Beautylionbb的個人專頁

今晚同朋友喺沙田新城市廣場行街, 餓餓地就搵野食喇~~行到三期見到有「自己人」呀, 唔知沙田都開左分店, 見唔洗等位就入去食喇餐廳裝修光猛乾淨, 坐得幾舒服, 我哋兩個人乜都想試下, 於是點咗幾款點心同小菜~~~~多款菜式選擇, 有單點亦有套餐小小梨子 (牛肉、黑椒) $49造型非常可愛, 真係成個梨咁樣外皮脆口, 口感煙韌~~入面係黑椒牛肉餡, 味道濃郁, 幾特別又有創意!抱抱蝦餃 $49蝦餃皮算薄, 隱約見到入面嘅蝦仁~蝦肉幾爽口彈牙, 幾新鮮酒醉走地雞 (文昌雞) $89雞肉非常嫩滑, 果然係用咗文昌雞~~ 雞皮爽脆!!酒味浸得恰到好處, 唔會太濃搶咗雞味, 又唔會太淡, 食落清香冰鎮咕嚕肉 $129咕嚕肉炸粉唔會太厚, 外層炸得酥脆~~最重要係用冰鎮方法上菜, 保持住個脆皮口感, 就算放耐咗都唔會變淋, 同平時食到嘅咕嚕肉口感完全唔同酸甜汁調味適中, 開胃又唔膩仲有可以食到多款水果添~~ 蟹粉拌麵 $198上枱時見到蟹粉份量都算足, 金黃色幾靚仔!!將蟹粉同麵撈勻, 每條麵都掛滿蟹膏, 味道濃郁甘香, 確實幾邪惡呢個份量絕對對得住個價錢, 蟹粉愛好者可以一試今餐兩個人食咗$598（連加一）, 以呢個環境同食物質素來講, 算係合理~冰鎮咕嚕肉係最大亮點, 非常有驚喜!!其他菜式如水準之上~~喺沙田區食啲有特色嘅中菜同點心, 「自己人」係一個唔錯嘅選擇, 下次會再嚟試下其他菜式…查看更多

旺角人多多, 但入到黎「柞木炭家」卻感覺到份外既寧靜~餐廳裝修充滿格調, 用咗好多木系同黑灰調, 光線柔和, 成個氣氛高級但唔拘謹枱與枱之間距離夠闊, 坐得好舒服!!侍應會幫忙燒肉、睇火，唔使自己忙晒~~ 講解菜式又有禮貌, 啲用心位真心feel到~壽喜燒牛肝菌和牛 (2件) $185壽喜燒個汁甜中帶鹹, 有濃濃醬油香味~配上薄薄嘅和牛片, 油花分布靚到似大理石咁, 落鍋涮幾秒即收汁食落滑滑嫩嫩, 肥瘦啱啱好, 一入口啲和牛油香即刻溶化再加埋牛肝菌, 蛋黃同飯粒一齊食, 菇香滲入牛肉底, 又沾滿蛋汁, 整體味道層次好立體～甜香、菇香、牛香一齊爆發, 超好味丫!!山野菇菌．和牛燒肉盛 $268呢set真係視覺滿分~ 和牛寶盒入面有張魔術紙, 店員一點火張紙就燒掉, 展露出靚靚既和牛木盒入面擺得好靚, 有唔同既和牛分部, 再配多款山野菇~~珊瑚菌爽脆帶少少煙香；牛肝菌厚肉、有濃郁菇味；雞油菌香滑帶少少果香味和牛燒好之後啲油花滲晒出嚟, 面層略焦但入面仲嫩肉質甜、入口化開, 配菇一齊食, 令油香有層次感又唔膩彥陽和牛沙蔥燒 $178和牛口感超軟腍, 脂肪香得嚟又唔膩, 連埋蔥食超juicy咬落去牛香＋蔥香一齊爆出嚟蟹粉石頭鍋飯 $158蟹粉味濃郁, 充滿蟹膏香, 帶一點甜, 配埋粒粒分明嘅白飯混埋一齊~鍋邊底層有脆米飯焦香, 食落口感豐富羊肚菌蔘雞湯 $268湯底用雞骨長時間煮, 呈奶白色, 飲落濃郁但唔油~羊肚菌香氣特別出, 帶少少堅果味同菇香, 令湯味更深層雞隻釀入糯米, 煮到入味軟滑, 一夾就甩骨, 飲完整個人暖笠笠蔘味唔算超濃, 帶淡淡清香~~菠蘿梳打 $42味道清新, 菠蘿味酸酸甜甜, 加埋汽水泡泡入口時嘭嘭聲, 甜度啱中間位荔枝梳打 $42荔枝味天然, 飲落似真荔枝汁加汽泡感, 配重味食物啱晒…查看更多

最近同朋友忙裏偷得閒喺銅鑼灣搵個地方慢慢食Lunch, 見餐廳做緊 Weekday 3-Course Set Lunch $275 一位, 望左openrice menu啱我哋心水, 就一於試下啦！ 餐廳環境方面好舒服, 坐得闊落, 職員又有禮貌, 上菜速度啱啱好,唔趕又唔慢, 感覺幾chill芝麻菜沙律清新得嚟有層次。整體口感爽脆又有香氣, 作為開胃頭盤唔錯 黃金福袋有驚喜感, 賣相精緻, 外型似個金袋仔, 一上枱已經散發住香氣~ 炸豆皮皮薄冇油膩感, 內層餡料豐富~~ 主菜我哋分別叫咗香煎脆皮三文魚，魚皮煎得好靚, 魚肉保持到嫩滑油潤, 冇煎過籠!!食落好清爽, 唔會覺得膩另一款係牛肝菌意大利餛飩，裏面包滿牛肝菌茸嘅香氣, 爆出嚟係陣濃郁菇香~2款甜品賣相好吸睛!!桂花焙香奶凍上面有一層薄薄嘅桂花泡沫&果凍，仲有細細粒麻糬點綴~桂花泡沫口感好特別, 似雲朵咁輕盈。 水蜜桃乳酪慕絲嘅顏值岩晒打卡!! 慕絲好creamy, 乳酪味清爽、酸甜適中~~…查看更多

太子呢間細細間港式小店叫《回味館》, 位置方便, 感覺係做街坊生意既餐廳~~入面環境乾淨, 冇花巧~ 最大賣點就係 -- 價錢夠親民, 份量實在, 味道有地道感覺一餐落嚟, 幾樣餸加埋燉湯, 坐得舒服, 埋單都係二百幾蚊, 真心覺得抵食好適合附近打工仔或者街坊日常食, 想快靚正又唔貴, 呢度就啱晒!!蟲草花、茶樹菇、猴頭菇菌湯 $28完全冇味精!!!一上枱就聞到陣陣菇香味, 湯色金啡, 唔油膩~~蟲草花爽口帶絲, 茶樹菇煙韌又有菇味, 猴頭菇最特別, 咬落似海綿, 會吸晒湯汁, 口感軟綿香甜成個湯飲落暖腸胃, 又養生雪梨、雪耳、南北杏燉湯 $28呢碗屬清潤系列, 一揭蓋飄出梨嘅清甜~~雪梨煮到好腍, 微微帶甜~ 雪耳煲到出膠質, 滑滑又爽~ 南北杏有少少堅果香飲落清甜潤喉, 好啱乾燥時飲, 舒服得嚟唔膩滷水拼盤 $35上枱色澤啡亮, 聞到濃濃滷水香, 滷水味道鹹香開胃牛肚 -- 煮得腍身, 帶少少嚼勁, 滷水味透晒入去~滷水蛋 -- 蛋白沾上滷水汁, 味道可口豬手 -- 皮彈肉軟, 膠質十足, 食完有啲黏口感覺雞翼 -- 入味到骨, 肉質嫩滑~~煎釀三寶（6件）$28油香四溢, 煎到外層微焦帶少少脆~青椒保留青香, 裡面包住魚肉, 口感清爽苦瓜帶清苦味, 但有滲入肉香, 唔會太霸道茄子入口軟綿, 魚肉同茄子香混埋一齊, 非常惹味黑椒薯仔牛仔骨飯 $48黑椒香氣勁濃烈, 牛仔骨肉厚得黎大大件, 肉質紮實帶骨香, 咬落肉汁豐富!!薯仔切塊後吸收黑椒汁, 又粉又香~ 底下白飯索晒汁, 鹹香惹味, 一碟落肚爆滿足感瑤柱蒸水蛋 $28嫩滑到好似布甸咁, 舀落去會微微震~瑤柱絲鋪喺面, 鮮味滲晒入水蛋, 滑溜又爽口, 豉油唔會過鹹白灼菜心 $18簡單清爽, 色澤翠綠, 輕灼保留咗爽脆口感~~…查看更多

係沙田新城市廣場食完飯, 經過見到間台式飲品店”籽茶”, 裝修好文青feel，木系設計, 加啲綠色點綴, 成間舖都幾清新佢既飲品選擇幾多, 以茶底飲品做主打, 仲有啲蛋糕甜品可以配~~價錢方面好相宜,廿零到三十蚊左右一杯籽茶飲品既茶味濃郁, 唔似有啲台飲好似飲糖水咁~甜品部分比我想像中有驚喜, 唔係齋飲品店隨便配件蛋糕咁茉莉奶白茉莉花茶底, 入口有陣清香, 唔苦澀上面舖一層奶蓋, 鹹鹹甜甜, 飲之前建議唔好攪勻~ 一口茶、一口奶蓋, 層次感豐富!!甜度可以揀, 半糖已經夠, 好啱唔鍾意太甜嘅人~~荔枝 208 味道清甜, 唔會假香精味, 飲落幾清爽特別適合夏天, 冰冰凍凍幾解渴開心果芝士蛋糕芝士味道香濃, 入口質感綿密又滑, 好有creamy感開心果嘅堅果香同芝士味融合得幾好, 帶少少堅果嘅回甘~成個配塔濃郁但唔膩, 又有堅果香, 食到尾仲帶少少清爽感, 啱晒鐘意食芝士蛋糕但怕滯嘅人…查看更多

今晚同家人黎左深水埗一間大排檔酒家, 一入去就感受到濃濃嘅港式風情~~餐廳唔算大, 枱凳擺得整齊, 燈光夠光猛, 乾淨企理, 好有地道feel雖然人聲嘈雜, 但反而更有香港大排檔獨有嘅熱鬧氣氛食物種類非常豐富!!!一般既小炒呢道差唔多全部都有餐廳仲做緊優惠~1早鳥優惠7:30pm前埋單88折2.宵夜優惠9:30pm後小炒78折龍躉兩味 $328翡翠炒球斑球炒得恰到好處, 肉質鮮嫩口感~~西芹翠綠爽脆, 芡汁濃稠得嚟唔會漿口清蒸斑頭腩原條斑頭腩蒸到剛熟, 魚肉鮮甜, 肉質嫩滑, 口感滑順！魚油豐富, 鮮味十足~~豉油皇中蝦 $168用秘製豉油皇爆炒, 中蝦炒到金黃~蝦殼脆到可以連殼食, 蝦肉爽彈鮮甜, 非常惹味!!!蘿白清湯腩煲 $198牛腩炆到淋滑入味, 蘿白煮到透明, 索晒湯汁精華~~湯底清澈清甜, 整體味道平衡, 唔會太油膩…查看更多

今日朋友帶左我去佢既飯堂"元朗冰室", 佢話平時成日食, 一唔知想食咩就會黎我就第一次食元朗冰室, 茶記黎講質素又真係唔錯, 每道菜式都有港式風味, 價錢合理份量足~~呢道出名厚豬扒, 成幾CM厚喎, 咁真係要試下啦新推既多士系列魔鬼醬厚豬扒包一啖咬落去, 個包脆到"咔嚓"聲!!!豬扒真係好厚喎, 厚得黎肉質好幼嫩, 多汁juicy, 完全唔會乾柴, 堅得!!!個秘製魔鬼醬都好正, 成個包味道好夾, 大個個咁, 好抵食厚豬扒拼沙律豬扒同上面一樣咁正, 又厚又大件!!拼水果沙律食就最正啦, 清爽解膩~~沙嗲牛肉麵必食沙嗲牛肉!!! 沙嗲醬香濃惹味, 牛肉份量超多呀!!!牛肉嫩滑唔韌, 公仔麵煮得啱啱好, 有咬口籠仔荷葉北菇蒸雞飯荷葉香氣撲鼻!! 雞件份量又係超多呀!!! 成個飯面都係雞件呢~~雞件嫩滑多汁, 北菇厚肉鮮香, 飯粒吸晒雞油同荷葉香, 好入味丫!!!禾味燒BB鴿BB鴿皮脆肉嫩~~ 最正係個鴿胸肉, juicy到爆汁, 點埋淮鹽更加惹味奶油脆豬烘到脆卜卜, 塗滿煉奶同牛油, 外脆內軟, 甜到入心最正係邊位烤到微焦, 脆到"咔嚓"聲雙拼治: 雞蛋+咸牛肉雞蛋炒到滑溜, 咸牛肉鹹香十足~麵包夾埋蛋同牛肉, 簡單好味~~炸雞脾即叫即炸熱辣辣!! 雞脾大超大隻, 對得住價錢~外皮炸到金黃脆口, 肉質嫩滑多汁…查看更多

餐廳走家庭日式風, 燈光柔柔地, 枱距唔算逼, 有私人空間~環境加上服務都唔錯, 食飯氣氛輕鬆舒服, 不論係同朋友聚會定自己一個Chill飯都啱晒而且價錢合理, CP值非常高!!!菜式選擇超多!!! 多到樣樣都好想食丫美國牛板肩壽喜燒 $148成個壽喜燒SET好大份喔!!! 有一碟美國牛板肩, 蔬菜盤, 烏冬, 生雞蛋, 小食等等~~先燒熱牛油, 再將牛板肩放入鐵鍋, 加點壽喜燒汁煮一陣就食得喇~~壽喜燒個湯底係典型甜鹹平衡嗰種, 帶少少日式醬油香加洋蔥甜味牛板肩肉切得厚薄適中, 油花分布靚, 夾住一片涮喺汁裡面幾秒, 啲汁黏住牛肉表面, 入口滑嫩有彈性, 咬落牛味濃郁, 鹹甜醬香滲晒入肉入面三文魚帶子甜蝦蓉魚籽丼 $108呢個丼真係色香味俱全, 一上枱已經超吸睛!!白飯鋪底, 面層舖滿三文魚片、帶子、甜蝦蓉同魚籽, 色彩繽紛得嚟睇見都開心三文魚厚身油潤,  非常新鮮；帶子超滑, 有鮮甜海水味；甜蝦蓉係新鮮打成嘅, 軟滑又爽；魚籽一粒粒爆開, 鹹香喺嘴入面「啵啵」彈開, 好過癮！微暖壽司飯, 酸度啱啱好, 夾住啲刺身一齊食成個口感層次豐富每啖都係新鮮、甜香、海味咸香嘅混合+$28就有湯, 茶碗蒸, 蟹籽, 沙律 & 飲品好抵食呀!!!香煎油甘魚鮫 $58連乾冰上既效果好靚好正呀!!!油甘魚鮫外層煎到金黃香脆、邊邊微焦但肉質依然嫩滑～魚身厚厚一塊, 切開時仲見到油份滲出食落去魚香濃郁, 脂香滿滿但唔腥, 皮脆肉軟, 鹽調味啱啱好!!芒果綿花冰 $58一大盤金黃色綿花冰好似一朵芒果雲咁綿花冰口感超輕盈、一入口即溶!!芒果味香濃、甜度啱啱好, 食落似飲緊芒果汁雪融版~~上面仲有啲新鮮芒果粒酸酸甜甜, 配合冰體真係醒神…查看更多

PHI既啟德分店裝修簡約, 走木系路線, 入去第一個感覺係「好chill、好自然、好乾淨」餐廳樓底非常高, 整個地方空氣流通, 枱距夠闊, 打卡位都唔少淨係睇圖片都覺得食物好吸引丫!!!糯米芒芒椰奶沙冰 $68椰奶味香滑, 有淡淡嘅椰甜香~加咗啲細粒糯米, 咬落煙韌彈牙~~飲落去有層次感, 啖啖芒果汁又有米香同奶香, 超滿足香芋泥米麻糬鮮奶茶（凍）$56底層係真芋泥, 厚厚一層, 好香好滑!中間係濃厚奶茶層, 茶味香, 奶味順, 淡淡的唔會太甜~~再加上糯米麻糬粒浮上面, 質地軟糯秋柿映雪布拉塔 $118大粒片布拉塔芝士, 外層軟滑似雲, 切開個瞬間奶香流出~~~乾火腿配熟柿粒, 整體顏色好秋天感～食落鹹香中帶甜, 布拉塔嘅奶香中和咗柿嘅甜味, 清新得嚟唔膩, 味道層次感豐富香烤舞茸菇栗子貓耳朵粉 $116貓耳朵粉煮得啱啱好, 煙韌帶少少筋道舞茸菇烤得好香, 整體帶點煙燻香...入面有栗子粒, 甜香加啲綿滑口感, 配埋個醬汁好好味呀!!呢個粉真心出色, 口感同香味都好正!!初秋小燈籠乳酪梳乎厘 $138個甜品好靚呀!! 橙色既糯米皮真係好似柿呀!!梳乎厘空氣感滿滿, 質地超綿密, 一切落去就「咻」噗氣感, 輕盈柔軟~~乳酪味淡淡的, 味道酸甜, 食落清爽, 甜味好平衡配埋柿肉食口感豐富!!!…查看更多

好耐冇食馬來西亞菜喇, 今日黎到大圍既佰古嗲好有驚喜呀!!餐廳分上下兩層, 裝修簡簡單單, 但係幾舒服, 牆上面仲有貓咪壁畫, 好可愛丫服務方面好好喎, 店員會主動講解辣度, 有啲菜可以揀唔辣／少辣, 非常細心~~食物款式好豐富, 有好多特色馬來西亞菜鮮牛油咖央多士 $38多士烘得香脆, 外皮金黃, 入面搽滿厚厚嘅咖央醬~食落外脆內軟, 咖央甜中帶少少椰香, 配埋牛油嘅鹹香真係perfect match水魷蕹菜 $58蕹菜爽口唔會腍, 水魷片切得厚薄適中, 咬起嚟煙韌彈牙叁巴辣椒醬帶微辣又唔嗆喉, 味道濃但食得出菜香~細滲 $88肉骨茶一上枱個瓦煲仲冒煙~ 湯底呈深啡色, 有陣陣中藥香同胡椒香飄出嚟~~飲一啖, 首先係濃濃蒜香撲鼻, 之後係胡椒辣味慢慢滲出, 最後帶少少草根藥材香同回甘味道濃郁但唔苦, 飲落暖笠笠~~~食材配料好豐富, 有豬腩肉, 豬肚, 炸豆卜, 雞腳, 金菇等等...全部都吸收晒肉骨菜既精華, 超正丫!!芽菜雞（例牌） $88馬來風味嘅切雞~~ 雞肉滑到出油光, 皮厚帶一層啫喱感, 雞肉入味嫩滑!!芽菜夠粗身、爽脆又唔會帶生青味~個豉油底調得香甜, 淋喺雞肉上面一齊食真係一流黃金醬虎蝦 $168呢味真心正~~ 邪惡但好好食!! 絕對係必食之選~~虎蝦隻隻都好大隻, 啖啖肉, 爽口彈牙炸得香脆嘅蝦殼微微焦香, 配上鹹蛋黃醬, 鹹香惹味特色拉茶 $22茶味香濃、奶味順滑, 甜度唔會死甜, 比例好平衡, 飲落滑到不得了美祿恐龍 $30上面鋪咗超厚美祿粉, 一湯匙都足夠帶返童年回憶!!底下係凍美祿, 味道香濃、甜度啱啱好…查看更多

"段純貞牛肉麵"係著名既台灣過江龍品牌, 佢地主打嘅紅燒牛肉湯底係用真材實料熬足幾個鐘, 堅持用牛骨、牛腩、洋蔥、番茄，加上花椒、八角、豆瓣醬等台式香料, 整出嚟嘅湯濃香厚實, 牛味超重, 唔駛加味精餐廳裝修風格都偏向木枱木椅, 坐落嚟就有台灣小館 feel~服務方面算唔錯, 店員有禮, 有笑容, 上菜都算快, 環境坐得幾舒服~~台式滷菜 $58(豆乾, 杏鮑菇, 娃娃菜, 花生, 麵根)呢個滷味拼盤上枱嗰陣真係香到不得了, 一陣暖暖嘅八角滷水味豆乾入味又唔鹹, 咬落煙韌得嚟有啲豆香杏鮑菇爽滑, 吸晒滷汁精華, 鹹香好食娃娃菜就清甜帶少少滷香, 用嚟中和滷水嘅濃味啱啱好花生煮得腍身, 滷得夠入味麵根入口煙韌, 滷汁掛得好實藥膳雞翼 $48藥材香味濃郁, 有種似當歸、枸杞、紅棗嘅香味.....又唔會死鹹，食落暖胃感覺幾舒服雞翼肉質軟腍, 肉滑又有微甜藥材味~~蒜醬青菜 $48燙得啱啱熟, 爽口唔焾水~蒜醬味香濃又唔嗆....鹹香中帶微甜啱晒香港人口味招牌紅燒腱心牛肉麵 $86湯底濃得嚟唔油, 紅燒香氣十足!!湯頭微辣, 尾段有少少甜, 完全係台式味道食到尾啲湯仲想飲晒佢丫!!腱心位牛肉切得厚, 炆得腍但仲keep到口感, 入味又唔韌麵條我揀咗細麵, 質感彈牙, 有麵香~~青花椒香手撕雞乾拌麵 $78手撕雞肉份量足, 雞絲滑而唔乾, 拌勻之後係麻香帶微辣, 食落有層次~~麵條煙韌唔糊, 好掛汁青花椒麻香味好過癮, 愈食愈想食, 鍾意麻辣味既友一定要試軟Q經典奶茶 $38配料有珍珠同愛玉~ 茶香明顯, 唔會畀奶味遮晒甜度我叫咗半甜, 甜度啱啱好, 口感順滑!黑糖珍珠鮮奶 $42黑糖香甜夠力, 珍珠煙韌帶焦糖香味~~~鮮奶比例啱啱好, 唔會太甜, 飲落滑順…查看更多

喺尖沙咀山林道嘅《吉祥小廚》係一間主打山西口味嘅中式小館, 地方唔算好大, 但都有包房~~環境乾淨企理, 燈光暖暖地, 好有老字號飯館嗰種踏實感最開心係 冇加一、冇茶芥費, 價錢實淨清楚!!店員服務態度爽快有禮, 出菜都幾快, 整體味道以「鹹香重口味」為主, 典型北方風味~另外食材新鮮, 調味到位~2人埋單$300到, 價錢喺尖沙咀嚟講真心唔貴兼抵食雙色米糕 $66一上枱顏色好搶眼, 黃白兩種顏色分明~米糕蒸得好香軟黏糯, 入口煙韌又唔黏牙, 有淡淡米香冇加多餘糖漿或者奶味, 純粹糯米自然香氣~熱熱食最正, 冷咗會結實啲但仲保彈性, 食落好有「古法甜點」感覺茶油炒土雞 $98茶油香氣濃郁, 有啲似麻油炒雞咁香~~雞肉用嘅係土雞, 肉質實淨但嫩滑, 炒得啱啱好因為叫咗走辣, 冇加辣椒~ 成道菜食得出雞嘅原味同茶油香, 油香厚但唔膩!!底下有啲薑片, 食到舌尖滲出微微香氣, 好惹味, 啱晒鍾意香口又唔想太辣嘅人烤茄子 $48茄子切成長開口形, 上面舖滿晒蒜蓉, 加少少調味再烤~啲蒜蓉烤到非常香, 混埋茄子嘅軟滑, 入口層次豐富!!茄子完全吸晒蒜香油汁, 每一啖都濃味又香口, 唔誇張, 蒜味fans 必點蒜茸毛白菜 $69呢碟睇落平凡, 但火候掌握得好好!!毛白菜爽嫩翠綠, 唔出水, 唔油腻~~蒜茸炒香但唔搶味, 反而提升到菜嘅清甜! 成碟清清地, 食落順口舒服…查看更多

今日又黎到沙田帝都酒店既國穗軒食飯喇~食過一次之後真係忍唔住再encore, 鍾意呢道環境舒適, 食物價錢亦相宜, 好難唔想keep住黎呢入座時見到好多枱都已留座, 想黎食真係要訂定位啦呢道既中菜菜式選擇好多丫, 有選擇困難既我樣樣都想食, 最後揀左好耐丫西蘭炒花枝珊瑚 $168鑊氣十足嘅小炒!! 花枝同珊瑚蚌炒到剛熟, 花枝口感煙韌, 珊瑚蚌則非常爽脆~~ 仲可以沾上蠔油同蝦醬食, 增添唔同既味道西蘭花翠綠, 保持口感, 芡汁濃淡得宜啫啫滑雞煲 $128一上枱「啫啫」聲熱辣辣~~雞件啖啖肉, 煮到入味, 肉質嫩滑~~配料有薑片、蒜頭同洋蔥, 索晒雞汁精華, 好惹味呀!! 送飯一流呢!!花菇紅燒豆腐 $108素食者至愛!! 厚花菇炆到淋滑入味, 豆腐煎到金黃, 外脆內軟~紅燒汁用冬菇水同素蠔油調製, 鮮味十足~ 再加咗小白菜, 健康又好味是日免費糖水: 紅豆沙紅豆煲熱辣辣, 紅豆煲到起沙, 陳皮香味突出, 甜度適中…查看更多

人生有限杯.串燒店算係新派既串燒店, 充滿日式居酒屋feel十足～木系裝修加上暖黃燈光, 一入去就聞到烤肉香味餐廳內位坐得幾舒服, 氣氛熱鬧~~~店員服務100分!! 有禮之餘做野超勤快!!!燒元貝 $48元貝燒得啱火候, 邊位微焦帶金色~肉質嫩滑多汁, 保持彈性配埋醬汁同多士一齊食口感一流!!韓風燒牛肋肉 $28烤到外焦內嫩, 肉塊厚身有咬口, 滲滿韓式甜醬汁, 入味又juicy~~鹽燒和牛牛小排 $48肉質真係超嫩, 油脂分佈均勻, 一咬爆汁！調味只係鹽同少少黑椒, 完完全全食到牛香同油香鹽燒豬肋肉 $28切到薄身方便入口, 外皮略焦啲位香脆, 入面油潤唔乾~~鹽燒鮮雞頸肉 $28咬落香滑中帶彈性, 好有「筋肉感」鹽燒雞中翼 $20用鹽燒香味好突出, 外皮燒到脆卜卜, 肉質滑嫩豚肉荔枝串 $15表面睇落似普通肉串, 但一咬開…中間係荔枝黎甜甜嘅荔枝汁滲入鹹香豬肉入面, 清爽解膩~~山椒鰻魚汁燒白鱔 $48白鱔燒到金黃微脆, 油香滿溢~~外層舖咗山椒鰻魚汁, 鹹香中帶微甜....肉質軟滑入味, 咬落口感滑有彈性芝士菠菜卷 $28內層菠菜清香爽口, 配芝士油潤感剛剛好~味道唔heavy, 入口香濃又清爽豚肉蘆筍卷 $28蘆筍爽口多汁, 豬肉薄薄包住, 煎燒到焦香蟹粉日式豆腐 $68豆腐炸得超滑!!外皮薄脆、內裡嫩到似豆花~~鋪住成層蟹粉醬, 香濃幼滑、帶海鮮甘香每一啖都係豆香＋蟹香融合蝦多士2件 $58多士炸得香脆, 蝦膠厚實彈牙~蝦味勁濃, 咬落仲會啵一聲搭配蛋黃醬味道剛剛好雞油生炒豆苗(清甜) $58豆苗炒得啱啱熟, 保持翠綠同清香~雞油提香但完全唔膩, 味道清爽蜜糖牛油粟米 $10細心串起, 燒到金黃～蜜糖味香甜突出, 牛油香勁重菠蘿可爾必思 $28飲落先有菠蘿酸香, 之後係可爾必思嘅奶香味~有啲似乳酸飲品版夏日特飲荔枝檸檬梳打 $28冰涼一杯, 檸香清新, 荔枝味香甜~氣泡感十足, 飲落清新又爽口《人生有限杯》真心係旺角少有高質氣氛串燒店食材新鮮、火候準、創意夠、環境又舒服串燒全部都燒得靚、唔會燶、唔會鹹過龍無論係放工想歎串燒＋飲杯, 定約朋友食餐開心飯, 都好啱嚟呢度…查看更多

早排再同朋友去旺角朗豪坊「The JEJU」, 真係食過返尋味, 好想再去食丫!!!餐廳主打韓國濟州風味燒烤, 地方幾型格, 裝修走暖木＋石灰牆風~~ 一入門口已經嗅到陣陣烤肉香, 座位寬敞, 抽煙系統夠力, 食完件衫都冇乜油煙味 🙌成餐店員都會幫忙燒肉, 仲會主動幫你翻面, 唔怕自己燒到乾晒餐廳氣氛舒服得嚟又帶啲高級餐廳 feel, 價錢屬中價 range, 以質素嚟講都ok既~ 特別推薦俾鍾意韓燒、又想食到韓式精緻感嘅人一坐落店員送就上前菜+醬料~哈哈笑醬料這型好可愛, 食都食得開心d點完菜就送上一大碟燒烤配菜~~包括泡菜, 雞睥菇同橙....店員會將全部配菜放晒上石板燒熱漢拿峰梳打 $48顏色超靚！橙黃色漸層, 好似濟州漢拿峰橙榨出嚟咁~~飲落氣泡感清爽, 果香自然唔假甜, 帶微微酸味, 好醒胃芒果奇異果沙冰 $48芒果奇異果沙冰香滑甜美, 酸甜 balance 得好好~~飲落又凍又滑, 果味超濃牛肉套餐 A Set: 牛肋骨肉200g + 牛板腱肉100g $658韓牛肉切得厚薄適中, 色澤鮮紅, 油花均勻🔥 牛肋骨肉 -- 燒完香味超強, 肉汁豐富, 咬落有彈性但唔韌, 油脂香滲晒出嚟🥩 牛板腱肉 --  就相對瘦啲, 但肉味更濃郁~~ 燒到五成熟時啱啱夠嫩滑, 配埋韓式海鹽或者蒜片食, 好解膩又地道石盤炸醬拉麵 $58呢個並唔係普通炸醬麵咁簡單, 而係用石盤炒既炸醬麵！炒完既麵熱辣辣, 炸醬厚實濃香, 黑豆醬味重但唔死鹹, 醬汁掛得實, 食到尾都仲香口醬油蟹 $318韓國人氣菜一定要試!! 蟹上枱時已經切開, 蟹蓋啲膏閃閃發光~~醬油調味香濃但唔死鹹, 蟹膏滑到似食布甸咁, 超甘香最精華係拌飯部分, 白飯撈埋蟹膏、蟹肉、醬汁一齊食鮮味爆棚烤糯米糕 $78外層微微焦脆, 啲邊位香脆得嚟好似焦糖咁入面煙韌暖笠笠, 每啖都有米香~~上面灑咗啲黃豆粉同練奶, 甜度啱啱好!!食完前面幾道重口味嘢之後嚟一件烤糯米糕, 啱晒作結…查看更多