小雪子的個人專頁

Enjoy Chef 今次已經幫襯了第三次，之前兩次都忘記寫食評，今次要啲起心肝去寫！第三次幫襯，味道依然無變！服務態度也很親切。雖然餐廳環境不算豪華，但勝在價錢不太貴。不是吃裝修，是吃味道。唯一要改善，侍應不太主動加水，印象中叫了幾次加水，可能我飲得比較多水掛。…查看更多

屋企樓下的雞蛋仔，成日好多人排隊，今日見冇乜人等就試吓啦！店舖門面已經寫晒所有可以買的東西，價錢可以接受，當然最出名係雞蛋仔$15。店舖內有兩個兩手都係主力雞蛋仔。今次等了15分鐘就有雞蛋仔啦！買咗椒鹽雞蛋仔，第一次試鹹的雞蛋仔，原來味道並非想像一樣。因為雞蛋仔本身係甜，而家加了椒鹽同埋雞蛋，本人覺得有點奇怪同埋唔係咁夾！下次都係試番正常，應該會揀綠茶或者朱古力，因為當時有幾個人都係等緊呢兩隻味道。…查看更多

今次於平日下午2:30到達店舖，不用等！只得兩枱客，一入店，落單阿姐已叫我慢慢諗食咩，很有禮貌！不像其他食評寫的待客態度。老闆在密密切腸粉、整魚蛋⋯⋯⋯很嚴肅認真地做好自己工作！見到落單阿姐同其他食客關係不錯，有傾有講！而食物方面，腸粉很滑！豬皮很爽！但燒賣就比較差，不吃也不是損失！喜歡自助落甜醬、花生醬、辣醬的位置。下次再幫襯時，都會㨂呢個時段嚟！…查看更多

朋友在餐廳預定生日晚餐，沒想到小店形式經營也有驚喜。侍應（我估係店主掛！）很友善；食物也不錯；店裡環境雖然細（全店只有22個位），但感覺很溫暖；價錢可以接受（2個Dinner Set $460)。因我們是星期四晚上享用晚餐，店裡不多人，只有4枱客人，所以我和朋友可以慢慢享用晚餐。…查看更多

有著特別名字的樓上cafe～😊到達餐廳後，餐廳空間比想像中大，坐著窗口位置，枱上有著小盆栽，很舒服很忘憂的感覺！食物方面，味道不錯！但份量偏少及選擇不太多。喜歡飯後的餐飲可選擇从他們獨有的玫瑰普洱，消滯之餘也令人喝得舒服。女孩子喝普洱茶是不錯選擇，因普洱茶是溫性的茶。餐廳唯一不好，是油煙味！整個餐廳也濔漫著一點點的油煙味。吃飯後離開才發現自己身上味道頗重，可能我比較吸味😥，建議餐廳能改善這一點。謝！…查看更多

而家的新世紀廣場Moko真係多咗好多野食，而這間日本菜之前經過時，看見裡面裝修幾特別，有別於其他日本餐廳，決定搵日試下。在星期二的晚上7時多的時間，不用等位就可以入去食。我和朋友二人，安排近窗位置，有點迫！如果有四人的話，就可以安排卡位。坐低後，我的返工袋放咗落地下，侍應很窩心的安排了一個盆比我放袋，這點值得一讚。因只有二人關係，只點了三樣食物，但都很飽！食物味道不錯，再配上餐廳内的日本音樂，很有日本居酒屋feel~唯一不好的地方，侍應好幾次將食物錯送到我們的枱上，而枱比較細，我們只叫三樣食物都變得好迫哦！…查看更多

星期五的MOKO，很多食肆都排長龍，梅林是不用等候太長時間的食店，所以就試了！之前在幫襯過其他的專食吉列炸物的餐廳，而梅林是第一次幫襯，對這間餐廳沒有太大期望，果然不會失望！食物一般，沒有太大驚喜哦！…查看更多

因近排成日要去啓德郵輪碼頭做野，所以常常幫襯這裡的餐廳，今次就幫襯呢度唯一的西餐廳，這裡的環境格局及感覺和之前幫襯A區的餐廳不同。入到餐廳，高高的樓底已給人沒有太大的壓迫感。坐位也很舒服。看了lunch set的餐牌，價錢不貴，$80-$130，我點了豬鞍扒set~不錯！聽聞這間餐廳是聯邦酒樓集團，沒想到這集團會有一間咁有水準的餐廳哦！試了午餐，我想我會來這裡試試這裡的晚餐，相信這裡晚上景色及氣氛一定不錯，因為餐廳的玻璃窗可遠望維港景色。good!…查看更多

去郵輪碼頭遊全港最大的空中花園，口乾了，估不到這裡有一個環境清靜的cafe。由空中花園乘電梯到2樓商店樓層。嘩！簡直好像綠州，這裡商店有我最愛的化妝品牌、手飾、袋，仲有一間cafe，cafe大約有廿多個位，人數不多，即刻急不及待坐下來，諗諗飲咩食咩！呢度都係以輕食為主。自己選擇了咖啡&cake，價錢和星x克差不多。店員說cake是自家制，賣相都幾精美，味道剛好，好味！咖啡略嫌太甜,有待改進。整體而言，呢個可以說是另一個休閒空間。…查看更多

呢餐晚飯～不錯！放工時間，和老公經過這間餐廳，一直覺得這間餐廳的路線/質素應該與UCC差不多，但原來是有驚喜的！我們點了牛肋條長通粉、漢堡包、薯條。牛肋條長通粉-牛肋條唔會靭，長通粉軟硬度適中，但略嫌份量少。漢堡包真係值得讚，入面的肉扒多汁，配料不錯，加上我們選擇用了菠菜包，這樣的配搭要讚哦！最後的薯條配上特制醬汁，好味！唯一要改善的，我們在order食物時，店員可提醒我們漢堡包會有薯條配搭，因為如果我們知道有薯條的話，我們是不會另外叫。很熱氣及有點浪費！…查看更多

第一次幫襯這裡的下午茶，被「特製漢堡扒包」的字眼及圖片吸引！但食品上枱時，嚇一跳！完全與圖片不同，漢堡扒只是比麥當當多汁一點！漢堡包內有生菜絲及蕃茄一片！沒有特製醬汁只有普通沙律醬！這個「特製漢堡扒包」我相信大家在家裏都可以自己整！這間茶餐廳的下午茶，一個包+一杯飲品，要$26實在太貴了！另外，這間餐廳是否違反了「商品說明條例」？圖片跟實物完全不一樣，大家可以自己判斷啦！…查看更多

其實每間德國餐廳都適合大夥兒朋友食飯聚會，而這間亦一樣。但這間不同的是外國人比較多，感覺像身處外國，另外這間店樓下的位置真係啱哂三五知己對住維港飲酒傾偈，很有氣氛！但因對住馬路，坐樓下戶外位置就唔好叫野食會好啲！講番我們一行8人坐在樓上食生日飯，德國啤有0.3／0.5／1L選擇，呢度德國啤容易入口，女仔飲一杯0.5L都唔會醉！叫了好幾樣食物，一定要推介就係德國豬手拼盤（豬手唔乾，皮脆肉淋,幾種味道的德國腸都好味，另外的炸豬扒炸得啱啱好，感覺唔熱氣）雖然拼盤價錢有點貴，要$5xx,但如果有一大班人就會抵食啲！另外，要講講個Pizza，比想像中差，個底唔脆，而成個pizza的味道亦麻麻地，唔知係咪德國pizza 關係？…查看更多