ij1203的個人專頁

L.Square既餐廳向來都質素唔錯,今日黎到呢間越南菜餐廳本身期望唔高,因為香港好多間越南菜都一式一樣,每間都唔覺有咩唔同.但今次黎到Fuhn可算係有驚喜首先椰青係我飲過比較新鮮同清甜,好多時第二d餐廳既椰青都有d益益地既味,而且一d鮮甜味都無,但呢間好飲得出夠曬新鮮鵝肝醬法包亦都好脆好足料,食完一啖會好想再食多下一啖生牛肉湯河用上最高質既料,叫得和牛湯河真係有和牛味,牛肉夠曬嫩同肉味,比起一般既牛肉湯河別有一番風味而且服務亦都好好,可以講得上係一個好既體驗…查看更多

印度菜其實周圍都有,好多時都食到厭厭地,始終香港人口味唔太識得分每一隻咖哩,而致到其實間間都覺得差唔多,但係今日黎到呢間灣仔印度餐廳本身期望不大,竟然又有D驚喜.首先叫左原隻羊膝,估唔到羊肉一D都唔痴骨,搵刀鬆鬆一撩就落曬咖哩汁度,羊味夠得黎唔會太濃,而且一d渣都無,證明煮既時間並無過龍,而且羊本身既質素亦都頗高,可以話係係以前既印度餐廳未食到過既味道.另外叫左一款印度式既消暑解滯飲品,帶有話梅清檸味,對於我呢種食少少辣都會覺得有點over既人黎講作為中和十分合適,兼且愈飲愈開胃.餐廳空間感十足,店鋪亦有好多當代既印度擺設,但提提大家如果發現野食太耐未黎可以催一催侍應,因為我地當日就係發現漏左單.…查看更多

旺角有好多燒肉放題,但好多時都要排隊好難遇時間,兼且有D開係山卡啦地方,行到過去都成身汗食都唔想食。星期三放工同朋友想hea下放鬆心情乜都唔諗,決定搵間即入即食既放題,就係創興1樓既韓牛放題。其實一向食放題對種類都無乜要求,因為大多數都係幾張紙,選擇有限,但估唔到呢間放題燒肉可以簡醃左同未醃既牛,豬,雞,魚同羊架,基本上你果日想食咩類型既肉都有。燒到攰攰地又可以簡d粉絲,炸物,而且完全唔洗話等半日個侍應先送過黎,因為自己即拎即食,可謂十分方便,十分自由。最後甜品都應有盡有,而且份量唔大,鐘意食多D可以拎多幾款,再次另人覺得壓力一掃而空…查看更多

- Made reservation several days ago, was asked to sit in front of the hallway obviously because I am not a repeated customer- Waitresses keep asking if we have finished our plates (for 2-3 times in 10 mins), even if I still had food on my plate.- Food was delivered in a very short period of time (~5-10mins for the whole lunch set), all food was placed on the table at the same time. Whole presentation was very rush and not pleasant - I ordered a pot of tea, and since the waitresses so want to ask us leave, they took away the pot of tea and never returned it back. I paid for the tea and I did not expect to be treated in this way- Noisy place, air-conditioning not enough in summer time- Will not recommend any ppl to come…查看更多

大坑出名多野食就係人都知,平時行過就多數入D西餐廳,今日見天氣凍凍地就想食咖哩暖下胃,所以入左間標榜正宗印度菜既餐廳。其實一睇店員同餐廳既裝修已經知無化無假,有好好既印度氣氛,餐廳雖小但五臟俱全。一黎見到有羊膝已經忍唔住即刻見返個黎暖暖身體。叫完起初都驚唔知佢地處唔處理到羊果陣唔係人人都頂到既羊羶味,但估唔到原隻羊膝肉質鮮嫩不特止,仲要完全唔覺得有羊羶味,平時餐廳最多都係食羊架,今次有原隻羊膝令人食到好滿足。之後就叫埋個平時食開既牛油雞,因為貪佢唔會太辣,再整份牛油酥餅,兩樣野都乎合預期,但當然無羊膝黎得咁令人驚喜…查看更多

天氣開始轉涼,著返件外套行過旺角西洋菜南街搵到間隱蔽既火鍋店,標榜有和牛食,即管入去試下。打邊爐就最驚個湯底太濁太濃味,所以我就簡左個芫茜湯底,果然無令我失望,一股清新既味道同時唔會令到D牛肉得返味精既味,抵讚。而更令人驚喜就係牛肉既種類好多,但同時你係食得出邊款打邊款,證明唔係求求其其拎D低檔肉出黎就算。而和牛亦都食得出比其他既肉鬆化。坐既環境亦都舒服,抽風唔錯,我覺得係咁既價錢係旺角可以搵到間慢慢坐既任食火鍋放題,實在令人滿意…查看更多

閒日想係旺區搵間比較無咁嘈既餐廳一D都唔易，更何慌係日本餐廳，所以趁住疫情出街既人少D，約埋屋企人去呢間尖東站一出就到既居酒屋試試，裡面既裝修十分有放工鬆一鬆既感覺，有日本風格得黎又唔會太Formal。呢度有平時唔太有機會食到既燒左口魚飯，左口魚最精彩既地方就係油脂分佈豐富，配埋飯食每一啖都令人品嚐到股鮮味，值得一試。而三文魚腩就中上水平，略嫌唔夠厚，但食得出幾新鮮。吞拿魚蓉卷就係我常食既菜式，呢度既吞拿魚蓉十分豐富，一D都唔會慳住放，而且唔會有腥味，但略嫌下面舊飯太大，但都算十分抵食，又唔會好似放題果D咁低質。…查看更多

呢度既二人餐包沙津餐湯小食兩份主菜兩款飲品再加個心太軟，真係數唔出係香港邊度仲有咁多野食既晚餐，而唔單止係份量夠同選擇多，味道都比一般西餐廳有水準，首先豬肋骨煮得非常淋，肉一切就開，唔會鞋烚烚，薯菜岩岩出爐熱辣辣，另外青蟹籽意粉亦都好足料，忌廉汁亦都調較得好好，唔會一味得芝士味。飲品方面以為冰沙點都會有雪味，但係佢地將冰打到好細，所以朱古力味完全無被冰遮蓋到，總結黎講以一間旺角CAFE水準絕對值得再準，但記得訂位，當日六點幾到已經FULL曬，人客絡繹不絕…查看更多

香港類似居酒屋既地方開得愈黎愈多,但食完多數都唔會話有太多驚喜,一係就味道唔錯但價錢貴到飛天。今日黎左呢間係銅鑼灣旺區開既日本餐廳,一入到去已經好有日本既氣氛,而且坐既位置好寬敞,少少逼既感覺都無,令人食得更加舒服。講返野食,一客玉子燒份量十分多,兩個人食可能仲會略嫌多少少添,但我本身鍾意食蛋所以就無所謂,燒到熱辣辣上檯,火侯控制得好好。招牌海鮮丼就用料好充足,不得不讚個海膽十分鮮美,少少腥味都無,可見唔係濫竽充數之作。另外幾款小食都十分精彩,事實上餐牌上既選擇十分多,有肉有菜,海陸空齊全. 我就叫左個牛肉粒,有濃郁既牛味亦唔會太多筋,而薯餅亦都充滿芝士味同炸得好脆。整體上黎講每樣野都好滿意,加上坐得舒服,唔會令人失望…查看更多

近日天氣清涼,係大坑行下行下發現係一堆屋苑當中有一間香港少有既新加坡菜,所以決定入去試下. 其實本身對喇沙興趣不大,因為唔太食得辣,但係見到餐牌個海鮮喇沙係廚師推介咁有信心都忍唔住叫黎,諗住淺嚐一下,除左海鮮足料之外,佢仲可以簡粗幼麵兩溝,食落後就會多一種立體既口感,而且辣味唔太勁,幾適合我呢類平時少食辣,但又想試下異國風情既人。另外就叫左個咖啡骨,一上菜果陣已經聞到好大陣好香既咖啡味,令人食指大動,而且d肉骨夠曬肥美,唔會條條都瘦肉,所以食落去充滿油香,好開胃。最後配左個油飯同埋懷舊既美祿恐龍,整體上黎講過左一個好愜意既晚上,係疫情底下黎呢度食野亦當自己去左陣新加坡咁…查看更多

我敢講，呢間係我係香港暫時食過最高質素既居酒屋。先講佢唯一唔好既地方，就係平日夜晚都爆曬棚，所以有機會要坐吧檯，而吧檯其實無乜唔好，但問題係張凳無得"Long"腳，所以要d時間習慣。但除左呢樣，我係無expect過以飲野為主打既居酒屋，食物質素竟然可以咁好。先講個飯團，面面都煎到脆曬，再配上新鮮魚子，望落好似好易整，但其實少d心機都唔得。 之後個牛舌又厚又多汁，甚至同係日本係到既分別都唔大，仲有三款調味料自己簡，根本食曬成碟都會仲想encore。 之後蔥粒吞拿魚壽司，睇相都覺得誇張，好似唔洗成本咁落d吞拿魚，比例多過飯唔少，完全無偷工減料。 而唐揚炸雞亦都睇得出餐廳對自己食材既信心，因為件雞係原汁原味，完全無用大量既鹽去遮住雞本身既味道，代表佢地用既唔係cheap cheap雪藏雞。總括黎講令人想去多幾次…查看更多

位處於佐敦既一間兩層高既印度餐廳，其實食咖哩一個先決條件一定係要當地人煮，任你五星級酒店廚師有好靚既材料都好，唔係印度人煮始終較唔到果種風味。呢間餐廳就廚師伙計全部都印度人，但唔好以為食物一律辣到不得了，我當日簡左Mild辣，結果其實同譚仔十小辣無乜分別，所以就算平時唔食得辣既人都可以去感受下印度既風味，唔驚辣親。 先講菠菜羊，惹味得黎口感好好，菠菜亦都無渣，羊味唔算太濃，都可能係一件好事；牛油雞就稍為辣少少，但都可以接受，牛油味開胃，配埋薄餅食簡直停唔到手。…查看更多

放工時間係上環閒逛,無諗過係孖沙街既一角竟然有間慢煮既餐廳,即刻入去試一試。 叫左份慢煮油鴨比同豬鞍, 油鴨比食得出濃濃既鴨味,配埋芝士大蘑菇真係愈食愈開胃,而份量亦都算唔錯,唔會太吝嗇剩係比一舊仔你,而豬鞍就更加驚喜,因為食得出慢煮過後鎖住左肉汁既功架,加少少錢仲可以要埋個芝士菠菜,更加有外國既味道,建議如果兩樣簡一樣既話就簡豬鞍黎食。成間餐廳個佈局都好舒服,由於係樓上鋪所以有自成一國既感覺,唔驚要同人逼黎逼去…查看更多

尖東站一出估唔到有間質數咁高既日本餐廳,入面既裝修同日本居酒屋好似所以入到去已經好有feel,每一樣食物都食得出唔會求求其其煮完就拎出黎. 首先個雞皮已經食得出師傅比心機慢慢燒,所以唔會太乾之餘仲會有d汁出黎,燒牛舌又都食得出食材唔係d平價貨,塊塊都肥美又夠厚. 而咁既價錢黎講個鰻魚飯更加係無得頂,百幾蚊食到原條鰻魚,最好3,4個人share就無咁飽.最後d刺身壽司都明顥比起街邊既餐廳好食。整體黎講性價比夠曬高,來日可以再戰…查看更多

本身好少有機會食私房菜，今次特別搵一間價錢相宜d既餐廳去食，餐廳入面既格局都好有家既感覺，坐得幾舒服自在。第一味菜係清酒卜卜蜆，有得食又有得玩，自己將d清酒倒落去就可以見到d蜆卜卜聲咁一個個打開，比起出面d餐廳一堆沙呢度既蜆新鮮得黎有唔會食到沙。另外黃金蝦呢樣咁邪惡既食物都整得十分好食，當然如果膽固醇過高就唔好食太多了。第三味炒菜有驚喜，係香港好耐無食過咁甜既菜，仲可以自己選擇要咩配料都得。整體黎講菜式都有誠意，唔會係出面d大路中菜，值得一試…查看更多