hkfoodieluilui's Profile

朋友介紹呢間東南亞菜，佢話食咗好多年。價錢平民化主要做街坊生意。我哋兩個人叫咗一個小食拼盤share，再各自叫咗兩個主菜，炒通菜同兩杯三色冰。每一碟份量都好足料，食到捧住個肚🤣人少少就推薦叫小食拼盤，可以一嘗幾款特色小食。個人非常推薦蒜蓉牛油雞翼同埋越式春卷。雞翼炸得香脆鬆化，好香蒜蓉牛油味。而春卷夾埋生菜點越式酸汁一齊食，非常之開胃醒神。我朋友就叫咗豉椒炒蟶子加白飯🤣 食到汁都撈埋。另外，門口見到推介叻沙海鮮河，果然名不虛傳。叻沙湯底香濃好重海鮮味，入邊有好多款海鮮，青口、鮮蝦、魷魚、魚片，仲有出邊好少嘅海螺。好味到飲晒碗湯👍🏻最後叫咗個馬拉盞炒通菜 ，又係好大碟，成座山咁🤣三色冰都好好飲，椰子汁香滑配啫喱西米。…Read More

今次嚟中環朝聖，呢間係好出名主打食腐皮壽司嘅日本酒吧餐廳。位於中環扶手電梯旁，有間樓底勁高，森林系裝修嘅餐廳🌲🌿聖誕來嘅話仲特別有聖誕氣氛之前都聽聞過銅鑼灣元祖店，中環呢間幾寬敞裝修又勁有特色，仲有酒精飲品好適合飲番杯🍸🍹分別叫咗八件腐皮壽司同埋一款卷物，呢度啲壽司卷物真係好出色，勁多食好有特色同好夾🤤🤤 我真係超級鍾意食腐皮😬 夏威夷肥仔卷物👍🏻👍🏻👍🏻 芝士超級creamy 同鰻魚好夾腐皮甜度適中同餡料好夾🤤芝士蟹子厚燒玉子👍🏻👍🏻 明太子三文魚👍🏻👍🏻👍🏻甜蝦蟹膏👍🏻👍🏻👍🏻炙燒帶子👍🏻👍🏻最後再用甜品意想不到牛角包窩夫作總結😙好滿足，地方好chill 好啱飲嘢傾偈…Read More

聞名不如見面，最近海港城開咗全球最佳漢堡香港代表 Honbo 之尖沙咀分店。之前食過灣仔元祖店，而家呢個地點更加方便🤩聖誕佳節仲有唔少聖誕氣氛，節日要食得豐富啲，我地揀咗4層牛肉HONBO 2.0 同THE GOLD STANDARD 😋😋 漢堡都可以當鋸扒🥩 HONBO 2.0 (右邊) 絶對係世界級水準，有四層2oz香口牛肉漢堡扒，十級juicy ，食到舔舔脷！仲要中間每層都夾住芝士，非常之香濃！雖然漢堡扒厚度得2oz, 但係兩面都剪得好香脆，呢個就係世一漢堡特別之處。至於THE GOLD STANDARD配搭就更為豐富，有兩層4oz 牛肉漢堡扒加香脆嘅煙肉，增加整個漢堡嘅口感。兩款漢堡都充滿肉汁，成個配搭好滿足好豐富👍🏻👍🏻另外要推介嘅係芝士薯條🍟 佢嘅芝士醬一啲都唔吝嗇，無論上層中層下層都充滿濃厚嘅芝士醬😌😌 唔會好似其他餐廳剩係得上層有醬，好creamy好好食，係鹹香嘅芝士味☺️ 至於Buffalo Wings 都好濃味同香口，比較特別嘅係有藍芝士醬料配搭。最後飲品方面，有Lemonade 同 Apple Pie Iced Tea, 蘋果批味嘅凍茶，有少少玉桂香，好特別同解渴👍🏻總括而言呢一餐都非常豐富，飽到捧住個肚😂…Read More

經過紅磡見到呢間好搶眼粉紅色嘅古早味蛋糕專門店，仲傳出陣陣蛋糕香，一於入去幫襯下。中午時分剛剛出爐有肉鬆同埋芝麻味。賣相好唔錯，芝麻味仲有雲石嘅花紋。店員都好熱心介紹佢哋蛋糕嘅材料。雞蛋係精心挑選過同每隻都有沖洗，絕對衛生。仲話個紙盒用啲可食用顏料印刷，而膠袋都係用啲環保物料😆😆 好helpful 有服務。 返去熱辣辣即刻試吓，芝麻味好香甜度啱啱好，至於肉鬆就好有蛋味，中間同上面都有夾層肉鬆好脆口，比起就咁原味嘅豐富得多😃 兩款蛋糕嘅質地都係好軟熟同濕潤！又一間推介嘅古早味蛋糕！…Read More

經過中環見到呢間新開嘅chicken rice 食店，櫥窗仲掛住一隻一隻大肥雞🐔🐔色彩鮮豔又肥美🤤 決定要入去踩踩點～！！原來呢間係主打星馬菜，第一次黎一於要試吓個海南雞飯，睇吓係咪真係99分🤩佢哋採用嘅係三黃雞，唔怪得知顏色咁靚，至於食落去，肉質鮮嫩多汁、好香雞味、口感豐富，配埋個獨有嘅黃飯同埋三款秘製醬汁，如虎添翼😆 睇相都見到，雞肉份量都唔少，絕對抵食。最後飲埋個冬瓜清雞湯，鮮甜好飲！！真係大滿足😆…Read More

雖然我唔係素食者，但係間唔中食下素，個感覺都好健康。呢間好hit嘅素食舖，係新式素食。就咁睇相真係睇唔出係素食，至於個味道亦都相當好味！！😚😋 想食得健康嘅朋友不妨去試吓～…Read More

依間可以話係喺九龍區入邊一間有質素嘅煲仔飯。食煲仔飯最重要就係嗰飯焦底，呢間做到香脆嘅口感。煲仔飯入面比較少有做到嘅，就係蒜蓉粉絲蒸蝦煲仔飯，配埋個特色豉油真係可以食晒成碗飯，佢哋仲有油菜同埋老火湯。…Read More

自助燒烤場由黃昏開始入場，仲可以燒三粒鐘。真係可以由天光燒到夜晚🤭🤭無論環境同氣氛都好好！食物有相當之多嘅選擇，質素好唔錯！有原條茄瓜、雞全翼同埋唔同嘅蔬菜🥬海鮮🦐🦑最後食埋呢個燒香蕉，就完美🍌🍌…Read More

喺大埔街市周圍行吓行吓，居然比我地搵到一間好特色，好多人嘅白雲鳳爪。香港其他地方好少見到！老闆娘仲好好人，介紹邊款有咩特色。果然名不虛傳，色香味俱全。我鍾意食有骨嘅鳳爪，因為可以啜下。配合埋個酸辣汁，好惹味。…Read More

呢間咁靚嘅水果茶茶飲專門店就咁睇相都好值得打卡，有唔同嘅水果製造出唔同顏色嘅杯裝飲品第一次飲梗係要揀靚靚嘅粉紅色，仲襯返我啲靚靚閃閃指甲💖😚係好好飲嘅白桃冰茶👍🏻…Read More

呢間非常火熱嘅日本居酒屋，都等左好耐先有位啊，仲要齊人先入得🙈嘢食絕對有質素，仲非常之精緻。每道菜都好靚，好值得打卡💝💖大家睇相應該比文字更清楚😂😊燒帶子、燒銀雪魚、生蠔、燒牛排同埋最後miso甜品。…Read More

食完晚飯打算過嚟食個甜品，人流唔算多。我哋就上咗樓上坐，仲可以一路食一路傾吓計！我哋試咗幾款招牌法式薄餅，之前喺其他餐廳都食過類似嘅薄餅，但係呢間絕對係最出色。非常之有驚喜，好好味！nutella 有好香濃嘅榛子味，而焦糖味就好香，雪糕好滑😋😋😋…Read More

呢間上樓嘅西餐廳地方比較隱蔽，但係靜靜地食晚餐都係一個唔錯嘅選擇。佢哋有好多唔同嘅意粉選擇，白酒煮蜆意粉同埋帶子risotto 都好出色！Steak 煮得啱啱好好淋好香牛肉味。黑松露薯條都好香😚😚…Read More

每次入到黎大埔，知道有呢間正宗嘅日本拉麵，有時間嘅都會去食下。今次分別試咗黑蒜同埋豬骨湯。佢哋嘅湯底好龍朱古力味同充滿骨膠原，每次都起碼飲半碗！至於叉燒亦都燒得好香。入開來大埔嘅朋友都好值得去試吓啊！…Read More

中環平日過嚟食lunch都要排隊，好彩等一陣就有位👩‍👧‍👧我地三個少女好貼地，絕對會食大排擋💖 大家都知一定要叫茄牛通同埋檸檬脆脆🍋 好濃嘅蕃茄湯，真係會飲下飲下飲晒😆檸檬脆脆就係檸檬蜜糖嘅豬仔包，都好好味…Read More