間蘇山雞飯嘅口碑非常唔錯，之前見過唔少人介紹，所以都恨左食好耐！今次同爸子嚟咗佢哋長沙灣嘅分店～1. 黑白雞飯(海南雞＋醬油雞）(跟油飯、奉送冬瓜雞雜湯）$93之前見人介紹都係話醬油雞做得比較出色，所以對醬油雞嘅期望較高，但係今次可能我哋既海南雞好好彩抽中雞髀部份，覺得佢哋嘅海南雞比醬油雞更加令人驚艷！海南雞做得好嫩滑，肉同皮中間有層啫喱，仲要超級入味🥰🥰🥰佢哋嘅油飯都做得好好，唔會太油太黏，係粒粒分明嘅狀態～隨餐仲送一個冬瓜雞雜湯，佢嘅味道比肉骨茶清一啲，入面都有六七嚿雞雜，幾足料！2. 鮮油咖央多士 $30呢個真係十級邪惡‼️‼️微微烘過既咖央多士夾住成塊超厚嘅鮮奶油🧈🧈🥞🥞🥞 食落口真係滿滿嘅罪惡感🥵🥵🥵但又真係好好食🥹🥹🥹3. 特色小食拼盤(雞翼、泰式魚餅、脆炸鳳尾蝦春卷、豬肉串) $98佢哋嘅特色小食拼盤幾豐富，有全隻雞全翼（分做雞鎚同埋雞翼）、春卷、豬肉串同埋泰式魚餅，咁多款入邊覺得豬肉串最好食🍢🍢🍢燒得好香脆多汁，入面仲有少少軟骨嘅質感，口感唔錯！成個小食拼盤都係即叫即炸，所以上枱嗰時仲係熱辣辣♨️♨️♨️4. 輕怡排骨茶 $48我哋都有叫個輕量版嘅排骨茶，藥材味比較重，入面嘅排骨熬得好入味，肉質柔嫩唔柴口，但個人就鍾意清啲既冬瓜雞雜湯多啲～味道：👩🏻‍💻7.5/10 性價比：👩🏻‍💻8/10環境：👩🏻‍💻6.5 /10…Read More

西貢係香港嘅後花園，自己住將軍澳去西貢尤其方便，所以有空閒時間都好鍾意去西貢碼頭嗰邊行吓市集、行吓海邊、食吓嘢🌊🌊🌅🌅🌅呢日趁着weekday少人啲同friend 子去咗西貢碼頭嘅Turtle By the sea🐢🐢🐢佢嘅位置非常方便，小巴喺西貢碼頭一落車就會見到~餐廳望到180度嘅海景🌊🌊🌊好似去旅行嘅時候會去打卡嘅海邊餐廳～成間餐廳都係以白色同埋淺藍色作主調感覺好舒服🐋🐋🐋餐廳有分indoor 同outdoor座位，因為太熱所以我哋就揀咗室內坐😂😂😂1. 凱撒沙律 $148我哋兩個呢日都唔係好想食carbs諗住sides食得light啲所以叫咗個凱撒沙律，但係一上枱真係有少少嚇親，盤凱撒沙律好大碟🤣🤣🤣上面有芝士、煙肉碎作點綴，平時自己食沙律唔係好鍾意沙律醬，但係佢哋嘅沙律醬味道唔太強，所以食落都幾清新🥗🥗🥗2. 炭燒美國頂級牛扒- 西冷 配香草牛油 $338佢哋嘅炭燒牛扒可以揀西冷或者肉眼（肉眼會比西冷貴$60 ），亦可以揀唔同嘅醬汁，有平時比較常見嘅黑椒汁同埋洋蔥汁，我見可以揀特別少少嘅香草牛油，所以就揀咗配香草牛油，個牛油本身感覺輕盈，令到個牛扒有creamy嘅感覺，做得唔錯，我叫三成熟，但最尾上碟感覺比較似四至五成，所以如果你本身食開七成嘅喺呢度叫五成可能穩陣啲～肉味幾濃嘅🥩🥩🥩3. 香草燒法國春雞配 黑松露牛油 $218我哋另外都有叫一隻香草燒法國春雞配黑松露牛油🍗🍗🍗焗嘅時間同埋溫度控制得好好，切嘅時候可以見到啲肉汁喺皮同肉中間爆出嚟，食落口非常軟滑，啲雞肉滑溜到好似唔使咀嚼咁都幾誇張🤣🤣🤣因為佢嘅做法係將香料塞喺春雞入面，應該冇另外再放太多調味，我覺得幾好，因為佢哋本身已經有配黑松露牛油，再加上春雞入邊已經塞咗香料，調味再好濃烈嘅話反而會好漏～4. 朱古力心太軟 $108最後我哋叫左心太軟做甜品，平時嘅心太軟係配雲呢拿雪糕，呢到特別係配咖啡味雪糕，個咖啡味雪糕好好食，我平時唔係太熱愛咖啡味道嘅人都覺得佢balance得幾好，可能焗爐嘅溫度高咗少少，佢哋嘅心太軟流心唔太明顯，但係味道係唔錯嘅，配埋咖啡味嘅雪糕，都係口感唔錯嘅甜品🍮🍮🍨🍨🍨味道：👩🏻‍💻7.5/10 性價比：👩🏻‍💻7/10環境：👩🏻‍💻8/10…Read More

今日同Friend子嚟咗尖沙咀瑞生酒店入邊嘅云手工火鍋～佢哋嘅裝修走時尚風又帶貴氣，同埋唔知點解全晚都聽到佢地播Disney music做BGM🤣🤣🤣搞到自己有個錯覺喺迪士尼入邊打緊邊爐咁都幾開心👻👻👻1. 火焰沙白蟹鍋 $328嚟到已經聽到隔籬枱嘩嘩聲，原來係店員幫緊佢哋炒緊個火焰鍋👩🏻‍🍳👩🏻‍🍳👩🏻‍🍳咁我哋梗係唔執輸都叫返個啦😛😛😛店員幫你炒之前會問你需唔需要加芫荽同芹菜（除非你真係好討厭，如果唔係一定要加，因為真係會香好多‼️）之後店員就會落少少酒令到個鍋有火焰嘅效果🔥🔥🔥連埋沙白同蟹一齊炒🦀🦀🦀湯底有炒過真係唔同啲！打邊爐之前就咁，真係超香濃🥹🥹🥹打足全晚個湯底依然咁濃😋😋😋2. 招牌牛肉拼盤（本地手切牛，安格斯牛肉，牛舌，牛胸爽，牛心椗，牛柳粒）$388 (中）因為心大心細想試晒佢哋咁多款牛，所以就叫咗佢哋嘅招牌牛肉拼盤🥩🥩🥩佢哋既牛肉味濃同埋口感係偏紮實嗰一款，咁多款入邊個牛柳粒最有驚喜，一咬落去軟稔又爆汁超幸福🥰🥰🥰3. 自家製黑松露蟹肉餃 $68 （半份）4. 香煎鵝肝墨魚丸 $68 （半份）5. 手打鹹蛋黃蝦丸 $52 （半份）我哋另外仲叫咗啲特色嘅丸類同埋餃類，feel到店家幾真材實料，三款入邊最鍾意佢哋自家製嘅黑松露蟹肉餃，入面真係有一絲絲嘅蟹肉同埋黑松露醬嘅比例都幾多😋😋😋自己食咗兩粒，一粒就真係有少少鵝肝嘅口感，另一粒唔太食到鵝肝本身但就有鵝肝油爆出嚟嘅感覺～鹹蛋黃蝦丸入邊都有鹹香味唔錯🥚🥚🥚…Read More

之前食日式火鍋放題都係去一啲集團式經營嘅連鎖店，肉類同其他配料嘅款式都比較standard，同埋通常都係限時兩個鐘頭，食得比較趕😅😅😅今次嚟呢一間熊本火鍋感覺比較似小店經營，feel到店家幾有心做！再加上可以慢慢食足三個鐘，唔使食得咁趕😚😚😚澳洲和牛套餐 （送和風海鮮雞煲一鍋）$298 //海鮮雞煲 //無論係邊一個套餐，店家都會上左一煲海鮮雞煲先，呢度嘅雞煲調味唔辣彈幾惹味，入面仲有原隻鮑魚、鮮蝦等等嘅海鮮🦐🦐🦐食完雞煲，店員就會幫你加湯打邊爐🍲🍲🍲// 肉類 //澳洲和牛牛白肉頂級牛小排牛肩胛佢哋嘅放題套餐，總共分三個價位，$268 會食到頂級牛小排同牛肩胛；$298 會可以食埋澳洲和牛同埋牛白肉；最貴嘅set $388 可以食埋日本A4和牛、牛板腱、封門柳🥩🥩🥩我哋今次就叫咗中價位嘅set，覺得都幾夠食！最鍾意牛白肉同埋澳洲和牛，牛白肉嘅感覺似牛胸爽，涮幾秒已經夠熟，食落索索聲同埋好有油香，澳洲和牛比較嫩滑，而牛小排同牛肩胛嘅牛味就會比較重😋😋😋// 自助區配料 //自助區嘅款式一啲都唔馬虎，除咗有常見嘅丸類之外，亦都有一啲比較特別嘅款式，例如牛舌、陳皮魚蛋、墨魚滑、自家製餃類等等，都幾少有！😚😚😚整體嘅配料質素唔錯，尤其個墨魚滑，我哋都拎咗幾輪！所以唔會出現食肉食到好厭嘅情況，食咗一輪嘅肉類，又可以食唔同嘅配料轉換口味！現凡當月生日，📞WhatsApp提早預訂同埋講明優惠， 4人或以上同行，🍰壽星就可以免費$268皇牌套餐/$298澳洲和牛套餐🆓🆓🥳🥳生日同朋友過嚟食飯都係一個好選擇！味道：👩🏻‍💻7.5/10性價比：👩🏻‍💻8/10環境：👩🏻‍💻6.5/10…Read More

作為將軍澳居民，都幾常會喺筲箕灣或者西灣河一帶出沒（因為感覺比其他港島區地方仲近啲）今日就嚟咗西灣河蘇豪東海旁既The Blind Pig! 🐽🐽🐽餐廳顧名思義係一間英式既「豬」門店，主打西式豬肉料理🐷🐷🐷例如香腸拼盤、豬肋骨、豬手、豬腩肉等等～另外亦都有salad或者pasta嘅選擇🍝🍝🍝餐廳嘅裝修係classy嘅海邊酒吧，鋪面唔算太大，但都坐得舒服。1. 招牌德國鹹豬手、烤薯、酸菜、芥末籽忌派汁 (lunch set $328 for two）配餐湯(green soup + carrot soup)見佢係「豬」門店，我哋當然主攻佢哋嘅豬肉item🤣🤣我哋叫咗佢哋lunch set入邊嘅主打菜 — 招牌德國鹹豬手 (佢係當作兩份lunch set，所以配兩個餐湯）佢一上枱，我哋真係全枱嘩然，因為真係超級大份！！！佢個碟好似人哋個洗面盆咁大😂😂😂豬手炸得好滑嫩好入味，個皮炸得好鬆脆一啲都唔乾，應該係我so far喺香港食過最好食嘅德國豬手🥇🥇🥇佢哋俾咗一個Green soup同埋carrot soup我哋，不過小女子見識淺薄，所以唔知道Green soup係凍湯😅😅😅飲落口有少少唔慣，但係friend 子超級鍾意，覺得好開胃好解膩，我就鍾意carrot soup多啲~2. 腸遊世界拼盤 $248德國香腸、南非香腸、斯洛文尼亞香腸、奥地利煙燻芝士腸、煙燻牛肉腸、雞肉芝士香腸（共六款）除咗份lunch set之外，我哋都有叫香腸拼盤，香腸拼盤有總共六款香腸，其中我哋最鍾意嘅係芝士香腸，因為真係好爆汁好邪惡！佢哋嘅香腸全部都好真材實料，完全冇我哋平時喺超級市場買到嘅香腸嗰一種膠質感覺，全部都係原肉打出嚟嘅味道🌭🌭🌭3. 香芒大蝦沙律 $168最後我哋都有叫一個芒果大蝦沙律，上面都有七、八隻蝦🦐🦐🦐每一隻都幾彈牙同埋仲微暖，配冰涼嘅芒果同埋沙律菜都幾清新、幾開胃～味道：👩🏻‍💻8.5/10 性價比：👩🏻‍💻7/10環境：👩🏻‍💻8/10…Read More

越嚟越覺得大角嘴係寶地😂😂😂超級多美食小店，仲要唔同國家嘅嘢食都有齊，正餐又有，小食又有，甜品又有，點解大角咀居民可以咁幸福🥲🥲🥲言歸正傳，今次同Friend子 嚟咗試一間個名係「大叔」，但係裝修非常「少女」嘅韓式Cafe～入邊成個天花板滿滿嘅都係花🌸🌸🌺🌺🌷🌷枱凳係木系設計，成間舖頭俾人感覺都好唯美好夢幻💭💭// 二人餐 $368 //佢哋嘅二人餐選擇真係好多，同埋佢哋有一半嘅Menu都係素食選擇，可以cater到行緊vegan diet嘅人🥒🥦🥕同一時間佢哋有另一半Menu係常見嘅韓國肉食選擇～呢一餐我同friend子一致認為係非常有趣嘅一餐(in a good way)👀👀1. 炸餐肉條配薯條前菜我哋揀咗炸餐肉條因為覺得好得意，以往淨係食過煎嘅午餐肉，極其量係打邊爐嘅時候食過午餐肉，都係第一次食炸午餐肉，午餐肉個炸皮比較厚身，味道就係平時會食到嘅午餐肉味，但係口感上多咗一層啱啱炸起嘅脆皮，感覺就會新鮮啲～2. 真露海蜆粉絲主菜我哋叫咗真露海蜆粉絲，呢個幾有趣，因為佢成個調味同埋做法有啲似意式嘅蜆肉意粉😂😂😂（最上面仲要有一撮仔Rosemary hahahaha)但係食落口係湯粉絲，個組合幾夾，食落會有fusion嘅感覺，加上湯粉絲都係我自己嘅Comfort food ，所以我覺得呢個冇叫錯😙😙😙3. 蒜香蜂蜜炸雞6件 炸雞我哋揀咗蜂蜜蒜香，調味做得唔錯，雞肉入味，唔算太過爆汁，但都唔太乾，二人餐有六件，份量都幾足！🍗🍗4. 甜品 - 焙茶蛋糕、椰汁凍如頭先所講，佢哋二人餐嘅Menu有一半都係素食選擇，所以甜品方面可以揀正常甜品或者素甜品，今次我哋就每樣叫咗一個，正常甜品係焙茶蛋糕，素食甜品係椰汁凍。兩者嚟講我鍾意椰汁凍多啲，佢個味道有少少似中式酒樓會食到嘅椰汁糕，但係感覺會輕盈一啲，焙茶蛋糕就正正常常，焙茶味出，蛋糕係正常嘅海綿蛋糕～5. 凍玫瑰鮮奶咖啡 (+$3)6. 焦糖爆谷拿鐵 (+$7)我覺得佢哋間舖頭嘅重頭戲其實係飲品🫢🫢🫢套餐本身會包一杯$38嘅飲品，我哋就揀咗玫瑰鮮奶咖啡同埋焦糖爆谷拿鐵(係要加少少錢，不過睇相覺得好打卡able所以都加咗🤣)玫瑰鮮奶咖啡基本上一上枱，你已經feel到玫瑰嘅存在感，有好香好濃嘅玫瑰味🌹🌹🌹同埋佢個玫瑰味唔係好假好藥水嗰隻玫瑰味，飲落口都舒服嘅～焦糖爆谷拿鐵個賣相真係搶晒分🍿🍿🍿🥤🥤🥤杯上面有一大座爆谷山，仲要佢啲焦糖爆谷好好食，下面嘅拿鐵味道本身唔太濃，但係隨着佢爆谷嘅焦糖沉澱咗落去之後就會慢慢變得好好飲！😋😋😋味道：👩🏻‍💻7/10 性價比：👩🏻‍💻7.5/10環境：👩🏻‍💻7.5/10…Read More