appjvhbmcpms的個人專頁

話說中午同幾個同事一齊lunch，咁呢間早兩日食過質素都唔差，所以再食一次，點知有兩三個同事未到，見有啲肚餓所以諗住落咗單先，點知第一個韓國女侍應A過嚟就話要人齊先落得，但明明早兩日食嗰陣未齊人都可以，之後就冇理我地行開咗，面口都已經西西地。過多三個字都仲係未齊人，但我哋真係有啲肚餓，就再叫第二個韓國女侍應B落單，佢都係堅持要齊人先得，同埋面色態度都已經好差好唔耐煩咁款，最後有一個同事臨時唔嚟，咁我哋又叫返B幫我哋落單，B好懷疑咁確認我哋人數，好似覺得我哋呃佢已經齊人，我哋堅持已經齊人要落單，佢個樣即刻係黑晒面，嬲嬲地走咗去入機，入機嗰陣同A傾咗陣偈，跟住入完機拎咗罐可樂過嚟，勁大力擺喺枱面，係大聲到嘭一聲咁，西完我哋面就走咗。我哋成班同事勁嬲，完全唔知佢做乜嘢事，又要齊人先落單，又俾晒面色我哋睇，上罐可樂嗰陣直程係大聲到嚇親我哋，擺明係不滿我哋咁。唔知點解嚟幫襯仲要捱餓同受氣，完全係bad trip，影響晒心情，成餐飯食到一肚火。後來上菜嗰陣有同個香港侍應哥哥反映，佢好有禮貌同我哋講咗聲唔好意思，話嗰兩個韓國侍應工作態度係好差，連啲同事都覺得佢哋有問題。最後我哋食完都唔想再留喺餐廳，咋咋臨埋單就返公司，成個體驗極不愉快，影響晒全日心情，真係唔明點解可以咁樣，建議老闆正視吓個問題，嗰兩個韓國女侍應真係嚴重趕客走。總括嚟講唔會想再去，嬲到第一次要喺OpenRice打成篇文負評，可想而之體驗係幾咁惡劣。…查看更多