Monica1973的個人專頁

今日去元朗做嘢，諗住去又新街逛吓有冇嘢買。見到好多人買外賣，湊熱鬧見到原來係海南雞。左睇右睇揀咗一個孖寶二人餐：半隻去骨海南雞；夠晒嫩滑；仲有佢哋自家出嘅三種配料。另外配個餸我揀咗魚香煎肉餅；好有鹹香味，五件大大件；送飯一流。另外包個時菜同兩個飯。仲有兩個無味精雞腳，蘿蔔粟米湯；非常好飲；啱晒我哋啲寡佬。百幾蚊咁多嘢，覺得幾抵；難怪咁多街坊幫襯。…查看更多

今日晨早去上環做嘢，搵到呢間大快活，座位唔多，一位難求。最近肥左;吾敢食太多;叫咗個29蚊輕怡早餐：牛奶麥皮夠香滑，烚蛋同多士都新鮮。配埋個熱齋啡，拿拿聲搞掂就開工。…查看更多

今日同閨蜜去尖沙咀shopping，估唔到平日都咁多人，行到攰佢介紹我去呢間The coffee academic坐低食啲嘢。呢間舖頭好多分店之前都食過，但尖沙咀呢間環境夠清靜，亦都坐得舒服。我叫咗個橙汁咖啡梳打，好特別；橙汁同咖啡嘅平衡做得啱啱好，絕對值得一試。朋友就揀咗個黑朱古力咖啡，咖啡豆味濃郁配咗skim milk 健康啲。另外叫咗個帶子大蝦喇沙意粉，意粉好特別，夠晒咬口。仲有一個辣味雞翼,雞肉非常嫩滑，作為小食非常惹味。呢度坐得舒服，侍應服務專業，價錢合理；絕對值得推介。…查看更多

今日放假同朋友去咗一間貓Cafe，我胴友好鍾意貓，所以迫於無奈要陪佢上嚟睇吓。上到嚟又覺得環境幾靚，好多貓貓控。貓Cafe除咗有好多貓貓同你打卡之外；仲有三文治同甜品可以chill吓。至於咖啡同茶就免費任飲。我同女友玩得樂而忘返；打吓卡玩吓，唔覺唔覺就燒咗一個下午。店主好有心，收養左好多貓貓，有心人一定要多多支持。…查看更多

今日放假同朋友去咗油麻地YMCA城景閣食lunch buffet。每人二百零蚊；食物唔算太多選擇，但咁嘅價錢性價比算高。食物都算新鮮，坐得舒服。交通都算方便A2 油麻地出口行過去1分鐘就到。長者仲有特價、再平D。…查看更多

今天中午，我們五個人齊齊Lunch time 到一間叫茜廊的餐廳食飯。聽講佢哋的食物好味又抵食。我們點咗焗豬扒飯，香噴噴的味道讓人食指大動；煙三文魚沙律清新可口，雞肉沙律又係健康之選；而豬扒拼雞扒配薯菜就更加豐富，肉質鮮嫩。最後，還有凍檸茶和羅宋湯，都算係滿足的一餐！…查看更多

今天下午我去咗一間叫「魚米」嘅餐廳！我哋叫咗莞西皮蛋黑魚片配飯，味道濃郁，魚片滑溜，。而且仲有煎封黃立倉魚，外脆內嫩，食落去口感超級好。整體來講，呢餐真係幾滿意，值得再嚟！…查看更多

今晚同班老友記去賀壽，食到個個捧住個肚走！我哋叫咗個 **套餐B**，頭盤 **國寶京酥鴨** 皮脆肉嫩，鴨油香到漏！跟住重頭戲 **火焰啫大海蝦**，伙計即席淋酒點火，嘩！成枱火光熊熊，蝦肉爽彈仲帶陣陣酒香，影相呃 like 一流！🦐 個 **宮廷雞煲翅** 湯頭濃到黏脷，翅針足料，飲完成身暖笠笠～ **煎釀太子魚肚** 外脆內滑，魚肚吸晒鮑汁，鮮味爆棚！條 **清蒸東星斑** 蒸得啱啱好，魚肉嫩過豆腐，蘸啲豉油鮮到飛起！🐟 **蝦乾鮮肉唐生菜** 夠鑊氣，蝦乾鹹香吊出菜甜～ **瑤柱桂花蛋炒絲苗飯** 乾身香口，蛋絲同瑤柱碎撈勻飯粒，食到尾都唔油膩！ 另外加咗夜明珠，生日打卡必點！ 最後 **陳年古法紅豆沙** 綿滑起沙，陳皮香畫龍點睛～成餐由頭靚到尾，賀壽夠晒體面！…查看更多

今晚放工，經過新蒲崗 譽・港灣附近，見一間名叫「天廚海南雞」的餐廳，好多人等外賣。趁墟我又叫埋一份。我叫左兩個半份Ge去骨海南雞，佢果然無買錯；有圖有真相。肉質鮮嫩，配上三種唔同嘅醬料；簡直無得輸！好鬼正！另外再叫左辣酒煮鮑魚，五隻夠曬鮮味，唔韌有咬口；辣味剛好。老媽子同老豆都食得過癮。老豆鍾意食𧎚，叫左一份有八隻Ge辣酒煮花蝦，蝦肉彈牙，配上香辣的醬汁，成家人都讚不絕口！…查看更多

今朝早起身，肚仔打鼓，即刻衝咗去麥記醫肚。我哋叫咗兩個精選早餐，加薯餅，另一個配熱香餅，仲要兩杯即磨黑啡醒神。 個炒蛋ok，熱香餅,薯餅夠熱已收貨。杯啡香濃夠苦，飲完成個人醒晒。吾駛排隊，等一陣有得食，都算係咁啦！ 最正係同朋友一邊食一邊吹水，夠晒寫意。ps :要特別嘉許樓面服務嗰位姐姐，敬業樂業;專業有禮…查看更多

今天中午，我哋去咗紅磡都會海逸酒店，享受咗一頓美味嘅自助餐！因為用平台訂購，仲有買二送二嘅優惠，每個人只需約三百幾蚊，真係好抵！餐廳嘅食物選擇多樣，有海鮮、燒烤同甜品，食到我哋心滿意足。環境舒適，服務亦好到不得了，真係一個唔錯嘅午餐體驗！下次一定會再嚟！…查看更多

經過屯門一田超市;忽然想食雞脾。以前超市縮晒水;無左好多熟食。見到Ie間食店有鹵水雞脾$15蚊;諗住買黎頂下口瘾。比錢話外賣要加$2 蚊。細細隻雞鎚size ,味道一般。一句講哂無下次。…查看更多

打波先嚟落雨，打完波今日同老友，因為避雨入咗一間茶記食個下午茶。茶記之中呢間都算乾淨要俾10分，但啲音樂就嘈咗啲好似身處祖國嘅懷抱。但唔影響食物質素。我哋叫咗牛腩米線，味道濃郁，牛腩軟熟得嚟又唔柴，正！仲有凍檸茶，清新解渴。之後再嚟碗粟米雞絲飯，雞絲滑嫩，粟米甜得來好有口感。最後，唔可以唔提熱齋啡，香濃可口，十分滿足。推薦大家嚟試下！…查看更多

今日約咗閨蜜去銅鑼灣行街食飯，大家都想食中餐。其中一位朋友介紹呢間銅鑼灣廣場二期嘅香馥樓。我哋四個人叫咗個夏日套餐。呢度環境清靜高雅，女人仔傾偈最啱。首先侍應介紹杯靚靚濕紙巾抹手，夠頂癮。另外茶壺都靚過人。先上個紫砂功夫燉湯，內外兼備。夠趣緻之餘，保溫一流。椰子燉雞夠曬足料。之後前菜好精緻：香煎蓮藕餅，青瓜海蜇頭、子薑皮蛋凍同黑魚子煙燻流心蛋。呢個前菜色香味俱全。藕餅煎得啱啱好。馬蹄同海蜇頭都好爽；子薑皮蛋凍尤正。既精緻又好味。蒜蓉蝦乾蒸勝瓜，份量十足，心機嘢既健康又美味；唔使成日食菜咁悶。最後佢嘅招牌菜香馥燒鵝，果然有料到啖啖肉夠入味配埋甜酸醬正到爆。呢度環境優雅、食物美味、服務更加超班，每位侍應都禮貌細心。見到有啲歌星表演嘅套餐，下次一定要同媽咪嚟幫襯支持吓。…查看更多

今日晏晝，去開銅鑼灣特登走咗去一間老字號「么鳳」涼果舖掃零食！呢間鋪頭真係街知巷聞，尤以話梅最出名，上次買嗰D未食完，今次就買脆口野。一入到去，涼果花多眼亂！我二話不說就掃咗幾款招牌貨：軟齋燒鵝同硬齋燒鵝各一包，軟嗰隻煙煙韌韌，硬嗰款咬落「索索」聲，兩種口感都正到爆！仲有琥珀合桃，每粒都掛滿蜜糖，金黃剔透，流晒口水。最抵死係佢哋嘅番薯干，甜得嚟帶少少嚼勁，食極都唔厭。最後仲要咗包花生送啤酒，啲花生粒粒飽滿，鹹香脆口，真係「食過返尋味」！埋單嗰陣，姐姐仲好好人送左鲍魚酥同陳皮味梅片俾我試食，搞到我未出門口已經諗定下次要買乜！今次真係「大出血」，但買到咁多正嘢，抵啦！…查看更多