Realmoog的個人專頁

高消費，低質素，完全唔推薦，以為佢係同集團嘅高級版茶樓會好啲吖，點不知只係啲裝修好啲，別對食物質素期望太高，下午茶時段只係某部分點心有六折，同樣消費額度，佢樓下嗰間好過佢好多。…查看更多

食物質素非常飄忽，今次吃嘅鐵板黑椒蜆肉係凍嘅，另外餐具衛生程度令人擔憂，本人乃餐廳常客，但發現晚市時段的餐具非常不衛生，永遠油淋淋，有時有啲食物殘渣黐住，幾個月嚟都沒有改善，負責清潔嘅同事要多加注意，我每次都要用餐廳提供嘅85度滾水去清洗餐具，其實好辣手㗎，作為一個客戶，我都覺得幾過分，因為餐具基本清潔係店家的責任，冇理由要個客去自行清潔，再者，刀叉匙羹，我都可以自己洗，但係為你奉上食物嗰啲碗碗碟碟你可想而知，希望有關方面見到留言會有所改善。…查看更多

個包又扁又平又冇乜料，好薄，而且唔係好熱，加上好似畀人踩扁咗咁，完全唔需要理會佢影出嚟嗰啲廣告相，之前喺海之戀嗰間老麥食過好食好多，都唔係咁樣賣相，灣仔集成呢McCafe整得差，製作水平同態度都有改善空間。…查看更多

開咁耐幫襯咗咁耐，定期都會幫襯，因為係公司安排，所以冇得揀，瘦肉叉燒紅皮白肉有嚼勁，食開香滑淋叉燒嘅朋友一定唔啱，燒肉肥瘦分明，一啖肥膏一啖瘦肉，無論叉燒同燒肉都係柴皮，鞋烚烚，而唔係嗰種肥瘦纖維縱橫交錯，睇落瘦，食落淋，入口熔嘅感覺，不過相信喜歡有嚼勁，似嚼香口膠嘅朋友會好鍾意食。…查看更多

幫襯咗好耐, 初初開業時好好食,但品質每況愈下, 豆味有欠香濃, 薑汁豆腐花嘅薑汁及甜度唔夠, 而普通豆腐花過往嘅大糖包亦都縮小變為小包裝, 由於份量只有過往一半, 甜度不足, 額外索取更要另費, 值得一讚是店員的爭辯能力非常高 , 但服務態度有極大改善空間, 寫埋呢篇食評應該係最後一次幫襯了,順帶一提, 其實同街有一間同類型嘅舖頭都好好食㗎, 值得一試。…查看更多

曾幾何時午飯時段嘅排長龍灣仔店, 食物質素每況愈下, 一向食開整得幾好食嘅嘢而家都完全唔掂,一食就食得出, 應該係轉咗新師傅, 就連主打嘅香辣肉碎同埋麻辣蓮藕片都冇埋, 所以而家經常都唔再需要排隊, 要正視。…查看更多

幫襯咗好耐, 以前好好食最出名嘅生煎包, 近期水準有下降嘅趨勢, 皮硬, 汁冇以前咁juicy, 另外灣仔譚臣道呢間啲“前線”職員服務上有極大改善空間, 對生意上會有幫助, 需要注意。…查看更多