食滋誘惑的個人專頁

朗壹新開餐廳，性價比高，仲要新店88折好抵食。食泰國野一定要叫鳳爪，夠哂開胃！佢個酸辣食落去夠醒神，但又唔似平時餐廳買果啲酸辣醬。叫多個蠔餅，咬落去一啲都唔油，仲要好大碟好正！蠔都好多好足料，同埋新鮮唔會好腥。串燒一定要點佢個是拉查醬，佢有一個沙爹醬，一個是拉查醬。個是拉查醬勁似千島醬，但食落先知唔係，仲要點醬好好食。呢啲小食拼盤同軟殼蟹都必食之選，軟殼蟹好脆，辣椒炒到好香，可惜驚太飽，唔係再叫多個咖哩試下。…查看更多

之前一直都好想去元朗呢間老馮茶居度食，放假終於有時間早少少起身出去食，差唔多10點幾11點都要等一陣，大概20分鐘左右，前面有幾枱等緊。坐低之後即刻落單嗌咗幾個小食，同普通茶樓都一樣，叫咗幾個必食嘅點心，仲有嗌咗少少老馮算係招牌點心（？）金牌炸芋角👉🏻出邊整到好脆，入邊全部都係實心嘅芋泥餡五柳炸雲吞👉🏻外面個皮炸到好脆，用手拎要好小心，因為個皮都比較薄，好易會碎，入邊成隻蝦喺晒度蜜汁叉燒腸👉🏻皮好薄，入面係切碎咗嘅叉燒，但感覺個叉燒唔夠蜜汁味，同埋豉油汁冇乜味老馮鮮蝦餃👉🏻個皮好薄，入邊有2隻細蝦古法牛肉球👉🏻食落去有細個食開牛肉球嘅味道，芫荽比較多，但食落去個味道都ok老馮流沙芋泥包👉🏻比想像中好食，成個流沙餡，入邊奶香蓮蓉芋泥餡，好足餡，出色老馮鹹水角👉🏻炸都好脆，入邊啲餡都好足料薑汁燉鮮奶👉🏻如果要熱食大概要等20分鐘，凍食就快啲，差唔多即嗌即有整體感覺比我想像中好，有懷舊茶樓風味嘅，而且裝修都比較懷舊風😆…查看更多

話說在母親節前夕先訂枱，幸好都有少量位置，二話不說地即刻落枱！因為好想食扒嘛，之前都想帶媽媽食下啲非中式既餐廳，所以今次訂左西式先講下間餐廳地理位置，其實都尚算方便，尖沙咀行過去都好快。然後上樓坐底，環境都整齊鬆動既。先叫左個炸薯青口，青口都算大粒同抵食，價位又唔太高。青口食完仲有陣餘香，然後食一啖脆薯，將兩種口味完美咁混合一齊，完全冇違和感。然後各人自己點餐，小貓奴我就食左個羊架一直好想食，見到有就即刻叫左！羊架叫左7至8成熟，唔太生又唔會太煙韌，對我黎講呢個熟度係剛剛好食落去係個口度爆汁，感受住肉質内𥚃鬆軟外面清脆既口感。佢既配菜以薯菜同露荀為主，薯角都算厚身，而露筍都相當「林」。另外配左個大蝦意粉，可惜既係美食當前，蝦得2隻，一家人分係有難度個蕃茄汁既酸度一流，配上扁意粉𠽌一聲，開胃絕對冇難度。另外，小貓奴都忍唔到口，見到個草莓飲品，又想試下飲喇。佢啲cream十分邪惡，但見到就相當開心好好味呢～總體來說，是不錯的一家餐廳值得推介黎試…查看更多

細心一睇呢條金馬倫道，忽然見到呢間精品店咁既餐廳，內在干淨整齊，晚上時間建議都係book左枱先去。呢間餐廳行街行到攰係相當岩入去坐低慢慢食，除左有正餐，仲有一啲小食比你揀，肚餓醫肚真係一流。先講正餐，點左個黑松露扁意粉同粉色卡邦尼，賣相同味道都好正。黑松露味道比較濃，雖然汁唔多，但勝在味道夠。另一個卡邦尼就多汁，睇上去係粉紅色，但食落去都唔會染到成咀粉紅。配搭左個流心蛋係面，味道更加好！至於小食，點左個黑松露薯條、薯仔沙律、蝦，同埋黑毛豬。薯條本身黑松露味夠濃，仲配左幾個汁比你點。八爪魚薯仔沙律個味更正！薯仔唔係硬身果啲，係入口即溶咁滯，仲要仲八爪魚同佢一齊食，口感一流。而呢盤蝦呢，味道幾好，點埋個醬仲好！尤其係綠色醬，少少辣味點綴左成隻蝦，仲可以混醬地加埋甜酸汁上去。而黑毛豬呢個包，食法可以有好多種。我自己就中意加埋一齊食落去，有幾重滋味嘛。拎起個包，塗上醬料，再放肉同菜，幾個口感混合一齊飲品方面，叫左士多啤梨奶昔同洛杉磯。士多啤梨奶昔上配有棉花糖，撕落黎食又係入口即溶。杯洛杉磯就係有藍蝶花同水果混合一齊，飲落都好味，而杯野偏酸，中意飲檸檬既就會好中意飲。…查看更多

係覓食期間見到呢間外觀幾特別既餐廳，好彩地晚飯時間冇book而又有位，即刻入座阿。呢間泰國菜食相同味道都唔差，點左個椰青海鮮飯，好足料！佢除左成個椰青上，仲會有杯椰汁，真材實料。海鮮炒飯勁大隻蝦同青口，而且仲有椰青肉，邊食飯邊勺椰青肉。然後叫左啲串燒食，味道都不俗，點下汁慢慢食。最重要係食泰國菜點可以唔食生菜包，足料得黎又有少少辣味。塊生菜仲要幾大塊下，方便你勺餡入去。成餐飯食完真係好飽，仲要好抵食，埋單都係二百幾三百蚊…查看更多

早幾日收工同朋友行開大坑果邊，結果搵到間幾特別既餐廳，外觀相當細緻，就好似麻雀雖小但五臟俱全既感覺。入到去坐低就叫左杯奶昔飲先，味道其實好好，唔似一啲奶昔咁冰多到乜咁又溝稀哂杯野，完全係完勝左出面奶昔。再加上佢除左有雪糕球比你勺之外，仲有層隱隱約約既cream係底，飲起上黎層次又多左啲。杯奶昔唔止飲，仲可以食！上面個donut本身未食之前以為好甜，心諗唔係嘛膩死人喎，但試過先知原來唔係甜死人donut，個心都即刻定啲。食落其實好鬆軟，甜得黎又有小麥麵包果種咸香，中和番成個味道。主菜我同朋友一人叫左一個，打算share食。其中一個係咖啡吞拿魚流心蛋窩夫，味道真心好特別，如果你中意飲咖啡，呢個包你有驚喜，因為佢個吞拿魚就係用咖啡粉做調味。黎野食果時見到好似普通既香料吞拿魚，點知食落去，咖啡果種餘香一直係口度徘徊，好正阿救命。仲有個蛋，佢個蛋除左有蛋花外，仲要係流心、流心、堅流心蛋！戳落去果下見住啲汁漏出黎，受不了一啖食哂落肚另一個係蟹肉多士食落去依然有驚喜，就係果陣芥末味好正，唔會係好辣好嗆鼻，係一食落去之後會揮發，同樣地個餘香會令你不斷一啖一啖咁食落去但多士邊都好脆其實，唔似平果果啲厚多士咁硬到咬甩牙，而係鬆化既多士黎，口感好好。之後當然唔少得既係甜品，點左個tiramisu 食。佢用左個朱古力雪糕做底，上面係一舊蛋糕黎。講真食甜品真係冇得輸，用上層沾少少朱古力雪糕黎食，味道溝埋都好好。…查看更多

之前一直都想食呢間，前幾日終於食到，一入到去已經比佢既裝修吸引，採用左古香味重既懷舊色彩，加上啲係外國等火車既鐘錶做裝飾，同埋佢個賣票處都特別，雖然只係用作收銀，但都見到佢地好有心思係個環境上，食起上黎先有果個氣氛。落單之後都唔係等好耐，已經黎左杯飲品。呢杯飲品睇落咁正，飲落仲正！最中意啲一粒粒好有咬感既野，你以為抹茶加珍珠有幾特別？錯哂，係咖啡果凍黎，加埋一齊啜的口感簡單係正到不行！再黎個正餐睇上去個款都唔差，印象中呢個係A2餐黎，好中意個蛋阿！！太陽蛋仲要流心🤤🤤🤤受不了！呢個腸仔味道雖然同普通腸仔冇分別，但勝在佢個皮，咬落去夠爽，真心爽皮個薯塊味道唔錯，冇乜油係面，而且夠脆，薯塊唔脆真係會難食到喊總體來說，成間餐廳環境連食物都不錯，值得一去，尤其係啲懷舊、文青最岩去邊食邊影。…查看更多