natalie0110的個人專頁

晏晝去開旺角拎野，天氣熱唔想食飯，於是搵麵食，咁岩路過朗豪坊，發現原來有熟食市場，就去睇下有咩食！去到都有好多鋪頭，見到有間車仔麵好多人排隊，於是乎去睇下，37$/3餸，超抵！唔怪得咁多人去到寫紙仔揀自己想食既野，由於第一次去唔識野，但老細麵好好人，好友善逐一解答叫左豬紅、雞翼、羅白腩汁米粉，加左20$要個小食，麻辣腎，同+6$要個手工茶佢屬於自助形式，買完拎轉野食，就自己搵位坐，都方便，佢可比你自己加蔥、辣椒油等等食既時候，發現個腩汁湯好濃好入味，忍唔住都係咁送米粉食😆 米粉係屬於鞋身啲個隻，但量都ok👍🏼👍🏼雞翼都好入味，雖然唔係好大隻個啲咁，但都好淋好好食！ 羅白係煮到入哂味，好甜仲要無渣，有4舊！！通常出面食係得3舊，豬紅有幾粒，唔散同都好好味！佢個麻辣雞腎都勁好食！！ 同都好大兜（20$有呢個份量，超抵！） 佢配左啲榨菜一齊整，都好惹味！如果下次再去，會想叫唔同餸試下，佢啲餸係勁多選擇😆😆 枝手工茶，我揀左茉莉花茶，無糖👍🏼我諗呢檔車仔麵，性價比超高！ 如去開真係會去encore!!!! 所以唔怪之得咁多人排隊買！一個字，正呀！…查看更多

晏晝去左牛頭角個邊，係海旁附近，有一棟好多餐廳嘅大廈，揀左呢間黎試。去到要等一陣，但都好快有位👍🏼 keep住都有人排隊等位坐低左叫左2份main course加杯野飲烤春雞+蕃薯條同虎虾闊條麵，配左杯凍朱古力我哋坐左係bar枱，都ok, 可以睇到廚師整野食，見其他人既野食都好吸引，所以都好期待。到食物上枱時，好香好吸引！ 個虾闊條麵好好食！虾彈牙，佢配左虾膏去整個汁，好濃味，好惹味👍🏼 啲汁都掛到落闊條麵到，雖然好濃味但係唔會有漏既感覺烤春雞，以為會平平無奇，點知一入口勁juicy!!! 啲汁好多！ 味道好好，唔會勁咸，就算係雞胸位，都唔會好鞋，又係一食停唔到口，蕃薯條好酥脆好好食！ 有啲唔似平時出面食個啲，略為少左啲，唔夠食，如果多番啲會開心啲，但都超出預期，好食👍🏼👍🏼凍朱古力好濃，但唔會好甜，唔似係啲死甜朱古力，好重可可味👍🏼👍🏼 如平日跟餐叫會抵啲，不過今日假日要收正價，但無所謂啦，好味👍🏼本身想叫tiramisu ,但佢咁岩賣哂，唯有下次再試！一定有下次👍🏼👍🏼👍🏼走時都有同廚師講，讚佢哋既野食，店員佢地都好nice 服務都唔錯，環境都幾chill👍🏼👍🏼…查看更多

疫情問題晚上無得出面食野，唯有叫外賣！間店有網上落單，早上落單後好快有人同你confirm order , 由於買夠金額，有免費送貨 去到你屋企樓下👍🏼 好方便叫左好多款唔同嘅壽司，啲魚生幾好食，啲飯又唔會勁大舊咁，炸虾卷都唔錯，唔會話林哂同埋得炸粉，會見到有虾，叫左蟹膏壽司，好好味，海膽都好食，唔會話有腥臭味魚生飯勁抵食，佢午市同晚市有啲套餐特價，但份量都足夠👍🏼整體好好食，限聚令過左一定會去堂食…查看更多

同朋友去咗荃灣附近，路過一間食日本嘢嘅食店就去試下。款式都算多，有日式、西式咁，4個人叫咗4個唔同餐，月見牛肉鍋飯幾驚喜，上枱時keep住燒住個鍋，有菜有豆腐有冬菇等配料；而牛肉就望落好靚，唔似啲平價貨，食落清清地，幾好食吉列豬扒飯，個豬炸得幾靚，唔係話勁多油咗，食落都鬆脆另外兩個魚生飯，朋友個個係魚生片飯，望到都幾多料，我自己個個就係魚蓉飯，佢個味食落都好鮮好好食，啲虾都好食唔會話梅咗咁佢有凍野包埋，最特別佢有花茶，今日係菊花茶，幾特別，下次可以再試其他👍🏼…查看更多

限聚令同疫情關係，唔敢四圍去食野，但又想食米線，就試呢一間而家做緊外賣9折優惠，叫左一個麻辣米線，有得揀大中小辣，同另外叫餸試左炸虾卷同豬扒，我覺得豬扒無咩特別，反而炸虾卷好食！ 朋友就話牛肉餅好食，佢啲米線同湯係分開裝，唔會話變淋同索水，呢樣好好，由於唔係好食得辣，叫左小辣，都好惹味👍🏼👍🏼 同埋佢份量都好足，好多米線👍🏼👍🏼下次會試埋酸辣…查看更多

呢一間漢堡包店，已經嚟過3次，每次試唔同食物都有驚喜！最初去呢一間店，係因為佢嘅蕃薯條！！ 好好食，佢漢堡餐有得揀薯條/蕃薯條，食過薯條就一般，反而蕃薯條就非常吸引，一食難忘佢有唔同嘅漢堡，今日食嘅係煙燻牛肉漢堡，佢嘅煙燻牛肉入口非常淋身，一咬就咬開，有肉汁唔會乾爭爭，配埋啲醬+烘過牛油底嘅包，非常好味！另外，叫左一碗慢煮腩肉冬蔭公蕃茄湯金邊粉，上次叫左雞肉，無咩驚喜，今次試慢煮腩肉，超好食！！ 佢有肥肉加一層瘦肉，一咬啲肥肉既肉汁同油香好好味！ 入口會溶，配埋瘦肉一齊食岩岩好👍🏼 呢一個冬蔭公湯，同平時飲嘅唔同，但跟麵食一流！ 唔會勁辣，連湯一齊食粉，可以幾乎「飲」哂啲湯，飲完都無喉嚨乾到要飲水，佢跟餐有小食，今次係炸洋蔥圈，都好大舊，洋蔥唔會話炸到乾哂身縮水跟餐有野飲，要左冰茶，好清新。食完走時，店員會主動問有咩要改善，非常重視品質同意見呢一間店一定會再去，因為佢嘅出品真係好好味…查看更多

Join 咗酒店嘅staycation，佢包咗一個晚餐，可以揀中菜/意大利菜，由於佢係jamie oliver 師傅，所以最後揀咗意大利菜去試！餐廳裝修幾靚，都幾多人去食一坐低揀完餐，就試麵包，麵包係超好食！手造麵包有3款，最好食係芝麻麵包條！！有芝麻香同咸咸哋，加埋橄欖油同黑醋，有啲啲酸味好好食！之後上意大利火腿、生牛肉同芝士，啲火腿出乎意料地好味，本身唔係太喜愛食醃製嘢都會忍唔住食多兩舊，仲有舊芝士，好香好濃，但又唔係死咸，呢碟嘢都幾高汁之後上意粉，極燶芝士味，如果喜歡芝士嘅一定會好啱，意粉咬落啱係太硬，普著通通，不過份量相對細主菜揀左一份牛一份魚，我覺得魚好食啲，有魚味同啱係太濃，魚都算滑，配個汁同蕃茄仔一齊食都幾好味，墊底嘅薯仔都有驚喜，用個汁煮過幾好食反而牛就麻麻哋，叫左3成熟咬落都有少少靭，牛味一般，唔係咗啱口味最後上甜品，非常之有驚喜！！！有個咖啡mousse！ 入面有好濃嘅咖啡味但係唔苦，好特別；有3件蛋糕，分別係檸檬tart（勁fresh 勁清新，唔會淨得檸檬酸味，帶啲啲甜唔會好流）, cheese cake（同普通cheese cake味差不多，但佢好鬆唔會死實實）同埋勁燶嘅朱古力蛋糕（勁濃朱古力味，但唔會勁甜入唔到口） 整體佢甜品常高質，最重要係唔太甜，唔係勁多糖咁會因為麵包、意大利火腿同甜品再去食佢個buffet🤣另外服務幾好，會自動同你加水，同埋見你自拍會主動過嚟幫你影相👍🏼👍🏼…查看更多

晏晝同朋友去天際萬豪中菜廳飲茶，都算多人，有一半滿我哋一行16人，叫咗啲點心同小食，有啲好有驚喜呢度出名係x燒，佢用熱石上，一上枱淋蜜汁，喳喳聲幾得意，x燒入口幾淋幾好食，美中不足唔係熱辣辣，係暖暖哋Xo醬腸粉都幾惹味，辣辣地，唔會太油同一pat pat蒸魚（唔記得係咩魚😂） 係用籠仔上，魚幾滑，如果有蒸魚豉油會仲好味仲有其他點心如虾餃、蟹肉虾餃（有細細塊蟹肉同蟹子喺面，入面舊虾都大粒）、鳳爪（同平時酒樓差不多）、羅白糕（嘛嘛哋，煎得唔夠透同多粉）小食炸軟殼蟹、炸蠔、炸牛柳粒都好食，唔會太厚漿，炸黃金南瓜都好好食！咸蛋味香之餘食到南瓜甜味黃金虾球，隻虾好大隻成個波咁，沾滿咸蛋黃醬，咸蛋黃醬都唔會話勁咸，好好食乳豬反而上碟個樣好唔吸引，雖然食落都ok 卜卜脆甜品食左楊支金露，幾好食👍🏼 朋友食燉雪梨，原隻上幾得意，佢話幾好食，個汁好甜，仲有杏仁茶、紅豆沙、紅豆糕，都不錯整體成餐都ok，有會員卡有6折，有得泊車，唯一唔好嘅係冷氣唔係好夠，可能多人，如果涼啲會更舒服，下次再去試其他嘢食…查看更多

係銅鑼灣附近按完摩，去咗按摩店附件嘅台風R食拉麵！一入到去 都差唔多滿哂人，2個人叫左一個拉麵一個沾麵濃厚蟹虾湯拉麵，加左25$要多份慢煮x燒，好值得俾多25$，因為真係好好食！！！！ 個湯好濃虾味，啲湯麵好掛麵，叫左正常份量，但其實都比出面其他拉麵店多麵，女仔食未必食得哂，有糖心蛋，雖然唔係食過最好食，但都ok👍🏼 最好味嘅係，可以加蒜茸，加左生蒜又係另一番風味，蒜頭怪表示正！海虾湯沾麵，佢個湯有得俾你加熱石！！！ 喺香港好少可會有咁嘅安排，好有誠意，會keep住熱，個湯都好濃，可以之後加湯飲埋，啲湯都好掛麵👍🏼 啲麵都好有咬口唔會林哂，同樣份量都係比出面其他店多👍🏼但我都係鍾意拉麵多啲，拉麵個湯味道濃郁好多佢唔似平時啲拉麵店，佢只賣拉麵/沾麵，無餃子個啲小食，只做好拉麵，有誠意👍🏼👍🏼👍🏼…查看更多

中午同朋友去試會跳舞的烤鴨叫左個8人餐 唔駛諗食咩餸朋友叫左個花膠，好大舊，個湯都好味👍🏼👍🏼👍🏼個前菜好似fusion菜咁 日式芝麻醬+中式麻醬 個味好新鮮 仲有個馬蹄 （個樣好似帶子仔😂） 但食落口好清甜 涼浸浸幾好食 仲個芥末鳳爪 啲前菜都幾特別之後就有個蔥油雞！超滑！個汁都好好味👍🏼 水煮魚唔係好食辣都食到，佢配左啲菜同蕃薯粉，朋友話好食，索哂啲汁有個炸虾佢唔會太辣，啲腰果好好食，平時呢啲配菜會唔好食，但佢脆的黎又有少少辣味，虾殼脆到可以就咁食，肉唔梅👍🏼👍🏼等左好耐嘅會跳舞烤鴨終於出場，有個師傅黎係面前切，熱辣辣！之後有人會介紹點食，佢啲醬係自己調配，仲有好特別嘅係會加爆炸糖，佢比左幾個唔同部位，配唔同既醬食，但最後係咩都落，結果好好食，唔膩，食幾件都唔怕🤣甜點係超好食，好出色！！！！ 係個燉蛋白，既重蛋味但唔會好甜，佢配紫薯同金薄，其實就咁蛋白都完勝！！整體都好好食！下次會再去食佢嘅烤鴨同燉蛋白，同試下其他餸…查看更多

放工去左觀塘食手作烏冬，呢間烏冬店係長沙灣都有分店👍🏼星期六晚上7點左右，都已經差唔多坐滿，好彩唔駛點等就有位！一入到去，佢餐牌上面主打烏冬，有湯烏冬同冷烏冬，咁啱佢大烏冬同海苔烏冬賣哂，唯有試最原始嘅烏冬，揀左配天婦羅，而另一份就揀左咖喱熱烏冬配關冬煮加雞髀！一嚟到份冷烏東，啲天婦羅顏色好靚，食落都無油益味！ 佢有冬菇、魚仔、多春魚、茄子，好好食！ 佢炸得卜卜脆但唔乾身，有汁，最好味既係多春魚👍🏼👍🏼👍🏼 配佢個羅白茸汁好清新，天婦羅佢調味唔重，但反而食到食物本身嘅味👍🏼👍🏼👍🏼 而烏冬，煙煙韌韌好好食！好適合鍾意有咬口既烏冬， 配冷麵汁、蔥、薑同芝麻+wasabi，一食就停唔到口咖喱烏冬好似沾麵咁，啲汁掛喺烏冬上面，食落麵好好味，同唔會超咸，唔覺唔覺都會飲咗啲湯👍🏼 佢個關東煮，有雞蛋、羅白（重點）、蔬菜包、蒟蒻，都好大件好足料，最重要係非常入味！！ 羅白有喺日本食嘅感覺佢嘅雞髀，幾乎每枱人都會叫，所以都要等佢整，見到佢好靚好吸引，佢醃得好好味，同埋肉汁好多，雖然要等耐少少，但都ok個人都係鍾意冷烏冬多啲，下次去希望可以試到其他烏冬…查看更多