connie阮的个人专页

今日又黎買朋友食呢間雞煲，雞煲我地要左BB辣，好香濃掛汁，辣味岩岩好，好惹味，而且雞件大大件好抵食😋雪花肥牛好新鮮又大大片，而每一片都唔會太肥，唔鐘意食咁多脂肪嘅朋友不妨一試👍🏽十優狀丸（黑松露墨魚丸x2+ 墨魚丸x2+蝦丸x2+黑墨丸x2+鯪魚丸x2)，所有丸都係手打，佢又真係粒粒彈牙，唔同款既墨魚丸都真係唔同味，而且有勁多墨魚肉粒，鍾意食黑松露嘅朋友，千祈唔好錯過黑松露墨丸，好有黑松露香氣，而我鐘意食墨汁呢款，出面都少有好好食既，蝦丸就啖啖蝦肉，叫一盤可以食到晒唔同既丸😊同朋友每款一粒岩岩好，真係必食推介。佢嘅響鈴超脆，應該係即炸既，吸收埋雞煲汁，雙重口感。…查看更多

鬧市之中既小店餐廳，佢有唔同嘅晚飯套餐，有個前菜，飲品同埋主食，仲有好大碗飯，牆上仲寫咗白飯任添🤣酸菜魚飯-小辣一人份量嚟講都幾多，配料好充足，有大量酸菜，萵筍，仲唔少白雪雪無骨既魚片，湯又唔會太油，酸酸地好下飯。雞翼麻辣香鍋+飯-小辣雞翼走油炸到好香，配料有薯仔，蓮藕等，又香又麻，惹味重口味之選。手撕雞飯-蔥油味相對較清新嘅手撕雞，肉質新鮮，配上青瓜絲，花生，芝麻加埋秘製蔥油撈，好香口又可當涼菜。…查看更多

泰式奶茶梳乎厘班戟話說都有一段時間冇去，見到有期間限定，咁就一定要試吓。一如既往搖搖欲墜嘅空氣感，太奶味道好龍又唔會太貼恬，小丸子好軟綿綿，配埋，有多重口感，好值得一叫。焦糖香蕉牛角窩夫燒到脆卜卜嘅焦糖係香蕉上面，牛角窩夫勁鬆脆，一直以為班戟出色，原來呢個都好好味，好彩有叫埋。捧棒鷄鎚配蜜糖芥汁+芝士煙肉薯條全部都熱辣辣即炸，超大一盤薯條，上面仲有芝士同煙肉碎碎，真係夠晒邪惡。另外仲有一個炸雞鎚，配埋醬汁就更juicy。0reo忌廉沙冰+鹹檸柚子沙冰沙冰唔會太甜，柚子會比較fresh，0reo忌廉相對更加邪惡濃味一點。…查看更多

八爪魚串燒串燒賣相好靚，打卡一流，配埋參巴醬食勁惹果。大頭蝦冬陰功冬陰功湯嘅香料味唔算好出，入面有大頭蝦同埋好多秀珍菇。芒果糯米飯暖笠笠嘅糯米飯，配上有濃厚嘅椰汁，唔會太甜，芒果大大粒，又甜又有汁。秘製咖喱配大頭蝦有兩大隻開邊嘅有膏大頭蝦配埋秘製咖喱配飯一流蟹肉炒飯呢個炒飯真心要試吓，超級有鑊氣，熱辣辣上碟，仲有粒粒嘅蟹肉。一杯好清新嘅感覺，有椰子水同埋班蘭葉嘅香味，酒精濃度唔會太重，好易入口。另外一杯就比較偏甜身，有果香味。BKK (中環)中環鴨巴甸街35號PMQ元創…查看更多

朋友想試吓一人烤肉，又想食D高質素既肉，我地就揀選左呢間有和牛既，見大家評分都好唔錯。我揀左喜盛配冷麵套餐，朋友就選左匠盛配冷麵套餐，另外怕唔夠肉食，就叫多份九州雞頸肉。落完單後店員送上兩碟燒肉汁，不得不讚同燒肉食好夾。喜盛有兩款和牛同一款雞，入面既和牛小腹柳小排油脂均衡，油花分佈均勻，入口即溶，厚薄都適中👍 而另一款和牛就更加有肉味，雞柳口感嫩中帶爽，非常嫩滑。匠盛都有小排同鹽味牛舌，牛舌好有咬口彈牙。推介😊套餐可以加冷麵配搭泡菜，冷麵有咬口，加埋泡菜一齊食，非常解膩。最欣賞係個爐，燒完都唔會有一大陣油煙味，兩人坐得都好舒服，一定有下次。…查看更多

$178 任食雞煲火鍋呢個價錢仲要無加一，可以任食加雞，仲有多種火鍋配料。飲品選擇都好多，有檸茶檸水咖啡，仲有涼茶，小食一定要叫炸饅頭配好多煉奶，好邪惡又勁好食。雞煲炒得好香口，似係已經預先炸過，配埋洋蔥芫荽爆炒，仲有啲秘製醬汁👍食完等一輪食，唔夠喉再加雞，真係好好食，又好入味食2次雞已經飽飽地，火鍋配料選擇都好多，蔬菜新鮮，牛肉有肉味，必食推介有鵝腸，洗得好乾淨又冇肥膏，牛柏葉爽脆，魷魚好有咬口。呢個價錢真係抵到爛呀…查看更多

今晚約左朋友係觀塘駿業街熟食中心食野，都好耐無來，入面有好多餐廳選擇，而我地今晚食大排檔。黑松露滑蛋炒蝦仁 （$78）炒到金黄色既蛋配上份量充充的蝦仁，面頭加上黑松露，令到成個菜加分不少。唔好睇個外表好似唔靚仔，但其實個蛋炒得好滑，蝦仁好新鮮，彈牙口味，再有淡淡既黑松露，食落去有不同既味道同口感。🥰秘製蟹黃醬海黄炒飯（$58）呢個炒飯性價比高，一上枱見到一粒粒嘅金黃色飯就已經非常吸引😋，問店員原來係加咗蝦油再同個秘製蟹黃醬一齊炒，所以先炒到咁金黃色，一邊仲有蝦同埋帶子，但係呢個炒飯只係58蚊，喺出面一定食唔到。脆米金沙炒翠玉瓜（$98）第一次食金沙炒翠玉瓜，通常都係咩金沙蝦多，原來係有啲唔同嘅，用嚟炒翠玉瓜個翠玉瓜都仲係好爽脆，配埋個蛋黃炒又唔會覺得好流喉，可能互相抵消咗。入面再加咗啲脆米所以會有啲拗口，可惜我膽固醇高唔敢食太多。清蒸3a瀨尿蝦（$68）真係第一次見咁大隻瀨尿蝦比我隻手仲要大🤩海鮮一定係蒸最好食，所以隻大大瀨尿蝦都係就咁清蒸，保留咗佢最鮮嘅味道，雖然好大隻原來啲肉都唔算話好多，啱啱夠兩個人一齊分享。呢間大排檔真係好抵食每樣嘢都係抵食夾大件，我哋食咗幾樣嘢都係三百蚊多啲，下次一定叫多啲朋友一齊食多啲嘢。…查看更多

豬/牛肉壽喜燒晚餐肉類係火鍋上面，朋友仔唔食牛，就叫咗個豬。下邊配菜有豆腐，菇類，娃娃菜，蘿蔔等等，湯底煲到最後都唔會過甜，套餐亦可以加錢配烏冬，啱晒唔鍾意食飯嘅我，烏冬係有咬口嘅質感，QQ地幾好食。肉類唔夠嘅仲可以加錢再添加肉類。串燒拼盤呢個真係要趁熱食，全部都燒到金黃色，有兩隻雞翼同埋兩串雞軟骨，有驚喜既，個雞翼皮脆嫁👍餐廳環境都幾好，又有卡位坐得幾舒服，有不同套餐選擇，喺港島區好性價比之選。…查看更多

今日同朋友收工去鑽石山荷里活廣場逛街，入面餐廳種類都多，我地最後揀左一間日式既餐廳，佢既二人餐好性價比，二百幾蚊有兩個主食，三款小食，仲送蛋糕。炸雞塊奄列咖哩飯日式咖喱味道濃味，雞扒剛剛炸起，香脆可口，內裏好Juicy爆汁，配咖喱好味，拌飯食又得。海老拉麵第一次試海老拉麵，湯底唔算太濃，但有淡淡蝦味又吾會太咸，配上兩隻蝦，麵底都有咬口。雜錦串燒入邊有雞軟骨，雞翼，大蔥。每串都燒到香脆，最出色又有驚喜嘅係雞翼，鹽燒得入味，而且外皮香脆。炒魷魚鬚魷魚鬚爽口，似係爆炒再配上日式風特制醬汁。芝士年糕年糕熱辣辣，好煙韌，芝士爆漿，份量剛剛好，上台秒清。梳乎厘芝士蛋糕叫二人餐送既，入口都有溶化嘅感覺。…查看更多

今次係第二次到訪，特登帶個朋友過嚟再食佢嘅威靈頓牛扒，店員好有禮貌又熱情招呼，值得一讚。餐湯麵包餐湯似係蕃茄湯，飲落比較creamy。配既麵包熱辣辣既，佢嘅黑松露牛油真係好正，好香黑松露味，我揸左勁多，好邪惡。西班牙風乾火腿薄餅佢係薄脆既餅底，鋪滿左好鹹香既西班牙火腿，應該係巴馬火腿，中間似係有啲芝士同醬汁，上面仲有好多新鮮嘅火箭菜，餡料口感好夾，記得趁熱食。威靈頓牛扒呢個真係推介，個酥皮好香脆，入邊包咗好多蘑菇醬，入邊嘅牛柳都好軟嫩，又唔會煮得太熟，成個口感非常好，必食推介。…查看更多

今日去鑽石山搵朋友，順便係荷里活搵嘢食，朋友揀咗呢間餐廳打卡。一嚟送咗個法包薄餅🍕估唔到竟然會送薄餅，上有料又有芝士，仲要幾好食。蟹膏海鮮墨魚意大利粉似係用甲羅燒既原料製成，愛蟹膏超足料，味道都濃郁夠醬汁，配上墨汁麵，入邊仲有青口，大蝦🍤等，帶小小辣味，好惹味！海虎蝦香煎帶子香煎殼飼牛柳牛柳叫咗五成熟，有咬口同肉味，配上大件香煎到金黃色既虎蝦同帶子，全部都係我鍾意既食材黎🫶🏽主食仲可以升級跟餐配餐湯，沙律，小食同飲品。小食既柚子雞翼有柚子嘅香甜又炸到香脆👍主食亦可加$39飲反杯紅酒或白酒，非常性價比😁咁我當然要叫番杯🥂…查看更多

招牌酸菜豬扒辣辣銅鍋米線好有特色用鍋鍋上，入面有酸菜等配料，有唔同辣度可以揀，湯底帶酸好開胃，而豬扒係分開上嘅，炸到金黃色熱辣辣上碟，好大塊，易咬開，又juicy。蟲草花椰子雞米線呢個真係必食之選，個湯好好飲，食到最後我差唔多飲晒，帶椰奶香，似再加咗雞湯底，濃郁嘅湯底，雞件每件亦都好滑嫩。炸脆脆鰕膠豆卜似和係將啲蝦膠釀左入豆卜，再拎到去炸到金黃色，非常脆口而內軟身有咬口。涼拌芥末魚皮軟靭Q彈嘅質感，可以補充吓骨膠原。…查看更多

肉燥飯鹽酥雞飯套餐肉燥飯既滷汁鹹甜適中，肉燥似係用上肥瘦相間既肉製成，唔會全部係肥既質感，但入口又會有化既口感，配上白飯係最好嘅配搭，邪惡之選。鹽酥雞係分上既，雞粒外皮酥脆，肉質仲有汁，似係即炸，雞都嫩滑，帶有九層塔既香氣，又有椒鹽既風味，味道好夠又唔會太鹹。麻醬拌麵麻醬濃稠度適中，足夠包裹每條麵上，食落好夠味道。麻醬既芝麻味香又濃郁，帶類似花生醬甜味，配搭上大量青瓜絲增添口感，清爽不膩 。下次一定會再試其他台灣菜…查看更多

餐廳對住近海濱，可以坐入邊吹冷氣，又可以坐外面望住個海，感覺好休閒舒適😆Hunter Garden 沙律材料好豐富，有好多唔色嘅蕃茄仔，牛油果，羅馬生菜等，配上自家製嘅醬汁，新鮮好fresh 又開胃，又健康，必點推介♥️熟成牛扒鮮嫩有肉汁，仲有種似係炭燒既香味，伴碟有大量香脆既幼身薯條，條條香脆好味。新鮮蕃茄蟹肉伴意粉似係蕃茄加咗蟹肉去煮醬汁，醬汁份量好多，夠晒掛每條意粉上，味道濃郁。兩杯飲品都不錯，唔會感覺好多糖醬，好fresh。…查看更多

冬陰功海鮮龍蝦湯個湯好濃郁，有冬陰功嘅咸鮮但唔會辣，入面有魷魚，蝦，青口等海鮮。法式芝士蒜蓉包熱辣辣即食有拉絲既效果，芝士量好足，下層嘅麵包好香脆。雞胸菠蘿芝士漢堡呢個係估佢唔到嘅組合，雞胸似有預先處理過，有煎過嘅焦香味，上面配有菠蘿芝士，中層有蔬菜類，底層係窩夫，第一次試呢個組合。佢個薯條真係出色，條條香脆，應該係裹過粉再炸既，食到一條不留👍檸檬乾荔枝沙冰&雜莓沙冰似用真果加冰製成，味道清新又吾會太甜。食飽飽後仲會問吓你用餐意見，係個有heart既餐廳。…查看更多