papajueklo的個人專頁

不用多說，琴晚去幫襯完，以後唔會再返轉頭。叫咗幾樣點心，唯一叉燒包比較正常，其他嘅竟然連鎖點心外賣店比你好食。濃湯鮮竹卷，個湯淡而無味，好似飲緊生粉水咁。鳳爪排骨飯，鳳爪同排骨調味都唔夠鳳爪，淡而無味冬菇時蔬，係咪冇錢買蠔？油用西生菜已經夠cheap，成碟嘢都冇味，你啲西生菜仲有好苦澀嘅味。叉燒包，唯一正常少少。琴晚有幾樣嘢都賣晒，然後老闆娘話，今日咁遲嚟就冇啦。其實我7:00已經點緊餐，咁係咪要3:00過嚟食晚餐？呢啲情況只係管理不善！唔好怪香港人唔幫襯你，你只可以呃啲食唔出你哋偷工減料出品嘅客。老細，而家搵錢好辛苦㗎，想食餐好少少，點知係貼錢買難受…查看更多

今日係2024年10月20號，我中午12:05落單，等到12:35都仲未有得食。真係想知平時幫襯開嘅人究竟係耐性比我好？定係真係值得等咁耐？一個麵檔出餐時間嚟講簡直係零分！樓面服務態度都差得很，我已經冇同其他城市比較，香港飲食業走下坡的確係有原因！好食唔係大晒，更何況我食都無機會食，因為半個鐘已經係我等餐嘅極限！真係唔係個個識煮兩味就可以開檔做生意，唔識管理就請人幫你管。好好奇平時一至五嘅午市係點搞？排隊後再等半個鐘？未食已經夠鐘返公司啦大佬！…查看更多

$61 蚊食個粟米玻璃水汪汪魚柳飯，魚又冇味，粟米幾乎數得出有幾多粒。又話什麼什麼良心店，結果出品同一般茶記差不多，怪不得冇人排隊。黃店唔係大晒，一定冇下次😡😡😡…查看更多

今日三月三十日到明記甜品天后店幫襯，入去搵位已經冇人招呼又見只有一張吉枱咁我唯有自己坐底，但張枱其實已經放滿上手留底嘅碗碟...都無所謂。之後我同女朋友order 咗一個手礳豆腐花同榴連西米露，等咗五分鐘倒兩份甜品已經上枱，當我女朋友食完第一啖嘅時候，我見佢停咗喺度望住碗手礳豆腐花，然後佢話：百福豆花嚟喎！！於是我試一啖，身為一個香港人又點會未食過百福豆花呢？？然後我同女友講一陣埋單去問下佢，睇下佢點答先？到埋單時女友問店員係咪用百福豆腐，店員話：咩百福豆腐丫？（扮無知嘅態度）講真如果你肯認我地都無咁嬲，其實如果你地態度好啲件事應該無咁差！再講我食嘅榴連西米露，係十分麻麻！實在失望！！…查看更多

幫襯過好幾次今次最失望，基本嘅Americano竟然差咗咁多，杯咖啡好似水一樣咁，定係你地轉咗豆？真心希望你地可以檢討一下，如果唔係好難留得到啲街坊客。不過我短時間內都唔會再幫襯 Sorry!…查看更多