vinccimawc的個人專頁

最近好想食韓國嘢，之前同朋友尖沙咀食過呢間，今次去旺角行街順便食下分店。餐廳同樣有免費即影即有相機，同埋給未來嘅信，有需要可以問職員攞明信片同筆，最近仲做緊大抽獎，有機會抽中雙人來回韓國商務機票。烤牛肉炒飯表面煎蛋係流心嘅，炒飯色香味俱全，牛肉嫩滑，炒飯粒粒分明，搭配各種配料，口感豐富。每一口都能感受到牛肉的鮮美，以及香濃韓式炒飯汁，非常惹味。忌廉海鮮炒年糕炒年糕嚼勁十足，醬汁濃郁，忌廉融合奶油嘅口感柔和。海鮮炸得金黃香口，外脆內軟，除咗魷魚筒同魷魚鬚，仲有蝦同帶子，加埋不同種類嘅蔬菜，點埋個汁食真係好creamy! 旁邊配菜亦非常豐富，包括紫菜飯、粟米水牛車打芝士、香甜菠蘿粒同香炒泡菜，令人食到停唔到口。藍莓乳酪飲品口感順滑，藍莓的酸甜同乳酪柔滑結合，每一啖都能感受到新鮮藍莓清香，非常適合作為夏日消暑飲品。熱蜜桃檸檬茶飲品香氣撲鼻，蜜桃甜味同檸檬酸味相互平衡，加上薄荷葉，喝起來清新解渴，特別適合夏季享用，讓人瞬間感到清涼。總括而言，餐廳位於市中心，環境清新舒適，擺設簡潔時尚，價格合理，考慮到食物嘅品質同份量，性價比相當高。…查看更多

星期日同朋友去尖沙咀行街，係尖東見到有間泰菜望落去唔錯，就入咗去食。正宗曼谷船麵香港難得可以食到正宗泰國街頭粉仔，我同朋友叫晒三碗，包括招牌牛船河、招牌豬肉河、招牌牛腩河，麵底分別揀咗河粉、金邊粉、泰國蛋麵，湯底亦有揀船湯同干撈兩款。牛肉河同豬肉粉食落各有特色，湯頭鮮美，麵條滑順，肉質鮮嫩，肉丸彈牙，搭配湯底相得益彰。至於牛腩軟嫩入味，干撈微辣，但唔會好油，非常開胃。牛奶烤豬肉豬肉肉質鮮美，烤得香口，值得一試。啖啖蟹肉奄列蟹肉奄列非常巨型，蛋入面嘅蟹肉鮮味好突出，奄列煎出嚟質地好滑嫩，點埋泰式辣汁食好正。蒜蓉包蒜蓉包烤得金黃，咬落外脆內軟，蒜香撲鼻。泰式香燒雞燒雞製作需時，每日限量供應，雞肉烤得恰到好處，外皮香脆，肉質多汁，配埋泰式酸辣汁一流，不枉我哋等咗一段時間。手打雙重檸檬綠茶香水檸檬加青檸飲落去清新可口，檸檬酸甜平衡得好好，適合炎炎夏日解膩。泰式香芋泡沫鮮奶香芋風味非常濃郁，表面泡沫口感亦很特別，飲落去甜而不膩。餐廳食物有泰國特色，無論係船麵定其他小吃，每一道菜都值得品嚐，而且餐廳不設加一，非常抵食。…查看更多

朋友係九龍站附近返工，佢話附近有間印度餐廳唔錯，嗰晚食飯就一齊去。餐廳位於商場天台，環境舒適，地下有戶外座位，樓上亦有室內座位。Masala Garden Salad沙律由新鮮的番茄、青瓜和洋蔥組成，搭配粟米、士多啤梨同薄荷醬，風味清新，非常開胃。Grilled Octopus烤章魚經過香料腌製，烤出黎肉質鮮嫩彈牙，同秋葵以及菠蘿醬搭配非常夾，令人驚喜。Chicken Tikka Masala呢道係經典印度菜色，雞腿肉經過煙燻後仍然香滑，濃郁嘅番茄洋蔥醬香氣四溢，令人難忘。Truffle Ricotta Cheese Naan印度薄餅嘅松露味非常香濃，同芝士完美結合，獨特風味令人一食停唔到口。Garlic Coriander Naan大蒜印度薄餅上枱熱辣辣，焗得外酥內軟，搭配主菜咖喱食係絕配。Very Berry Mocktail飲品清新可口，莓果的酸甜平衡恰到好處，令人感受到夏日嘅清爽。Mango Lassi飲品濃郁香甜，芒果味同奶香結合，口感香滑解渴。Pistachio Burnt Basque Cheesecake巴斯克芝士蛋糕食落微暖，外面微焦，入面綿密，同開心果香味完美融合，令人回味無窮。餐廳融合咗傳統同創新嘅元素，展現廚師對食材嘅用心，每一道菜都充滿左層次感同創意，令人感受到印度菜嘅魅力。…查看更多

放假同朋友慶祝生日，上openrice見餐廳有免費生日主題佈置，就book左呢間cafe。我哋點左一個二人餐，有手拉pizza、小食、意粉同飲品。千島夏威夷 Pizza薄脆嘅餅底上鋪滿香濃千島醬，火腿同菠蘿搭配甜咸適中，加上pizza熱辣辣，又有拉絲芝士，非常易入口。烤雞蘑菇闊條麵忌廉醬汁濃郁，搭配烤雞肉，寬條麵口感相當滑順，味道不錯。炸蟹餅小食表面香酥，搭配香辣泰式醬料，十分開胃。美式麥樂雞小食外脆內嫩，炸嘅火候啱啱好，搭配蛋黃醬，正。楊枝甘露飲品清新可口，芒果甜味同柚子椰果搭配好夾。榛子朱古力飲品榛子味道突出，同濃郁朱古力結合得好好，口感豐富。餐廳亦提供桌上遊戲，可以隨意挑選，非常適合同朋友長時間聚會。…查看更多

朋友鐘意食海南雞飯，嗰日放工約咗我去佢平時成日幫襯嘅餐廳食飯。餐廳環境簡約而現代，散發住輕鬆氛圍，非常適合聚會。天天海南雞朋友話呢個係必點嘅招牌菜，獲獎無數，被譽為新加坡最好食嘅雞飯。冇骨雞肉肉質鮮嫩多汁，外皮滑嫩，搭配特製嘅豉油、薑蓉和辣椒醬，每一啖都充滿風味。新加坡福建蝦麵除咗招牌雞飯，福建蝦麵火喉充足，同樣值得一試。蝦仁新鮮，配上彈牙麵條，配料豐富又唔會好油膩。火焰石燒沙嗲串串火焰石燒沙嗲串串有雞、牛、豬，上枱後店員會再輕微用火燒，肉串香氣四溢，外脆內軟，點埋魚露或者沙嗲汁食，十分開胃。餐廳點餐同上菜速度都令人滿意，整體用餐體驗非常愉快。海南雞飯的確係雞飯之王，如果你對新加坡風味美食有興趣，值得一試！…查看更多

朋友鐘意食手工意粉，嗰日放工就同佢去試吓呢間係鬧市中嘅隱蔽小店。餐廳位於銅鑼灣唐樓單位，店入面以木質裝修，搭配柔和燈光，戶外露台座位亦非常受歡迎。VOL.1 薯條薯條炸得金黃，咬落去外脆內軟，而且仲係熱辣辣嘅，白松露沙律醬帶著濃郁香氣，令人食到停唔到口。自家製龍蝦汁蟹肉手工寬麵條寛麵條口感順滑，食落質感好好，龍蝦汁鮮美濃郁，同鮮甜嘅蟹肉非常配合，難怪會係餐廳推介。番紅花蟹肉配手工意大利餃意大利餃的外皮薄而軟，內餡充滿左香濃芝士，蟹肉汁嘅鮮香同番紅花獨特風味，令口感層次分明。荔枝玫瑰寒天梳打飲品清新可口，荔枝同玫瑰香氣相互交融，再加上軟身嘅寒天，十分解渴。抹茶麻薯巴斯克蛋糕甜品外型吸引，抹茶嘅香味同Q彈嘅麻薯好夾，口感豐富且不會過於甜膩，令人印象深刻。餐廳手工意粉質素高，而且用餐環境舒適。下次同朋友聚會會再去。…查看更多

最近我同朋友去咗一間台灣相當人氣嘅燒肉店。店內每個座位都有一人專屬烤爐，採用無煙設計，燒肉時唔會有太多氣味留喺身上，的確唔錯。日和極上盛合套餐
套餐包括日本A5和牛、西班牙伊比利黑豚、無骨牛小排、龍躉石班同鮮蝦，加配左日式蔥花玉子飯和濟州海帶豆腐湯。食材新鮮，肉質鮮嫩多汁，特別係入口即溶嘅日本和牛。SMILE盛合套餐
套餐有無骨牛小排、松阪豚、牛橫隔膜同冷藏雞腿肉，仲包括北寄貝、鮮蝦和鱸魚菲力，搭配越光米飯、雪濃牛骨湯和芒果奶酪。雪濃牛骨湯用料十足，略略帶着豆乳味，口感唔錯，芒果奶酪亦唔會太甜。我哋仲點左雞膝軟骨、雞心串和蔥鹽薄切牛舌，蔥鹽牛舌口感爽脆，味道適中，令人印象深刻。燒肉店菜式多樣，食材新鮮，環境舒適。沙律及韓式小菜係半自助放題，冇額外收費，如果想搵個地方聚餐或者獨自享受美食，係唔錯嘅選擇。…查看更多

星期五晚去太子搵朋友食飯，佢話附近有間Cafe環境同食物唔錯，就走咗去食。是日餐湯我哋點咗二人餐，是日餐湯係南瓜忌廉湯，裝湯嘅容器好得意，適合打卡。南瓜忌廉湯好Creamy，味道濃郁，飲得出唔係罐頭湯。飲品靜岡焙茶鮮奶茶味好濃，質感亦都好滑。朋友點咗一杯特別嘅飲品，叫「GAB GAB地」，飲品顏色鮮艷，望落好有層次，味道酸酸甜甜，非常開胃。日式山葵醬餃子日式餃子表面煎得好脆，加埋表面嘅Wasabi醬食好夾，呢個配搭幾有創意。黑松露雜菌粗管通粉黑松露雜菌醬調味好好，雜菌有蘑菇同草菇，通粉軟硬適中，廚師火候控制唔錯。雜菌照燒汁豆腐扒呢個又係出面冇食過嘅菜式，日式照燒汁輕微帶甜，豆腐扒表面煎得金黃，咬落去入邊仍然好香滑，仲有陣陣豆香。其他配菜有薯仔、蘆筍、蘑菇、草菇、紅椒……柚子牛角窩夫雲呢拿雪糕香滑，柚子汁唔會好甜，窩夫係雞蛋仔嘅外型，咬落去係酥皮酥脆嘅口感，配埋焦糖食，令人滿足。餐廳食物質素非常高，菜式有創意，下次有機會會再幫襯。…查看更多

最近到訪左一間樓上Cafe，環境舒適，入座冇限時，非常適合同朋友聚會，有啲座位更加有充電設備，非常貼心。香煎咖啡漬三文魚扒三文魚扒煎得恰到好處，外脆內嫩，淡淡咖啡香氣同魚嘅味道出奇地夾，搭配嘅泰式酸辣汁增添左清新口感，配埋法式扁豆以及蔬菜，既健康又美味。澳洲和牛蜜糖芥末醬芝士漢堡麵包有烘底，加上肉質鮮嫩嘅和牛漢堡扒同濃郁嘅芝士，配合蜜糖芥末醬嘅甜味和微妙辛辣感，食落好有層次。黑松露醬薯條亦炸得香脆可口，黑松露醬香氣令人食到停唔到口。Marshmallow Chocolate濃郁嘅巧克力搭配輕盈棉花糖，口感柔滑，令人回味無窮。非常適合我呢啲喜歡甜品嘅人，特別喺寒冷嘅天氣入面，令人溫暖。Lemon Soda (Passion Fruit)檸檬百香果梳打非常解渴，酸酸甜甜嘅口感喝落清爽，尤其適合搭配薯條漢堡，平衡餐點嘅油膩感。伯爵茶鬆餅鬆餅充滿香濃伯爵茶味，咬落鬆軟可口，搭配果醬輕微甜味，味道啱啱好。Cafe環境舒適，我同朋友享受咗一個寧靜嘅晚上，如果你鍾意文青餐廳係唔錯選擇。…查看更多

約朋友去銅鑼灣食飯，佢鐘意食海鮮，上網見到呢間餐廳有就訂咗位。餐廳裝修優美，水晶吊燈同法式噴泉令環境感覺好放鬆，非常適合打卡。招牌海鮮凍食拼盤我點左招牌海鮮二人套餐，拼盤裡有時令生蠔，海水味濃，仲有好大隻嘅紐西蘭蝥蝦，肉質滑嫩。翡翠螺就口感彈牙，大綠青口同海蜆食起來好新鮮。最後搭配嘅北海道刺身帶子同三文魚籽，賣相吸引，令整個拼盤味道更加豐富。餐湯是日餐湯係甘筍薑湯，湯嘅顏色金黃，喝起黎順滑，甘筍嘅甜味和薑嘅香氣相互搭配，寒冷嘅冬天飲令人非常暖胃。香煎鱈魚柳墨汁意大利飯鱈魚煎得外脆內嫩，火喉控制得好好，墨汁調味唔錯，意大利飯嘅濕度適中，互相配合令整道菜味道更加好。大蒜蘑菇忌廉烤雞烤雞外皮香脆，肉質好嫩滑，搭配炸過嘅大蒜、蘑菇以及薯仔味道好香，忌廉汁用黎點雞肉或者麵包食都好夾，加上麵包有搽牛油再烘過，非常香脆軟身，我同朋友都食到停唔到口。總括而言，呢家法國餐廳無論環境定菜式，都令人感到滿意。如果你鐘意法國菜，可以去試！…查看更多

最近天氣又凍返，我同朋友約埋一齊去旺角打邊爐，之前係台灣食過呢間火鍋唔錯，見佢係香港開左就去食。我地點左極奢放題任食，用餐時間100分鐘，包左主食、任食蔬菜吧、飲品同甜品，價錢唔貴就梗係食最高價位嘅套餐。湯底* 鎮店招牌石頭湯：湯底口感濃郁，香氣撲鼻，充滿香蒜味。* 鮮菇奶香湯：湯底清新，奶香四溢，適合鍾意牛奶嘅朋友。食物火鍋食材選擇非常多，以下係我推介嘅：* 澳洲黑毛和牛霜降：肉質鮮嫩，油花分布均勻，口感豐富。* 冷藏手切溫體牛：入口即溶化，正。* 海虎蝦、三文魚片與龍躉石斑魚片：海鮮新鮮，口感極佳，海虎蝦夠大隻。* 草原嫩羔羊與紐澳嫩羊肩：羊肉鮮嫩，朋友好少食羊都話唔錯。* 伊比利黑豬梅花與冷藏手切松阪豬嚴選梅花豬：兩者各具特色，肉質極佳。飲品與甜品* 蜂蜜檸檬水和冬瓜檸檬：清爽解渴，而且任點。* 甜黑糖白玉奶酪和焦糖布蕾：甜黑糖白玉奶酪配搭特別，食落有不同質感，焦糖布蕾口感滑順，甜而不膩。餐廳環境現代化又有裝飾，令人舒適。服務員熱情有禮，自動自覺幫我哋加咗幾次湯底。呢間火鍋店無論係湯底、食材以及服務，都令人非常滿意。如果你鍾意打邊爐，絕對值得一試！…查看更多

星期日約咗朋友喺銅鑼灣食lunch, 上網見呢間cafe環境好似唔錯，就決定去試吓。B.Y.O.B. Build Your Own Bento 餐廳有自選便當，木魚湯烏冬湯底帶有濃郁木魚香氣，烏冬亦非常彈牙。秋葵口感清脆，南瓜煮得軟身。手打雞肉餅外皮金黃酥脆，裡面卻保留豐富肉汁，搭配牛油香蒜日式菇汁，非常香。味噌比目魚魚肉鮮嫩，外焦內嫩，質素好高。唐揚炸雞楓糖漿班戟呢道菜配搭令人非常驚喜。班戟口感鬆軟，搭配外脆內嫩炸雞，淋上楓糖漿後，再加上表面流心蛋汁，甜鹹交融，毫無違和感，質感非常豐富，我同朋友都忍不住一口接一口咁食。汁燒雞肉丸串燒汁燒雞肉丸外焦裡嫩，搭配特製的醬汁，以及入邊嘅雞軟骨碎，啖啖有咬口。熱黑糖烤奶熱黑糖烤奶口感滑順，牛奶味濃郁，加上黑糖嘅泡沫，令人好溫暖，尤其適合最近寒冷嘅天氣。抹茶柚子梳打飲品調色非常靚，好適合打卡，抹茶苦味同柚子酸甜相互交融，非常清爽嘅配搭。柚子牛角窩夫柚子牛角窩夫又係有驚喜，平時出面食嘅窩夫多數係外脆內軟，呢個入面係酥皮口感，加上清新柚子醬，以及雲呢拿雪糕點綴，令人印象非常深刻。呢間餐廳味道非常好，而且擺盤有心機，食得出廚師嘅用心，環境裝飾非常適合打卡，下次會同朋友再去。…查看更多

星期日同朋友去銅鑼灣買聖誕禮物，行到有啲攰就去咗一間日式居酒屋食午餐。我哋每人各自叫咗一個午餐定食，再加多一個小食。午餐定食包括椰菜絲沙律、茶碗蒸、漬物以及麵豉湯。脆脆嘅椰菜絲配胡麻醬以及柚子油醋，十分開胃。傳統嘅蒸蛋滑嫩，蛋香濃郁。漬物嘅酸味提升左整餐嘅日式風味。麵豉湯亦非常濃郁。吉列豬扒配稻庭烏冬定食吉列豬扒外層炸得金黃香脆，咬落去口感更係外脆內軟。稻庭烏冬質地滑順，清爽可口，正好中和左豬扒嘅油膩感。牛肉壽喜燒鍋定食鍋中有各種新鮮蔬菜，包括娃娃菜、冬菇、蘿蔔、豆腐、金菇菜等等，牛肉沾著甜甜嘅醬汁，配埋飯食一流。燒原隻魷魚筒魷魚筒份量相當驚人，外皮微焦，質感爽口彈牙，搭配檸檬汁，味道鮮美，燒烤香氣令我忍不住一口接一口食。日式居酒屋環境寧靜，適合同朋友聚會談心，而且價錢合理。…查看更多

最近同朋友去尖沙咀行街，中午走咗去厚福街搵食，見到有間餐廳介紹菜式由韓國廚師主理，就上咗去食。一上到去見到好多心形鎖，以為自己去咗韓國南山愛情鎖牆，馬上同朋友打卡。串串魚糕湯魚糕湯湯底清澈鮮甜，魚糕彈牙，款式好多，仲有青口同魷魚以及粉絲，搭配新鮮的蔬菜，令人非常滿足。牛肉水冷麵水冷麵麵條順滑，搭配醃製嘅牛肉，以及餐廳提供嘅醋同芥辣，味道濃郁，如果係炎熱嘅夏季，食落透心冷，係消暑嘅佳品。雙拼炸雞炸雞外皮金黃酥脆，肉質多汁，我哋揀咗香蒜蜜糖同醬油味，香蒜蜜糖炸雞帶有一絲甜味，而醬油炸雞則是鹹香撲鼻，各有特色，配菜有薯角薯格同薯條，仲落咗芝士粉，令人食到停唔到口。餐廳不僅食物美味，更提供免費即影即有的相機，讓大家可以使用，此外餐廳更免切餅費，下次朋友生日我會再去光顧。…查看更多

好耐冇食過泰國菜，朋友話灣仔有間唔錯，就搵咗個夜晚一齊去食。餐廳樓高三層，裝修有泰國風味，好多木製傢俬同大象裝飾。泰國青芒果沙律青芒果切絲，咬落好爽口，微微帶酸辣，再配埋香脆嘅腰果食，非常開胃。泰式炒大蜆蜆嘅數量好多，而且非常大隻，用咗三色椒同西芹炒，香辣配埋新鮮嘅蜆肉好夾。麵包焗咖哩軟殼蟹麵包焗得外脆內軟，咬落表面鬆脆，點入面黃色咖喱汁食一流，軟殼蟹炸得火候啱啱好，食落啖啖肉，黃咖喱唔太辣，個汁加蟹同麵包食口感好豐富，難怪會成為餐廳招牌菜。椰青沙冰沙冰非常大，飲落帶着椰奶清香，而且非常軟身同香滑，好有泰國風味。總括而言，餐廳食物質素不錯，難怪朋友會叫我去食。…查看更多