Nanasia的個人專頁

聽聞坐忘開了姊妹店，當然要試一試。一坐下，侍應便送上熱麥茶。我點了蔬菜湯和意式吉列牛肉丸蕃茄汁意粉，蔬菜湯很清淡，有很多菜和淡淡的蔬菜甜味，吉列牛肉丸外脆而內裡多汁鬆軟，意粉的蕃茄汁味道較濃，稍為搶了吉列牛肉丸的味道，但$98的價格有這質素已是不錯。聽旁邊的客人說，甜品芝士蛋糕很不錯，但我吃不下一整件蛋糕，唯有下次再試。…查看更多

聽聞呢間餐廳omakase唔錯，所以訂左係度食lunch順便慶祝同事生日，結果貼錢買難受，太失望...由於餐廳只有十個位，我早左三星期訂位包左餐廳，要預先俾晒全數，無得退款。本身訂左12點半，我地早左十五分鐘到，個侍應一見我地早到就黑面，話座位未準備好，唔俾我地入餐廳，趕番我地十個出去，態度極差。之後我地一肚氣準時入番去食飯，佢既食材普通唔算頂級，帶子有腥味，而且廚師全程黑面，令人失望...最過份既係，今次係打算慶祝同事生日，我已經於訂枱時講定會慶生，侍應亦確定左會有蠟燭插在甜品上，我唔放心，食飯前再打去提左餐廳兩次要準備蠟燭。點知最後黑面廚師竟然話無甜品提供，而侍應亦話無蠟燭！Omakase set本身係包左甜品，如果無得提供應該一早通知我地，我地就可以另外安排，最後真係食到一肚氣又受氣。俾左萬幾蚊，換黎咁既體驗，真係好嬲！如果你受得住氣又頂得順廚師侍應一齊黑面既話可以黎食，但要預左貼錢買難受。講真咁既價位係中環有好多選擇，唔好難為自己。…查看更多