Vickytszz的個人專頁

今日專登過嚟朝早諗住買杯咖啡，因為平時行過見鋪頭門面都幾靚，諗住試下。好啦，叫左一杯熱latte ($38)，一杯熱Americano ($38)，我比Apple Pay，一野收左我$78，見到payment過左數我先知，問聲收銀服務員，🥲點知佢大大聲講粗口：頂！㩒錯錢！跟住就等左一大輪，再收過我嘅Payment … 咁等待期間，佢嘅同事幫我沖緊兩杯咖啡，但見佢地拉低口罩，係到試咖啡先再幫我沖，我都覺得正常不過⋯ 但去到沖我兩杯Order左嘅咖啡，佢地都係拉低口罩，兩個人輪流伸個鼻去嗅我杯咖啡🤢 咁因為疫情嚴重，我同收銀姐姐講聲： emmmmm 佢地咁樣拉低口罩去嗅我杯咖啡好似唔係咁好啵 ⋯ 點知收銀姐姐發脾氣，超大聲：同事呀！你杯咖啡掉咗佢啦！再沖過！比人鬧呀當下我作為客人⋯覺得感覺太差⋯因為擔心衛生問題而提出嘅一句說話，點解要發咁大脾氣⋯完全不專業，之後收銀姐姐仲走去同佢沖緊咖啡嘅同事細細聲講，大聲笑；令我哋覺得感覺好差，永遠不會再幫襯。…查看更多

虛有其表，從來未試過啲咁難食嘅壽司🍣服務態度超級唔好⋯ 由入門口開始，去到坐位都十分差，樓面以及門口的服務員都很差，員工不停喺客人頭殼頂傾偈，口水不停噴落嚟， 十分不衛生，連叫佢哋加熱水都不能好啦，坐低嗌嘢食，諗住叫一個廚師發板，實冇死，點知嘢食嚟到海膽冇海膽味，吞拿魚茸冇吞拿魚味⋯就連個飯都冇味😢 最後連跟餐個湯同埋蛋都冇拎到俾我哋⋯但餐牌上寫住係包埋一set⋯周年行到門口，買單俾錢都要我哋等好耐，總之冇下次！…查看更多

琴晚8點同男朋友搭的士到咗尖沙咀，喺車已經預先打去餐廳，問可唔可以walk in，同埋幾點last order 🥲 電話店員回覆，仲有位，可以Walk in，9:20pm last order。於是同男朋友急急腳去到餐廳19樓，佢地擾攘左成10分鐘，終於安排咗我哋去上一層20樓坐低，喺樓下已經要求我哋填紙仔同探熱，上到20樓門口再態度極差，呼喝我哋要填紙仔⋯ 但我同男朋友表示無奈，喺樓下已經填咗⋯最後終於坐低咗，睇緊餐牌嘅時候已經8:50分，佢哋嘅經理已經衝過黎話快啲落單，已經要last order；我哋表示啱啱坐低⋯佢再大聲呼喝：知呀，我知啊，但真係last order喇之後我哋好快被篩選左幾樣餸⋯ 😢😢😢落單店員再不停表示冇得再嗌㗎喇⋯ 到到嘢食送到黎，佢哋再表示差唔多要埋單今次實在極差，鮨一餐廳20樓嘅店員，全部態度都極度差，覺得其實如果唔想再有客人入座，當初可以表示唔入客；唔需要我哋嚟到之後，不停大聲呼喝，叫我哋快啲落單，再要我哋快啲埋單走人⋯之前喺19樓都食過幾次，佢哋嘅服務態度天淵之別，今次嘅體驗係極之差！！！又急，當你點左嘅嘢食到咗枱，你就好似要競食賽咁即刻爬晒野食入口，再要求你快啲俾錢餐廳，要你即刻走人⋯⋯不會再嚟鮨一食！！！…查看更多

神山拉麵係Apm入面一間別俱特色既拉麵店，佢既裝飾非常有日本既味道，係充斥住日本風格既一間店鋪入面食野，令人覺得好舒服，仿似可以係繁忙既生活中喘一口氣。我欣賞既係佢既赤神山叉燒拉麵，佢地既麵質比較粗身，亦夠彈牙，配埋辣辣既湯底十分之夾，叉燒亦都夠厚身，而且都夠大片，都算係物超所值，加埋一罐冰凍既啤酒，十分之爽🍻另外，店員態度亦十分好，有禮貌而且貼心，會留意到你冇紙巾而密密為我地送上，充滿住日本人風格。總括黎講，神山拉麵係一間值得一試既拉麵店👍🏻🍜…查看更多

錦麗係我目前為止食過最出色嘅一間越南食店，而我同時間都介紹左錦麗比好多身邊既朋友！👍🏻 佢好味既地方係佢擁有獨特既湯底，出面係食唔到，而佢既牛丸十分彈牙，爽口得黎又多肉汁，六十蚊一碗性價比係十分之高～另外值得推介既都有佢地既滴滴仔越南咖啡～佢咖啡味十分香，並且夠滑～值得一試❤️…查看更多

👳🏽‍♂️泰妹係the wave新開既餐廳，一上電梯就會見到餐廳既門面，佢選用開放式設計，門面開揚，食物質素唔錯，亦多選擇。我最鍾意佢既冬蔭公海鮮金邊粉，酸辣既湯底，同埋佢都唔吝嗇佢既海鮮配料，大大碗，價錢相宜，大概$60左右配一杯有泰國味道既泰式奶茶🇹🇭值得一試。👍🏻…查看更多

細細個就食KFC食到大，今晚收工不太肚餓，但又想搵啲野食，於是選擇左KFC😋。APM呢間KFC重新裝潢過，新設幾自助點餐機，非常方便，部門面改造後亦帶黎清新感。其後Order左我最愛既狂野香燒雞餐，佢既肉質十分滑，配上磨菇飯，多汁又好味，記得要買埋佢既葡撻，超甜超脆口，總括而言，呢間KFC既質素唔錯，服務員態度都令人滿意。👍🏻👍🏻👍🏻☺️…查看更多

Factory99係觀塘鬧市入面既隱世美食，未係觀塘返過工應該難以察覺呢間鋪既存在⋯今日同同事們一如既往咁黎到附近食飯，餐廳既選擇十分多，佢既lunch menu有A至到K餐可以選擇，全部都六十蚊左右，lunch set包埋一碗湯一杯飲品，十分抵食。😋 個人推介佢既肉眼扒餐，雖然需要八十幾蚊，但佢既肉質十分厚，而且好Juicy，一般平民餐廳好難食到咁性價比高既食物，所有有機會都recommend大家黎試試！🥳…查看更多

今日同朋友行apm，行行下行到亞太中心附近，朋友提議不如上去食久違的Pepper Lunch。亞太中心呢間Pepper Lunch人少少，環境舒服。客人需要係櫃臺點完餐，拎住牌號去指定座位坐低等候，店員稍後會將Order左既鐵板熱辣辣咁為你送上，我叫左普通牛肉飯加芝士，再趁佢熱辣辣既時候淋上佢地獨有既蜜糖汁，「咋」一聲，再將個飯既肉汁同芝士撈埋一齊，十分好味！！👍🏻👍🏻👍🏻佢地另外可以加配成為套餐，有飲品包括檸檬茶，可樂選擇，另有沙律或湯或唔同味道既雪糕。一百蚊內有找，性價比十分高。😋…查看更多

今天星期五，眾teammates表示難得happy Friday，午餐當然要食好啲，有同事提議去辣蟹莊飲茶，近近地就順利成章成為我地既選擇。午市時間都爆晒棚，我地雖然十多人同行，但等位都十分之快，入去坐低後，我地叫左燒賣，蝦餃，鳳抓等等必叫點心後，仲order左福建炒飯同炒烏冬，十分豐富，食物味道還可以，上菜速度都合理，如果想近近地飲茶，建議可以試下。👍🏻😬…查看更多

名人飯堂一向都人來人往，特別係午市既繁忙時間，附近返工既人多數都會揀名人飯堂食lunch，湧至而來。雖然多客人，但餐廳職員十分有禮貌同親切感，所以都好快安排到座位比我地。我地多數會選擇既都係佢既燒味雙拼飯，價錢公道，又好味。唯一要講佢地唔好既地方會係餐廳入面經常收唔到call/ message，如果想食就建議盡量避開有重要電話既日子去喇！🤪…查看更多

板上係日升中心行到最入既一間綜合日式加美式美食既地方。餐廳既裝修特別，而且檯與檯之間既空間感闊落，長檯都很有佢地既特色，適合一大班人黎聚會同食飯。每次我都會叫佢既安格斯牛柳粒飯，佢既lunch set擺位非常有日式飯盒既風味，如果厭個飯唔夠汁既話，餐廳服務員都好好，會比多兩盒牛汁比客人，十分有禮貌，而且佢配餐既飲品選擇十分之多，除左一般既可樂雪碧等飲品外，佢地更有有fusion飲品選擇，特色綜合咖啡、涼粉配奶茶。🥰😋👍🏻…查看更多

龍鳳號係日升中心唯一一間台式料理，記得佢初初開業既時候，無論咩時段日日都大排長龍，趁星期三唔係繁忙時間同朋友黎試試。我地order左佢出名既炸雞脾套餐🍗配埋大大碗既古早味肉燥飯。雞脾算大件夾抵食，但略嫌味道比較重手同咸味重，但肉質都鮮嫩；而肉燥飯份量比其他台式餐廳多，可以話係性價比比較高的一間有質素既台式餐廳。😋…查看更多

星期四悶悶地，又係時候同同事發掘食飯新地方，經過見到Him’s，佢既lunch set好似都幾多選擇所以就入去試下。坐低好多款lunch set都岩我心水，我揀左香蔥炒安格斯牛肉飯，加錢配佢地出名既金裝樽仔奶茶。果然冇令我失望，佢既汁配埋啲安格斯牛肉好出色，平時食得唔多既我都食晒成個飯。😋另外令我驚喜既係佢既特色樽仔奶茶，佢好的骰細細支，但茶同奶既比例調配得好好，茶味香但又唔會搶左奶既味道，兩者相輔相成，黎開觀塘既一定要黎試試呀！…查看更多

觀塘返工既好處係：梗有選擇✌🏻😋 百喜係同事口中既平民飯堂，通常去到月尾，就會見一理親切既同事係呢到出現，因為大家都糧尾，需要搵啲又平又飽肚既餐廳黎捱到出糧日🤣百喜好既地方係佢地既食物種類同款式多，勝在夠便宜，叫一個豬扒炒公仔麵加杯野飲都係四十蚊內。但同事覺得餐廳清潔同衛生度可再改善，但我本人認為冇乜問題，因為咁先夠地道，夠港式茶餐廳風味！…查看更多