concepta的個人專頁

其實已經好耐冇寫過食評喇。今次真係好想記錄一下。依個期間限定店7月13日開始。為左同個仔慶祝下每月紀念日。我知道餐廳10am開門。我就準時7月13日10am打去想訂位。結果打左去6次先有人聽。但職員話唔可以電話預約只可以用inline app訂或walk in. 但walk in 已full連排隊都唔比。仲話未來一星期都已經full 哂冇得book. 幸好個職員都好有禮貌既。結果隔左幾日，我終於在網上搵到佢口中講果個訂位app.但原來訂位要比按金。同我之前去日本時如要訂高級餐廳一樣要比哂錢先比你預訂一樣。最快可訂位係兩日後即星期五。由於我獨自帶個兩歲小朋友怕有咩變數出席唔到要比人扣錢遲到又話要扣錢。$100 per person. 所以我博下walk in. 咁岩天文台又話星期五下午冇雨就可出去啦。搭車去到已經見到好多人排緊隊。平時見咁多人就唔會排架喇。要排隊咁哂時間既野唔會做。但個仔話好想排。我就排啦。職員話先到先得。上個月去左東京多啦A夢博物館既餐廳。果到既豆沙包有7個仲有3隻口味。超好食令人回味。其實一早睇相都知香港依間餐廳好貴架喇。仲要$118 得2個。不過為博個仔開心就試下啦。順便睇下食唔食到日本口味。點知，好失望。。。原來只係紅豆pancake. 兩塊pancakes入面夾住紅豆同cream.完全唔係豆沙包。。。pancakes味道都ok既。只係日本果個太好食。排隊排左45分鐘。好彩我地只係兩個人就快D.加上咁岩預到有遊客企我前面可吹下水。時間就快過D. 否則白企45分鐘真係好悶下。在東京都等得耐但可以拎完電子票周圍玩完再返轉頭。果然有對比就有傷害。依到杯荔枝梳打$78。好貴不過排左咁耐冇理由唔試既當去旅行啦。但旅行其實平勁多。不過反而比我想像中好飲。因為佢既賣相比起日本既係靚D既。而佢既coffee我就冇試喇。$78 一杯。真係貴得離譜。日本仲可以揀ice chocolate. 又有多啦A夢拉花。依到只可揀latte. 可能選擇少係為左防止出錯啦。因為我一向都鍾意搵性價比高既餐廳。太貴就唔多值咁囉。最後因為排隊排到5點幾。所以當食埋dinner 啦。本身排到一半時有個職員突然話冇哂龍蝦包賣。我入到餐廳見到有人食。我再問職員有冇龍蝦包。個職員話問下但最後冇覆過。我就叫左紅豆pancake同荔枝梳打。但太餓就想問多次有冇龍蝦包。因為個pancake真係好失望。本身諗住佢如果還原到日本既味道就叫兩份架喇。最後，有個職員話睇下我用餐時間再決定比唔比我叫野食。其實我食野超快。帶住個B都坐唔耐啦。結果，佢睇完時間就幫我order左。嘩。龍蝦包既龍蝦整得都幾好食既。但牛油果就有D硬有D生仲有苦味。薯條就超一般。咁就$198。結果，我用餐時間只係40分鐘我就起身走人。反而埋單要排隊。仲要搞到好似我企o係到霸住個位咁。但其實我只係讓定位等人執枱比下一家。杯墊就係送既。不過好似得2款。個職員整花左我個杯墊就比多一個我。想影相又太難因為人太多太密。張張相都影到其他客人。所以都幾失望又貴性價比又低。…查看更多

第一次試依間餐廳，平時同事都有叫開既。點知等外賣就等左好耐。等了80分鐘先有野食。如果趕時間既人就唔好揀依間餐廳喇。如果唔係同同事一齊夾份叫野食既話，我就一定會取消訂單。如果唔係過左lunch time 都未有得食呀。…查看更多

疫症期間，座位少左，要排隊。不過，又唔係排好耐，20mins 左右啦。第一次去，之前在網上見到有creme brulee latte, 本身我好鍾意食creme brulee, 所以一定要試。比我想像中好飲。平時d coffee 一飲係燙口既，但估唔到一飲就即可入口。不過如果熱返少少就Prefect喇。但真心覺得好好飲……飲過咁多唔同味既latte, 最好飲係依個。不過價錢就貴d. …查看更多

平時成日經過都冇留意到有間賣湯圓既店。今日元宵節，特別想食湯圓。7點幾時，已經有好多人排緊隊。但當時岩岩食飽飯，所以行左陣先再去。點知，8點幾仲多人，即刻排隊先。睇得出大家都係為應節，大家又好自律，排隊買完湯圓，再揾位坐，好快食完就即起身走讓位比其他人。到9點幾時，條隊就更長喇，真係好好彩。我地叫左碗薑汁芝麻湯圓，總共有五粒，比起平時糖水店，依間既湯圓大粒好多，餡料都好足，皮又薄，真係好好食。不過，我就覺得個薑汁唔係好夠辣又唔係太熱咁。…查看更多

元宵節，唔知食咩好，之後在網上見到 cheese nan好似好好食咁，所以就去試下喇。可能因為疫情關係，所以冇乜人。得兩台客，咁我地就可以慢慢食喇，好似包場咁。叫左個春卷，好脆又好好食。仲有cheese nan, 真係同平時食既好唔同，內有溶溶地既cheese, 好似食緊pizza咁，不過如果再熱少少同埋再多少少cheese就更正。咁nan梗係要curry架啦，叫左個curry chicken, 個sause 好特別，同平時食既好唔同，應該係特製既。不過都係，如果再熱d就更好，另外就好口乾，叫左杯芒果沙冰，竟然冇冰，都好既，咁凍天氣飲凍野唔係咁好。不過如果加少量會更解渴。另外，最特別既係，唔知點解突然埋單時有9折，都幾驚喜。…查看更多

其實本身想去隔離間台灣店食魯肉飯既，但見到排哂長龍，我諗都要排一個鐘。所以就去附近搵野食。見到依間日本餐廳，寫住日式豚肉飯，賣相都唔錯就試下。結果，賣相真係幾好，個湯又好清，唔錯。有個餐前小食係芥辣八爪魚，都ok既。溏心蛋都幾好，唔會話好咸果d. 不過個主菜就同我預期中有d出入喇。我以為係一塊塊大片既豚肉，但原來係切粒好似魯肉飯咁，但可惜唔夠肥，有d似食瘦肉咁，有d失望。不過環境同服務都唔錯，服務員都好細心主動加茶。…查看更多

平安夜唔想食早餐，於是就揀左間韓國餐廳。今次係朋友搵餐廳，我見未試過就試下。間餐廳既位置都幾偏僻，在小行，所以正常未必會經過。我成日由North point行去天后都冇經過到，唔知依條行仔有咁多餐廳。但原來都好多人去食，去到要等位，8點幾先入得，好彩我地兩個人就易有位d, 食過咁多間韓國餐廳，依間既前菜都算多。我地本身想試豬手，但店員話叫左豬手就食唔到其他野，都幾細心，驚我地浪費食物。之後，我地就轉叫seafood pancake, 好好食呀，唔係間間都好食既，我試過幾間都麻麻地，麵粉太厚，但依間算ok wor. 再叫左sushi roll, 味道都唔錯。但其實我地已經飽左8成喇，見到炸雞時，都唔係太食得落，如果3個人食會好好多。炸雞既炸粉唔多，雞肉味都有，都滑既。如果有醬汁會野味好多。最後我地都係打包左食唔哂既野，不過整體都好好。仲見到有藝人黃浩然。…查看更多

由於朋友突然唔想食飯，就冇叫到招牌可愛既飯。我地就叫左個pizza同埋意粉啦。冇諗過韓國餐廳整pizza 同意粉都唔錯。我之前都係睇openrice, 見到依間餐廳可以在甜品上加happy birthday. 所以就揀左依間餐廳，我朋友未到前，我就order左個意式甜品，感覺似蛋糕多d, 特別之處係平時用意大利酒整，但今次用韓國米酒整，酒味濃d. 但都好食既，不過原來寫happy birthday 要加$10。咁無理由唔加既就算啦。不過整體都唔錯。…查看更多

由於生日月份會特別送一個甜品，所以我就專登同朋友去食喇。我每次都會加錢揀牛扒，但睇餐牌只係會見到廚師推介唔會見到牛扒既。我問左老闆知道有牛扒就同朋友揀依間餐廳喇。前菜可揀沙津或者湯，每次都唔同款。我最鍾意飲南瓜湯，好開心今次係南瓜湯。個牛扒得4份咋，我同朋友兩個都要左2份。真係好幸運。朋友第一次食，食到伴菜已經覺得好好食，話我冇介紹錯。食完之後就送上生日甜品喇，仲寫埋happy birthday, 好開心。個甜品好好食。本身個餐都有包甜品既，每次都會轉款，今次係cheese cake. 味道都唔錯。仲包埋餐飲。我食過咁多間牛扒，最抵食，性價比最高都係依間。環境又好又舒服。不過有少少美中不足既係，可能因為我比較大食啦，如果塊牛扒大多少少就完美喇。因為太好食，每次都覺得份量唔夠喉。但我朋友就食到好飽了。…查看更多

在銅鑼灣由於太多選擇，所以有時真係花多眼亂，唔知食乜好。我知道渣甸坊果邊都有好多食肆，到左樓下時，有個人派傳單比我，見到係燒肉就即管上去睇睇餐牌。有lunch set既，不過價錢都偏貴。但反而見到有薄燒牛肉$90 要加一, 咁都合理d. 有日式蒸水蛋，平時我唔鍾意食既，因為多數都煮得好老。但依個蒸水蛋竟然好滑，係我食過好食既日式蒸水蛋。個牛肉就一般啦，但份量比想像中多，所以都幾抵食。仲有個前菜、湯同埋甜品，原來甜品係綠茶雪糕。個湯就濃郁味左少少，而個環境都好好，好有私人空間。而我朋友就叫左pork belly, 我就好鍾意食，肥美適中。都係$90. 所以如果下次想食燒肉，我會揀pork belly. 因為份量比起其他真係算多。…查看更多

朋友之前試過話好好食，但我就第一次試。入到餐廳，見到廚櫃有芒果拿破崙可用朱古力寫happy birthday 字句。所以心血來潮，想起未同朋友過生日。所以問問老闆/經理，可否幫忙比個驚喜朋友。老闆好好即話幫我落定order先。我就叫左個冬陰公海鮮意粉，有少少辣。另外再加多個芒果軟殼蟹米紙卷，味道清新，都幾好味。食完後，老闆好醒目地幫我上左個甜品，我朋友見到個寫住佢名既甜品好開心。個店員仲拎左部即影即有相機免費幫我地影相，影完相仲有個相框送，好靚。下次慶祝生日可考慮再來。地方環境又大又寬，可以比我地靜靜地傾計，好舒適。…查看更多

總是覺得食pizza要一大班朋友一齊食先係最開心⋯大家一齊享受分享既感覺特別好。但又好難約到一大班人⋯其實都試過一個人叫一個pizza,但無論幾肚餓，一見到咁大個pizza既第一個感覺總是會食唔哂要打包。這感覺總會影響食慾⋯今次，與朋友在附近戲院睇戲⋯見到廣告牌先想起前幾日突然想食pizza,所以就想試下兩個人食pizza會有咩感覺。其實依間餐廳好多分店，但依間既環境感覺特別大，坐得好舒服，又可以靜靜地傾計。我地本想試兩人餐，但會知道食唔哂，兩人餐既分量可以三至四個人。所以就散叫喇。叫左北京烤鴨薄餅和芒果蟹肉薄脆。估唔到兩個人都食唔哂一個pizza...最終都係要打包。芒果蟹肉薄脆好好味，好清甜既感覺⋯但係原來北京烤鴨係鴨胸，我仲以為好似北京填鴨咁，不過就真係用甜醬尼做既，但感覺醬太重手令到個薄餅好咸，如果少d醬就好d喇。…查看更多

之前朋友介紹，但一直都沒機會試。今日專登去試一試究竟有乜咁特別。由於我下午茶時間去，所以冇乜人。我好似包場咁⋯入到去，店員就介紹餐牌上不同款式的拉麵。我就揀左招牌原味，另外仲有張紙比我揀配料。可以揀麵、有分軟或硬、野菜等⋯好難得地又可以揀肉。因為平時其他餐廳多數都係叉燒，但我比較鍾意肥肉多一些。所以，今次有得揀肥或瘦肉，感覺好好。落完單好快就送到，試左啖湯發覺好好飲，飲完又唔會好口渴，好濃郁的味道。所有配搭都好好，十分滿意。…查看更多

上網搵到依間餐廳覺得好似幾有特式，所以就尼試試。一入到間餐廳就有種好relax既感覺⋯⋯環境很美、有特色、擺設很有條理。坐低後，店員拎左杯藍色既檸檬水比我，感覺很有趣、很新鮮。望到個餐牌，睇得出很用心的製作，每個菜名都好有心思。有幾個菜式都好吸引，可惜只有我一個，食唔到咁多。最後，叫左個牛油果蟹肉意粉。賣相很美，唔捨得食⋯中間有紅黃椒，不過我個人就麻麻地，所以食落個感覺唔係太match. 本身係正宗既意大利粉啦，所以都幾飽肚⋯個汁就「傑」左D...所以成碟意粉好實，不過味道唔錯。店員都好細心成日倒水。…查看更多

之前有朋友介紹，終於有機會尼依到食喇。由於冇得訂枱，所以要排隊等位。都排左超過半個鐘⋯由於一早已經食左晚飯，所以食唔到咁多野。本身諗住叫一份pancake share食。但有最低消費⋯每人要叫一份正價既食品或飲品。所以，最後我地就叫左一份原味既pancake同埋一杯洛神花味既茶。題外話，由於每份pancake都係即叫即整，要等20mins. 只可以落order一次，個好處係令到分流快d...等候既人唔洗等咁耐。水就自己加⋯飲完茶又可以自己加熱水。份pancake好有口感⋯幾特別既感覺。同埋都幾飽肚既⋯⋯…查看更多