為食豬 at HK的個人專頁

星期六晚上，店舖差不多坐滿，睇咗食評唔錯先過嚟，點知食到一肚氣！一坐低叫咗清酒，跟住諗住飲啖水先，店員話屋酒屋關係，所以無提供免費水，要喺manu 選擇，咁我地就照飲，跟住慢慢由刺身開始食起，刺身等咗超過半個鐘，清酒都差不多飲晒了😓刺身嚟到好期待，因為實在太肚餓了！結果刺身正正常常，部分唔夠凍，帶子無乜味，充飢嚟講算ok! 之後叫串燒，唔知等咗幾耐，再催佢地順便問吓有咩野食係可以快手有得食，跟住就加咗枝豆，希望有啲野食落吓肚同埋送吓酒，枝豆真係快上，再等多陣，其他串燒都到了，牛肋筋唔錯，牛舌一般，雞皮還可，整體正常質素！之後千呼萬喚出來既係燒飯團，真心好食！有水準！但當我地想再order時，店員話已經過咗last order! 唔好意思，我第一次嚟，真係唔知佢地收幾點，同埋唔知幾點last order! 我之前只係聽過條女同隔離枱講話last order，但無過嚟同我地講，我仲諗緊係咪有限入座時間，原來唔係！條女仲要埋嚟話自己有同我地講，真係唔好意思囉！可能我地兩個人都時運高，完全聽唔到？之後佢仲好無禮貌咁走咗去，我完全唔知點解要受佢氣，仲要事實入咗佢真入係無講過！咩事？之後又走返上嚟再講，我再重申，佢跟本無講過，係要話有，ok fine! 其實一街大把食肆，唔想做，入座時話full就可以了！ 其實真係唔需要咁既態度囉！…查看更多

今日同朋友行完街忽然想食雞煲，諗起好多年都無嚟過既紅火，於是一行五人立即出嚟，咁多年無嚟過，好在都無令我失望，水準依然！👍🏻雞煲我地叫咗唔辣，都ok好味（記得以前食辣既更惹味，不過同行朋友唔食辣，今次試咗唔辣原來都ok）火鍋料選擇算多，尤其係内臟選擇較多，但我本身唔食內臟既，唔知好唔好食，朋友就覺得唔錯，我就特別喜愛上碟都仲有跳動既田雞，非常新鮮！😁 鯇魚片都好新鮮，好好味！水餃好味！ 仲有鮮淮山加$20升級咗手切肥牛，係唔同啲！整體上以呢個價錢食到呢個質素，確係抵！…查看更多

見食評唔錯，專程過嚟北角試吓小店西餐，但結果都係失望😔😔一坐低已聞到好大油煙味，叫侍應開冷氣兼調去風口位，之後情況改善好多了！叫咗嘢食，好快就一次過嚟晒，應該除咗個玉子燒係即整之外，其他都早已整好！洋蔥正常野，唔熱，但ok既，炸粉唔算太厚，最大缺點係醬太少，叫佢比多啲醬話要收$10，太小家了！😤😤😤每枱必叫既玉子燒，超級甜！對於我唔鐘意食甜既嚟講好難食！愛甜者必食！蟹肉剛解好凍即食，好嘢！羊架，正常味道，羊架份量偏少，勁多薯蓉！仲有叫咗一杯啤酒，一杯mojito，埋單$591整體嚟講，用咁既價錢食餐快餐，我情願去快餐店好過，起碼食到熱辣辣既野！（原來要求要降到去咁。。。）…查看更多

今晚一行三人到八幡屋食放題，睇咗食評都滿有期待，book咗7:30，嚟到等咗一陣就有位，仲要係卡位，唔錯，好少放題可以唔使迫住咁食，坐低就問問待應係咪有升級? 因之前見食評都唔錯，所以決定每位加$50升級，但今晚無生蠔，都算啦，照升! 首先嚟咗啲普通魚生，質素不過不失，算ok，尤其係馬刀貝，刺身之中算最好!! 之後試咗升級既刺身，有帶子，油甘魚，赤蝦，帶子無乜鮮味，但以size嚟講尚可接受，油甘魚唔新鮮，一件都食唔到，赤蝦有食，但有啲腥，最後都係食返正常既甜蝦好了!升咗級先有既羊架，唔得，太乾串燒帶子，多春魚，兩樣都太乾，多春魚未見過咁迷你，串燒其實都叫咗好多，但漏單情況非常嚴重，雞軟骨同牛舌都叫咗好多次都係無嚟，最後臨走時終於見到，但可惜牛舌未夠熟湯試過呢款海鮮粟米同埋味噌，兩款都太淡溫泉蛋，ok全晚最好味既炒雜菜蕃茄魚頭鍋，怪味兼太傑，似汁多啲，全煲蚎唔到嚟到已經無咗一忽既甜品，味道正常，不過已經有啲溶，感覺怪怪整體嚟講，食物質素低，員工態度欠佳，經常都將食物大力放落枱，加上漏單情況嚴重，到埋單簽帳時更加連筆都無支，我喺枱上搵時仲傻傻咁企喺度，真係未試過見到啲咁既待應呢! 呢餐埋單8百幾，希望唔好再有人同我一樣中伏啦! …查看更多

一個人的下午，閒逛完一輪想要搵個地方坐坐，剛好經過附近，記得之前睇過大會堂入面有間cafe，所以決定過來試一試, 順便支持一下社企! 星期六的下午，人唔算多，可以靜靜的享受悠閒，點了一個炸魚薯條，炸魚外脆內滑，好味!!! 薯條就一般，太油太硬!! 如果佢個薯條可以炸得脆啲就PERFECT! 檸檬茶都OK, 茶味可以更濃會好啲!   …查看更多

今日試咗蟹粥同花雕雞撈麵，蟹粥好好味，一碗有一隻蟹，要加5蚊，蟹肉味道鮮甜，不過肉質有點梅。。花雕雞撈麵味道都好好，但個汁好多油，搞到個麵好油，如果可以無咁油就perfect!…查看更多

今日係男朋友既生日，經過尋日既慶祝活動之後，大家都懷著一個開心既心情入嚟南丫島過一個平靜既正日生日，本身打算去大興食，見佢食評好好但可惜嚟到無開，聽街坊講佢地已經係半退休，唔接新客了！咁唯有是但搵間去試下啦！誤打誤撞之下，我地就嚟咗呢間南江！可能因為平日既關係，呢度都無乜人，有既都係老闆娘既朋友....我地今晚主打想食蟹，但又怕套餐既蟹太細隻，所以問咗老闆娘可唔可以加錢轉大隻蟹，最後加咗$150 將蟹加大，我地點咗椒鹽瀨尿蝦、避風塘炒蟹、辣酒煮花螺、豉汁蒸魚同埋燒乳鴿，D餸一碟一碟咁送嚟我地就開始累積不滿既情緒了！燒乳鴿 - 佢有兩個價錢，BB鴿 $45，大鴿 $60，我地之前去大圍都係食BB鴿，所以今次就叫咗大鴿嚟食，但點知嚟到個SIZE係等於大圍既BB鴿，皮唔夠脆，一般椒鹽瀨尿蝦 - 味道一般，有一兩隻肉梅，但尚可接受豉汁蒸魚 - 條魚蒸得好老，對於一間專門食海鮮既酒家嚟講真係唔可以接受辣酒煮花螺 - 無乜味，完全唔辣，太細碟，只得10粒好似手指頭咁大既花螺避風塘炒蟹 - 加咗 $150 都係比咗細 SIZE我，完全唔係之前佢拎出嚟嗰隻咁大，仲同我講話咩海鮮都會縮水，蒸魚都會縮咁話 真係咁都講得出!!!!!! 我都唔想再同佢講野，再講落去真係火都嚟！最後見佢碟碟都細碟，我地叫多咗碟椒鹽鮮魷食，呢味係哥哥仔推介既，成餐飯佢都招呼週到，所以信佢推介，佢果然無介紹錯，呢味餸真係成餐飯既精髓！GOOD!!! (不過可惜食到呢個時候已經成肚氣，唔記得咗影相)整體嚟講，呢度既食物真係唔值呢個價錢 (呢餐盛惠 $776)，水準低於茶餐廳都不在話下，最唔鐘意就係做生意唔老實，加錢唔緊要，最緊要係要老老實實講好咗比咩人就比咩人，做生意真係唔係咁做呢！其實呢個價錢真係可以食到好多好野了....今次呢餐真係令我對南丫島海鮮大打折扣，短期內都真係怕怕呢！…查看更多

好耐之前嚟過，記得好好味，所以今日經開呢頭就再嚟！但好可惜已經再食唔到惜日味道了！今日食咗個喇沙米，個湯微暖，淨係呢樣已經扣晒分，個湯亦無以前咁鮮味，蝦仲有怪味！真係好令人失望既一餐呢！…查看更多

附近無一間較為似樣的麵包店, 一見呢間就即刻忍唔住入去買黎試下我買左一件芝士酥餅, 一包綠茶紅豆燕麥包, 四隻蛋撻芝士酥餅 - 細細件幾得意, 上面好似係 tiramisu, 下面係酥皮撻, 個皮幾好味, 不過 $3.x 一個就貴左少少綠茶紅豆燕麥包 - 整體上唔差, 不過個包可以多返 d 綠茶味蛋撻 - 係我鐘意既牛油皮, 唔錯, 買三送一, 抵~~整體黎講, 唔算差, 加上因為佢係明愛既,我會再幫襯…查看更多

每星期我都會有日黎呢度買杯 Iced mocha 返公司飲, 貪佢平過 starbxxxx, 味道又算 ok 嘛! 不過我就見證住佢越黎越差呢! 今朝飲左杯, 完全無咖啡味, 簡直係一杯超甜朱古力.....不過我會比多次機會佢, 下次試下叫佢少朱古力, 睇下會唔會好 d 先!…查看更多