JuDoYeon的個人專頁

真係越做越差！！！唔要芋泥球 俾芋泥球，要地瓜圓 俾茶味芋圓要冬瓜茶底俾黑糖汁其實你冇心做不如唔好做，老板態度又串又冇禮貌，服務業唔係咁做嫁，仲要賣咁貴，好失望以前都唔係咁既質素…查看更多

叫左個下午茶，黑椒肥牛炒烏冬鹹到食唔到，汁多到以為整湯，黑椒汁太辣，價錢又唔係平，$58另要加一！飲品又要稀到水咁，不知所謂，以前新開幾好食，耐左就質素下降，失望。…查看更多

之前食過一兩次都覺得唔錯仲幾好食，只係貴左少少。但今次再食，飯變硬左，cream變膩左，牛肉亦變左似煙肉味道，煙熏味過重，完全唔係個回事，blacklist！！…查看更多

我係外送平台自取，跟餐有小食，揀左雲耳，拎完翻黎發現係豆乾，佢地舖頭單都係落豆乾。問外送平台先知係雲耳缺貨所以改左豆乾，但店家從來都冇主動告知我，去到自取都冇同我講，即叫個客硬食。你缺貨，但app照落到，咁同欺騙消費者有咩分別？如果我知冇雲耳我唔嗌啦，仲要食完肚痛既，永久blacklist…查看更多

見做緊promo $288無限時免加一於是試下Menu好少嘢食，飲品總類比較多嗌左個燒青口，好快上菜，只係微溫，感覺唔似即整甜品叫牛角包窩夫，正正常常飲品嗌左杯peachy sunrise，好甜既藥水味，唔覺有酒味另外嗌左杯玫瑰青檸荔枝yogurt，黎到變左梳打🙂23:30左右店員行過黎話埋數要埋單先，好啦諗住嗌嘢食先被告知23:00已經冇嘢食，事前完全冇提及過，menu又冇寫，唔知想點🙂🙂志在有個地方可以同朋友傾下計，但價錢食物質素唔理想，希望店舖可以溫提下個客食物last order幾點🙂唔問都唔知已經冇嘢食，唯有再出去食啦…查看更多

放工突然好想食煲仔飯，諗起之前有一間食過好好食既煲仔飯，就決定wts落單要一個黃金流沙肉餅煲仔飯， 仲加咗個辣菜脯。番到屋企啱啱好過左一個鐘，個飯仲熱辣辣，有飯焦 ，仲有飯素，肉餅好厚，撈埋一齊食好正，如果可以多啲飯會開心啲🤣🤣🤣外賣煲仔飯做到呢個質素其實已經好好，而且價錢一啲都唔貴💜…查看更多

叫左個焦糖燉蛋pancake，加埋一承惠$141，實在不能理解。pancake得一舊，份量細都算，口感同海綿蛋糕冇分別，咁我買東x堂得啦，洗乜俾百幾蚊食海綿蛋糕啊，個燉蛋又唔滑，成個嘢最好食係啲朱古力醬。由入座到離座一杯水都冇，收咩10%服務費姐，真心唔會幫襯第二次😔…查看更多

一向中意食牛肉既我，收工後見到冇咩人就入左黎，店員好友善，亦好細心介紹。我嗌左個招牌慢煮熟成牛肉，帶點炭烤味，白飯份量略小，但90g肉都好夠食，我揀左芥茉籽肉汁，有點鹹，所以都冇咩點食，可能揀紅酒汁會好啲。另外加左隻蘭王生雞蛋，配牛肉撈飯一流，意外地有加入甜忌廉，同牛肉味好夾，又唔會好漏，餐廳環境走復古風，好啱打卡，加埋一$103，價格可接受，但自助落單亦收10%服務費唔係好理解，但會再幫襯👍👍…查看更多

叫左杯大杯黑糖珍珠厚鮮奶，珍珠好有咬口，黑糖好夠味，奶蓋鹹鹹地幾好飲，新杯仲好靚，聽聞係揾插畫師設計，而且少有地奶類飲品可以揀走冰，完全唔似其他人講既咁差😂😂…查看更多

途經呢間餐廳見到午市有85折一於試下，嗌左個豚肉生薑燒($138)，加一杯夏芒蜜柚梳打(+$38)，85折後埋單$172。豚肉生薑燒十分鹹，唔配飯食一定唔得，建議調味唔洗咁重手，洋蔥幾好食，另外仲有沙律菜，隨餐附送既有南瓜湯，不過不失，仲有一個小沙律，有雞肉南瓜車厘茄同菜。個飯食左一半有多杯飲品先送到，賣相幾好，不過冇乜芒果味，已經叫左少冰都仲好多冰，略貴，唔太抵食，而且食完仲肚屙左幾次...😥…查看更多

之前見到啲foodie推介，一於試下。撞正放lunch，等左半個鐘左右先有位，嗌左個招牌“65度左右慢煮鴨片飯”($68)，同一杯鮮檸伯爵茶(+$12)，埋單$80，尖沙咀黎講算係正常價錢。本身配既辣菜脯幾好食，辣度夠，但份量多啲會更好。重點黎喇，佢個飯係勁濕，落得太多水，一間舖頭連最基本既飯都煮唔好，點解呢？？😅而慢煮鴨肉好普通，份量算多，鮮檸伯爵茶幾特別，唔會太甜，但相對上唔抵食，有待改善。…查看更多

嗌左一杯芝士奶蓋芋頭鮮奶同一杯芝士奶蓋黑糖烏龍奶茶，個奶蓋冇芝士味，我飲開唔係咁嫁喎😅同埋烏龍奶茶明明嗌全糖但係一啲甜味都冇， 我之前去海之戀嗰間都唔係咁， 乜個咪唔係統一㗎咩？？？…查看更多

之前嘿過男朋友黎食，大件夾抵食，所以今次帶媽媽黎試下，點知中伏🙄嗌左個朱古力雪糕糖餅，但黎到係雲呢嗱雪糕加朱古力醬，完全貨不對版，咪揾個職員問下，職員答我：“呢個咪係朱古力雪糕，我地既朱古力雪糕係咁樣既”。下？？？你當我唔知咩係朱古力咩？到我揾第二個職員問，個職員話跟本冇曬朱古力雪糕，所以用雲呢嗱雪糕代替。咁點解我問第一次果陣唔坦白話冇曬朱古力雪糕呢？同埋餐牌冇改，嗌完又冇同我講會轉款😅加上塊糖餅係硬到法包咁，好差😑…查看更多

一直好想試雞翼山但都冇去過，有次去左某酒店staycation，package內包左6隻雞翼山避風塘雞翼，男友試完翻唔到轉頭，於是我代佢黎試其他三隻味😂我分別嗌左4隻鹹蛋黃，4隻南蠻他他同4隻文青風玫瑰，4隻既價錢都係$38，算係中上價錢，但就真係好食到食上癮，食到有次call外賣平台送去九龍塘🤫🤣佢全部雞翼都係即整，所以等候時間會耐少少，可以揀要叉或者手套，舖頭唔知係咪冇冷氣所以都幾熱下，但為左雞翼，值得既🤣先講鹹蛋黃，基本上係熱到揸唔住隻雞翼，但真係好香好入味，陣味似鹹蛋黃蝦碌👍而南蠻他他係偏甜既，但唔會太膩，中和左鹹蛋黃既鹹，感覺比較清新，他他醬係凍既，所以今次揸得住隻雞翼喇😆最後係文青風玫瑰，我本身麻麻地玫瑰，但呢款唔會太濃玫瑰味，而且都係偏甜，所以平時唔太中意玫瑰既都可以試下！不過店內衛生麻麻，吧台位置一直冇人抹枱，亦有小昆蟲出現，希望舖頭可以留意翻！…查看更多

今次係中環staycation，見到呢間拉面店好多人推介，於是拉男友一齊試下！我嗌左一個特級白湯($88)，自家製餃子($48)，而男友嗌左特式辣味濃厚白湯($88)～男友一向中意食辣所以嗌左辣果款，但佢話食落冇乜特別🙈而我嗌既係招牌，俾左一啖湯佢試，佢好後悔冇揀我果款之餘，仲終於知點解咁多人介紹😍望落好清，但飲落好香👏我另外加左溏心蛋($12)，溏心蛋同叉燒亦做得好好。而餃子就有5隻，皮薄饀多，食落好香，會想不停食完再食，呢個男友大推(不過冇影到相)👍…查看更多