為食波波豬的個人專頁

本來無諗住寫食評所以沒有拍照，食落又幾好喎，所以就寫兩句啦，經熊貓叫外賣，送到仲熱的，牛肉米粉+鹽酥雞，牛肉用牛展有紅白蘿蔔各2舊仲有青瓜粒小棠菜同酸菜，好淋入味，味道不錯，用幼身米粉好味。鹽酥雞好滑夠脆，跟餐份量算多。雞扒魯肉飯+鸭血，雞扒超大塊，魯肉香口惹味。鴨血麻香夠辣，正。跟餐飲品也是大杯裝，非常超值，飲品正常。普遍份量多，味道也好，價錢正常，可能再食。…查看更多

以加埋一五百幾一位絕對唔值呢個價，佢地所謂既和牛，唔知係咪我對和牛既認知有誤解，品質差到一個點，外觀尚可以接受，食落口硬過我條命，又un又多筋，一D牛味都無牛，我好懷疑自己食緊乜，真心求其去一間燒肉店都仲多野食仲好食過呢間，伏到hihi，其他食物少之又少，果個鹽燒虎蝦真係笑死你，你以為大家未食過虎蝦，真係哈哈哈。飲品又少量少選擇，連最基本可樂都無，救命，呢個價錢連杯哈根大師都無得食。大佬，收得禁既價錢，都唔好禁無良心丫，賺到禁盡，點有回頭客，得不償失，免費我都唔再去，嘥左我個胃，完。…查看更多

在荃灣找台式牛肉麵，見評語都ok，即管試一試，假日套餐，叫左個台式牛肉麵($88)，另一個叫台式牛肉孖寶麵($93)，再加香辣鹽酥雞($48)同套餐加配蒜泥白肉($32)，飲品點左招牌黑糖珍珠炭燒烏龍(套餐加$20)及巧克力珍珠拿鐵(套餐加$37)。等左十分鐘，先黎飲品，黑糖珍珠炭燒烏龍，非常淡如水，無甜味，巧克力珍珠拿鐵好少少有甜味，似朱古力奶，再黎小食，鹽酥雞唔脆，少辣，用雞胸肉，無骨，肉偏鞋，蒜泥白肉非常咸。到主角牛肉麵，湯頭淡無牛味，麵質正常，牛肚夠淋算最好食，牛肉用牛展，又un又鞋，搭2條小棠菜。整體偏差，全部食物偏淡，可能愛清淡人士啱食，但本人覺得連正常味道都無，環境不錯，價格偏貴。…查看更多

結婚3週年紀念，上嚟呢度睇下有咩好西食， 見到呢間食評都好似唔錯，就即管訂位試下啦！ 訂咗七點，大約六點四十五分到 ，全場都唔叫好爆，都有一半以上係吉枱 ，後來侍應就帶咗我埋去靠窗嘅位置，因為之前 訂枱嘅時候講明要靠窗嘅位置，佢都可以做得到！開始睇餐牌，見到都好多種類，之前喺呢度已經睇到有其他朋友去食過，有啲咩好嘢，就即管叫黎試下啦！叫咗個水牛城雞翼， 蟹餅 ，炸魚薯條，卡邦尼，燒牛肋骨， 上菜速度一般逐樣逐樣嚟， 唔算太慢， 未食完上一道菜下一道菜都已經嚟到，先嚟飲品，飲品都係屬於正常嘅，而且而家做緊推廣 happy hour有買一送一 ，另外喺餐牌上面order食物亦都可以以半價換購飲品 ，先講第一樣，呢度嘅水牛城雞翼 ，尚算可以，味道唔叫太突出，個汁酸酸辣辣都幾開胃，第二樣嚟到嘅 係炸魚薯條，呢個真係大失所望，先講D炸魚，炸皮唔脆而且魚有腥味，除咗腥味冇其他味，薯條都係一般嘅薯條，偏硬，之後第三樣 就嚟咗個卡邦尼意粉，卡邦尼意粉煮得好出色，個汁好杰，而且味好濃，呢個非常好味 ，之後再嚟嘅就係蟹餅，個蟹餅真係食到想嘔，完全冇蟹味，而且油淋淋 ，成個蟹餅都係油，又林又鬆散，裏面只係見到一啲蘿蔔絲同埋唔知乜嘢嘅蔬菜絲，總括嚟講好似一堆嘔吐物，最後嚟嘅就係燒牛肋骨，呢個都算ok嘅 ，燒得 幾香口而且有炭燒味，肉質夠林帶少少油脂，牛味都算好濃，服務算一般，一開始黎order飲品，無介紹半價同買一送一既推廣，而且一聽完叫左兩杯飲品就走左，完全無比機會我再叫食物，第二個再埋黎先order到食物，食到中途， 叫人收碟 ，佢見到我個蟹餅同炸魚食淨咗好多，佢都有主動問係咪有問題，咁我同佢解釋咗咩問題之後，佢都有主動話換過另一樣俾我，係免費嘅，但係我冇要到 ，我都話可能係我唔啱食啫，結果埋單嘅時候佢都主動有畀到88折 ，不過其實見佢訂枱都有88折嘅，只係我喺11月嘅時候定12月嘅枱所以我就冇88折，咁佢都有主動畀返個折我 ，環境ok地點方便，不過可能今晚有枱年青人講野大聲，所以有D嘈，總括嚟講不過不失 有待改善！…查看更多

昨晚係天后食晚，行過清風街，見人頭湧湧，梗係唔執輸埋去八下，我呢個電視精一睇門口張枱就認得某電視劇裡面出現過，禁就等位啦，其間見D員工都快手快腳，應該唔洗等好耐，二十分鐘過去，終於到我，一坐低，有個紅色短頭髮姐姐埋黎問我地要D乜，我梗係要整個即撞木桶豆腐花先啦，再黎多個逢星期四，五先有既亞旺凍湯丸，熱就試得多，未試過凍。個亞旺凍湯丸，芒果底好味，加埋D椰果仲有西柚肉，最正D湯丸夠煙印唔會咬唔開，有D奶皇係裡面，限量出品果然唔同。另外個木桶豆腐花，木桶上，外型已經攞唒分，仲好細心跟埋個計時器，姐姐話個鐘响先開蓋，我梗係照足指示做啦，果然又香又滑，真係好正。總括來講，樣樣都有誠意既，係D位有D迫，不過人多無計啦，會再去。…查看更多