米豬蓮星級食家的個人專頁

雖然今日係紅色暴雨警告，不過好耐都無出過街行吓，唔想浪費咗一日假期。第一次嚟旺角熟食中心，比想像中大，環境正如其他熟食中心一樣，你唔會期望好乾淨。講返正題，細心嘅老闆將豬扒包切成兩份，方便客人食。個包香脆可口，豬扒都一樣，屬於實而不華。凍咖啡嚟講，算係高質素，咖啡同奶嘅比例非常好，唔會搶咗是旦一邊嘅味道。另外，將咖啡粉放喺面，飲落口嘅時候有另一種可口嘅味道。…查看更多

久不久食一餐，水準一直保持得好。五成熟嘅煎牛排，配上外脆內軟嘅薯仔，直頭係一個價錢兩種享受。牛排鮮嫩，粉紅色嘅肉質加上肉汁，值得一試。最後配上一杯凍咖啡，為呢餐劃上完美嘅句號。…查看更多