CandyHo1017的個人專頁

以前喺馬鞍山返工，已經食過一次覺得好好食👍🏻時間六、七年，再食返都係咁好味😻今次同幾個朋友仔一齊食唔係叫咗好多嘢叫咗生菜包、串燒、軟殼蟹咖喱包、炒金邊粉喺我心目中第一位係生菜包因為唔食得辣，叫咗超級小辣🤏🏻味道啱啱好，少少辣得來超惹味🤣串燒豬牛雞，三樣都好好食！全部都唔老(我覺得已經好難得)之後係軟殼蟹咖喱包，呢個真係超級飽🤣🤣 佢哋嘅咖喱，係好結同啲蛋撈勻晒嗰啲如果可以有少少辣就更加好最後炒金邊粉，可能之前食咗好多濃味嘢，覺得金邊粉有少少淡口咗啲終結嚟講全部都唔錯，下次嚟馬鞍山又可以再食過😝…查看更多

最近又食海鮮火鍋咁出名見到呢間喺葵芳地鐵站附近趁平日晏晝唔使返工過嚟試吓🤣🤣一入到舖頭就見到個魚缸😍 店員話每日嘅海鮮都有機會會有啲唔同我哋嗰日有大頭蝦、超大隻帶子、蜆、大閘蟹樣樣都超生猛🤣 但都未坐暖，店員就已經叫我哋快啲去夾海鮮😂帶子仲會幫你開埋 超貼心🩷我哋全部海鮮都有試，大頭蝦仲新鮮到喺個筒度跳咗出嚟😂 全部海鮮都好新鮮，每人食咗十幾隻蜆都冇沙！大閘蟹雖然係細細隻，但係入邊超多膏😍😍，真心講 比起任食嘅大閘蟹專門店仲好食🙈⭐️溫馨提示一下，啲蝦太生猛嗰陣落水真係要小心啲，佢哋一落水嗰下跳得好勁，啲熱水都爭啲彈到手😆除咗海鮮任食，仲可以掃QR code落單叫其他火鍋配料，喺海鮮區隔離仲有超惹味嘅熟食區，我私心推介超大隻嘅多蒜燒蠔😝…查看更多

超級推介呢間日式燒肉店，喺香港都食到高級日式和牛🐄！呢間店喺荔枝角D2 Place，位置超方便，附近又好多特色小店，行完街食餐好嘅真係一流👍🏻我哋叫咗「黑毛和牛嚴選（3選）定食」$248， 同埋「和牛上等肋肉定食」$198。 定食當然有飯、沙律、湯，當日仲有泡菜，夾住燒肉同飯一齊食，超正🤤如果你鍾意食軟熟啲嘅牛肉，強推和牛上等肋肉！唔好睇輕呢六片肉，我個大胃王食完都好飽🤣至於1516唔知食乜好？梗係揀有三個選擇嘅「黑毛和牛嚴選」啦！三款都好好味，牛味超濃，其中和牛友三角口感特別啱我，唔會韌，咬落去又香又juicy！其實唔使我多講，睇張相都知啲牛肉幾靚😋 所以如果你有機會去D2 Place，一定要試下呢間！…查看更多

香港食到醬油蟹既地方已經唔多，竟然仲比我發現有得任食！地點仲要係地鐵站上蓋勁方便！我地叫左一公一乸嘅套餐，一坐底店員已經會自動幫你order第一round嘅嘢食。任食套餐入邊仲包括紫菜飯、炸雞、韓國年糕腸仔串、烏冬炒年糕，仲有罐裝飲品👍🏻好快第一round嘅🦀已經嚟咗，蟹乸係爆哂橙色膏，加埋啲豉油撈飯一流，好快已經食咗一碗紫菜飯🙈 蟹公雖然冇咁多膏，但係勝在啖啖肉，用嚟撈飯其實一樣咁正🤟🏻除咗主角醬油蟹，佢哋嘅炸雞同埋年糕腸仔算都唔錯，炸雞入邊雞肉仲係好嫩口，年糕同腸仔係有少少少少辣，有韓國嘅感覺之餘都適合食唔到辣嘅朋友🫶🏻套餐仲包括排骨湯，記得要趁熱辣辣嘅時候飲先最正🥰餐廳設計係韓國街頭嘅風格，除咗任食套餐店內仲有好多韓國食物，全部都好吸引㗎😍…查看更多

.大圍隱世馬來西亞菜🇲🇾媽媽繼續努力發掘緊馬鐵沿線嘅美食😆 今日嚟到大圍佰古嗲，試吓佢哋嘅馬來西亞菜🇲🇾首先梗係就叫返個肉骨茶🍲呢度嘅肉骨茶好好，有好多配料選擇，食唔到太多肉嘅可以好似我哋咁揀豆卜同埋金菇，可以飲到好香嘅肉骨茶之餘，又唔會驚食唔晒而浪費咗啲肉😆仲叫咗椰香白咖喱麵🍜湯底係超級清香嘅椰香，呢個湯麵適合唔鍾意重口味嘅朋友仔，而且面底都有多款選擇，我哋就揀咗右面加米粉嘅MIX🤗黃金醬虎蝦🍤呢個小菜最令我印象深刻，除咗有鹹蛋黃嘅味道，佢哋仲加入咗忌廉同奶油，完全將個黃金醬再升級，口感超香濃，而且啲蝦都好大隻👍🏻魚仔XO醬蘿蔔糕係落重料嘅XO醬炒蘿蔔糕，真係每一嚿蘿蔔糕都可以有XO醬，一啲都唔Hea🙌🏻鮮牛油咖央多士🧈原本都好鍾意食咖央多士嘅我今次試吓加埋牛油，厚切牛油再加咖央醬，原來都好正喎，感覺更加外脆內軟🥰門市位置距離大圍地鐵站都好近，午市時間都好多人捧場㗎，大家經過都去試吓啦🤪…查看更多

Lunch Set都好抵食, $85起 有頭盤+主菜+飲品我哋叫咗三個餐🍽️⭐️頭盤揀咗湯🥣, 炸辣蟹肉球🦀, 湯唔會好稀, 不過如果再結身少少口感會更加正(但係會好飽😂), 蟹肉球有啲似日式薯餅, 入邊好Creamy🩷主菜我哋叫咗以下三樣⬇️⭐️阿根廷安格斯肉眼牛扒有契爺呢啲明燈💡我哋梗係有叫到佢話好好食嘅牛扒啦!!😋 超大塊仲有勁多薯條on side, 煎得好香之餘入邊肉汁豐富, 唔怪之契爺要encore😎⭐️澳洲牛胸腹扒呢個會比肉眼牛扒牛肉味更加豐富, 但係一啲都唔會韌, 配埋番薯粒同火箭菜, 媽媽一個人食應該都啱啱好👍🏻⭐️香草蝦青醬意粉第一眼見到啲蝦大大隻已經好吸引😍 而且啲醬汁都黐實條意粉咁樣, 每啖都食到青醬嘅味道, yum yum yum😋另外我哋仲叫咗兩個小食🥘⭐️蟹肉香草醬他他入邊加埋酸豆同蕃茄乾, 感覺好開胃☺️⭐️地中海大蜆鍋呢個蜆係用茴香酒醬汁煮, 係媽媽第一次品嚐到嘅味道, 幾特別, 仲幾惹味😙餐廳成個風格係充滿法國風情小酒館嘅感覺🇫🇷我身後見到吧枱仲有超多酒杯, 大家食晚餐仲可以一齊小酌一杯🍻…查看更多

#米豬生活 #美食推介今次呢間餐廳係位於尖沙咀 人來人往嘅街道🤣無論係情侶 定係幾個朋友仔去 都係好適合嘅餐廳 The Grill Room🍽️今次媽媽同靚姐姐去食lunch，佢哋嘅午餐有幾個set既選擇，我哋叫咗一個set再加少少配菜，2個女仔啱啱好🩷🐤燒春雞配薯條唔好睇個名以為普普通通，呢半隻燒春雞，真係做到外脆內軟，肉汁豐富，超有驚喜😍薯條都揸得好香脆，yummy😋🥦蒜蓉焗西蘭花呢個西蘭花，新鮮，配合蒜蓉一齊，無得頂👍🏻🍹龍眼梳打🍽️：The Grill Room (The Humphreys)📍：尖沙咀堪富利士道6-6A號爵寓2樓…查看更多

Happy Sunday☀️最近好多開心事發生開心就梗係要繼續食美食😋今次去咗呢間位於西貢嘅 @msquarehongkong 未入門口已經有好多位置比一班小朋友放電🤣我哋今次食咗⬇️⬇️⬇🍖Smokey Baby Back Ribs香噴噴大大嚿嘅豬肋骨，燒得好香肉質好淋，切開俾小朋友用手拎住都食到🤭再加埋薯條，梗係happy happy啦🥗Soft Shell Crab Salad 呢個係大人限定嘅沙律，啲菜好新鮮，芒果同軟殼蟹呢個配搭真係冇得頂🥭 如果軟殼蟹嘅份量多番少少就更正啦😁🦞Lobster Mac & Cheese嘩！係超級多芝士喺面嘅焗龍蝦通粉，仲有大大條龍蝦尾😍 芝士汁再加通粉呢個配搭覺得比起焗飯更加夾👍🏻開開心心，又過咗一個下午啦🫶🏻好期待每個weekend嘅family day👨‍👩‍👦…查看更多

手工Pizza🍕放工又係時候鬆一鬆 chill chill🥳呢間係觀塘嘅手工意大利Pizza，已經第二次食啦🤣意大利蘑菇煙肉薄餅🍕手工pizza真係唔同d😝 每一塊有超多芝士同埋大大塊煙肉，加埋蘑菇，呢個配搭冇得頂👍🏻新鮮黑松露蘑菇扁意粉🍝黑松露芝士，扁意粉質感啱啱好，煙煙韌韌，如果黑松露味重啲就再更加正😛肉眼牛扒🥩呢個牛扒出色🩷 成為左今日晚餐最愛😆五成熟啱啱好，肉質又淋，外邊又煎到好香🥩荔枝茶&蜜桃茶🍑兩個茶都好清新，唔會太甜🥰…查看更多

沙田特色越南菜<<越男仔🇻🇳>>今日去河畔搵朋友，天氣熱，大家都想食d開胃野🥵呢間<<越男仔>>都幾多分店，一於再encore🤗我地叫左⬇️⬇️🍅冰鎮蜜糖凍蕃茄夏日炎炎，呢個凍番茄，清爽得來有啲甜味，作為開胃菜唔錯😉🦐生牛肉雙蝦椰汁酸湯金邊粉佢哋嘅金牌椰汁酸湯，食過幾次都唔覺得厭🤣 酸酸地開胃得來，亦都好香，湯粉嘅份量仲要好多，可以兩個女仔一齊share一碗🍜🍢串燒拼盤呢份串燒拼盤，係今晚嘅高分之作👍🏻 串燒有雞、牛、豬各兩串，同埋燒菠蘿，全部都笑得好香，肉質唔會乾，點埋沙嗲醬，完全係Perfect🩷🩷🩷☕️越南椰子咖啡朋友仔都覺得呢個咖啡幾出色，不過就要俾啲耐性，要等佢慢慢的滴漏完，再混合埋椰汁😝仲有好多小食都好想試，佢哋小食嘅份量都唔少，下次可以多啲人一齊嚟食😆😆…查看更多

#米豬生活 #米豬美食分享 Hi👋🏻 又來到Happy Friday 梗係要食好啲！旺角嘅白布街真係好多嘢食媽媽同朋友仔去咗 @入到餐廳已經見到好多日本擺設從可以坐喺廚師面前睇住佢哋整串燒😍真係吸引到，不停落單😂我哋叫咗好多唔同款式串燒 全部都即叫即燒🍢🍢超欣賞條鹽燒真鯛 同朋友仔好快就清晒成條魚🐟另外燒鮑魚、紫蘇葉雞皮蝦串、燒鵝肝多士都食到媽媽舔舔脷😝其他肉類串燒都唔錯👍🏻除咗串燒，仲有刺身同埋壽司🍣同埋好多佐酒小食，下次一定要再嚟食再加多杯日本生啤，就係真正嘅happy Friday啦🍻最後仲有兩款日本甜品係黑糖和菓子同埋日本蕨餅🍡兩款甜品都唔會係死甜👍🏻…查看更多

#米豬生活 #米豬美食分享今日同爸爸去旺角買野晚餐時段 經過呢間係先達附近既泰國菜🇹🇭見到門口有人等緊位 睇嚟係正野😍我地叫左呢d👇🏻🇹🇭飛天通菜🥬 辣辣地，好開胃，味道好正😊🇹🇭泰式濕炒河粉(海鮮)呢個炒河，除左好味，仲好足料，有蝦、魷魚仔、好多蔬菜！正🩷🇹🇭鹽燒鰂魚米爸想食好耐😂 但真係唔係間間有，因為要燒成20分鐘嫁，係心機菜🫶🏻 呢但魚好大條，外皮燒得好香，但入面依然有好多魚汁，啲魚肉仲係好嫩滑👍🏻🇹🇭青檸梳打、椰青夏日炎炎飲下呢啲清涼嘢就最舒服🫶🏻🍽️: 阿來泰式地道風味（旺角）📍: 旺角通菜街97號地舖#阿來泰式地道風味 #阿來 #旺角美食 #泰國菜…查看更多

今日同朋友仔去咗啟德airside行街去到5樓發現有一個food court 超多嘢食揀😍見到一間越南菜，不停都有人去攞嘢食仲見到有小食拼盤 二話不說立即下單🤣呢間舖頭叫越男仔🇻🇳見到佢最出名嘅係椰汁酸湯我哋叫咗生牛肉燒蝦椰汁酸湯檬粉、一個皇牌小食拼盤兩位女生剛剛好👭🏻首先係個椰汁酸湯檬粉真係好開心，生牛肉再浸一浸，都仲係好嫩滑，呢個酸湯同檬粉幾夾🩷之後個皇牌小食拼盤🍽️有雞翼、蝦餅、越式春卷，全部小食都係即叫即炸，喺我落緊單嘅時候，姨姨就立即大叫廚房整小食拼盤，所以出到嚟真係熱辣辣，好好食👍🏻…查看更多

嘩，媽媽早兩日趁大家未收工 就同我搭火車去到旺角東站既Fresh Fresh Bakery🥖雖然未到繁忙時間 但係舖頭都有唔少人流我哋梗係即刻入去揀心水野食😋ᰔ超人氣麻糬QQ我地揀左6款口味，最推薦係開心果，上面仲有啲開心果醬同脆脆，好特別💚 其他口味都係有好濃郁嘅味道，同埋超級Q彈，真係值得排隊嘅🤘🏻ᰔ超軟熟糯米糍我哋揀咗開心果、榛子脆脆同芋泥味，三款都好好食，糯米糍好軟熟，yummy😋ᰔ焦糖布甸麻糬朱古力蛋糕聽個名都知，呢個甜品集合咗好多嘢🤣，上層係焦糖布甸，中間夾住軟熟嘅麻糬，再加埋底層嘅朱古力蛋糕，估唔到呢個配搭都幾match👏🏻👏🏻👏🏻ᰔ雙重特濃朱古力脆脆卷呢個蛋糕媽媽私心覺得好好食😳 媽媽一向唔鍾意食太甜嘅嘢 呢個蛋糕嘅味道有超濃郁嘅朱古力味，亦都唔會好甜，讚👍🏻ᰔ海苔味爆谷呢個爆谷，米豬愛不釋手😂首先一入到舖頭佢已經俾個熊仔樽吸引咗，返到屋企已經急不及待要拎嚟食，如果唔制止佢，真係一個人食晒成樽🥹咁多好嘢食，大家都快啲去試吓啦🤭…查看更多

又係#美食推介 既時候🍽️今次要介紹下呢間係觀塘海濱匯嘅餐廳一到左餐廳門口，已經覺得餐廳啲裝修幾靚仲要可以有outdoor嘅位置可以坐成個感覺真係好適合一班朋友仔去飲杯嘢傾吓偈💬食物方面，我哋叫咗一個意粉、一個Pizza、同一個小食，同埋一杯特色飲品，一句講晒，全部都好好食😆ᰔ蟹肉巴馬臣芝士蕃茄忌廉汁通粉🍝超濃郁嘅芝士蕃茄忌廉汁，加埋好煙韌嘅長通粉，再配搭埋蟹肉，成件事好match，好好味🤤ᰔ巴馬火腿火箭菜薄餅🍕入邊有巴馬火腿、車厘茄、火前菜，聖馬札諾蕃茄、巴馬臣芝士同埋馬蘇里拉芝士，芝士加巴馬火腿再配搭埋火箭菜，真係一個絕配，呢個Pizza冇得輸🤣ᰔ避風塘雞翼🐥雞翼炸得啱啱好，裏面仲好Juice，加埋避風塘口味，少少辣，成件事夾埋一齊幾好食😋ᰔTropical Punch🍹味道甜甜地，飲落好多果香，唔會係死甜，仲好fresh，唔錯唔錯💕全部嘢食都好好味，價錢仲要唔係太貴，仲要有啤酒飲添😍 真係好適合放工過嚟chill下🤣…查看更多