Mak Mak Eat的個人專頁

想食碗正撈粗 唔一定去安利排餐死既 係荃灣區小店都食到-炯記餐室切腩佢都有 但講出名既🌶麻辣手撕雞撈粗麵 🐔手撕雞辣得過癮亦有陣麻油香-招牌撈麵 用鵝油加埋秘製甜豉油撈真心好香好滑🍜-另外仲有小食 爽口生腸 麻辣牛肚 味道唔錯 細細碟加餸 相當滿足…查看更多

大圍有間幾掂既燒味餐廳味噌叉燒 軟熟幾滑✨蜜味岩岩好 次次叫質素都ok紹香油雞嫩滑🐔豉油味討好 又唔太咸亮點白飯係用珍珠米🍚 聽說師傅仲係日本學過師 加埋燒味豉油 唔太咸 原來店內自設工房 燒味質素都幾穩定 唔怪得晚晚都人山人海啦 絕對係大圍人食堂…查看更多

蒜迷又有一件開心消息 Mad for Garlic係又一城分店開左啦 MFG係一間韓國意大利西餐廳 由十多款既蒜頭做出唔同既特色料理餐廳環境裝修以黑金烏絲燈 modern高級西餐廳為主 蝦、菠蘿、炸蒜片MFG招牌意大利薄餅 ＄128 店員一上台時會係即場刨巴馬臣芝士落pizza上面 果味甜甜酸酸又帶有微微既蒜香  批底脆卜卜 味道幾fresh好特別 食完一塊又一塊 第一道菜已經好surprise了香辣三重蒜味海鮮意粉 ＄128 「香」＆「辣」最岩形容依款加入青口、蝦、八爪魚仔炒既兩隻辣椒級別既三重蒜意粉 蒜味既醬汁好香好惹味 烤MFG招牌肉眼扒配蒜頭山 $238 勁多生蒜又炸蒜片不得了 再加埋炒香既洋蔥蘑菇 味道唔洗講都知好惹味 三成熟美國牛由鐵板上果然嫩口perfectMFG特色蒜茸包塔 ＄48 非一般既蒜茸包 法包頂鋪滿成座塔既香脆蒜蓉同紅椒粉調味 上台後店員會將蒜蓉塞塞塞 冒求塞晒入包中間 一切開蒜蓉碎再次散佈落麵包之上 幾特別 蒜蓉麵包幾脆幾香口以為樣樣都係蒜頭做就只有蒜味？ 今次好surprise每款野食味道都好特別 估唔到蒜頭將味道昇華到依個地步 真係試過就會明 …查看更多

台式料理熱潮捲土重來 阿元算係其中一間keep火紅keep住人氣既小店 由西環開到觀塘 主打台式小食 價錢大眾化  穿過小街後巷 打開道門後 唔知以為自己去左台灣戲棚 裝修方面花左唔少心思 見到張餐紙款色超多 唯有重點揀幾樣想食既魯肉飯 ＄29 古早魯汁 五花腩丁粒鋪滿成碗 魯汁調味唔錯 肉丁稔身入味 唔似平時又咸又瘦 淋上魯汁係比較肥膩 但絕對會食上癮 蚵仔煎 ＄35 份量好多 有蛋味蚵仔唔少 亦夠鑊氣 薯粉同上面層甜辣醬同係士林食既好似 下次想試蛋餅鹽酥雞 ＄35 炸得香口 外皮香脆 雞肉大粒唔乾有肉汁 調味係幾好 下次可以試下其他炸野滷味拼盤 ＄30 魯水雞翼豆腐蛋同豬耳 不過不失 豬耳爽口 落滴甜醬汁好有台灣feel綜合湯 $25 好喜歡台灣既肉丸湯 莞茜湯底好惹味 貢丸大粒彈牙 得2粒唔夠呀仲有好多款色未試 一定要再encore多次先得…查看更多

甘岩係中環開住google map 甘岩又見到兩隻字令我好surprise就係之前四國旅行 係松山無去到本店潮聖既麵鮮醬油房 周月新開時聽到鮮醬油房個名想試左好耐 米芝連都拎左幾年但location太遠一直打消念頭 原來就係九記牛腩隔離 終於恨到食到佢啦  翻開個餐牌 拉麵十款以內  但揀唔定要招牌沾麵定撈麵心裡打交一輪後 最後都係揀左覺得特別既撈油麵－帆立貝油·麵 (再特別要求軟麵)撈麵上台時事情就黎了 自己打隻生雞蛋就打爛左蛋黃 failed將帆立貝油同太麵雞蛋醬一齊撈撈撈 食落真係有陣淡淡既鮮味 加魚介味同粗糙口感 令麵更惹味蛋醬鎖住層油感覺無甘膩 不過就令口感有d杰撻撻最最緊要係麵條無鹼水味 特別要求既軟身太麵 麵質保持彈牙爽口  其他配料鹿兒島豚肉 脆香筍 好脆又真係唔似平時甘軟身細食既我 慢慢食 食下食下 吞晒成碗麵食完先見到有枝黑蚊蚊醬料 先醒起”醬油房”既醬油 完全miss左 下次再有籍口再去回味四國拉麵…查看更多

近排hit爆既吉列牛熱潮仲未退 間間小店依舊大排長龍原來一直有一間「秘」店係附近 襯lunch time少人即去潮拜一下先秘既吉列牛有兩款口味 ＄98 板燒吉列牛 同 ＄148 秘·燒黑松露吉列牛（lunch送汽水）今次試了入門級普通版好快炭火爐熱石板同一碟被吉列雪花仍然紅色既生牛塊一齊上台 好日本FEEL呀 未食已經好吸引先用牛脂抺一抺熱石板 見到㷫烚烚就放塊牛肉上去 反一反兩面肉再㷫一㷫個吉列脆皮就搞掂食得 聽到乍乍聲已經好想食啦一啖一口 牛肉少筋有嚼口 肉質都算嫩既 點埋個燒肉汁 味道更強烈更惹味內軟既牛肉加外脆既吉列皮口感特別好夾 建議吉列邊燒多陣先夠香脆自己控制生熟度煎熟塊肉 試過半熟至煎到全熟 都仍然好軟熟 好玩又好食除左主打板燒吉列牛 仲有朴葉味噌牛 鰻魚飯 鋪頭係大壩街內街 門口一大個「秘」字 一d都唔神秘 坐位方面唔算好多但坐得舒服 食左一陣好快又滿座了…查看更多

屋子系列分為咖啡篇同生活篇 屋子咖啡係大圍 屋子生活就係遠離烏溪沙迎海薈入面馬鞍山店比大圍店地方大好多 樓底高 特大落地玻璃窗 空間感好高 空間感好大落地玻璃窗前榻榻米  影相一流 人變得chill 唔單止眼睛寫意 野食都唔差 少少日本定食feel和風漢堡定食-包餐飲 $89漢堡一隻手掌大 算厚身幾Juicy 裡面基本係全肉 無其他料 上面有隻煎糖心蛋配埋似懷舊薯仔沙律 就無甘膩食晒成個定食都好飽下豚角煮定食-包餐飲 $89方型既豚肉 味道似慢煮一樣 肉質算juicy 幾入味又淋 醬汁算濃 味道剛好 滿足~不過如果多將舊豚肉會較好 真文青 偽文青 都要去享受下慢活吧！…查看更多

團購甘抵 沒有唔食既理由～想食左emack好耐 一直覺得好貴 次次去到鋪頭門口都唔捨得打開個銀包今次機會黎啦 以半價價位團購現金卷 就即刻衝去食啦本身諗住share BIG 兩球 不過都預計會食到好混亂 所以都係一人一SMALL唔洗煩先揀雪糕 十幾款入面見到焦糖杏仁口味 即刻雙眼發光唔洗諗即揀 雪糕球感覺好似ben n jerry 層次好多好豐富 最緊要係一樣甘甜甘漏CONE方面又係唔洗諗唔想揀一定係fruit loops 以為係基本盤$15朱古力既range 原來係用燒溶既棉花糖掂上殼米 但個CONE仍然保持到脆身 好甜不過值回票價係$20棉花糖底range 無所謂因爲眼裡只有它食完好滿足 由中環第一間鋪等到荃灣 終於以低價位完全任務啦…查看更多

經常經過新都會俺流塩らーめん拉麵店都排長龍無機會試原來係黎自澀谷既長龍拉麵店 飛到黎香港都一樣係拉起長長人龍7點黎到預左排隊 店員派定個menu可以慢慢揀定野食比一張寫住「初夏限定」＆「每日30碗」既青檸雞肉冷拉麵都menu吸引住依款拉麵就係之前去四國旅行時未帶機會食到既名物酸橘鹽味冷拉麵啦雖然唔係酸橘 青檸都唔放過啦青檸雞肉冷拉麵  拉麵上枱已經好震撼啦 成碗都係青檸呀冰呀 店員仲提供埋枝木棍仔黎桔青檸我桔左半碗驚太酸 青檸汁混埋冰凍鹽味湯底 酸酸地出奇地幾醒胃食食下友人話佢碗普通鹽味拉麵有鹼水味 可能我個碗青檸拉麵酸味蓋過陣鹼水味了 而且放埋冰 麵質好彈牙雞肉有三大舊 不過有陣雪味 肉質又死實外加既玉子都係一般 唔係味付醬油雞蛋就真係差d野甘另外叫左個小食 豆腐野菜沙律$48 超級普通啊 沙律醬同沙律菜都唔夾…查看更多

沙田石門工商區入面有間小氣質cafe- Whitewood coffee招牌名物唔係拉花latte 而係似日本大熱既Soufflé Pancake初初開張時見到評價一般所以無去 Hit左甘耐依家應該有改善 應該無乜人食啦掛?!點知..都係排長龍...原味厚鬆餅＄58- 餐牌寫需時20分鐘 到Order時話要等40分鐘即叫即整 大約半個鐘後, 4-5碟鬆餅就一齊出爐啦如果以日本GRAM作比較的話 軟熟度係GRAM 既7成 質感唔夠fluffy 蛋味唔夠香係普通pancake同梳乎利之間每一舊既size較細 而我個份pancake唔厚 係扁塌既然同GRAM 甘似 唔可以忽視埋Pancake上牛油同cream啦whitewood用現成咸味牛油 中和左種油膩感 食晒三舊都唔覺太膩至於堆cream 似starbucks既鮮打生cream 唔似係超市貨式另外都有多士, 三文治, 意粉選擇All day breakfast$72- 一般有既配料佢都有 而比較特別係灰炭色既小麥自家製手工麵包 烘得剛好cafe裝修以簡約黑白雲石色為主 就小氣質路線窗外對正馬鐵無乜view可言鋪內面積不大 容納到30人左右…查看更多

基本上路德圍既美食係唔會試得晒但lunch time已經幫襯過依間漢堡包店好多次 心思思想食burger又會去只因 抵食 野食又唔差 裝修光猛 坐得舒服幾relaxing  餐廳分開兩個鋪頭 要自己過隔離主鋪去order野食 主鋪得bar枱地方好迫又重油煙味叫完order通常過返隔離鋪等野食佢地既手工burger都係即叫即整 主打傳統美式Burger同自家醬汁 🍔 食過幾次都仍然保持到水準❣️有牛肉漢堡，炸魚漢堡 最愛係⋯⋯同食過好幾次⋯⋯都係🧀傳統美式漢堡🍅 安格斯牛肉幾juicy唔會乾淨淨 加埋芝士同秘制醬汁 味道唔錯  金黃色麵包 香脆內軟 烘出陣牛油香 唔會介嘴粗薯條即炸 不過份量愈來愈少不過最緊要都係價錢大眾化 lunch set 💰$58 包罐裝汽水🍟 依家稍爲搵到間好食少少都過百 依間真係CP值高如果唔夠飽 可以叫雙層芝士牛肉漢堡 或者加流心蛋加烤菠蘿加煙肉…查看更多

終於係香港試到🇰🇷『真』韓國黎既柳氏家炒雞🐓啦 晚餐時間: $198 90分鐘 揀了純雞放題 不加海鮮我地更升級加左🧀芝士 $30／1次🗣無限追加炒辣雞 年糕 炒麵 炒飯 自助吧熟食 飲品 甜品 同時間鬥快 得個半鐘唔知食得邊樣😂🐓炒雞 點了signature 柳氏家辣炒雞🌶🌶店員會熱心幫手炒炒炒 味道方面 辣就預左 至於雞肉都算嫩🐥算大件 如果將雞肉拉一圈芝士🧀味道即刻更惹味 辣味都可以中和返不過叫第二round時 店員會將鐵盆換成鐵板 原來會連埋好地地既圍邊芝士一齊撩起埋 再係下一個鐵板上面再抄返熱 溶返D芝士 成個過程感覺唔良好 無得再蘸芝士 浪費了 下次唔會再加芝士⭐️除左雞 亮點絕對係鐵盆上既配菜 例如薯仔片 同蕃薯年糕 炒拉麵 同辣醬好夾不得了最後追加了一份量雞＆年糕 二人份炒面自助吧方面 個人認為熱食都唔能夠錯過 有不同既韓式炸物、 泡菜、包生菜、炆牛肋肉、韓式粉絲不停拎炸魷魚超好味 🦑下次再黎試下其他款 實在太過癮了另外有好多款韓國罐式飲品 亦帶汽水機 最古怪長期帶位店員守住雪糕雪櫃 又唔比人望 以為有咩甘勁 點知⋯⋯超難食甜味勁怪又好油 …查看更多

🍺台灣手造啤酒酒吧  掌門精釀啤酒香港店 過江龍係台灣有唔同分店仲分唔同派別香港人店酒吧裝修精緻帶少少貨廠FEEL 吧枱有十幾個掌門TAP頭 Happy friday當日人頭湧湧 星期五食飯book定枱是常識吧！指定動作叫了一set六款店內指定口味啤酒 指定唔洗揀就唔洗煩小杯裝 岩晒兩個人 可以試多口味佢地既手工啤上枱時係冰凍 啤酒飲落些微粗糙感不過有層次最深印象中有🍋檸檬味 🍼芒果酸奶味 味道獨特不過就感覺唔到台灣特色了一場黎到 試埋D野食 手工啤配台灣小食都幾唔錯餐牌上大部份係台式小食，亦都帶小部份港式魚蛋，串燒等等唔想煩叫了套餐 比較特別係：迷你漢堡－麵包好重牛油香，漢包唔乾，味道一般唔特別炸牛腩－好正，香脆好juicy，好軟熟另多都叫了鹽酥雞，份量唔少，又係好香口，台灣風味食唔停…查看更多

又一過江龍又係LCX開一定貴過台灣食好多 點知真係海景價呀🌃🍜名物擔仔麵 $28 keep到個湯底好濃旭惹味喎 唔錯 不過蒜味好勁下🍚第二名物祖傳肉燥飯 $28 感覺似魯豬肉碎 魯汁夠算味呀 但覺得較乾身而且單調 都係鍾意阿元多d黃金蝦捲 $88 唔平仲要一般咋 可能有期待所以有D失望 好似將蝦膠壤入左碎蔥碎香料 無乜蝦既鮮甜味 唔夠香口 味道淡 靠掂wasabi調味🍤蚵仔酥 $68 推介！雖然細細粒 但keep到肥美 而且唔會炸漿多過肉 香口得黎又有濃濃蚵仔味🍲安平鮮蚵湯 $38 推介！好鮮好蚵仔味加薑絲 有好多蚵仔還試了👉🏻古早味滷豆腐 👉🏻烤紹興香腸 👉🏻貢丸湯 埋單💰三百幾蚊 下次不如一人一碗麵一碗湯算啦…查看更多

如果遇上好天氣🌞 必定要揸車到中文大學敬文書院🏫係書院室外有架童話式車仔檔🚌售賣咖啡，水果茶，冬甩 🌳泊架車係門口 環境寫意優閒🌾遠離塵囂  星期日好少人飲品方面 店員會係每杯熱咖啡上都會因應唔同味道拉花 細心。。。加分☕️不過可能因為拉花時間長 令到杯咖啡唔夠熱。。。減分當日仲見到經常快清光既冬甩 可惜太飽無買黎試襯埋個🕊鳥語花香托盤 成個藝術品甘🖼…查看更多