Zuka C.的個人專頁

超級壽司向來有口啤，由我學生時期已早到過此處食飯，不過之前都只試過拉麵及定食等之套餐。因突然想吃生蠔，今次就試埋佢生蠔和其他海鮮，真是每一碟都有驚喜，樣樣都十分新鮮！首先來店鋪介紹的燒栗米，好香好好味！接住是大溝貝，雖份量好少但鮮味十足後上我最想吃的生蠔，分別是法國 、 Majestic生蠔都非常好果，法國那種較甜。跟住的北海道馬糞活海膽係最最最好味！兩雙當中有隻較大，另一隻細少少色澤較深。唔好睇少細果隻因爲味道反而係細的較甘香，雖大的也不差。最後係牛粒炒飯，牛粒很香，一貫水準。今次變完佢既海鮮更明白此餐廳的美名不是浪得虛名！…查看更多

上OpenRice搵到呢間餐廳，雖然見到其他人都會不約而同有一啲差評但咁岩近我就試試，而無我想像中咁差，起碼服務員態度都唔會話惡劣，都幾有禮貌。可惜上菜嘅前後次序就錯左，上咗湯先至上麵包，然後又唔記得我哋攞咗個前菜，搞到食晒主菜先嚟。講返食物先，第一個我哋叫咗黑松露野菌忌廉湯，味道唔錯，非常之香，有濃郁的菇味！之後就係生蠔，嗰日有三款，有兩款＄150（3隻）同一款＄180(3隻）,個人覺得貴少少果款得個大隻，反而150果款好食點。第三樣就係沙律，我地點左無花果水牛芝士沙律🥗味道不過不失啦，無花果係幾特別嘅。跟住就上牛肝菌意大利飯，感覺上啲飯嘅口感比出邊嘅意大利粉更加有咬口，味道都唔錯。之後就係溜咗單嘅芝士焗蟹肉大啡菇，唔知係唔係太過真材實料嘅關係，蟹肉有時會連埋啲殼一齊係隻菇，味道方面是幾好的。最後就係焦糖燉蛋甜品，因為我哋得兩個人，冇得試最多人叫嗰個拼盤....味道還好，同出邊都差唔多。提一提呢度係冇清水供應的，要另外一支支買。其實總括嚟講間野啲味道都幾好，只係作為一間高級餐廳來講收呢個價錢應該唔只呢個質素，嗰日我哋食嘢嘅客人唔過四台，但係咁樣都可以將啲上菜先後次序調亂同埋漏咗單，而且蟹肉入邊都有幾多蟹殼下,個人認為應該改善一下先可以對得住呢個價錢…查看更多

朋友買咗團購券上去試食,間餐廳係海港城對面嘅一個樓上鋪,唔算好難揾，我地既二人餐份量唔多不過對兩個女仔黎講都叫做夠食，包括餐湯，白酒忌廉煮青口，美國燒春雞配燒汁,煙三文魚凱撒沙律，明太子蟹肉沙律同甜品。我地另叫左兩杯野飲。先講青口，味道都好唔錯，但個人覺得可以再改善個白汁更好。燒春雞都非常香，最推介佢旁邊個沙律配菜。明太子蟹肉意粉亦都好唔錯呢！！！濃味但唔會太漏。最後就係個甜品，個泡芙值得一讚！好好味！！總括而言呢間餐廳都真係好唔錯，我會回頭再食，可惜佢位置未必係一般人行街會wall in入到，希望大家睇到食評都會上去試下…查看更多

一路都聽人哋講德美壽司好好食，自己之前都試過食另外一間，今次第一次試呢個細細間嘅德美壽司，今日嘅輪候時間都唔算短，但係講緊我哋前面係冇枱等緊，都等左成20分鐘，真係餓到我肚都扁，終於等到有得食，我哋叫咗三文魚茶漬飯，海鮮蒸蛋，清酒煮蜆，帶子沙律，燒牛舌，燒煙肉蠔，火炙三文魚飯，發覺呢度個餐牌俾另外嘅德美有嘅嘢食係少好多，我哋想點嘅海膽刺身同埋芝士年糕都冇，唔知係咪因為新年嘅關係所以好多嘢食都冇，有少少失望，不過我哋叫嘅嘢食質素都唔差，味道方面清酒煮蜆唔似出邊一般嘅清酒煮蜆兜湯咁淡口，佢有好強烈嘅酒味，非常足料，燒牛舌亦都抵讚，仲有海鮮蒸蛋都非常足料，個蛋一上到嚟啲餸滿都一眼就望到，果然德美就係唔同啲。而且睇下大家，記得食多啲食飽啲，因為我哋兩個人食完好似好飽，但係過咗幾個鐘之後出奇地感覺到勁肚餓，唔係太耐飽。…查看更多

車仔麵都可以好高檔，做完野好肚餓又想快食野就入左靚靚車仔麵醫肚，佢d配料真係如其名，唔係一般的車仔麵配料！又有花膠又有薰肉。我今次點左韭菜，豆卜，九轉豬腸，口水雞翼同花膠做配料，每樣都整得好有質素！個豬腸係有少少趣趣地，韭菜亦都食得出好新鮮，口水雞麻得黎唔會太辣 ，最正當然係個花膠啦 ，熱飲係送既菊花茶 ，岩曬女仔 …查看更多

今日年初三，諗住食完飯同朋友行附近夜市，隨機行到旺中呢度見到有間新嘅西餐，價錢都好優惠，一個意粉都只係60幾蚊就有交易，而且見到係新開嘅餐廳，入邊雖然唔大但係啲嘢都好新好企理，叫咗個蒜香蝦肉扁意粉，加多＄38就可以轉埋做餐，可以揀沙律或者小食一客，有埋嘢飲同埋雪糕，嘢飲唔係淨係普通檸茶檸水，仲有兩款特色特飲，咁我就揀咗藍色嗰一杯，味道都唔錯，另外仲揀咗沙律，個沙律幾好食，出乎我意料之外，而且最值得讚嘅係入邊個車厘茄，非常之鮮甜！跟住就係上個意粉，個意粉其實炒得好香同埋口感好彈牙！唯一美中不足嘅就係佢好似冇落到鹽，不過如果食得健康嘅朋友仔都幾啱食，咁啱我就係鍾意食啲清清地嘅食物所以還好，因為一般整意粉嘅地方好難整到佢呢種口感彈牙嘅意粉，意粉嘅香味可以蓋過左佢嘅淡味嘅缺點，以呢個價錢黎計都真係幾抵食！最後仲有雲呢拿雪糕送添，如果午餐應該會再平好多，我會去食第二次！性價比好高，買單只係＄108。…查看更多

行過又一城經過已經比間野既裝修吸引到，入邊裝修全部以白色同淺色為主，好優雅😍岩曬黎影相打卡。不過間野又真係得個殼靚，d野食真係不敢恭維，啲價係好抵但就真係冇乜質素。。。。我地點左兩個意粉，一個拿破崙帶子蝦意粉，另一個係海鮮意粉，個拿破崙帶子蝦意粉我食唔到有帶子，以為自己睇錯左，個海鮮意粉啲蜆仲有啲關埋口既好唔新鮮，總結呢道如果係同一大班女仔朋友影相打卡係好好嘅地方，但係想品嚐美食就千祈唔好過嚟囉。。。。…查看更多

生日飯梗係要食好啲，就黎左一間高級得黎又唔係太多人既地方享受二人世界，雖然官網話要訂座先可以食到，但係我哋都係當日walk in都冇問題！咁岩餐廳做緊推廣，我地叫左個廚師發辦「楓 」味猶存鐵板燒套餐，簡左個「桜」既一人餐（其實兩個人食都已經好夠），主廚簡時令食材做九道菜，我地就鐵板燒吧位前等食當日有燒聖子，帶子，海膽鵝肝，蠔，鮑魚配蘆筍，牛多士，櫻花蝦炒飯，明太子炒雜菜，香荢雪巴，以上燒既野食每樣都非常好味同埋好香如果係海鮮控就岩曬了！我地另個追加左個海膽，三文魚刺身同茄子，都一樣好好味！當日餐廳得我地兩個人，好似包場咁實在太正了！呢個餐去到二月28咋要食就要快…查看更多

又係一個周末，又黎到理大嘆下午茶，咁岩又收到朋友既Starbucks 大利是，可以買一送一人嘆一杯野飲，係tall size ge海鹽焦糖脆脆朱古力咖啡同埋沖繩黑糖鮮奶咖啡，個人覺得焦糖脆脆比較香，兩人仲叫左一件甘筍蛋糕，唔太溜 ，下午茶幾好。呢度最抵讚係個環境，全店落地玻璃，一路食野一路望住勁有摩登感既創新樓真係好嘆，仲可以影相呃like!同出邊大商場比起，難得呢都仲聽到輕快嘅背景音樂,周末都有個咁恬靜休閒既環境。提番收銀會問你攞理大證睇，所以一定係要持有效理工學生或職員證舊生證或者相關活動之活動券人士先得…查看更多

週末懶懶閒一起身已經兩點幾 刷埋牙洗埋面已經三點幾岩岩好可以食下午茶餐個look咁hea唔想去都會咁多人 就走左去理大食，呢度勝在夠曬平夠曬快又一定食得飽食物質素都唔差嫁，同埋有其他餐廳都未必有既低糖綠茶飲今次叫左蕃茄通心粉同肉醬意粉下午茶餐，有埋多士，腸仔同炒旦，個人覺得同一個午餐既份量係冇咩分別。兩個人埋單都係42蚊！最正最正係呢度真係好free，我地拎埋電腦去煲劇都得，然後見到隔離幾枱既人都係咁唔洗怕尷尬，好寫意呀。記得食完野要自己汁番走啲野唔好留手尾比人！…查看更多