herring的个人专页

石磨樂豆 Jollibean 嘅豆製品有質素，每日石磨鮮製☀️，好滑又重豆香😍 ，不過最近發現其他輕食都唔錯，可以買set 試下🥜流心花生醬面煎糕新產品外脆內軟既面煎糕，一串方便拎住嚟食，係掃街之選，花生醬餡好好味，加埋茶記菠蘿脆就更加過癮，套餐加配🥛 9 °微甜濃豆乳🥭香芒金露清新嘅西米露和香濃嘅芒果風味好夾，都係新產品嚟㗎🧡樽裝木瓜雪耳雪梨豆乳：的確係滋補之選，有好多木瓜和雪耳，都真係幾足料啊。…查看更多

最近行去咗海港城美式餐廳Dan Ryan🐄🍔，餐廳部份座位享有無敵大海景真係好靚🌊，前菜麵包籃 muffin 真係勁好食🥰 ！Lunch Set $118 起，係Harbour City 黎講算平！主食大份又好味🍽，仲包咗餐湯、沙律、麵包籃，無限refill 嘅飲品☕️。🐖慢煮BB豬肋骨🐖Ribs 外面燒到微焦香好吸引，充滿炭烤香氣，大份量又厚身！配菜有薯條🍟和蔬菜沙律🥗。🍔經典芝士漢堡好厚嘅牛肉漢堡扒🐄🐄，同埋芝士🧀，加埋蕃茄、生菜和洋蔥。漢堡扒好嫰好多汁，加埋醬汁，口感好豐富😍。跟餐可以優惠價加購小食和甜品，我地叫咗個Chocolate Brownie 🍫，朱古力好濃都幾好食。…查看更多

今次朋友升職請食飯，帶我去咗間Omakase，成餐嘅體驗真係有被震撼到！仲好食過我上次喺東京食嘅廚師發辦，食材新鮮，壽司有唔同嘅配搭，俾到新鮮感我哋😋前菜有沖繩水雲配北海道蟹肉同煮螺，蟹肉鮮甜，配上酸酸甜甜嘅水雲，為呢個味蕾旅程打開序幕🤩開始食刺身，首先有愛女魚刺身，加上梅昆布漬，帶出魚肉嘅鮮味。青柑桔啫喱配仙鳳趾生蠔，好creamy，啫喱酸甜好平衡！磯煮鮑魚旁邊有鮑魚肝醬，味道濃郁，鮑魚彈牙😋鱒魚配明太子昆布醬🐟北海道牡丹蝦：賣相已好打卡，牡丹蝦鮮甜到飛起！仲有自家製鮟鱇魚肝同中拖羅、大拖羅，拖羅無筋，油脂香濃🤤熱食有燒吞拿魚魚鮫：上菜時店員會倒檸檬汁，同碟邊紫椰菜汁混合就變食，顏色變幻好靚😍🍣 壽司有帆立貝 、深海池魚 、金目鯛 、黑鯥 🍣最正係北海道馬糞海膽呑拿魚蓉三文魚籽丼🥹鐵三角組合，啖啖鮮味啖啖滿足🥹最後仲有魚湯同巨鋒提子，食到好飽🤣要多謝friend 請我食呢餐，仲要多謝師傅，成餐都好食！
…查看更多

最近好想去試唔同手工意粉的餐廳，搵到呢間灣仔的Zecond，價錢親民一於試下。前菜要左冬蔭公青口，有火熱住一路食都Keep到湯度，冬蔭公辣辣地好惹味！另外要左雜莓橙柳合桃沙律🥗用上新鮮雜莓同橙柳粒都係酸甜開胃的水果，配上清爽沙律醬，味道層次豐富，仲有合桃增加口感，份量都好足，健康之選！之後叫咗個瑪格麗塔薄餅，素食人士Friendly，上枱熱辣辣，餅底薄脆加上番茄醬汁濃郁，有新鮮羅勒葉同適量芝士，簡單得黎又好食。來到一定要試手工意粉，口味都多選擇，揀左煙熏三文魚奶油扁麵，扁麵沾汁一流，有咬口，醬汁都好香😋甜品方面，點咗Tiramisu，都係好標準的意大利甜品，都有水準，質感濕潤，啱我哋口味。檸檬批就甜左少少。…查看更多

一大班friend出嚟食，最煩係要就大家想食嘅野，一個話要打邊爐另一個又話要燒肉🥩真係頭都大。但牛舞🐮就可以一次過滿足2個願望😍揀左日本薩摩和牛放題，120分鐘任食所有薩摩和牛項目，仲要包晒所有海鮮！連甲羅燒都係任食㗎🤤首先上咗薩摩和牛拼盤🥩燒完第一盤之後encore嘅和牛質素都keep住咁好。我最推薦係薩摩牛牛肩胛同埋薩摩牛腹肉，和牛肉切得厚，脂肪分布均勻，真係好啱網燒，食落係爆汁㗎🤤除咗和牛之外，仲可以揀薩摩牛牛肩胛薄切黎打邊爐，涮3秒勁嫩滑。海鮮試左海蝦同生蠔🦪夠大隻，食落新鮮同彈牙👍🏻自助corner種類都好豐富，有齊蔬菜，甜品，汽水咖啡茶都一應俱全。甜品種類都幾多，有玄米茶雪糕，栗子紅豆雪條，角棒。以選擇咁多黎講，性價比都幾高😻…查看更多

名家韓國餐廳位於iSquare 27樓，景觀開揚，可以對住海景食韓燒🥰 餐廳幾寬敞，坐得好舒服，而且唔會好大油煙🫶🏻 餐廳提供好多多種唔同嘅套餐，如果唔想諗食咩嘅話可以直接叫套餐😙今次我哋兩個人食，就揀咗套餐set A，臨近聖誕想食得好啲，有齊前菜、牛肋骨、海鮮、人蔘雞湯等等，再加咗少少肉，再加咗魚子醬同埋鵝肝🤪 🤩前菜有好多款，仲可以refill，我最鍾意蒜心，裡面撈咗蝦米仔，常見嘅芽菜同菠菜調味都非常出色🫶🏻 牛肉份量十足，好厚身，油脂均勻，肉味香濃，就咁點鹽食，或者生菜包住食都非常惹味🥰 牛肋骨非常大條，有手臂咁長😂 醃得好好，帶有少少甜味，而且唔會太鹹🫶🏻 配埋辣味葱一齊食，清新解膩😆 套餐包埋餃子同人參雞湯，食完飽到上心口🤣店員極力推介餐廳嘅特飲，藍莓梳打同蜜桃梳打，裡面有新鮮果肉，唔會太甜，非常清新，如果鍾意飲酒嘅，我個人非常之推介清河嘅氣泡燒酒🍶佢係米酒加白酒，飲落又好香嘅米味，又有好香嘅白葡萄味，非常之易入口，唔會辣喉嚨，第一次試呢種配搭，非常過癮🫶🏻Dinner Set A🔸精選美國牛肋骨🔸美國特級霜降牛肉🔸鮮大蝦及帶子🔸辣味香葱🔸生菜盤（半份）🔸香煎豚肉雜菜餃子🔸人蔘雞湯（半隻）📍#名家韓國餐廳 (尖沙咀)尖沙咀彌敦道63號iSQUARE國際廣場27樓2702號舖…查看更多

新Menu用心裝修😻價錢貼地💯打卡聚會之選👯‍♀️新開無幾耐的老二花廳選址係旺角，約食飯夠晒方便。去到門口已經feel到成個vibes 同周圍好唔同，勁港式玩味好重🤩新開唔算好多人，坐左係二樓確實樓上雅座🤣牆上有雪姑七友、惡搞招財貓、生龍活虎、「點解我鍾意你 因為你係靚」等真係會忍唔住要影影影📸📸食物方面好多Fusion菜式，點左明太子蟹肉腸粉，估唔到明太子個汁鹹鹹地同腸粉咁夾‼️腸粉仲好滑😋勁快清晒一碟🤪另一款豬油渣卡邦尼銀針粉，老二花廳之前已經有招牌卡邦尼意粉，今次轉咗做銀針粉，又幾得意，仲要加咗脆卜卜豬油渣，充滿港式風味，個汁做到啱啱好，食落唔會好漏。下次黎想試埋個魚翅撈飯😈小食都好吸引，必點牛油蜜糖雞翼，雞翼炸得好脆，面頭沾滿蜜糖🍯仲有一舊慢慢溶化嘅牛油，雖然邪惡但係好好食，強烈建議必點一碟share👯‍♀️👯‍♀️小饅漢堡第一碟三款炸饅頭🍔分別在於三款餡料係魚餅、肉餅、芝士蛋，饅頭好鬆脆！飲品要左豆腐花薑汁梳打，豆腐花食就食過但飲係咩感覺⁉️係一試愛上嘅感覺😍可能人大咗鍾意咗少少薑嘅味道，一路飲會飲到豆腐花碎同埋薑汁味仲有梳打嘅汽泡，好爽😝另一款係小孩最愛的雪糕啫喱西柚梳打，賣相都幾靚架😚📍#老二花廳 (#旺角美食) @loyifaateng#旺角 白布街22號地下4號舖…查看更多

呢間係Airside近萬四呎既特色餐廳，集衝浪同美食於一身🤩臨近聖誕推出既節日限定晚市二人套餐，只係$638就食到8道印尼菜式！包括三道前菜五道主菜，好抵食！前菜最深刻既一定係炸餛飩🥟餛飩外皮酥脆，內餡混合左大蝦同鯖魚，粒粒飽滿又好彈牙，特別鍾意伴碟既花生醬，好濃郁🥹🥹 雞絲沙律酸酸地好開胃，光速清盤😋🥗 蔬菜薄餅卷包住蔬菜同蛋絲，好鍾意個皮好軟熟😋主菜最吸晴既一定係呢條長過手掌既巨型八爪魚🐙😍口感彈牙又入味😚 大蝦咖喱好香口，入面勁多秋葵🥘 第一次食烤雞配印尼辣醬，原來都唔會好辣👍🏻 炒飯幾有鑊氣又多蟹肉，重口味既我地加埋咖喱一齊食好惹味🥰 最驚喜既係黃豆醬炒椰菜，估唔到可以炒得咁入味咁好食，清曬😚🔸 大蝦鯖魚炸餛飩 🔸 越式鷄絲沙律🔸 蔬菜薄餅卷🔸 汁燒八爪魚🔸 亞齊風味大蝦咖喱🔸 塔里旺烤鷄🔸 香辣蟹肉炒飯🔸 黃豆醬炒椰菜仔另外我仲叫左個甜品慶祝朋友生日，班蘭椰絲卷餅皮好軟熟，包住滿滿既椰絲，對甜品嘅最高讚賞就係唔係好甜😆好特別好好食，大推！😍兩杯mocktail 最鍾意招牌Colada，椰奶base比另一杯更香，果然係招牌🤩🔸班蘭椰絲卷🔸🍸招牌無酒精可樂達🔸🍹東南亞清涼飲品📍 浪谷 Groundswell浪谷 (AIRSIDE) (九龍城)九龍城啟德協調道2號AIRSIDE 6樓L601號舖@groundswellhk#浪谷 #Groundswell #啟德美食…查看更多

豚丼のぶたはげ 推出冬季限定松葉蟹土鍋飯🦀一人前鍋物🍲 過一個暖笠笠既冬天❄️日本冬季美食代表有松葉蟹，亦係日本三大名蟹之一，宜家去BUTAHAGE 就可以享用冬季限定嘅松葉蟹丼或者松葉蟹土鍋飯🤤🦀今次我就點咗松葉蟹土鍋飯🦀🦀要先用中火烹煮土鍋飯約15分鐘，熄火燜焗5分鐘。餐廳好貼心會畀一個計時器，又有一個蟹鉗隔熱手套，成件事好Cute!!🦀🤣一打開海鮮嘅鮮味就湧出嚟🥹見到蟹鉗同好多蟹肉鋪係飯面，之後就可以加人個人喜好三文魚籽、蟹味噌撈匀！一定要熱辣辣趁熱食🔥蟹肉好鮮甜，肉質細緻，連啲飯都好鮮甜🥹一人前鍋物都係必食推介💯有雙滿足鍋物、海陸空三拼鍋物兩款，最平只係$78就可以打一個小邊爐🥰我就揀咗雙滿足鍋物，可以自選兩款肉要咗牛五花同雞腿肉，雞腿肉超嫩滑！自選湯底(鰹魚湯/壽喜燒湯/胡麻擔擔湯)、主食(白飯/烏冬)同醬汁(胡麻醬/柚子醋)。鍋物有豐富配料，包括野菜、菇菌、炙燒豆腐等，如果唔夠仲可以升級做套餐，有埋海老味噌湯、副菜、茶碗蒸同甜品。一個人都好夠食，實在大滿足😍🔸松葉蟹土鍋飯🔸雙滿足鍋物📍#豚丼のぶたはげ (#九龍灣美食)#九龍灣 偉業街33號德福廣場1期地下G54A2號舖…查看更多

最近Encore左西營盤站的La Paloma食西班牙菜🇪🇸佢哋有set menu，由 大廚Chef Alex Fargas主理，唔想諗食咩叫呢個就可以食到5款Tapas、西班牙炒飯、甜品🍧首先食5道賣相都好精緻的Tapas即係西班牙小食，我本身係勁鍾意食呢啲Tapas，款式又多，大部分都啱口味。當中有伊比利亞橡木果餵飼黑毛豬火腿配蕃茄包🍅塊Ham好甘香！牛肉他他配上好多脆脆，口感好正，好似食零食咁😛八爪魚配薯仔🥔都唔錯，八爪魚彈牙又唔會好韌，加左啲紅椒粉好惹味！西班牙風味烤三文治都有驚喜，三文治面頭烘得香脆有牛油香🥪中間有少少軟心芝士的感覺，食落仲有黑松露味。最後亦都係最鍾意牛頰肉🐮唔洗用力咬，好較淋，加埋幼滑嘅薯蓉一齊食，真係要加分💯到左最期待既西班牙海鮮飯🥘Size都幾大，二人份好夠食！熱辣辣出晒煙😙飯的質感軟硬適中，味道有少少薑黃味，好似同我上次黑單點揀個個有少少唔同🤔海鮮有魷魚，蜆肉，青口，蝦，都好新鮮😋最後甜品有傳統西班牙炸脆條Churros，炸得香脆，包滿肉桂糖粉，點巧克力醬、雲呢拿雪糕，甜而不膩，一齊食好滿足🥰🔸SEXY CHEF MENU $458/pp📍#LaPaloma (#西環美食)#西環 西營盤皇后大道西189號西浦1樓…查看更多

朋友介紹的Omakase 榊原，位於天后，地點都好方便，上到來餐廳都望到靚景🏙️午餐有三個價錢，$438、$538、$668，難得食好啲，我哋就要左$668的16品Omakase😋好彩有Book位，剛好呢日食第二輪都坐滿人。套餐包埋茶碗蒸、味噌湯、甜品。一坐低會先享用茶碗蒸，都有好多蟹肉，好滑好鮮甜😋刺身方面有4款分別係飽滿既北海道厚岸蠔、最象最深😳流心爆膏斑馬瀨尿蝦、鮮甜爽口的北寄貝x活赤貝、豐腴細滑的鮟鱇魚魚肝。刺身之後有和食，食返啲熱野先再食壽司🍣有炸紫蘇葉鰻魚，非常酥脆，鰻魚好新鮮，魚肉嫩滑！接住有6件壽司，由淡味啲既魚食到濃味。有深海池魚、甘鯛、尾長鯛、北海道銀雪魚、拖羅、右口魚魚邊，整體都好新鮮，除左拖羅之外，其實我都好鐘意銀雪魚同右口魚魚邊，都係油份豐富既魚，尤其係右口魚魚邊燒過，油脂感滿滿🤤之後有海膽飯，一小碗既海膽都好多，用紫菜包住食，好鮮甜🥰手卷係蔥舌拿魚蓉。仲有味噌湯、甜品，16品真係好抵食！…查看更多

荔枝角有新餐廳食沙嗲牛肉麵‼️🐮就係呢間門口已經好搶眼既「老荔冰室」，餐廳設計可以話新舊交替，有好多香港元素，包括戲棚紅紅黃黃嘅燈光、傳統酒樓嘅龍鳳牆、牆上寫嘅大字、搞笑嘅slogan等等，成個環境都幾得意㗎🤣除此之外，連啲杯杯碟碟都寫咗金句，等大家發掘下😛必點沙嗲牛肉麵，其實沙嗲都幾濃郁，味道但係有啲甜味，食食吓又覺得有微微麻辣嘅感覺，牛肉好淋份量好足，真係唔錯~唔想食麵都可以配搭沙嗲牛肉餐蛋飯。另外見到最多人叫嘅係熱香餅漢堡，我哋揀咗午餐肉炒蛋，即叫即製，都幾香蛋香味，成個漢堡好厚身，加上楓糖漿，鹹鹹甜甜都幾好食。另外Menu仲有好多選擇，下午茶時間勁想食西多士，呢度有金沙朱古力流心西多士，超大件，又邪惡😈好彩可以同朋友share😂切開有朱古力醬度少少流心啦，面頭仲有朱古力脆脆，西多都幾香口，間唔中食吓都幾開心😙飲品有好多懷舊港式特飲，要咗阿華田脆脆火山、雜果賓治，味道都係想像中嘅味啦，不過完全係細個嘅回憶🤣🔸沙嗲牛肉麵🔸滑蛋叉燒飯🔸金沙朱古力流心西多士🔸午餐肉炒蛋熱香餅漢堡📍#老荔冰室(#荔枝角美食)#荔枝角 青山道495號誠信中心地下1號舖…查看更多

位於山林道的人氣Cafe婆婆珈琲屋👵🏻☕️應該都廣為人知，係一間日式復古餐廳，不論係場上日式懷舊海報、木系裝修配搭懷舊玻璃、復古吊燈等🕰️每個角落都好打卡able！而家週末有深宵時段餐單，第二日唔使返工，有個地方可以品嚐日式單品、甜品🇯🇵坐耐啲靜靜地傾吓偈都唔錯啊☺️深宵時段餐單🌙以日式小食類、甜品為主，當中最signature一定係富士山主題嘅食物，我哋都忍唔住嗌咗😍🔸吉列炸蠔🔸三色免治雞肉棒🔸明太子白飯魚仔配法包🔸烤赤富士芝士松露飯糰小食類方面，最有驚喜一定係明太子白飯魚仔💯用上熱貼盤盛載蔥油明太子，配搭法包一齊食。蔥油味勁香🥹伴隨鹹香味的明太子，配搭白飯魚仔十分有口感，估唔到成為全晚至愛😆本身想要一個藍色富士山飯團一個粉紅色，可惜藍色太受歡迎賣晒🥲粉紅色係芝士松露飯團，都唔錯，食到中間有軟心芝士，伴隨黑松露嘅香氣🍙🔸香蕉蓉脆皮奶卷🍌🍼🔸沖繩海鹽•富士山🗻甜品類叫咗香蕉蓉脆皮奶卷，類似係炸鮮奶，外皮酥脆夾住香濃牛奶，底下有香蕉蓉，都幾特別。另外叫咗好靚嘅沖繩海鹽•富士山🗻完全係為咗佢而嚟😚賣相真係滿分💯富士山其實係海綿蛋糕🤣質感都好鬆軟，味道正常不過不失。🔸晴空•富士山特飲🗻特登揀呢杯，同我嘅富士山甜品，簡直係一對😆其實係波子汽水飲品，靚到唔捨得撈勻上層嘅奶泡，等佢慢慢溶化😚婆婆珈琲屋除咗係一間Cafe仲有雜貨corner，有衣物、雜貨、日本酒等售賣。📍#婆婆珈琲屋 (#尖沙咀美食)#尖沙咀 彌敦道176號The Nate 1樓…查看更多

香港食日本野愈黎愈多選擇，總有一兩間屹立不倒！今次揀左荃灣「鮨一」🇯🇵🔸蟹肉牛油果凱撒沙律🦞滿滿既蟹肉同牛油味撈埋一齊！上面仲有一層蟹籽🦀食落勁鮮！🔸秋刀魚刺身🔸深海池魚王刺身（半份）今次嗌左兩款刺身，一款紅肉一款白肉，秋刀魚刺身係季節限定‼️擺盤已經十分精緻，配埋薑䓤豉油，肉質比較實魚味好突出👍池魚肉質比較彈牙，好新鮮🙌🔸上十貫目依個壽司拼盤真係性價比之選🈹可以一次過食晒幾款貝類魚類仲有海膽🍣最出色一定係海膽，意外地好鮮甜😋🔸馬友一夜干醃製過又風乾過既馬友食落油脂依然好豐富😗肉質嫩滑，一定要連皮一齊食！推介🙌🔸燒芝士年糕煙煙韌韌埋咸咸地既日式醬料，仲有流心芝士，過下口癮😙📍#鮨一日本料理 (#荃灣美食) (#大埔美食)#荃灣 大壩街79號地舖#大埔 翠怡街3號翠怡花園B座16號舖…查看更多

日本「物語公司」旗下既肉肉大米🍚終於嚟咗香港啦🥰餐廳主打「現煎 現煮 現烤」🔥食材有70%都係來自日本🇯🇵肉肉大米主打當然係漢堡扒🥩用美國牛同日本和牛混合，有美國牛既香濃肉味又有日本牛既嫩滑口感！除咗肉好講究之外，但其他所有食材都細節滿🈵蛋同埋米都係來自日本，店舖入面仲有日本製既精米機，即場精米🍚食落粒粒都好飽滿！今次一次過試晒佢三款口味，「和牛漢堡扒」、「和牛芝士漢堡扒」、仲有期間限定既「和牛蟹肉漢堡扒」🫶店員會先將和牛漢堡扒煎到兩邊金黃色，再放上席前既煎爐，再每邊煎一分半至兩分鐘就大約7成熟！食落真係爆肉汁，再配埋隻蛋食真係perfect match😍第二款加咗兩款芝士喺漢堡扒上面🧀😈芝士味超級香濃！芝士迷必試‼️最後一款就係清爽之選，店員會加入柚子醋再擠少少小柑桔汁，食到最後都會唔好膩！📍#肉肉大米 (#沙田美食)#沙田 新城市廣場一期1樓108號舖…查看更多