nicholas1221的個人專頁

D2 冇諗過我食到呢個質素嘅西餐Lunch搵間餐廳靜靜地食餐飯見到個環境幾安靜就入咗去試吓不經意有機會同啲staff 傾計 原來呢度喜歡有餐廳同埋打golf 兩部份 奈何上一手餐廳做得唔好 搞到大家都唔知而家轉咗手 係一個好有心嘅香港廚師將fusion菜帶入嚟荔枝角 試咗佢個蝦子撈麵煎鵝肝 一啲都唔細份好夠食啲蝦子一啲都冇孤寒 個撈麵好爽口 冇鹼水味食得出一啲都唔馬虎下次會帶埋屋企人嚟食 一個人實在試唔到其他菜式 希望支持一下 香港第時唔會淨係得返連鎖餐廳 …查看更多

朋友介紹過嚟食 餐廳嘅長期客仔聽佢講係由超旺的台北東區夜市巷弄小餐車做起，一路走來在台灣開設多家分店，輕鬆「大口喝、大口吃」的氣氛坐得人幾舒服鹹蜆仔 醃得好夠味 啲顯肉勁滑 送酒一流 開胃推薦小食 冷盤油雞 🈵🈵🈵好夠雞味，雞肉嫩滑，同埋個麻油味都好正，我鍾意佢配薑絲嘅食法，凍食夏天一流 墨魚香腸一上枱果下真係好熱 ，大家小心焫親條脷，每一舊香腸勁大粒嘅墨魚 ，我鍾意每一嚿香腸配一片生蒜頭，送酒定係送飯都真係必點奶油蝦（細）好滋味，我鍾意用口剝蝦，因為可以索埋啲汁，入面嗰啲蔥同埋洋蔥片都吸晒奶油蝦嘅精華，忍唔住食晒入邊嗰啲配料🫣胡椒蝦 （細）胡椒香氣很重，但係食落口又唔會覺得太重味佢嘅香料味好香，微辣得來，我唔食得辣都可以接受得到，蝦肉質素非常高，爽口彈牙唔係死蝦坐得好舒適😘舖頭雖然有啲細，但係位置闊落傾偈都唔怕嘈親隔離最緊要係唔使排隊同人迫…查看更多

今晚九龍城做完嘢 正常來講都會食泰菜，但係有啲熱氣所以想搵日本嘢喺十字路口見到呢一間好光猛，所以就入咗嚟試今晚想食得香口啲，所以叫咗個火炙壽司盛盒師傅好細心咁問我使唔使燒得熟啲 呢個舉動係幾surprise 本身諗住留返個赤蝦最後食但係師傅提我話啲蝦膏要趁熱先好食我心諗，我又唔係叫一啲好貴嘅嘢都咁細心呢個心思真係值得我打一篇文讚一讚可能日本嘢喺香港地真係好易搵但係我覺得有心思嘅師傅就唔係咁易可能因為細細間 最多都係坐得兩三台但係有時香港人夜晚食飯 有質素嘅一餐飯，唔係只係講材料 而係有時輕輕鬆鬆有講有笑嘅一餐飯…查看更多

去朋友屋企玩 想食好細就揀咗樓下呢間細細地食燒肉嘅小店 食完之後覺得值得比更加多人知我哋兩個人揀左$698《極上和牛盛會二人套餐》首先上菜嘅係沙律，份量完全夠兩個人食唔會得細細兜兩兜沙律咁樣落咗芝麻醬同木魚 櫻花蝦味噌湯 上菜嗰陣勁熱 麵豉湯夠濃 櫻花蝦份量幾令人滿足不得不提雖然舖頭細細但係唯一嘅侍應服務態度都好好全程嘅笑容同埋禮貌程度都值得加分俾人一種誠懇嘅感覺 似喺尖沙咀食緊高級燒肉嘅服務先來介紹前菜，分別對應咗「甜、酸、辣」三種味道炸番薯條 炸物開胃一流姬菇微酸 酸酸甜甜容易接受 我本身唔係咁鍾意食酸嘢都熄晒海蜇 都幾野味 辣辣地幾過癮終於到主角牛肉澳洲和牛門柳 夠厚切 我自己會選擇分兩啖食 肉味足夠 日本九州A4和牛前腿肉屬於牛仔跑步會用嘅肌肉，肉質嫩紅色非常令人開胃，肉中含筋但不影響質素！ 日本九州A4和牛三角胸三款入面有支最多嘅一款直情有令人encore嘅念頭甜品係我最鍾意嘅綠茶雲呢拿雪糕但係新嘗試好新鮮 第一次要自己加水開綠茶又香又苦嘅綠茶配雪糕真係好正 🙌🏻…查看更多

有一次做完嘢0係佐敦 就同一個同事一齊食個快靚飯諗住求其食啲嘢 見到一間裝修唔算太華麗又好貼地嘅漢堡包店 望望餐牌 又唔算話太貴 就入咗去食餐牌上面嘅漢堡都幾有特色 價錢又唔算話太貴 因為我本身唔食芝士嘅 我就嗌咗一個冇芝士嘅鵝肝漢堡 而我朋友就帶咗一個正常嘅芝士鵝肝漢堡 再加一份洋蔥圈同番薯薯條個鵝肝漢堡 鵝肝雖然唔係話好大件好厚身 但係好有鵝肝嗰種油味 我最欣賞嘅係 價錢雖然唔貴 個漢堡牛肉有成一吋咁厚 咬落去啖啖肉 啲汁仲不停咁流 口感超級豐富 而個洋蔥圈 炸粉一啲都唔厚 咬落去好脆身 真係會食唔停 服務態度都好值得嘉許 我哋用咗半個鐘就食完 然後坐咗喺度傾偈 服務員好貼心咁幫我哋收拾枱面 等我哋坐得舒服啲去傾偈 就算坐左個幾兩個鐘佢都冇趕我哋走 店員超級Nice下次我都會再同朋友去食過 始終價錢同地點都比較方便 味道同服務都不錯…查看更多

最近奧運站作起點開始向周邊發展搵野食 今次想搵牛扒但係唔想食嗰啲高級餐廳始終最近經濟一般般都唔想去咁貴嘅餐廳食嘢有時啲嘢慳得就慳 但係又唔想委屈自己明明想食牛扒 喺Google打牛扒就搵到呢間店$100一個人有找嘅話咁就試吓啦第一樣想讚嘅係啲服務態度店員就解釋得好清楚牛扒係一成熟自己燒到自己想要嘅熟度就可以跟住佢有個任食任拎bar要幾多飯自己揀唔使食剩浪費$80仲要唔收加一 牛扒質素好過舊式嘅家庭式牛扒餐廳下次食牛想經濟實惠我都會再嚟…查看更多

本身都比較鍾意同朋友去試一啲咖啡店形式嘅餐廳 呢一間裝修同埋格調都唔錯 有啲僻啫 但食物真係一流一開頭先上個「蘑菇忌廉湯」，口感creamy得嚟又足料。 「 焗芝士肉醬千層麵」 芝士夠多，再加上多層闊條麵，真係超好食又唔會膩 認真推介 如果個份量再大啲就仲好啦「 奧斯水牛城雞翼」 啲肉咬落去好嫩口 再加上啲醬有少少辣 都幾惹味 「軟殼蟹黑松露意大利飯」 本身炸完嘅軟殼蟹 好容易就會淋曬變到唔好食 但今次呢個軟殼蟹真係炸得啱啱好 配埋啲濕飯一齊食 多醬得來亦都有香脆口感 值得一試！ 過我最鍾意都係杯飲品「 曲奇奶昔」 一啲都唔稀！非常足料！每一啖都會有曲奇碎 對我嚟講 味道啱啱好又唔會太甜 一個飲品一定要嗌！…查看更多

之前上深圳成日食位於深圳萬像天地的羲和雅苑，今次出糧孝敬爸爸媽媽 就試一試香港嗰間我諗餐牌上面嘅選擇應該冇咩大分別但係呢個環境深圳就冇啦今日比較熱如果唔係我都會想坐出去享受下海風有獨創招牌的烤鴨三食！除了傳統的片皮鴨食法，另外還有兩種食新奇又過癮！八寶盒有青瓜絲、京葱絲、甜麵醬、山楂條、藍莓醬、爆炸糖、芥末醬、洋蔥以爆炸糖代替白糖，藍莓醬代替甜麵醬，係幾過引！屋企人比較鍾意食菜所以叫咗四季豆同埋浸菜心菜來講都好難有咩特別好讚😂個人非常之推薦呢個飯但係一嚟到大家就好快食晒因為好香口 搞到冇影到相咁樣雖然唔叫大份 但料好足如果只講食物，深圳吃的性價比更高， 但深圳又點會及得上我地香港殺食既維港夜景呢…查看更多

Cafe Paradise 是一間很有格調的西餐廳 雖然舖位細又人多 但勝在服務周到又親切 小食來講我幾鍾意佢嗰個黑松露雲吞 濃厚嘅黑松露味再加creamy嘅口感 真係好想再食一次 但沙津要成78而菜得好小 稍微失望來到cafe paradise 梗係要嗌下佢哋嘅set dinner啦 頭盤係salad 就冇走㗎喇 我飲嗰個湯都幾好味 雖然係粟米火腿湯 但佢嘅味道係特別濃嘅 本身一直糾結於嗌rip eye 定豬手好 今次就試咗rip eye 佢塊扒都好大 而且入口即溶 不過見到隔離枱啲豬手好大嚿 下次都想試下佢 佢呢度嘅特飲都有好多款 不過我淨係揀咗朱古力沙冰 朱古力味夠晒濃 除咗沙冰仲可以試下其他花茶…查看更多

今天同朋友黎左呢間殿大喜屋，book左時間，一到就有位。點餐唔洗用紙，係用電話掃qr code，所以大家可以自己點自己要嘅，唔洗share睇又驚叫左啲人地唔食嘅，又環保又方便。啲野食好快就黎，同fd傾計傾左冇幾句就到。刺身都幾新鮮，正常味道，甜蝦就麻麻地，但個拖羅就好有油花，不錯！好開心佢有炸榴連，因為我真係好鐘意食，脆卜卜有流心榴連蓉。最好食係佢會即場包海膽同加洲手卷，雖然我淨係食左海膽手卷，但佢啲海膽好新鮮好甜，好食過平時起其他餐廳食好多。卷物唔會太大粒 中意佢夠精緻可以食多幾粒其他野食都係正常水準，因為我地好快食飽左，所以試唔到好多，但佢啲食物、飲品、甜品嘅種類都算ok多。環境乾淨唔算嘈吵，係個同朋友聚會嘅好地方，下次都會選擇再揀呢間食。Ps. 佢燒菠蘿燒得幾好😂其實都唔係貴 三百幾蚊任食海膽 都好既…查看更多

今次同女朋友兩個人食上次同班中學同學黎試咗一次 覺得幾值得所以再嚟食一次 再寫篇食評講下$148-$278 按小童長者成人同時段收費另收+1 七點半前買單或者九點半後入座都可以全單七折一坐低就會有三小碟小食 都係同其他鋪頭差唔多 我比較鍾意食佢嘅芽菜 清新開胃食肉獸來講一定係主攻牛肉同埋豬肉肉類選擇好多款全部都淹得好入味芝士生蠔同埋辣味生蠔我都好鍾意食大家可以放喺爐邊慢慢燒燒到起泡再放10 分鐘就差唔多通常食放題我都唔會食飯或者面但係佢嘅兩面都幾多評價話幾好所以叫咗一碗試真相係食肉食得太多 錫佢兩淡清一清個口幾清新 邊條好幼又唔覺得飽肚 朋友叫咗個湯 但係一般所以唔記得咗名除咗佢嘅有袖子炸雞我諗佢唔同味道嘅炸雞只係側邊有唔同嘅醬炸雞唔算厚粉 都係新鮮炸起熱辣辣_最後當然唔少得甜品啦我揀咗椰子同埋芒果味 我自己個人比較鍾意芒果味因為椰子味偏甜2 人 7:30 開始食既價錢 …查看更多

繼上次食過呢幢大廈嘅咖喱烏冬同埋燒肉之後 今次再試是最高嗰層嘅雞煲平時百幾蚊食既雞煲放題就食得多 好少會揀啲主打高質食材嘅雞煲店 佢評價幾高就嚟試一試租得最高嗰層環境一定冇得輸 個高樓大廈景幾好 但係食得遲 已經冇晒窗口位一嚟到有人介紹啦佢嘅嘢都係即炸所以就叫咗個魚皮同埋出名嘅芝士響鈴試吓炸魚皮熱辣辣脆pok pok 同平時食嘅魚蛋粉鋪頭炸魚皮差唔多但係即炸嘅一定香口好多 所以忍唔住叫咗支啤酒送一送再嚟就係芝士響鈴 響鈴都係即炸 因為都係放落湯度先所以一開始唔明有咩大分別原來一放落去浸1秒就要拎返起身 因為新鮮炸起嘅會好索水好易就會林晒 所以大家記得一秒定論個雞煲叫咗重慶麻辣 小辣本身就咁食唔會覺得太辣 但係當食菜嗰陣啲菜成日唔小心卷埋啲花椒 搞到我成日唔小心中招牛肉入嚟就是最貴嗰碟切得好薄 白色都叫均勻 唔算好肥嘅雪花叫做本地牛 整體質素就平均唔會話有一邊特別突出 略嫌小貴 三個人食咗八百幾蚊 其實都係貴任食5 6 十一個人 好似唔係太肚餓但係又想食雞煲嘅話寧願去自己點嘅地方 始終人大左開始個胃細 食唔到太多…查看更多

首推一定係熔岩芝士炸雞麵包🍗一直都好想試佢嗰個熔岩芝士炸雞麵包，今次終於試到喇！嚟到嘅時候同相完全冇任何分別，啲芝士仲要可以拉到好高！超級邪惡😭側邊仲有一啲墨西哥脆片，配埋芝士炸雞真係好好食☺不可不嘗試嘅草莓3.6牛奶乳雪花冰🍓完全唔會有士多啤梨藥水味，好多士多啤梨係牛奶冰上面，每一啖都食到士多啤梨，超級滿足🤤仲有個賣相超級靚，非常適合港女嚟呢度打卡。蟹黃炒淮山麵有驚喜🙈初初點呢個嘅時候以為卡邦尼口味嘅麵入口會好油膩，食到好厭，好驚會因為太過油膩而食唔晒。點知食落去一啲負擔都冇，上面嘅蟹肉同埋青瓜絲反而令到成個面每一啖都好清新，食極都唔溜。我覺得大家嚟到都可以一嘗佢嘅味道。最後一題嘅就係佢呢個BBq ribs芝士飯 一百幾蚊呢個價錢都算幾抵食我哋幾個人最後食都有啲太飽總括嚟講呢間係一間性價比幾高嘅餐廳大家經過觀塘都不妨嚟呢度試吓…查看更多

嗰日去咗D2 place行街，行完之後就搵下附近有咩西餐食啦。同行既朋友話想食pizza，於是就搵到呢間距離D2 place5分鐘腳程既Pizza Piazza喇。我地大概六點去，好早所以都直接有位。為免選擇困難症發作，我地直接揀咗個晚餐set。水牛城雞翼。個汁好惹味，酸酸甜甜辣辣幾好食，不過我個日有啲唔舒服，對我黎講就辣咗啲。上菜時我不禁嘩咗聲，因為佢個份量比我想像中多好多。個日餐湯係蘑菇蓉湯，都唔錯。不過朋友話略嫌有小小唔夠濃。鮮蜆鮮闊條麵。蜆既數量好多，其實縱觀呢間餐廳既份量都幾多，抵食！講返個麵，幾好食，不過個日個調味有啲重手，鹹咗小小，可能都係我個日想食淡啲。黑松露誘惑。呢個好食！一上菜個時聞到好大陣菇味，正！薄餅唔係平時大型連鎖店食開個隻質地，但邊位好香脆，熱辣辣好好食！下次黎會想試埋其他口味。最後嗌咗個伯爵茶做收尾。佢係一壺咁上。飲杯熱茶暖肚解膩，即刻舒服晒。總括黎講，呢間可以再戰！等我下次試埋其他有肉既pizza先！…查看更多

羲和雅園 喺大陸好出名㗎 平時太忙去唔到 而家終於喺香港開咗分店真係好開心呀 我自己不嬲都好鍾意食 片皮鴨 嚟到 羲和雅園 又點可以唔嗌嚟食呀 不過呢度嘅片皮鴨真係好特別 師傅即場切畀你睇唔再話 佢仲會分鴨嘅唔同部位 然後按唔同次序上菜 最得意嘅就係嗰啲醬汁 首先 將鴨胸皮點藍莓醬再加爆炸糖 嗰種口感幾新鮮得嚟又有啲 突破 跟住就到鴨胸肉啦 呢度就建議我哋點秘製芥末醬 最後就係鴨脾肉 點傳統 醬汁 又或者山楂條配洋蔥配藍莓醬 包起佢 都係唔錯嘅食法 除咗片皮鴨之外 一定一定一定要試 芥末蝦！ 啲蝦 又嫩又彈牙 芥末醬刺激得嚟 又有墊底嘅米通中和番 成件事真係絕配啊食到咁上下都會想飲返啖茶 跟住就發現呢度 服務態度好好 見你斟茶又即刻幫你斟 食到咁上下張枱太多碟啲餸有未食曬 佢仲會幫你轉細碟除此之外最好梗係設施方面 有得 充電啦跟住點咗個 小肉圈 咪睇佢細細嚿 真係勁 飽肚 唔怪得知會擺落主食嗰一欄金沙鮮魷魚 聽落去好似普通餐館菜 但嗰啲蛋黃醬真係好入味 餸飯一流 最後仲嗌咗個 炒飯 多料好味正 除此之外都唔知可以講啲咩食飽咗就出去望下個海景 建議大家可以book 室外地方去食 可以enjoy海景又唔會凍…查看更多