catfee0424的個人專頁

Lunch見度度無位行入去，點知坐低上菜用咗半個鐘，野飲都無杯。之後請個侍應生跟單佢竟然話今日好忙唔得呀跟。叫咗蕃茄豬軟骨烏冬同芝士炸雞拉麵。兩碗麵都好難食，啲肉離皮嘅淋，糖心蛋係凍無味，舊雞好郁粉，啲麵無味。食野嘅時候，不時聽到侍應狂燥互鬧，講哂粗口，仲嚇親個啱啱入嚟坐嘅伯伯。最後食咗$180，要加一服務費，其實完全無享用個甚麼服務，好意思收服務費。最後因為佢哋話部機壞咗，無電子支付，收錢勁慢。個收錢大媽仲要一路收一路鬧返啲侍應。場面一片混亂。鬧劇一場…查看更多

抗疫期間，屋企又諗住食餐好。妹妹就提議一齊外賣鍋心鍋心份量係以人頭計，因此食物份量適中，不會過量浪費。外賣鍋心交足功課，並無失望，食物果然新鮮！海鮮的鮮味十足，套餐有魚石班、鮑魚、海蝦、蟹、扇貝、蜆⋯烹調時間可參照鍋心社交平台page呢！除咗海鮮外，特別推薦手打雞肉丸，雞肉滑，粒粒親手製作，真係好好食如果喜歡食蔬菜、肥牛嘅朋友，建議自己準備定，因為鍋心加菜略貴㗎咁樣就可以享受一餐豐富嘅新鮮海鮮邊爐…查看更多

因為教會小組活動，有機會嚟到「跑緣」，聽黃牧師嘅生命分享，一嚐「跑緣」的美食我哋一行10個人，叫咗團體套餐「跑緣盃10公里」。餐廳食物以健康為主線，精心挑選食材，烹調少油少鹽。特別推介佢哋嘅signature「特色飛毛腿」，雞鎚皮脆肉嫩，肉汁鎖在雞肉𥚃青口墨魚汁燴意粉都非常出色，青新感覺讓人一試難忘，喜歡海鮮嘅朋友不容錯過黃牧分享餐廳特別注重食物嘅質素，因此食材都精挑細選，作為食客我吃得出主廚嘅心思，這年頭小店能夠堅持選用高質素嘅食材，讓食客食得健康，真係值得支持「跑緣」係跑友嘅竭腳亭，離開時看見不少跑友相聚一堂，傾傾偈，喝杯咖啡☕️ 牆上亦看到牧師跑馬拉松嘅號碼布，亦都可以睇到「養生跑」嘅心得。就好似金庸小說，把心經口訣刻在牆上的英雄，各路跑友應該都會潮下聖除咗文青嘅裝潢，還有黃牧師的分享亦係呢間餐廳嘅signature。無論係對露宿者嘅承擔，福音餐廳嘅理念，宣教嘅堅持，跑步嘅熱情，抑或係營商嘅想法，都成就左呢間有人情味嘅小店。…查看更多

偶然走過灣仔，尋找小店。發現咗呢間專賣日式料理的餐廳。適逢午飯時間，店舖非常忙碌，好在有位！我和老公試咗日式咖喱豬扒飯同照燒雞扒定食。豬扒飯係用吉列豬扒，外脆內軟，肉質香甜，值得推介。連嘢飲需要50幾蚊，價錢合理。反而照燒雞扒定食，味道一般，而且雞皮略肥，連嘢飲要港幣90幾蚊，價錢偏貴。最後試埋紫薯脆薯餅，廚房即叫即整，上菜嘅時候仲係熱辣辣，吃出濃濃嘅紫薯香味，紫薯控嘅我表示10分欣賞推介各位紫薯愛好者前來一試…查看更多

放工後經過佐敦，就去了朋友介紹的韓國炸雞。雖然舖頭不在大街，但跟google map都易揾。入到去，地方寬敞，侍應大多也是韓國人，十分親切。我和男友揀左啤酒，炸雞，雞蛋卷，炸雞唔肥、皮幾薄，所以味道不錯。雞蛋卷，加上茄汁，都幾開胃。因為食物份量也很大份，肥仔肥妹都食到好飽。不得不提旁邊幾多韓國人食客，相信因為食物都正宗。飲品叫左芒果啤酒同生力黑啤。推薦旁邊見到幾多人食烤肉，見到肉質也不錯。大家下次可以試試喔~…查看更多

同朋友週未到梅窩透透，日頭行山，晚上决定左係碼頭附近食個西餐。最後選擇左選擇比較多既The Kitchen。同往常西餐廳一樣，The Kitchen既menu都有main, pizza,pasta,嗰啲。因為見到其他枱食pizza都好大個，我地兩個女仔就叫左兩個pasta。pasta既味道好有驚喜，廚師用左特別既配料令到肉類既鮮味更開胃。加上份量都好足夠，做完運動都夠食。加上餐廳內多數也是外國人和遊客，配上外面既海浪聲和柔和的音樂聲，整晚晚餐都好輕鬆。值得推薦!…查看更多

係上環附近返工，成日忍唔住就行左去食茄汁雞扒燴意粉。源興既雞扒唔肥，又多汁，上菜速度又快。雖然係邪惡嘅，但間唔中食下真係好滿足。不得不說有位侍應哥哥，成日見佢好忙依然笑容滿面，仲同客人有講有笑~輕鬆既茶檔lunch~如果lunch食既，大家要有等位或者搭枱既心理準備。不過等位平均速度都快嘅，所以如果同事一齊傾下計應該到了。話說源興除左有雞扒、仲有牛扒，豬扒嗰啲，今日見到隔離嗰碗沙爹牛米都好似唔錯。值得推薦…查看更多