hooooooooooooooo的個人專頁

臨近聖誕節嘅平日去到 餐廳只係坐左一半人都冇一入門口 個員工已經愛理不理 隨手指一指 示意我隨便坐 於是我揀咗張四人枱坐低左，點知過咗陣個員工又好不滿咁過嚟叫我轉去二人枱，嗰陣其實成間餐廳都大把位，不過咁食飯時間驚一陣多人都明白。轉左二人枱冇幾耐 又見到有一個人坐咗佢嗰張枱 點知個員工竟然又照serve佢😂 好正嘢食方面 叫咗個雞翼船河 湯同雞翼嘅味道都算OK，但啲粉淋到冇牙都食到，如果唔係粉嶺冇嘢食都唔會再考慮嚟食呢間…查看更多

粉嶺呢個美食沙漠近呢幾年都開左唔少新餐廳，睇食評見呢間初遇幾唔錯，今晚就去試下，除左野飲比較失望 其餘野食都值得一推：鹽酥雞滷肉飯 $63份量好多，味道都好食啲飯係用珍珠米 食落有𡁻口啲雞椒鹽味都好夠 滷肉好淋好入味 跟飯仲配左紫菜肉丸湯 整體黎講性價比好高 推介！蜜汁滷排骨麻辣拌麵 $72滷排骨大大塊 甜甜地幾惹味而拌麵就好Q彈 每條麵條都包上辣汁 岩晒重口味人士之選至於小食 叫左麻辣牛三寶 $68 同埋大腸麵線 $32不得一讚牛三寶既牛腩 脂肪同肉層層相間 真係好好食 加埋啲酸菜食又可以消濟而大腸麵線味道唔差 但食落就偏似港式碗仔翅飲品叫左 鮮奶紅豆手工芋圓（跟野食加$16） + 芋香芋泥奶茶（跟野食加$12）前者飲落好淡 完全冇紅豆嘅味道 感覺就係牛奶加冰；而後者就係好重香精味 飲品就唔推介了 最後埋單兩個人食咗$263，食到好飽 除咗飲品外都非常值得大家一試…查看更多

朋友住附近，今日跟住佢黎到土瓜灣搵食😋 舖面環境普通，有好多客人都係一家大細黎開餐～應該係一間做街坊生意多嘅餐廳我同朋友兩個人叫左一個中size既怪獸多寶，面頭舖滿超級多料，有洋蔥、青椒、辣肉腸、火腿、蘑菇、菠蘿、牛肉、豬肉，大大啖咬落去真係好滿足！Pizza即叫即整，熱辣辣食真係加分～yummy我地叫左厚批，但佢個批一啲都唔dry, 好鬆軟，仲有好多芝士另外朋友話佢嘅炸雞係必食，果然冇令我失望，一咬落去外脆內嫩，勁juicy!另外今次仲試左麻辣烤雞，都係烤到好嫩好juicy，配埋辣油一齊食，確實有種fusion但又好夾既感覺，好特別 好好食兩個人食咁多嘢真係超滿足！而且員工服務好好，估唔到有咁高質嘅街坊小店，下次會再黎食！…查看更多

壽X郎就食得多，今日難得平日放假 就專程入荃灣試試鮮選壽司🍣 大約點幾兩點黎到唔洗排隊直入👍🏻👍🏻食物選擇唔多，用平板電腦點餐時亦都好快就篤晒咁多版鮮選壽司出名之一係佢嘅wasabi係即磨，食落口冇咁重加工過既感覺至於佢嘅壽司，個人覺得必食嘅係三文魚腩、帶子、貝類，食落都幾新鮮爽口，至於吞拿魚就必食呢款一碟有三舊唔同部位、唔同肥瘦、口感，一次過滿足晒你三個願望～兩個人叫晒成枱壽司都係$300有找；只係略嫌佢冇咩小食同甜品 如果有更多選擇就prefect啦～…查看更多

見到拉麵關注組推介，二話不說黎試試佢先～ 星期日約18:10黎到，咁啱坐滿晒人，要等頭圍食完先入得。成四十度高溫，而附近又咁多美食，真係少啲定力都唔得。等左大約15分鐘終於有位！好感動，拉面舖黎講佢都算多位，有20個左右。我地每人叫左一碗魚介拉面+厚叉😋 員工好細心提醒厚燒會較肥，但食拉麵嘅叉燒係要多肥肉先香嘛😌我地坐吧枱位置唔係好夠冷氣，但就睇到師傅製作過程 — 叉燒浸過秘製醬油，再用火槍逐塊燒到微微帶焦，逼晒啲油香出黎😍 叉燒真係超厚肉，對我黎講肥瘦均勻，一啖咬落去有肥有瘦，好好食🥹 推介大家一定要試，食完番唔到轉頭而個湯底都係好濃厚好好食，見佢廚房煲湯底係熬煮到奶白色。 而麵質同份量都啱啱好😋而唐揚魷魚都好食，個醬酸酸地好開胃，好少見拉麵舖有炸魷魚食😋…查看更多

肥仔係其中一間我想食米線時會諗起既餐廳之一，但今次黎無疑係令人十分失望🥲今次黎叫左1. 豬紅 螺旋藻 酸辣小鍋米線 （$40）肥仔米線特色之一，一定係上枱碗米線出晒煙 熱辣辣，即叫即煮。 個湯底好濃郁，酸辣既比例岩岩好，而且份量好多，米線夾埋螺旋藻一齊食，有啲爽口感覺，口感好豐富。2. 雞絲 紫菜 酸辣小鍋米線 （$40）呢碗就係令我失望既原因 — 食食下雞絲 竟然比我見到有條頭髮纏住咗啲雞肉🤢🤢🤮🤮 真係覺得好嘔心。我望番一上枱時影既相，發現條頭髮本身就係度，所以好肯定係員工撕雞時跌落去的🤮 同完員工講之後 佢換左一碗新的比我，但真係咩食慾都冇晒了😑希望你地睇到呢個食評既話可以改善下啲衛生，因為我真心覺得你地啲米線係好食的😢…查看更多

今日難得冇落雨就出左黎太子食日本野😋😋 餐廳唔大，應該得十令張四人枱左右，好彩早少少到唔洗等位～Lunch Set Menu:餐廳走平民日本野路線，多數都係$100樓下就食到 仲要唔洗加一～壽司定食（A）+ 烏冬 $94 🍜🍱🍣由落單到有野食等左起碼三四個字，但餐廳唔多人，而加其他食客都已經上晒菜，出餐真係出奇地慢😟 趕時間就唔建議大家食但一上枱見到賣相咁靚仔覺得等待係值得的！一百蚊唔洗有咁多野食真係好抵，前菜仲要有兩隻炸蠔，真係喜出望外～ 💁🏻‍♀️麻醬凍豆腐 -正常發揮～ 預計到的味道，豆腐冇話好滑💁🏻‍♀️炸蠔 -外表炸到好酥脆，蠔就冇話好新鮮，但食完兩隻真係好滿足💁🏻‍♀️迷你蔥花烏冬 -呢個就唔建議大家加錢食，因為麵質都幾淋，加上個湯冇咩層次，純粹係醬油加水💁🏻‍♀️麵豉湯 -湯入面有粒粒蜆肉，幾足料～但味道就冇話好好味💁🏻‍♀️至於重頭戲壽司🍣值得highlight既係帶子、牡丹蝦同三文魚 ，好鮮甜，好食～ 魷魚上面竟然有海膽！真係估佢唔到，海膽就冇話好鮮甜 但起碼唔會苦先。其他壽司就不過不失～ 呢個價錢食到咁多野真係好滿足！性價比爆燈💡…查看更多

之前黎上水街市都係叫餸食飯，但竟然發現原來呢度有間出色既餐廳有米線食，仲要又平又好食！呢間餐廳外表同普通茶餐廳無異，都係有茶餐同常餐等等，但佢竟然有米線叫～酸辣豬軟骨米線🍜 $41食落口超有驚喜，本身諗住佢係頹頹嘅米線，點知佢拍得住出面啲米線舖。個酸辣湯幾濃幾有層次，啲酸菜好惹味。而且有韭菜同芽菜等配菜，口感十足👍🏻👍🏻而且豬軟骨超淋超入味，舊舊都有大大舊軟骨，好滿足！份量一啲都唔細，飲埋杯凍奶茶真係飽到上心口…查看更多

沿住扶手電梯一直上到頂，今日黎到Feather and Bone happy friday🎉無論server同客人都係外國人為主，加埋佢既裝修設計，一踏入餐廳都有種去咗外國既感覺，好有feel！Server好熱情，主動為我地介紹menu上面既food and drink items餐牌上面牛既選擇唔多，事關想食牛可以出counter慢慢揀～ 即場磅完再同廚師講想點煮 就可以等食～Grain Fed Ribeye + Creamed SpinachRibeye叫左Medium，個人覺得岩岩好！牛排烤到充滿油香，完全唔韌同埋冇筋，就算我地影左陣相 佢都仲好淋好好食。我冇加到醬，配埋面頭既鹽同mustard都好足夠，一定會再番黎食牛Side dish好香好creamy，好邪惡但又好好食朋友叫既Chicken Parmigiana，份量超多，有兩大塊雞，上面仲舖滿左芝士，超肥仔！雞肉唔鞋，而加連沙律菜都好好食，好香橄欖油味～ 但私心推薦牛多啲🤣呢個環境點可以唔飲野，飲品叫左3 Butchers Sangria, 個人覺得佢淡左啲，但勝在夠大杯，一杯飲左成餐飯～兩個人埋單$800有找，下次會再黎🎉…查看更多

金坊既下午茶簡直係糧尾救星，叫左成枱野食先百令蚊！跟茶餐送既黃咖喱配蒜蓉包 + 青咖喱配印度薄餅 — 兩款都好好食 蒜蓉包又香又脆；薄餅外酥內煙韌，配埋咖喱汁好正！主食叫左冬陰功豬頸肉扎肉湯河 — 除咗有份量頗多既豬頸肉同札肉，配料仲有秀珍菇。河粉好滑，而個冬蔭公湯酸酸辣辣 又好香蕃茄味，充滿泰國風情～另外叫左泰式肥牛遊船湯米粉，呢個比較濃藥材味，可能唔係個個人都接受到，我就覺得輕手啲會再好食啲～重點黎啦～原來金坊係可以半價加小食，真係超級無敵抵食，喪叫都唔肉赤！碎肉生菜包（細）半價左只係$9，但份量都唔算少，起碼都包到4-5舊，而且味道都好好味！香茅雞翼$4有兩隻！酥脆好食，真係好良心價，自己煮仲貴另外叫左泰式炒通菜$14，真係食過最抵既炒菜😭 好爽嫩惹味，性價比一百分另外大大杯港式凍奶茶都係+$2，茶同奶既比例好好，係好飲既奶茶🥹兩個人叫到成枱餸先$115，大家經過荃灣不妨試吓…查看更多

平日放飯時間黎到都幾多人等位，因為呢間酸菜魚性價比真係超高！叫左鼎泰老壇酸菜魚 配四川擔擔麵 加凍奶茶都只係$67！選用既魚一啲都唔馬虎，肉質好爽好彈牙！仲要好足料，夾極都有。配料仲有芽菜、煙靭寛粉、超濃味酸菜。湯又好香好好味，唔算太辣，而且食完一啲都唔口渴至於四川擔擔麵就辣辣地，個湯都幾香幾滑，唔算好杰身，但啲面略嫌有啲淋。食完兩大碗真係超滿足！食咁多野埋單都只係$62+$5（凍飲），港島黎講呢個價錢真係超值！…查看更多

兩年前食過覺得好出色，但今次黎真係各方面都差左好多啲生蠔細隻到癲，刮完舊肉出黎之後好似蠔仔粥個啲咁，唔香唔甜，仲有蠔殼，同埋一種好唔新鮮既感覺..下面呢張相係開始食之前影既，一夠鐘排隊拎既人多到光速就比人清左一大半，剩番啲好瘦削既蟹腳.. 職員見到得番啲啲都唔fill，係咪真係要有人拎埋最後一隻先會添..其他熟食都冇話邊樣好食：近江牛好多筋位 好韌； 意粉乾爭爭； 天婦羅擺左係度好耐；酥皮湯完全冇味.. 就連佢最出名既心太軟都係得出一陣麵粉味，食左一餐好唔滿足既自助餐，食完仲要屙左幾次，真係冇下次…查看更多

粉嶺呢個美食沙漠竟然會開酸菜魚，二話不說即刻要拜訪下～ 平日夜晚竟然要等位，諗住會好好食啦，點知又唔係喎😰見個二人餐好抵食，即刻叫黎試試先🫣招牌十三姨酸菜魚嗰一粒星係比個湯既 — 啲魚係一pat野，大力啲夾都散，出面包住好厚既生粉芡，冇魚味又冇魚既肉質，合埋眼食應該唔知自己食緊乜啲寛粉都係唔好食，煮到淋滋滋，明明寛粉係食佢煙煙韌韌個口感 👉🏻擂椒松花皮蛋呢個都算幾好食，辣辣地，幾惹味，有啲似譚X幾感覺。面頭啲花生好好食。👉🏻秘製雞翼第一啖食落口真係好食，覺得炸到好酥脆，仲要蘸左啲辣粉，好有風味。但食食下 啲雪味真係係啲肉度滲出黎🥴 好種好唔新鮮既感覺👉🏻口水汁無骨雞呢個最好係佢去左骨！啖啖肉，同埋佢啲雞份量好多，啲汁又幾好食，但都係有陣慢慢滲出黎既雪味🥴 最後食淨晒既反而係碟酸菜魚，真係食唔落口，反而啲小菜仲好食，但應該都唔會再黎食第二次…查看更多

黎到小泰國～ 今次黎左泰皇閣食lunch，好彩早少少到唔洗排隊 因為佢Lunch set $49 包野飲，仲可以加$35加個泰式炒通菜～ 真係好抵食👉🏻乾炒牛河（$49）泰國河粉應該係大大塊滑嘟嘟，但唔知點解我個碟可以碎到咁🫠 筷子完全夾唔起，要用湯匙先食到🥲 完全係勁失望，仲要等左成20分鐘先有野食。雖然佢個味道係好食的，但佢碎到好似係人地食淨再炒番埋一碟咁🥲👉🏻醉貓炒河 （$49）朋友叫既炒河又好正常🫠 唔明白點解可以質素咁參差同唔穩定😢 呢個係幾好食，有啲秀珍菇，燈籠椒同豬肉碎，辣辣地又口感豐富👉🏻泰式炒通菜 （跟餐加$35）通菜好夠味好有鑊氣，辣辣地好開胃，食泰國菜必備👉🏻泰式奶茶超級稀的奶茶，好似得啲啲奶茶底再開水咁🥴 算係飲過數一數二難飲既奶茶…查看更多

今日lunch過左黎九龍城搵食，黎到大名鼎鼎既昌泰。一入到餐廳已經充滿泰國既特色 — 熱！坐近門口好似冇咩冷氣咁🫠員工之間對話係講泰文既，同埋一坐低係真係聞到有陣泰國既特有香味，泰國回憶出晒黎！🇹🇭🇹🇭星期一至五既lunch set真係好抵食！全部都係$45 仲要包埋泰式凍飲！遊船河 配泰式奶茶 （$45）見到佢既船麵好出色，即刻叫番碗試試先！個湯底好濃郁好出色，真係同泰國食既一樣味🥹 我揀左卷粉，類似港式腸粉咁，第一次食的我覺得好神奇！ 滑係好滑 但略厭冇咁掛汁，所以我攤左左佢地黎食🤣麵仲配左豬肉片，肉丸同豬潤，餸都好爽口彈牙，呢個價錢 呢個份量 真係好抵食！鮮蝦炒金邊粉 配泰式奶茶 （$45）出面叫金邊粉閑閑哋都六七十蚊，呢度$45食到咁大碟真係超值！因為係即叫即炒，所以等得比較耐，但真係好值得！食落有鑊氣 又足料，賣相完全唔馬虎，仲有兩樣算大隻既蝦，推介！泰式奶茶就普通，有啲啲細杯，但呢個價錢真係冇咩好怨言🤣 熱辣辣飲真係透～心～涼～正價加左個炸蝦餅 （$69），外脆內彈牙，好實肉好好食！餐廳性價比高，下次會自備風扇仔再黎😋🤣👍🏻…查看更多