KaitlynTam的個人專頁

一早Bookmark 了要來《鮨定山》吃Omakase Dinner，環境寧靜和風，開放式吧枱近距離睇師傅即席製作，木質裝潢配柔和燈光，食材每日日本直送新鮮，從前菜到壽司層次精緻，整體清新不膩，視覺味覺雙重享受，傳統江戶前風一流！🔸六品前菜：-伊左目魷魚刺身：新鮮彈牙～-白象拔蚌配山葵莖：非常脆嫩｜-香箱蟹松葉蟹：來自兵庫縣的香箱蟹，啖啖肉，鮮甜爆汁。-慢煮鮟鱇魚：非常入味～-煎鱈魚白子：煎香之後有微微焦香；有驚喜！-韓鰤魚（燻燒油甘魚）：這個做法充滿香氣，好開胃！🔸九貫壽司：金目鯛鮮甜，鰆魚順滑帶油脂，金海龍甜蝦彈牙；赤馬糞海膽膏多濃郁，醬油漬赤身鮮嫩，赤貝脆彈海味足，關鯖魚胡麻香辣，拖羅入口即溶，長崎縣赤鹿魚夠嫩滑，每貫師傅都係即握熱騰騰，頂級享受！🔸卷物：師傅即席制的太卷，超多材料，卷得精緻不散，真正色香味俱全！🔸湯及甜品：麵豉湯清澈解膩；分別有提子冧酒或抹茶雪糕，兩款都好好味！…查看更多

在灣仔附近上班的舊同事，知道我過來灣仔，推介我這間「玉璃」，佢知道我想飲健康手搖，所以話呢度絕對推介！今次同埋家人分別叫咗3款招牌，店員都係即叫即制，而且佢嘅外賣單都好多，店員忙過不停！🔸茉香水果茶：茉莉清香撲鼻，配鮮果酸甜多汁，冰涼爽口解暑，大杯又足料，必點清新之選！🔸芝芝芒芒：芒果濃郁鮮甜，芝士奶蓋滑順綿密，融合熱帶風味，啖啖芒香回甘！🔸白桃蜂蜜蘆薈：白桃汁清甜，蜂蜜微甘潤喉，蘆薈爽脆，輕盈健康，層次豐富不膩，養生推介！…查看更多

今晚和好友到呢間日西fusion人氣餐廳《禪》呢度由藍帶廚師主理，無論甜品同主菜都好受歡迎，今次叫左定食二人前，先來頭盤選了味增湯及蟹肉蟹籽沙律，小食5選1，樣樣都好吸引！🔸牛油清酒煮蜆：蜆肉肥美無沙，牛油清酒好香，而且份量都好多！主菜：🔸黑松露野菌扭扭意粉:扭扭意粉口感有趣，非常吸汁，黑松露香濃郁，野菌鮮嫩多汁，fusion意粉層次豐富，有創意！🔸吉列豬鞍白咖喱鳥冬：豬鞍外脆內嫩，白咖喱椰奶香濃微辣，上面有一層薯蓉真係好香滑，鳥冬放在最底，好彈牙好似尋寶咁食，果然係招牌菜！甜品：🔸提拉米蘇芭菲配牛乳軟雪糕：用一個長長的杯子盛載，夠晒吸睛！除了視覺享受，味道都一樣咁好！🔸朱古力布朗尼Pancake：Brownie夠晒濃郁，疏乎厘又香又滑，淋上朱古力醬，邪惡大滿足！…查看更多

同家人嚟咗呢間懷舊餐廳食鐵板餐同晚餐，見到好多懷舊嘅霓虹燈，真係有童年回憶！套餐包左餐包，好鬆軟，餐湯羅宋湯酸甜開胃。🔸鐵板帶子西冷牛扒：帶子彈牙鮮甜，西冷牛扒外焦內嫩，鐵板熱辣上枱，配蒜蓉燒汁夠晒好味！🔸芝士焗龍蝦海鮮飯：份量夠晒大，龍蝦都有半隻，膏濃多汁，好抵食最後原來仲有甜品，係什果啫喱加花奶，真係非常懷舊！🔸咖啡紅豆冰：紅豆綿密煮軟，咖啡苦甜平衡，有驚喜！🔸什果利賓納：即係雜果賓治嘅變奏版，鍾意飲利賓納嘅就啱晒！…查看更多

來到啟德體育園《The Pantry Club》，呢間人氣西式餐廳，落地玻璃直望運動場，邊食邊睇夜景超chill！佢哋嘅A4和牛set，Pizza、洋蔥圈、薯條無限任食：Pizza薄脆芝士拉絲，洋蔥圈同薯條熱辣辣，無限續加超抵，開胃小食天堂！🔸A4和牛牛腹扒：牛腹扒外焦內嫩，牛肉味濃又唔會太油膩，配蒜蓉青醬味道特別，和牛控必試！🔸燒帶子海膽汁手工闊麵：帶子彈牙鮮甜，海膽汁奶油濃郁，手工麵闊條吸汁，Yummy!🔸開心果醬美式pancake：Pancake鬆軟金黃，開心果醬香脆微甜，夠邪惡但亦甜蜜！…查看更多

知道朋友想吃傳統港式避風塘炒蟹，於是便帶他來到尖沙咀的《喜記蟹將軍》晚飯，叫咗幾款招牌菜，味道不錯！- **喜記正宗炒辣蟹**：雖然點了一隻（小）的，但也是滿滿蟹膏，辣椒炒得香辣開胃，蟹肉鮮甜彈牙！- **喜記椒鹽富貴蝦**：特大的瀨尿蝦外脆內嫩，椒鹽香辣撲鼻，蝦頭膏香四溢！- **豉椒炒蜆**：蜆肉肥美無沙，豉椒炒得入味！- **豆豉鯪魚油麥菜**：油麥菜新鮮吸汁，豆豉鯪魚香氣十足！- **招牌蟹油炒麵**：米粉炒得好香口，熱辣辣回味無窮！…查看更多

《金豪酒家》係深水埗區內深受歡迎嘅酒家，環境熱鬧，以地道粵菜為主打，價錢合理，CP值高。今晚一行六人叫左多款招牌菜，令人印象深刻：🔸 黑草羊腩煲：羊腩軟腍帶鮮甜草香，湯底濃郁滋補，煲得入味，仲有必食嘅生菜，正。🔸 金豪和味雞：雞皮香脆，肉質嫩滑多汁。🔸 家鄉炒米粉：米粉炒得乾爽不油膩，濃郁家鄉風味。🔸 豉汁蒸大鱔：豉汁味道濃，蒸得鮮嫩。🔸 沙薑凍豬手：豬手彈牙爽口，清香醒胃，層次豐富。🔸砂煲芥蘭啫爽肉：芥蘭鮮脆，肉嫩滑！🔸 金沙茄子：茄子外脆內軟，金沙鹹香。🔸艶影蝦球：蝦球炸得金黃香脆，配上沙律醬，果然是招牌菜。而家仲做緊以下優惠：1.早鳥優惠7:30pm前埋單88折2.宵夜優惠9:30pm後小炒78折…查看更多

灣仔合和中心《一遊》，這間人氣居酒屋，很多在附近上班的人士都喜歡下班後到這裏小酌及晚飯，今晚和朋友們食咗幾款招牌菜，質素不錯！🐙 八爪魚沙律：八爪魚新鮮爽脆，配以清新蔬菜，醬汁酸甜適中，開胃清爽。🧀 芝士厚玉子：厚玉子甜香軟滑，蛋內芝士增添濃郁奶味，口感豐富。🐟五種刺身拼盤（油甘魚、拖羅、三文鱼，帶子及甜蝦）：刺身質素上乘，油甘魚鮮甜，拖羅、三文鱼非常新鮮，带子彈牙，甜蝦鮮味十足，擺盤精美，放在橋上好靚。🐔日式炸雞：外皮酥脆，肉質嫩滑多汁，調味得好好。🍚生薑豚肉石頭燒飯：豚肉入味帶有生薑的暖香，石頭燒帶出飯焦香。🍢 串燒：咁多款之中，其中免治雞肉棒特別好味。串燒炭火香氣濃厚。🐟鹽燒愛女魚：師傅燒得真係好好味，原條上的愛女魚肉鮮美細嫩，肉質彈牙，保持魚鮮甜味。🍹海鹽荔枝梳打及巨峰乳酸梳打：兩款特色飲品，海鹽荔枝清甜微鹹，巨峰乳酸酸甜爽口解渴。…查看更多

到旺角荷李活中心地庫「牛大人」，就係為咗食靚牛！120分鐘日本A4黑毛和牛火鍋放題，入座即送澳洲M9和牛牛丸2粒、海鮮拼盤，仲有鮑魚任食，非常高質又好味！～ 日本A4黑毛和牛：油脂分佈均勻，放入湯鍋輕涮幾秒，入口軟嫩多汁！～澳洲M9和牛牛丸:彈牙十足，每粒都好有牛味。～海鮮拼盤:蝦隻新鮮彈牙、蜆肉飽滿鮮甜，搭配任食鮑魚，好正。～湯底：鴛鴦鍋「養生菇菌燉雞鍋」拼「阿嫲養生濃湯鍋」，兩款湯底都用全天然食材熬製，菇菌鍋菌香濃郁，雞肉嫩，湯清甜；阿嫲濃湯鍋醇厚滋補，暖身又養生，建議先飲湯再打邊爐，滋味更上一層！套餐仲會每人送江蘇太湖大閘蟹一隻🦀，隻隻爆膏，超滿足！…查看更多

《功德林》呢間上海素食老字號開業逾35年，有著傳統上海素菜名堂，保持一定的水準！🔸酥炸三絲雞卷：適逢功德林35周年，餐廳推出$35可吃其中的十大名菜，我們便選擇這道菜式，外皮金黃酥脆，內餡三絲豆製品豐富，仿雞卷味道好真。🔸素羊腩花菇支竹煲：這個素菜是餐廳的秋冬滋寶系列，素羊腩軟腍入味，花菇彈牙，支竹吸汁，上海煲仔菜經典！🔸黃耳榆耳炆素煲：黃耳榆耳脆嫩，養生菌菇煲解膩，秋冬必點健康選擇！🔸高力豆沙：豆沙味道濃郁，高力皮薄，蒸得鬆軟，傳統上海甜品，簡單不失風味！…查看更多

喜歡這裏的和風環境帶寧靜，開放式吧枱近距離睇師傅即席製作，木系裝潢配柔燈，中午的廚師發辦，精選時令食材，大滿足！🔸白飯魚新鮮蟹肉海苔蒸蛋:熱辣辣又暖心的開胃前菜，不錯！季節限定：🔸伊佐目刺身（野生白肉魚）配柚子醋：伊佐目魚肉厚實白嫩，柚子醋酸香醒胃，正！🔸煙燻鰆魚刺身配醃製的洋蔥、薑花：鰆魚煙燻好香，魚肉夠滑，醃洋蔥酸脆薑花清新，層次對比豐富！🔸醬燒帆立貝：帆立貝外脆內嫩，醬汁甜鹹入味!🔸鱈魚白只配柚子醋：鱈魚白子真係好滑，柚子醋微酸提鮮，入口即溶！🔸壽司10貫：深海池魚鮮甜，赤貝脆彈帶海味，鰤魚油脂細膩，大拖羅入口即溶，三文魚子海膽迷你丼膏多汁濃，炭燒銀鱈魚香脆，胡麻鯖魚香辣，甜蝦昆布漬蝦膏炒香，右口魚嫩滑，蒽油池魚入味，每貫師傅即握熱騰騰，頂級享受！🔸吞拿魚蓉卷：滿滿的吞拿魚蓉，好鮮甜！特別一提，師傅細心到看出我是慣用左手，特意將壽司擺放在我順手拿取的方向，真的很窩心，最後奉上麵豉湯及甜品開心果雪糕，開心的一餐！…查看更多

週末中午來到尖沙咀iSQUARE國際廣場22樓新開的「迎海皇宴」飲茶，呢度環境豪華，落地窗眺望維港，仲有圓桌配水晶燈，所以短短開業個多月，便人氣爆燈。🔸蜜汁叉燒：叉燒外焦內嫩，蜜汁甜香入味不膩，果然係呢度嘅招牌菜！🔸原隻鮑魚燒賣皇：整隻鮑魚彈牙厚實，燒賣皮薄，蝦膠豬肉鮮嫩。🔸蟹粉小龍包：皮薄汁多，蟹粉鮮甜滑順，湯汁熱辣辣，咬落小心燙口。🔸鮮蝦腸粉：腸粉晶瑩滑溜，蝦仁爽口，淋豉油甜舔地好好食，飲茶必點經典。…查看更多

朋友帶我來這間越南fusion小館食lunch，環境以綠植熱帶裝潢，食物也有fusion元素，啱晒打卡。🔸南越金絲網蝦春卷：金絲網脆皮，視覺金黃，脆口多汁，越南小食經典推介！🔸南越蟹肉醬 配脆球餅：把蟹肉醬放進脆球餅內吃，口感有趣，開胃前菜一流！🔸惹火上身鹹檸豬頸肉：店員會於上枱後炙燒豬頸肉，加上鹹檸汁酸酸味味，Yummy!🔸越式咖哩軟殼蟹配蒜茸法包：軟殼蟹外脆內嫩，咖哩香濃微辣，配蒜蓉法包去吸咖喱汁去吃好正。🔸扎肉沙律：扎肉配青瓜甘筍，清新微酸輕盈健康！🔸南越蛋咖啡：蛋黃奶油濃郁滑順，咖啡苦甜平衡，層次豐富回甘！🔸蜜桃青蘋果玫瑰花茶：果香清新玫瑰微甜，很好飲的花茶。…查看更多

呢間位於尖沙咀韓國街的傳統韓國餐廳開業逾十年，由韓國人主理，裝修以木樑燈籠配傳統桌椅，環境古樸似足首爾老店韓屋風，一坐低就奉上前菜10碟，非常豐富。🔸人蔘雞湯：熱騰騰好暖胃，秋冬必點經典！🔸醬油螃蟹：蟹膏金黃濃郁，醬油調味入味，蟹肉鮮甜彈牙，店員仲現場用紫菜拌飯食，膏多肉足，正！🔸燒鰻魚：店員親自將鰻魚烤得外脆內軟，刷上特製醬汁，配芝麻葉蒜片去食，好好味！🔸韓國五花腩：五花肉油花細密，配生菜包住食，Yummy!🔸原味牛排：牛排鮮嫩，純粹的韓牛風味！特別一讚呢度嘅服務親切，仲有室外位置，佈置得充滿聖誕氣氛，一大班人來吃最開心。…查看更多

相約舊同學們到太子花園街的《泰聚》，一間充滿濃厚泰式風情的泰國餐廳。餐廳特設多款地道泰國菜式，味道正宗。每星期二晚上還有Live Band現場演出，氣氛一流！今次叫左四人餐，菜式好豐富：🔸冬陰功湯：酸辣開胃，蝦鮮甜肉質彈牙，湯底酸辣得宜。🔸柚子大蝦沙律：柚子清新，搭配大蝦鮮甜，口感爽脆，開胃醒神。🔸小食拼盤（蝦餅、魚餅、春卷、雞卷）：各款酥炸小食皮脆內嫩，不錯的開胃菜。🔸 咖喱牛腩拼蒜蓉包：牛腩炆得好腍好入味，搭配香脆蒜蓉包，吸收咖喱醬汁，正。🔸海南雞（半隻）：雞肉嫩滑多汁，配以特製醬汁，味道鮮美。🔸 馬拉盞通菜：通菜鮮嫩清爽，搭配馬拉盞醬香氣十足。🔸蝦醬炒飯：蝦醬味道充足，炒飯好香。🔸泰式椰汁糕：由正宗泰國人親自製作的，非常地道。特別推介 原個西瓜、菠蘿、蜜瓜、香芒沙冰：用新鮮水果製成，清甜解渴，冰涼爽口，而且賣相好靚，打卡一流。…查看更多