MiuWaiTing的個人專頁

最近聽朋友講起銅鑼灣有間好特別嘅韓燒，係以優質柞木炭嚟燒烤嘅韓式高質餐廳。用炭燒同一般鐵板嚟燒有所分別😆據知咁樣可以喺最短時間將食物嘅精華鎖住，保留原汁原味之餘食物仲有陣陣嘅炭香。講到好吸引所以一於嚟試吓，依度裝修帶有傳統韓式嘅元素，座位寬落舒適。坐低冇耐店員就先送上前菜，包括泡菜、辣蘿蔔乾、菠菜、芽菜、海帶等等，芝士粟米係無限添加嘅～🦐呢度個醬油蝦真係好出色😍蝦鮮甜多膏，咸鮮調味適中帶微辛口🥰仲隻隻都好大隻～本人大愛💗其實整體都好有質數😆都好好食～👅蔥花牛舌，舌質柔軟帶有彈性爽口得嚟又有咬口。入面夾住嘅蔥同肉汁夠哂juicy多汁😋 🪿鵝肝多士配無花果醬,鵝肝味香又濃郁配上微清甜無花果醬唔會覺得好膩👍配埋多士一齊食雙重口感～🐃日本產和牛肩肉盛油花幾香，肉嫩牛味濃郁，入口即化💗泡菜煎餅入邊有粒粒泡菜，食到爽脆感，調味適中。🐮牛骨髓石飯多蔥同菇😛骨髓柔滑入口融化，微微飯焦香可口🍸嘢飲叫咗菠蘿梳打同西柚乳酸梳打，兩杯都清甜可口以清爽解膩為主、配搭燒肉啱哂❣️💗依度仲要唔洗驚唔識燒😆店員好nice會幫手燒埋架～ …查看更多

掛住台灣夜市嘅地道滷味或便當風味嚟北角的鐵花村新店就對了！！！之前就一直很喜歡吃他們家元祖店的出品，最近聽大大講原來佢哋喺北角開多咗一間鐵花村，我原以為係元祖店2.0～ 一嚟到就感受到不一樣風格了😛但一樣的是他們的溫度🥰好有鄰里感嘅親切友善。一坐低即刻睇到Menu嘅唔一樣😂由於太餓已即刻⭕️⭕️紙落單～牛肉刀削麵係帶有紅燒藥膳湯底，面身彈牙有口感。據知係台灣直送的新鮮即製刀削麵底難怪口感咁好。牛肉肉質鮮嫩配菜仲好豐富有靈芝菇、紅蘿蔔、燕餃、豆腐👍我哋仲配埋酥炸排骨外脆內有咬口，餐前小食一流。台式燒肉便當，係燒過再炸的控肉，肉口感外酥脆內甜身肉味香濃軟腍👍酸菜唔會太咸帶點爽口微辣撈埋飯好好味而且又可以解膩，飯仲有半顆滷蛋、花枝、肉腸同西蘭花相搭比例很好。玉米濃湯，有帶少許牛油香，蛋花滿滿，粟米香甜😋😋夜市滷味叫叫叫咗好多😆其中嘅牛筋好Q膠原滿滿感、牛肚入味濃郁，白蘿蔔又夠清甜、甜不辣和米血糕口感跟夜市吃到的很一樣🥹是台灣的味道～刈包，包皮香軟，控肉嘅半肥半瘦香甜軟腍，配有少少酸菜同芫荽，加上花生糖嘅微甜，口感十足。味道同台灣食到的味道一樣😌新店嘢飲係自行任斟🤤今次飲咗冬瓜茶同四季春都好唔錯，茶香清新。佢哋仲有其他台灣罐裝嘢飲嘅選擇。喜歡他們家不是沒道理，又好味又食得開心仲咁抵😛 2個人嗌到一枱都係，人均只係…$160🥹真係飽到上心口嘅Level 會唔會太抵🫣新店雖唔算好大，但有吧枱，有房間，裝潢就像走進台灣嘅小店咁，依度仲放有台東旅遊指南供大家參考，想去台東玩嘅不妨嚟食嘢嗰陣順便拎啲嚟睇吓計劃行程😆…查看更多

一場驚喜嘅生日慶祝飯💕同朋友一齊整完蛋糕好餓被朋友帶咗嚟依間日料😆原來大家都係第一次嚟，以旺區嚟講最平嘅set唔洗$500依個價錢食到omakase仲要唔少款式相當親民💕當中我特別鍾意灸燒蝶魚🤤燒到微焦魚油香滿滿加埋櫻花蝦嘅香口一流💗彩羽太卷餡料勁豐富🤣白子茶碗蒸亦相當出色、生蠔🦪鮮甜爽口調味好清新👍～另加嘅鹿兒島A4和牛壽喜燒都好正💕其實仲有好多道都好好食😌仲有不得不提佢哋嘅甜品就係刨冰！！據知佢哋嘅冰係喺日本運過嚟嘅，重點係個刨冰機就好似喺電視小丸子度見到嗰一部咁😆師傅仲喺你面前即場炮製俾你睇㗎❣️餐廳仲特登用咗寫有日文生日語句說話嘅碟上比我❣️整體成晚嘢食都好好味有水準，師父又幾風趣店員態度又好nice的一家日料💗性價比幾高嘅一家係會再Encore 嚟過嘅店🤤…查看更多

呢間餐廳可能係我喺香港食過最好味嘅泰菜之一！！嚟開旺角經過女人街千祈唔好錯過～好好彩因為同另一半都想早食晚飯而唔洗排好耐就入到去餐廳坐低😛我哋2個人一坐低就即刻掃Code落單～我哋嗌咗涼拌牛肉沙律、一個幾得意叫女婿蛋嘅菜式同埋招牌燒牛肩胛肉再+1個咖喱蟹肉飯做主食，嘢飲竟然比我見到有泰式嘅綠奶茶😳即刻嗌咗嚟試真係幾清新幾好味仲要唔算超甜😍涼拌牛肉沙律嘅牛肉比例上好足，醬汁又調得啱啱好、酸甜感勁開胃，btw 我覺得女婿蛋依款特式小食做完gym想補充蛋白質嘅我哋真係好岩食🤣唔想食白烚蛋冇味咁慘一定要嗌佢，水煮蛋外層稍為過油加埋醬汁同面頭灑滿乾蔥蒜香口又微甜辣好味😆而個招牌燒牛肩胛肉肉嫩鮮甜又燒得啱啱好仲配埋兩個汁俾你點😋我個人就比較鍾意食青汁。咖喱蟹肉炒飯嘅蟹肉份量都唔少蟹肉幾鮮甜個汁又唔太辣帶有椰香勁好送飯🤣有人勁快清咗碟～依間店整體味道好好味服務態度又好份量又足👍👍食完依餐喚醒咗我上個月去泰國嘅美食回憶💗不過我真心建議夜晚嘅話大家早啲嚟食飯😂因為我食飽出嚟仲見到大排長龍～…查看更多

同朋友慶祝生日，一班人想食打邊爐😌又可以唔洗煩食到飽，諗到大家都鍾意台式嘢就決定一齊試吓呢間～我哋揀咗Level 4，嘢食款式好多除咗自己落單出邊自己拎嘅都有好多選擇，例如滷肉飯啦麵線啦台灣腸呢啲之外仲有唔少甜品，好多都好新鮮。而且仲有和牛嘅選擇，仲要有唔少牛嘅部位都可以選擇👍👍 仲有一啲特色嘅台式食品，台南烏雞卷呢個我真係好少見😳嘢飲除咗台式嘅茶類罐裝飲品任拎，佢仲有手搖添～甜品除咗台式出名嘅仙草芋圓愛玉豆腐花呢啲配搭之外，連中式嘅糖水腐竹薏米鵪鶉蛋都有得比你自己任斟真係幾意外😳仲要唔太甜，幾多料～店員大多數都好Nice，服務態度幾好經理仲好細心～餐廳門口走廊位都幾靚，仲有火車樣可以打下卡，餐廳仲有送代幣比你玩門口嘅扭蛋夾娃娃機😛 好適合一大班聚餐慶祝！！依餐大家都食得好開心好滿足🤰🏼🤰🏼…查看更多

北角最近新開咗一間用心製作嘅日法fusion料理❣️RUMI 瑠美～🤣因為佢個名同我fd一樣發現依間店定期被獎勵嘅我😛被大大帶嚟嚐新，一齊享受吓附近區內新鮮感嘅美食🥰唔洗諗食咩一個價錢10道菜嘅Menu，有啲類似Omakase feel😂咁對於我哋兩個最近用腦過度嘅人類嚟講實在太幸福🫢第1️⃣道菜，魚骨造型可愛又成個可以食，2個魚骨中間夾住Toro蓉 mix青瓜，醬身微微酸好開胃爽脆口感夾雜著綿綿魚蓉香,強烈嘅外剛內軟～2️⃣再嚟係以3年熟成赤酢為重點加上中間用咗質地柔軟到似mouse嘅Burrata cheese而成嘅沙律。當中仲配上師父即席刨嘅鰹魚碎同櫻花蝦喺面🥗仲有脆薄嘅豬肉紙做點綴係幾唔錯嘅fusion前菜～ 赤酢同cheese融合嘅味道平衡得好好，唔會令沙律調味偏向太酸。第3️⃣道係成個海膽外型咁上菜嘅茶碗蒸鮮甜滑溜嘅凍食菜式～Creamy 嘅口感1流，除咗喺面嘅新鮮海膽做第一層外，第二層係椰菜花蓉造嘅，最底嘅係蛋白+海膽蒸成嘅🤤，呈現3個層次🤤🤤大大條海膽喺面嘅造型美觀又好味又好打卡able💗仲配埋靚靚嘅貝殼羹本人大愛依個Course～4️⃣係以帶子為主嘅Course, 帶子煎得幾香口，魚子漲卜卜鮮味彈牙濃郁。兩者配搭岩岩好互帶出鮮味，係雙鮮嘅菜式😋微咸香感配左牛油果蓉嘅醬同紫蘇花令after taste 感覺好清香.5️⃣時令秋刀魚，據師父講今年比以往數年更肥美配搭入秋嘅楓葉🍁造型，面塗左肝醬去燒。魚皮燒到脆香魚肉肥美，口感煙韌得嚟魚鮮味十足配上酸酸地帶有清新感嘅蕃茜醬帶來味蕾2種嘅衝擊。6️⃣一道有雞肝醬+白菌味道嘅餃子，餃子係外脆內軟嘅感覺。內藏嘅係原條鵪鶉腿保留到肉汁配搭菌味濃郁嘅醬汁好夾。骨位扎住葉子嘅造型帶出優雅感。7️⃣成個巨大鮑魚殼做承載物👍造型靚又好打卡😂依道主食鮑魚味勁濃郁，肉身彈牙鮮甜，人手逐粒搓嘅鈕子粉煙煙韌韌富有咬口配上濃濃鮑魚肝味嘅醬令整個意粉都富有濃厚嘅鮑魚味而且份量都唔少當中仲帶有少少細細方粒嘅竹筍增加左爽脆口感🥰依道菜就好似食清光成個完整嘅鮑魚落肚咁👍👍8️⃣師父即席燒好嘅松茸、淋上雞湯。一打開個碗蓋燒香嘅松茸味即刻飄出嚟🥰雞湯香濃但唔會太咸身😋配埋緊接伴隨嘅另一道Course太卷幾好，9️⃣太卷入面包住新鮮嘅拖羅配搭牛油果青瓜同蝦口感豐富。🔟以蜜柑手工雪糕作結尾🤤迷迭香雪糕配搭新鮮蜜柑果肉香甜仲有燒香咗嘅榛果燻香味撞上清新好味之餘榛果仲幾脆口～食完口腔仲留有滿滿燻香榛子嘅餘韻🤤 最後仲會換上香氣熱茶嘅配搭嚟結束依餐鮮味佳餚嘅旅程😛每道菜式上嘅時候師父/店員都會講解一番🥰席間仲不斷refill 凍冰冰嘅抹茶添🍵 店舖雖然唔太大，席前位置不算多，但其他座位都坐得舒適，店內仲會播放住輕快嘅音樂。咁舒適嘅環境同服務之下以一位$598嘅價位10個Course屬性價比之作❣️食到師父嘅用心同細緻至用具安排細節嘅講究～ 連toilet 內嘅用品同放置都有貼心嘅準備💗絕對有質素～ 🌟PS. Menu 同 drink Menu都會隨住季節同師父idea而調整～😛 around 1-2個月有可能又會食到唔一樣嘅菜式喔❣️嚟之前記得訂座～ 如果想席前料理記得request喔～…查看更多

咁啱喺佐敦做完嘢又已經過咗飯點一半～就隨手見附近有間日式小店就入咗去醫肚，咁就意外地發掘咗一間日料Lunch set😆好抵食 。 兩個人叫咗主食+小食+2杯嘢食都只係人均$140～仲要冇收加一係親民價錢嘅享受😋小食種類都唔少追加由$20-30/款 ，仲冇限你加幾多款😍冇食早餐嘅我哋太餓追加咗5款小食😂三文魚2份、拖羅蓉、蟹子沙律、唐揚雞同唐揚墨魚咀。主食嗌咗雜錦魚生丼、灸燒三重丼（赤蝦、三文魚、左口魚邊）嘢飲+$5有汽水+$10就可以有特飲～我哋就要咗🍹柚子梳打、白桃熱情果梳打～丼飯調味適中，魚生都好新鮮，厚薄適中～炙燒嘅配搭剛好係我鍾意食嘅種類😛左口魚邊燒完幾有油香，赤蝦鮮甜中帶有微灸味道🤤炸物水準很不錯～唐揚雞同墨魚咀都啱啱好香口脆身保留到肉汁同咬口感。蟹子沙律份量比想像中大😆2個人食到好滿足🤰🏼🫃🏻…查看更多

之前同姊妹喺銅鑼灣食過秋季覺得唔錯嘅餐廳，今次係尖沙咀做完嘢見到有就嚟又試吓，依個品牌會出seasonal Menu ,換吓時令幾好😌 每季都可以食到唔同嘅嘢咁～可能夏季嘅關係，感覺菜式都係清新解暑feel😆今次我哋嗌咗 2個主食、1個小食、1個甜品。蔥油香菜唐揚炸雞，擺盤層層疊咁面灑不少蔥幾靚，而且蔥香撲鼻🤤雞件啖啖肉，外脆內嫰。喜歡蔥油嘅愛好者必叫日式咖喱牛肋肉烏冬其實除咗揀配刨芝士仲可以有朱古力嘅選擇🤗不過我哋比較鍾意芝士。烏冬口感煙韌，牛肋肉幾腍幾入味😋咖哩汁濃郁帶微辣甜口配埋芝士咸香同蛋黃汁幾好味。若葉香氣牛油果蛋包飯 ，就算減肥人士食都唔會覺得太多負擔😆 牛油果軟硬適中，嫰滑嘅蛋淋上忌廉白汁配以藜麥及若葉飯底，口感清新。甜品係初夏清甜蜜瓜刨冰😛天氣熱辣辣食冰就最啱，清甜多汁嘅蜜瓜肉🍈配上冰涼嘅刨冰。仲有蜜瓜糖漿比你自行調味，解暑一流～ 🍸蜜香梳打、夏日芒果梳打，主打清甜果香配上梳打氣泡嘅爽感，微甜中有一絲忌廉嘅滑溜。…查看更多

最近朋友搬咗喺西灣河區，探訪順道發掘咗一間附近嘅串燒店😆又嗌咗成枱嘢食～ 2個人埋單唔洗$800～🦀蟹肉芝士最中餅 ，餅脆夾住鮮味滿滿蟹肉配以濃香芝士同醬汁好正，3重味蕾享受🤤大愛牛胸爽，幾特別嘅部位又彈又爽脆又好送酒🍺焦糖鰻魚芝士玉子燒，外皮微甜糖面薄脆夾住滿滿芝士包住油脂飽滿嘅鰻魚，口感豐富豚肉日本蘋果卷幾清新嘅口味，豚肉夾有脆爽青蘋果嘅清甜有種解膩嘅感覺雞肝7成熟左右，邊位燒得微微脆入口咬落口感綿綿充滿肝味👍蒜香牛油煮蜆，蜆肉飽滿，充滿牛油香嘅湯汁點埋外脆內軟嘅重蒜包🤤香味十足仲帶微微檸香～真係必食之選😍🐟赤鯛一夜干厚身啖啖肉，外皮香脆魚香十足👍👍日式燒白鱔，外皮燒到微脆魚肉彈牙可口柑橘鹹蛋黃卷 - 幾重柑桔味帶有微微咸蛋味唔會太搶味最後以鰻魚炒飯作結尾，炒飯有粟米同菇同燒汁炒至而成粒粒分明。日本生啤買一送一好抵🥰Menu仲好貼心咁有顯示係屬於日/韓/川/疆/港 風味比提示大家😆店員都好nice會提示邊啲串燒驚吹凍可以放上爐，邊啲建議盡快食。…查看更多

適逢喺旺角區做完嘢醒起朋友講過一間之前同朋友慶祝同環境幾好嘅餐廳喺依附近，就即刻襯早未係咁多人去試吓～嗌咗 寶雲酥法式田螺配薯蓉、原隻波士頓龍蝦明太子海鮮pizza、BBQ燒豬肋骨配薯條、Drinks就仲夏菠蘿梳打、百香果菠蘿綠茶～龍蝦手工薄餅餡料幾豐富有煙三文魚、仲彈牙嘅龍蝦肉、明太子、香草，芝士條、紫菜絲同木魚。餅底薄脆，龍蝦頭仲有滿滿嘅膏🤤🤤🤤唔好當個龍蝦頭係裝飾😂可能內裏有乾坤㗎BBQ燒豬肋骨配薯條,肉質細嫩醬汁惹味香甜配埋脆口嘅薯條幾好味😌寶雲酥法式田螺配薯蓉，落枱熱辣辣，仲要陣陣牛油蒜香味飄出嚟，田螺幾大粒配埋香滑薯蓉做為頭盤好唔錯😛作為菠蘿愛好者嘅我哋兩杯嘢飲咁啱都係嗌咗有菠蘿嘅嘢飲，百香果菠蘿綠茶，菠蘿嘅香甜果香撞上微酸百香果加配上綠茶底嘅茶香好清新，好有邊食邊解膩嘅感覺😛 而仲夏菠蘿梳打就相對著重菠蘿味充滿果肉撞上有氣梳打唔會太甜，清爽口感好啱夏天飲用～不得不提呢度嘅環境同氣氛係幾唔錯，Menu嘅菜式都幾特別，真係好啱朋友聚餐、慶祝。如果提早預訂for慶祝,記得餐廳仲有畫碟服務添架😛見到佢蛋糕櫃入邊嘅碟，又真係畫得好靚。食早飯嘅人類仲有早鳥優惠😆星期一至五 19:00 前離座有八折優惠添架～ …查看更多

之前食過又抵又正嘅串燒店原來開到過尖沙咀！咁啱喺附近收工見到一於就上去醫肚，2個人又嗌到一枱都係，有飲酒都係人均$355～ 今次除咗嗌咗上次無食過嘅嘢仲見到有啲新品就即刻嗌咗嚟試😍 蟹粉日式豆腐、焦糖菠蘿鵝肝醬多士、墨魚滑紫菜大蝦、黑松露雞肝、蒜蓉燒蠔、燒白膳同九肚魚都好出色🤤 今次除咗$48生啤買一送一 ，仲嗌咗杯$38嘅檸檬荔枝Whisky 嚟試😆嘢飲內有唔少荔枝肉，飲落唔太甜係帶有微荔枝香嘅Whisky 唔喜歡甜嘅我覺得幾唔錯😌食串燒緊係要飲返杯先爽嘅～ 🌟焦糖菠蘿鵝肝醬多士，脆皮甜酸適中嘅菠蘿撞上濃濃鵝肝味一流🤤再加埋多士係3重嘅口感～ 🦐墨魚滑紫菜大蝦，蝦味頗濃，外面包住嘅紫菜脆口內彈牙口感十足👍 🐓黑松露雞肝，鍾意食內臟嘅真係必嗌，肝味濃郁燒得啱啱好加上黑松露嘅點綴雙重味蕾衝擊😋 尖沙咀新店位置方便，座位選擇除咗可以坐吧枱睇住師傅點樣燒之外，仲設有室外同室內嘅位置👍以後尖沙咀weekend 聚餐又多一個好選擇喇～…查看更多

放假喺屋企附近地區繼續發掘新嘢食😛今次路經一間以為只有外賣嘅小店，但實情原來都有得堂食嘅簡樸日風格調小店，入內周邊貼滿日本海報同汽水筐有種日本街頭小店嘅風格。我哋嗌咗法式清酒煮蜆+烏冬，火炙香料鴨胸咖喱飯，淺漬燒蓮藕同特製雞軟骨。 燒蓮藕酸酸地帶有微微焦香同甜味係幾好嘅開胃菜，而特製雞軟骨充滿燻香味同微微辛辣味口感爽脆😛法式清酒煮蜆😍蜆量巨多仲要隻隻蜆都漲卜卜大大隻～ 加埋牛油香同洋蔥香氣湯頭Creamy 又鮮味十足帶微酒香👍面頭嘅蜆完美隱藏哂烏冬🤣烏冬口感煙韌完全吸哂啲精華好好味🤤火炙香料鴨胸咖喱飯，鴨胸幾厚身😌火炙過充滿焦香感外皮帶有少少糖香同脆感而且保留到肉汁幾濃郁，咖喱帶有果香甜身可口勁好送飯🥰成碗勁快清空。…查看更多

早排心情唔好又未可以✈️，另一半喺太子無意間發掘咗間又打卡able又有得比我玩又有得食嘅居酒屋🏮同我一齊去～入到去環境就好似一個小日本嘅感覺，仲有棵櫻花樹tim 🌸氛圍感拉滿。櫻花樹旁嘅座位係榻榻米嘅座位嚟，店員都好友善好有禮貌呈上落單QR Code。我哋2個人叫咗勁多嘢食加埋甜品連加1先係$5xx幾抵食～ 嗌咗2款定食，而Set嘅小食同配咩主食都係可以自己揀嘅，仲可以包埋嘢飲。🥢熊本霜降一口牛，牛味頗濃多汁唔靭調味幾惹味配搭埋自製雲朵夢王飯（個雲朵飯唔洗驚唔識整，店家有哂指引同適當時候會出手幫忙的🤣不過我有好努力咁打蛋白架🤓）可愛造型😍兼綿綿嘅口感又充滿蛋香口感豐富係幾正再加上係自己整嘅特別加分啊🤭而小食就嗌左串串迷你大板燒，外型好特別有別於我印象嘅大板燒，以小串嘅模式上碟味道同口感都幾唔錯👍而身為🐱貓奴嘅我又點會唔比鰻魚被窩貓貓蓋飯定食吸引先得架😂以白飯砌出貓形再用長長厚身嘅鰻魚當被冚😍可愛度十足🐾亦好打卡able👍食落鰻魚魚油香滿滿，口感Q彈,魚身燒到邊邊有少少焦香幾好送飯🤤小食就嗌咗我覺得相當配鰻魚嘅厚燒玉子～ 仲嗌左唐揚炸雞🍗外脆內juicy~好鍾意食關東煮嘅我哋就當然要食啦😛鍋內嘅種類都好多亦相當入味😋飲埋個湯😌大滿足～…查看更多

去開旺角做完嘢，突然心血來潮掛住日本食嘅拉麵小店😂適逢lunch hr 返歸前路經見到間拉麵鋪就入咗去試吓😛入到去見到獎杯原來依間店仲拎過獎架喎😆店舖細細環境勁似日本果種小店feel , 店內都有唔少拉麵同沾麵嘅款式，自助用枱上QR Code落單，拉麵湯底係可以自選要雞白湯定蝦湯嘅，而我哋就嗌咗招牌三色拉麵配雞白湯底、香煎大虎蝦拉麵配香濃味增蝦湯+加配自家製雲吞同雞軟骨餃子🥢招牌三色麵條彈牙有咬口，肉品有齊豚肉、雞肉同A4和牛都好嫩滑，糖心旦都好入味😌而湯頭呈奶白充滿濃郁雞味👍食完好滿足。香煎大虎蝦拉麵，湯頭有濃郁嘅蝦味，鮮味十足，配搭埋京蔥同櫻花蝦嘅香🤤大虎蝦都好彈牙～雞軟骨餃子口感有軟骨嘅爽脆亦有餃子嘅軟腍，煎得唔太燶同時有點焦香味幾唔錯。…查看更多

2訪依個品牌嘅餐廳，之前食過覺得唔錯。今次係銅鑼灣行街就嚟多次，覺得佢哋會不定期換吓Menu幾好😌 每次嚟都可以食到唔同嘅嘢咁～今次嗌咗巴馬火腿青醬年糕、半份很想去濟州的柑橘無骨炸雞同烏卒卒墨汁八爪魚燉飯～嘢飲係清爽爆汁西柚檸檬梳打、初夏青柑柚子梳打甜品就開唔開心試咗先知嘅開心果蜜糖窩夫～炸雞依然水平唔錯外脆內滑保留到肉汁，烏卒卒墨汁八爪魚燉飯都幾重鮮味，年糕QQ糯糯唔會太硬幾好口感。今次仲試咗佢嘅開心果窩夫覺得佢唔算太甜得嚟nuts嘅味都幾出。嘢食份量依然係好足，飲品都係水平之內嘅發揮😛以清新為主。…查看更多