Yipson的個人專頁

我最近到了雲米香餐廳，點了他們家的招牌菜——過橋米線和腩汁油麥菜。這兩道菜都讓我驚艷不已。過橋米線的湯底是以雞肉、豬肉和蜆肉熬煮而成，湯頭鮮美、濃郁，讓人一吃就欲罷不能。米線本身也很有口感，非常好吃。每種配料都能帶出不同的風味，讓整道菜更加美味。我只能說，這道過橋米線絕對是雲米香餐廳的一道招牌菜，值得一試。腩汁油麥菜也是一道不錯的菜品。這道菜以油麥菜為主，加上濃郁的牛腩汁，讓整道菜的風味更加豐富。如果你喜歡腩汁，這道腩汁油麥菜一定會讓你滿意。總的來說，我推薦雲米香餐廳。無論是過橋米線還是腩汁油麥菜，都是非常出色的菜品。此外，餐廳的服務也非常好，服務員很友善和專業。…查看更多

成日想試下食一生懸麵，今日經過旺角順便試下海老拉麵 $85白湯豚骨拉麵加半熟蛋走蔥$81章魚燒$28𝟮款拉麵既叉燒都是灸燒，叉燒唔夠腍仲好乾海老拉麵面頭好多櫻花蝦乾，除左賣相好仲好香，味道比較冇咁重口味，不過我比較鍾意就咁淨鮮蝦湯，飲到蝦味冇啲蝦仔吉個口為左試個湯，我專登唔要蔥，白湯豚骨拉麵湯底非常濃郁（不過可以唔洗有油浮面），濃味都冇過咸，味道算ok，但個湯唔夠熱，見顯試到，因為面頭唔熱，個麵附近啲湯熱鍾意食半熟蛋所以加左，但佢冇鹵到，有啲失望筍唔爽口，不如唔好落章魚燒一啖過，還算得過去。新發現原來用塊紫菜包住粒章魚燒好正，大家見拉麵有塊紫菜一定要試下價錢都唔算好貴…查看更多

其實我一直很喜歡這間小店，由他的舊舖開始食。當時食過覺得好好食，舊舖夠沒有裝修，好有屋企嘅感覺。睇埋之前有影片介紹佢嘅背景，同埋睇到佢同屋企人嘅努力之後，我非常欣賞佢哋。今次專登嚟食返睇下自己口味有冇變，同埋變左廚師有冇識食左😋🤤餐廳方面，佢哋搬咗入新舖，做好整齊嘅裝修，而冇加價，實在好為食下着想。因為就算舊舖冇裝修都好多人排隊食，佢實在冇必要搬店裝修。食物方面：章魚燒：對得住個價錢，即叫即做熱辣辣拉麵DX 揀左鹽味+$5，食得多拉麵都知鹽味先係原味，我揀因為想試真啲個味。豬骨湯底鹽味：濃而不咸，可食到最尾飲埋個湯都不覺咸，可是有一點鹼水味叉燒：應該大概2安士，燒得好好，腩肉好淋同豬肉味蛋：最屈機有兩隻，好開心，雖然外表唔靚但佢都鹵得好好味，應該都係用醬油醂清酒鹵，唔需要特別野，簡單就好味。麵：用返日本嘅貨，我鍾意嘅麵質，好爽口彈牙，食落口sirsir聲。可惜佢淥完冇清乾淨啲鹼味，有少少影響個湯。…查看更多

因為近排對生酮有啲研究，出街搵食都會注意下，今次嚟呢間有賣生酮漢堡嘅店試下。全日早餐不嬲唔抵食，係食個環境，呢個都唔例外，味道一般。個夾餅係幾出色，但佢比漏左牛油我，個沙律又冇落油醋。另一個叫左個生酮200g牛肉漢堡，其實做得好唔錯，雖然呢個生酮包皮味道冇乜，可以做好啲，但佢個醬同牛肉好味。但係有個致命位係呢次令我對間餐廳失望，就係佢塊漢堡扒未焗熟，要知道雖然佢係牛肉，但唔係牛扒，牛肉唔熟會有病菌。而且紅色生嗰到仲要凍。佢之後同我焗返，但始終唔熟，仲要拆散過個包。最後個女服務員仲怪我冇同佢講全熟，但其實常識都知漢堡扒係要全熟啦，佢仲要同個客爭勝。總結雖然味道還可以，但希望佢下次問我要幾成熟，真係唔知佢「特色」係漢堡扒食生。…查看更多

座位都幾濶落，又唔嘈，幾舒服，但都要等幾耐先有得食，食晏幾麻煩。招牌炸醬麵麵都幾多，麵質都唔錯，但是比較咸，味道也比較單調，可以的話叫多幾隻餃食好過。西洋菜鮮豬肉餃子麵色水同上海舖差好遠，主要用左酸菜同辣椒，講真加$4嘅酸辣湯一般左啲。不過隻餃真係有鮮豬肉同西洋菜香喎，用新鮮料造值得讚，救返啲分。餐廳仲有好多其他野食，有羊肉餃、牛肉餃、紅燒牛肉麵、姬松茸豬肉餃、紅油抄手等。其中羊肉餃限定，有機會早啲試下。…查看更多

慕名去試下三多嘅炸脾，去到見到環境好污糟，不過算，小食拎走當睇唔到。睇一睇個餐牌，小食店嚟講佢都算想話你聽冇咩賣。見佢有套餐，就叫左炸脾加爆檸。叫大大杯爆檸，老老實實，一啲都唔大大杯，一啲都唔爆多或者識爆炸嘅檸。定係佢爆其他意思？結果收多$$19，不如飲可樂，平過佢又好飲過佢。炸脾就唔錯，係外脆內嫩，用鹽淹過，淹得均衡又唔過咸。又真係熱辣辣，但入面好多油，如果佢嘅炸油唔靚真係唔好成日食，而且賣$30一隻，真係算貴。…查看更多

知道元朗多野食，所外今晚就嚟到元朗覓食。今次揀咗呢一間泰國菜，叫咗兩個飯做晚餐。海南雞飯（轉髀）配椰汁冰、老火湯隻雞幾有雞味，但冇去骨，斬功一般，好多骨碎。油飯都好味，可以淨食。椰汁冰似椰汁大王，但冰冇打碎。老火湯都幾有味，希望冇落精。蟹肉炒飯一嚟就聞到好香嘅蟹肉味，有芒果炒，但我食唔慣，覺得怪。雖然聞到蟹肉味，但係飯𥚃嗰啲蟹肉係冇味嘅，可能冇將蟹肉加落去炒。間中仲有啲蟹殼頂住，口感唔正。其實應該叫蟹殼炒飯。呢個價呢隻味唔抵，食蛋炒飯或楊州炒飯好過。…查看更多

今日又係happy friday，又係時候去食好野。今次就嚟咗呢一間位於天水圍嘉湖銀座嘅湘川滬。職員安排左我哋坐卡位，不過個地下有啲污糟。我哋睇咗餐牌之後，揀咗三個餸，同兩個白飯。干貝扒溫室豆苗一送到過嚟見到好多瑤柱，感覺唔錯。平時都比較少見咁多瑤柱。食落汁香菜嫩，啲汁有瑤柱同蠔油嘅香，沖擊豆苗的味，送飯好正。重慶酸菜魚片對我嚟講是好辣的菜式，粉絲係呢味菜上幾夾，爽又索汁。但真係太辣了，食到流汗。四川樟茶乳鴿乳鴿厚肉地方比較老，但其他ok。皮脆，味道油香，除左近屁屁位咸左啲，其他都剛剛好，但食唔出佢同唔係樟茶嘅做法有咩分別。比左甜醬冇沾，因為會蓋過鴿味。整體來講，都算OK嘅。…查看更多

今日路過昌華街，本來想去金華美食食燒賣，但見到檔好似陳記魚蛋嘅小店，所以試左串魚蛋，個汁同陳記一樣分大小辣同唔辣。叫左大辣果然好勁，食完出汁，不過個汁多渣比較揩，可能中係啲薑嚟。我見有人叫腸粉餐好似都唔錯，比隻膠碟你企埋一邊食，腸粉汁仲可以跟佢啲辣汁。臨走見到佢兜碗仔翅幾靚，於是買左碗拎走。雖然冇野遮可能有啲塵，但見佢幾靚同埋始終街邊檔，所以我覺得算係咁，個翅都齊料（雖然唔夠自己整可以勁多），木耳爽身，證明兜野算新鮮，$12好難搵。…查看更多

今晚happy friday 滿心期待去旺角食沙爹王。七點九左右去到，等左陣先有位。坐位都舒服，但兩位就要搭枱。我地叫左兩個菜單上推薦嘅必食之選。不過，客人比較多，上菜時間比較長。白咖哩香茅豬排飯件豬扒很酥脆，香茅和䓤非常香。白咖喱汁甜甜地，有奶香，淡淡辣味。白汁咖喱撈飯好正。沙爹汁嬌嫩巨髀飯塊脾切開條骨上，好細心，因為自己好難切。皮好脆，肉又爽又嫩滑多汁，完全可以單食，唔需要點任何汁。白飯裝得幾細心，撈沙爹汁好好食。不過冷氣大好快吹凍個飯。紫薯鮮奶、抹茶鮮奶紫薯味比抹茶淡，所以飲落奶味濃啲。兩隻都好飲，有鮮奶味道。整體來說，兩個必食推薦嘅飯果然無介紹錯，好好食。不過，店內衛生就一般，食野時見到有隻蚊仔飛過黎幾次，隔離直頭杯水有隻野。如果加以改善呢方面，就更加好。…查看更多

星期六去左天水圍天一商城有間叫Bello dining 嘅cafe食個下午茶。間cafe 設計簡約，感覺幾舒服。雖然店鋪比較細，但有約24個位，所以枱與枱之間比較窄。下午茶菜單都唔算好貴，30-40幾蚊一個餐，送野飲。我就點左迷你卡邦尼意粉加牛角包，野飲就要左熱蜜桃紅茶。牛角包一送到過來已經有d驚喜，份量比想像中大，包嘅溫度剛好，暖暖的。食落味道ok，如果包內再柔軟一d就更加正。卡邦尼意粉意粉用左個比較細嘅器皿裝，但食落份量其實唔少，且有唔少煙肉，實在驚喜。初頭望落個意粉唔多汁，但食落剛剛好，味道唔錯，如果煙肉再香d更好。蜜桃紅茶本身諗住呢d跟餐野飲，都係普通茶包料。點知一飲又有驚喜。佢有陣新鮮嘅蜜桃味，再且個紅茶一d都唔澀。整體來講，睇得出呢間小店好用心做，下次會再來試試。…查看更多

Italian tomato 今晚無煮飯，又係出街食嘅時候喇。今日揀咗喺天水圍T town嘅Italian tomato。曾經喺另一間分店食過，感覺就麻麻哋。唔知今次呢一間會唔會令我地改觀呢。我哋就揀咗一個二人餐，有一個主菜，一個燴飯、意粉或Pizza，配餐湯、餐飲同蛋糕。我哋另外加咗一個蒜蓉包。餐湯白色忌廉湯，個湯好淡，睇嚟係自己調味，落返啲鹽同黑椒就似返啲樣。另外啲香草落得唔均勻，一個湯多草，一個湯少草。蒜容包雖然脆但硬，牛油同蒜都很少。日本南瓜海鮮忌廉意式燴飯意大利飯咬口一般，意大利米煮得過軟，但又比珍珠米硬。雞湯味道唔夠。不過，佢又的確唔係叫rissoto。啲南瓜反而係特別，食落似咸蛋。紅酒燒汁紐西蘭T骨牛扒配薯菜個薯條唔錯，夠熱。牛扒都算大塊，個黑椒汁普普通通。塊扒味道唔錯，可惜過熟，欠肉汁。餐廳開頭俾咗把完全切唔到肉嘅刀俾我哋，切到啲牛肉爛晒。不過，後尾問啲侍應，佢地就攞翻把切肉刀。好彩骨位都仲有啲肉汁。甜品意式芝士榛子慕絲坦白講個慕絲造得比較粗，唔夠滑。蛋糕嘗試做唔同嘅口感，但係出嚟效果一般。法國海鹽焦糖純米蛋糕由於實在太飽，所以呢件打包返屋企第日再食，但係唔會太大期望。整體來講，今次呢間餐廳分店係無令到我對Italian Tomato改觀。…查看更多

又到假期前席，當然要放工之後去食餐好。今晚就嚟咗呢一間位於天水圍T Town 嘅上海姥姥。我哋大約差不多八點左右攞飛，見到都有五六個人等緊，所以我哋就去咗行一陣先，大約20-25分鐘之後返去就有位了。店裏面唔算好大，我哋被安排坐吧枱。餐牌方面，有一個主餐牌同埋一個套餐嘅餐牌。我哋見主餐牌裏邊啲食物似乎吸引啲，所以就揀咗以下幾樣：干貝海參豆腐魚羹開頭食覺得冇乜味，食落都有啲魚鮮味，咬到西芹先有香味。豆腐好滑，冬菇好靚。如果落多啲胡椒就好。整體感覺一般。干貝賽螃蟹賣相好靚，好似好大盤嘅煎蛋。蛋白質感都炒得幾似蟹肉。有瑤柱同金華火腿嘅扮海鮮味。蛋黃扮蟹膏，雖然唔係好似，但都幾特別，味道都幾好。四川擔擔麵（加配炸排骨）擔擔麵麵身做得幾柔軟，個人覺得個湯落多左花生醬。辣味方面，以我唔係好食得辣黎講算適中，不過無乜麻味。排骨嫩且多汁，味道剛剛好，沒有掩得過咸。肉身夠厚，有脂肪，豬排要有啲肥先好食。招牌小籠包等佢涼少少先食，沾醋連薑絲成隻啪最正，係入面爆晒汁，攪埋一齊食。啲人要飲左湯先就一般，變左飲油再食乾餃。呢到小籠包汁唔多油，唔錯。整體來講，呢間都係食中式小菜唔錯嘅選擇。…查看更多

今晚去左荔枝角D2行街，行到肚餓，就選左呢間餐廳食晚飯。餐廳係快餐形式，賣板燒便當。店內一半用高枱椅，燈光有點暗，點餐處有部自助機但有些餐點不到。我地點左一個一口牛加豚肉，另一個雞同三文魚，60幾蚊一份便當及一杯飲品，特飲加10蚊。每個便當個飯盒都用木造，幾得意。前菜有玉米和中華沙律，一般般無咩特別。一口牛餸飯好正，用珍珠米的關係，飯有點淡，而醬汁不夠。燒極黑豚有陣特別的香味，應該是味醂之類的味道。雞扒好香，日式醬料很入味，香脆肉嫩，表面似是用塗過麥芽糖的甜味。煎三文魚也外脆內嫩，可見師傅煎功不錯，可惜沒落黑椒，味道不夠濃。飲品椰汁仙草冰是加$10的特飲不太特別，可以不加。反而，另一杯玫瑰花茶不用加錢就不錯，有玫瑰花味。…查看更多

今日去香港站坐地鐵，經過站內間crostini, 見到櫥窗嘅西餅賣相相當吸引，但真係唔平，30幾蚊件，但係都忍唔住買左幾件試下。斑蘭青檸慕絲外表好特別，青青地色，比較少見，唔係好重斑蘭味，酸酸地，慕絲口感非常滑。雲呢拿士多啤梨慕絲好濃士多啤梨味，同樣個慕絲口感好正，唔太甜，有層次。紅橙特濃朱古力脆脆橙味不太濃，朱古力不會過甜，口感同樣都係好滑，不過唔係好覺有脆脆。整體嚟講，賣相、口感、味道都非常好。…查看更多