lemon00water的個人專頁

約左朋友去星街飲野，但我唔好咖啡，問店員有咩其他選擇，佢介紹牛油果沙冰，平時唔係幾食牛油果，初時飲落有啲唔慣，仲有浸怪味…但飲多兩啖又幾好味，下次可以試吓海報上面個杯Avolatte…查看更多

深水埗有好多小食、小店，但多數煎炸油膩，冇營養，難得女友係福華街揾到間健康小店，一於去試試。餐廳地方細細，乾淨企理餐牌有唔少選擇，如常餐、湯飯...... 更有坊間少見嘅健康養生淮山麵、有機藜麥飯.... 而且三色飯仲可以免費添加，岩曬大胃王未食過淮山麵，我地就叫咗蝦滑勝瓜淮山麵同豬扒淮山麵。淮山麵同湯分開放，淮山麵味道偏淡，但配合濃郁湯底一齊食，好夠味呢度價錢偏貴，碗麵已經要四五十蚊，轉紅燒牛肉湯加3蚊，配熱帶菲芒冰又加9蚊…查看更多

今時今日，以點心做主題餐廳，競爭好大。依間個定位好清晰，就算係好舊嘅點心都有，例如豬膶豬肚燒賣，去到新派嘅得意豬仔流沙包都有，適合一家大細去食，可以各取所需，小朋友食得開心，大人童年回憶返曬嚟。當然，論味道，佢算合格，冇八月花咁好，但係相對價錢平，值得再去…查看更多

咁岩係FB見到叉燒賣相幾吸引，就帶埋女友去試試，大自然素食有幾間分店，尖沙咀美麗華廣場比較就腳，地鐵站行幾分鐘就到，餐廳地方寬敞，唔會好迫，原來陳志雲都係熟客仲推介幾款特色小食叫咗秘製蜜汁叉燒跟4件荷葉包，職員做野快手快腳，好快上菜，荷葉包蒸得好鬆軟，叉燒入味彈牙，如果叉燒都有半肥瘦揀，就正！！另外叫咗海鮮鴛鴦飯，醬汁多，份量多，性價比高，極力推薦！！不過實在太大份， 兩個人都食唔晒，打包聽日再食過…查看更多

呢間係最近經常去食嘅餐廳，坐得舒服，唔會好嘈，見客或者同朋友食飯都岩。今次試咗個特別推介蝦兵蟹將意大利飯，墨汁同意大利飯配合得好好。食食吓飯，竟然見到曾志偉！！以為佢嚟食嘢，問吓先知原來佢係其中一個老闆，所以叫老爺廚房…查看更多