VenusKwok8555的個人專頁

其實都已經食過好多次了，現在才醒起要寫吓食評🤭雖然平時好怕去餐廳要等位，同埋怕坐得比較迫，但都會視乎餐廳嘅食物水準及服務，是不是值得，這間西餐無論食物、服務我都很喜歡，今日就食咗個意大利飯，佢嘅味道剛剛好，但如果挑剔啲嚟講，我覺得佢嘅飯係煮得比較腍，如果可以煮返硬身少少就Perfect喇！另外我都幾推介佢嘅甜品，之前食過開心果麻糬布甸，好好味，今次就試吓芝麻麻糬布甸，都唔錯，不過個人喜歡開心果味多少少😋…查看更多

往喺大角嘴附近，所以經常到埃華街搵食，成條街有好多食肆，不過BB仔茶餐廳我最喜歡，其實佢嘅食物唔及一般茶餐廳多，但總覺得貴精不貴多，另外！店內非常乾淨服務又好，好有人情味的小食，每次去到都有親切的感覺，當然仲有佢嘅食物好食之餘，性價比亦高👍🏻值得推介🥰…查看更多

突然平日想食afternoon tea ，就近近地屋企樓下商場，先去open rice 睇吓Habitu 有冇啱食，點知比我睇到哩個tea set ，仲要只係奧海城同圓方限定，其實佢嘅份量如果一個人食真係太多，先講咸點，件三文魚牛角包，好足料，唔係迷你嗰隻，另外個蟹餅都好好味，之後就食甜點，兩件迷你tart都算好味，尤其件開心菓味的，最後雪糕就冇乜特別，還可以！…查看更多

搬遷新店後第一次幫襯，之前已經食過很多次，因為本身是食素，而這家fusion 餐廳有頗多素食嘅選擇，之前舊店有個素牛肉burger，真係做得非常出色，不過新店沒有供應，係有少少失望，不過！其實其他素食款色，都非常好！所以會繼續幫襯，值得推介👍🏻…查看更多

放假同老公去海濱公園行吓，行到攰攰地見有間餐廳幾靚幾特別，就即刻入去坐低食d 野，我選擇坐樓上，可以高角度望住個維港靚景，打開餐牌，都有好多不同國家菜色選擇，因為唔太肚餓，所以就點了一些印度小食素咖哩𧢲、薄餅、沙律和一些飲品，印度食品都非常正宗，好好味😋😋，最重要係對住個閃亮嘅維港夜景，真係好Chill 好舒服😍🥰，下次會再約幾個三五知己去飲吓紅酒傾吓偈👍🏻…查看更多

聽講這間三家村水產換咗主理人，就約埋朋友第一時間去試吓，一入去就見到個無敵大海景，安排好坐位後就點餐，食物末到這段時間，就行出個室外露天坐位欣賞吓維港景色叫杯酒打吓卡先啦！真係好Chill，坐咗一陣，我地order既食物就到，真係要讚吓個前菜，海膽、魚子醬伴豆腐，真係好新鮮，下面仲用片脆卜卜嘅紫菜喺底，夾住食，真係好好味，仲有隻生蠔，超級新鮮，好海水味，跟住就到炸物，薄薄嘅炸漿，完全唔油膩，最後就係個冷烏冬，口感煙韌，好正！，總括嚟講無論環境、食物、招呼，都好滿意👍🏻…查看更多

突然心血來潮想食西多士，剛剛下午茶時段，咪去附近搵間茶餐廳食，諗住敏華都應該唔會太差，一坐低就叫了西多士+凍檸茶，全間餐廳只有兩、三枱客，但都等了15分鐘先有得食，食第一啖已經覺得有油益味，諗住算啦都照食啦！點知真係越食就覺得越油，反轉件西多，發現個面係冇沾蛋，西多士變吸滿油嘅包，最後我都係頂唔順，食唔晒就走！…查看更多

朋友請食生日飯，我想食西餐，朋友提議去這間在山林道的西餐廳，入到去環境唔差，又坐得夠闊落👍🏻，點了幾款食物，酥皮焗田螺、羽衣甘藍藜麥沙津、野菌大蝦牛油果意大利飯仲有肉眼扒，全部都覺得很美味，個人特別喜歡個沙律及酥皮焗田螺，有機會下次會再去試吓其他菜式😍🤤😋…查看更多

見到門口d 相好似幾好，個仔又話想食，就入去試吓，其實好唔好食都唔係首要，我只係想舒舒服服咁食個午餐，但我一路食一路在頭頂播的太鼓音樂，實在太令人煩躁，完全係令人亢奮，跟住同侍應講，可唔可以較低少少音量，個侍應話唔可以🤦🏻‍♀️，算啦！咪快快咁食完就走lor ，不過！都要講小小食物質素，其實個天婦羅都係好麻麻，淋都唔緊要，但食落真係覺得油淋淋🤮，最後想講吓佢隻碗，原來有機關，隻碗好高身，以為好大碗，原來裏面個碗底係升高左，望落去與真實份量少一半都唔止😪…查看更多

話說個仔想食大閘蟹，咁就諗起去沙咀道這間發記，入到去好多選擇，見到一個員工執緊蟹上櫃係$90/隻，就問吓大概幾多両一隻，點知佢冇應，過咗十幾秒轉頭望住我：「咩呀？」，之後就好大聲答：「四両八呀～～～」，嘩！使唔使咁嘅態度呀？最後當然唔會買啦！幾好食都唔會邦襯😡😡😡…查看更多

V walk 算係新塲，就行吓睇吓有咩食，我平時都素食開，一見到這間素一當然第一時間去試吓啦，去到門口，見入面都好光猛，地方都濶落，唔似平時嗰啲什麼走肉、無肉那些咁逼夾，歺牌和望到入面都好似幾多選擇，惗住應該唔錯，點知😪所有炸物完全唔脆，個面硬嘅，其他熱食煮物都唔好食，唯一有d 卷物和糖水可以接受，野食唔好食都算，因為每個人對食物要求都唔同，但最最最唔可以接受就係店內幾多烏蠅飛來飛去，出面自取那些炸物、沙津冇蓋冚住，見到d 烏蠅在食物上面飛來飛去，真係冇哂胃口，最後沙律之類我完全冇食，最好笑個侍應在店內拍烏蠅🤦🏻‍♀️，衞生太差喇！唔會再去食！😪…查看更多

之前在這裡食過晚飯，都覺得幾好食，今日專登過來試吓個set lunch ，叫咗個麻婆豆腐和沙嗲鰻魚炒烏冬，份量都幾多，味道都唔錯，還有例湯又有一杯凍凍地的蔗汁，真係好扺食，仲要讚吓兩位侍應哥哥，服務態度非常好👍🏻…查看更多

本人未寫過食評，但哩次實在忍唔住！一入店裡哪個肥胖女侍應態度非常惡劣，其實佢出門口拉客話有下午茶，但又比午餐牌我都算，點餐時又冇哩樣，又冇嗰樣，我叫咗個意粉廿五分鐘都未到，見隔離枱遲入好多都食緊所以叫佢check吓會唔會溜單，又答：「係咁耐㗎～」🤬仲要唔好食！另外叫個炸魚薯條，又唔講冇薯條，嚟到比沙律，又唔事先同客講，就咁放低，因為本身好想食薯條所以問侍應，仲講到：「冇薯條呀！不過我已經比多兩條炸魚妳！」嘩！真係多謝哂！哩間野無論食物、招呼都👎🏼👎🏼👎🏼👎🏼👎🏼…查看更多