Stefan Ho's Profile

星期五午餐兩個人去綠茶餐廳，都係第一次嚟。食咗個鴨，仲有個肉卷，最後加個綠茶餅。先講個鴨，有肉汁味道都可以，口感唔係脆嘅，都幾好啦，不過份量同餐牌圖片顯示就少好多啦。豬肉卷平平，因為冇點飯，所以成為今餐主食。最後個綠茶餅，有綠茶香味嘅甜品，價錢唔貴試吓都無妨，不過呢就冇乜特別。食物價錢唔算平，有茶錢同+1，性價比唔算高，在商場內其他餐廳應該有更好選擇，所至星期五中午間餐廳一半都坐唔滿。我亦都聽隔籬枱講因為深圳都有綠茶餐廳食，所以啲人唔會喺香港食。* 無試食優惠…Read More

今日同同事第一次試Airside Cafe。之前已經經OpenRice訂位。餐廳的環境不錯，在商場3樓中庭，能看到商場中央地下位置的活動。餐廳服務員很有禮貌，座位也十分舒適。食物方面，餐牌有兩個或三個course的set lunch選擇，三個course的set lunch比兩個course多一個甜品。我選擇咗個兩個course set lunch，頭盤加錢選擇咗青口酸種麵包，味道不錯。第二個course選擇咗炸蠔linguine，賣相幾好，麵條都好彈牙。美中不足係個set冇包飲品要另外加錢。價錢方面，每人平均270到300左右，在商場內屬於高價菜，而商場內有更抵食嘅選擇。總體嚟講餐廳適合商務午餐或聚會聚會慢慢食，慢慢傾，因為環境冇得彈。…Read More

放假中午去食飯，兩個人去訂咗觀塘NATA，想試吓啲牛扒，於是點咗個澳洲牛。牛肉非常嫩口，質素不錯，值得試吓，不過價錢超過$200，如果平日返工食就可能貴咗啲。另外點咗份大蝦意粉，有六隻蝦意粉煮得幾好食。在時候侍應有通知你咗時間。我訂咗12:30枱，可以食到2:30。我早到咗10幾分鐘，餐廳用QR code落單。12:30左右都差唔多滿晒，建議早啲攞位或者訂枱。飲品點咗Bailey coffee同埋草莓乳酪碎冰。整體服務員有禮貌，用餐體驗不錯，餐廳環境都幾好。…Read More

星期日晚上自助晚餐，一行十幾人包括小朋友。款式甚多魚蝦蟹各樣海鮮都有，我個人比較喜歡燒牛肉、羊架、仲有每人一份花膠鮑魚冬菇，比較高級。刺身都唔錯，尤其係個油甘魚，十分鮮味，口感軟滑。其他方面，有salad bar, 印度烤餅、燒味、片皮鴨。我食得最多係甜品，除了一般的蛋糕、啫喱等，仲有葡撻、雞蛋仔、斑斕班戟都好特別，Häagen-Dazs雪糕更加必不可少。整體嚟講甜品好出色，款式眾多。今晚有其他客人慶生，有免費拿破崙蛋糕食。現場有鋼琴伴奏，可供客人點歌，環境舒適。…Read More

趁住五一長假，專登請埋5月2號休息一下，順便搵法國餐試吓，最後去咗觀塘區的Le Monde。經OpenRice早一日預約，餐廳中午12點開門，位於鴻圖中心9樓，到達後已經有其他食客用餐。今日兩個人點咗兩份set lunch，主菜選擇了油封鴨髀和紐西蘭牛柳，餐湯轉龍蝦湯。前菜跟餐有麵包同沙律，同龍蝦湯一齊上。龍蝦湯十分鮮味，非常好。紐西蘭牛柳叫咗medium，火候恰到好處，不韌同肉質鮮味，唔會有筋。最好食係個油封鴨髀，雖然我之前冇食過呢道菜，不過佢嘅皮脆肉嫩，配菜有薯蓉、紫椰菜同雪梨，仲跟個橙皮燒汁醬。啲椰菜同雪梨應該有酒或者肉桂浸過，味道香甜清新，總之好特別，未試過值得試吓。個餐都跟咗杯咖啡或茶。…Read More

今日星期六復活節假期去咗呢間餐廳食午飯慶生，之前預先喺OpenRice訂座過程方便。到步之後侍應安排座位後，冷氣太凍也貼心幫我哋調細，成餐飯都有幫我哋加水，服務不錯。食物我哋都點咗粟米片、豬扒、海鮮飯和拼盤，每樣食物都好好味。個豬扒整得嫩口，味道調校適中，唔會太鹹；個拼盤嘅炸豬皮幾特別，Mini Burger係小朋友至愛；我自己就鍾意過海鮮飯，個飯底軟硬適中，有蝦青口同蜆作為配菜，個人十分喜歡。座位舒適，餐廳氣氛不錯，適合食飯傾偈，值得推介。…Read More