Belloo的個人專頁

又到左轉天氣既時候，一轉天氣就會好想打邊爐，朋友們介紹食呢間紅火雞煲打邊爐，任飲任食！超值👍🏻試完之後包你會再想黎， 雖然係任飲任食，但佢打邊爐既材料絕對唔渣流，材料新鮮👍🏻最緊要係咩？係平呀！哈利🤣…查看更多

去到熟晒既一間茶餐廳，呢間野不得不讚，份量大大碟，又唔貴！有沙漠之稱既馬鞍山，難得搵到一間可靠既茶餐廳，真係好難得[笑哭]所以就係咁，成日去，同果到啲姐姐傾計傾到熟晒[得意]最鍾意就係食佢既肉餅飯，肉餅又大又厚，唔似出面有啲餐廳，紙咁薄，一啲口感都冇，所以肉餅係我每次必叫之選！…查看更多

今朝早同同事去左呢間桃園製作食早餐，早餐黎講唔算豐富，都係基本配搭，但勝在價錢平，整體不過不失！早餐黎講都算係合格，通粉湯底唔會好重味精，食完唔會好口渴，炒滑蛋正常發揮，唔會炒到乾身！奶茶茶底都夠濃，夠醒神！…查看更多

呢間專賣飯團既店鋪而家開到周圍都係！但其實就咁樣一個細細既飯團都唔平，十幾至廿十蚊不等，但唔係話特別好食，作為一個女士既我都覺得一個當小點唔夠食🙄如果係男士既話....我諗起碼都要最少三個🤣大家為左銀包著想，買之前要三思🙄…查看更多

麥當勞又出新野啦！今次其實算唔算新野？因為脆辣雞腿包本身一直都有，今次純粹係加多左塊菠蘿係入面😑其實都唔明點解麥當勞咁鍾意用菠蘿😪今次呢個餐都唔平，$38蚊，但如果唔要菠蘿，淨係脆辣雞腿包餐都只係$28，一塊菠蘿真係值咁貴？相差成十蚊呀！咁唯有試下值唔值呢個價囉😪不出所料，跟本就冇特別😑加左菠蘿反而減啖左雞腿既辣，但食得脆辣雞腿既人，就係鍾意佢既辣，而家辣味反而冇左，咁就失去左完本既意義😭…查看更多

頹廢午餐，又唔係好肚餓，但唔食又唔得，近近地去大家樂整左碗細既叉燒飯，而家覺得大家樂啲燒味愈來愈麻麻地，呢個套餐細細碗，跟一隻雞翼同一杯野飲，咁就$36蚊，話平唔平，話貴唔貴，但叉燒乾身，唔夠淋，整體一般般…查看更多

呢間川婆婆本身有一間專門係火鍋的，火鍋果間我就未食過，但聽聞火鍋係唔差的，但事實鍾意麻辣既都會覺得佢個湯底係唔錯，而係旺角中心呢間就專賣麻辣湯粉面，湯底係ok既，但實在真係太細碗，價錢唔算平，但完全食唔飽，如果大家係好肚餓既話，買之前要諗諗😓…查看更多

呢間隱世車仔麵係旺角朗豪坊隔離果熟食市場入面，唔好睇佢細細間，其實佢都有好多料比你揀👍🏻最重要係價錢平，同埋好食！我最鍾意佢食既滷水蛋，好入味，同埋每次我都會一定會叫菜，因為佢份量真係比好多，淨係食菜都填左半個胃😂另外佢仲會有冬菜同埋炸蒜比你任加，而炸蒜都係我每次必定會加兩三羹落去！超正😎…查看更多

今日黎到觀塘，好多人聽到觀塘，都只係會諗起工廠區，唔會覺得有好野食，但其實臥虎藏龍，今日就介紹呢間越式餐廳比大家！生牛肉湯河+椰汁三色冰湯底味濃郁，亦有越式風味雖然係下午茶，但河粉份量一啲都唔少牛肉嫩口口感唔錯至於椰汁三色冰，雖然加6蚊但非常足料，椰汁味極濃，非常出色！極力推薦大家去試一試！…查看更多

又係壽司呀😂😂努力工作，就是為了食更多的壽司🤣前日先食完，今日又食🙄由於今晚係約左朋友吹水，所以就想搵少少野邊食邊講，所以唔係叫得好多野食，不過都值得一讚既係，無論邊間元氣，佢壽司既質素都保持得到，唔會有太大差別，另外近期愛左佢個款皇帝蟹柳，真係好大條，仲食得出蟹柳既鮮味👍🏻但相比起其他壽司，就稍為貴少少，因為一碟得一舊😪但都係值得一試👍🏻…查看更多

昨日收工經過香港站，見到絕味，原來呢到都有一間🤤諗都唔使諗，我直奔過去買返兩盒做宵夜先😝鍾意食麻辣既朋友絕對不能錯過！佢既價錢話平唔平，話貴唔貴，最緊要岩口味！我揀左我最愛既雞翼尖同埋鴨翅，其實食落唔算好辣，麻辣既香味做得幾好！好多時返到屋企，一邊睇下電視，一邊食，唔覺唔覺就會食晒成盒😂…查看更多

今日一大早黎到中環ifc，早餐都未食，第一時間衝去Starbucks 買杯咖啡，精神一下先！呢間位於國金二期既Starbucks 環境超大超正，做野休息或者睇下書真係一流！另外我忍唔住手買多左杯藍莓乳酪，我好耐冇食啦，以前我係超愛佢既乳酪，初初食都係2十幾蚊，而家加到三十蚊了，佢個乳酪最正係上面有配有好多唔同既脆片，仲會有埋少少生果，混埋一齊食，口感一流👍🏻而佢個乳酪本身唔會太酸，好容易入口，大人小朋友都岩食😎…查看更多

唔經唔覺又到左月頭，月頭有一個好重要既日子！就係出糧🤩出左糧，梗係要對自己好啲😎今日一於食豪dd！同同事一齊去左元氣食壽司，雖然有午市套餐，但都唔夠滿足我地兩個大胃王🙄叫到成枱都係😂只係午餐就搞成咁，夜晚仲得了🙄我最鍾意元氣個蒸蛋，啲蛋好滑，同埋佢加左少少高湯入去蒸，成件事變得好鮮甜🤤壽司就唔使多講，中等價錢黎講都算新鮮！另外我幾鍾意佢個明太子薯條，明太子味道夠濃，唔會好辣，出奇地同薯條都幾夾！推薦大家值得一試！…查看更多

其實美心西餅而家開到好似7-11咁，梗有一間係左近，不論商場，地鋪，而家幾乎每個地鐵站內外都有。不過我其實好少買佢啲面包，我多數買小食😎今次要介紹比大家既係佢既杏仁條，真係做得好脆好鬆化，價錢又唔貴👍🏻絕對係口痕必備…查看更多

今日黎觀塘食午餐，我係比佢呢間鋪既名吸引左我，除左名之外，就係佢啲餐牌😂嘩！多到嚇死人🙄講到香港，最出名既茶餐廳名物，一定係非乾炒牛河莫屬，想知間餐廳有冇水準，食碟乾炒牛河就知😎所以我就叫左一碟乾炒牛河拎走返公司慢慢嘆！一打開個盒，香氣撲鼻！牛河有獲氣，夠味，河粉夠乾身，牛肉嫩口入味，明顯牛肉有醃過，呢方面應該有落過功夫👍🏻整體來講的確唔錯，乾炒牛河一定要炒得夠乾身先好食，以我食過咁多間黎講，十分滿分既話，佢都有9分！…查看更多