sandra_ip的個人專頁

今日放咗工去咗銅鑼灣食沾面...見到之前好多人排隊嘅三田居然唔使排隊...即刻諗住去食因為好耐冇食沾面...自從上次食過尖沙咀厚福街好難食嗰間沾面之後就有陰影..依家隔咗半年先敢再試！我哋總共叫咗一個中拉麵，餃子同埋一個大沾面...本身諗住叫個特大但係特大又真係好似多得滯...果然令我喜出望外...沾面嘅軟硬度非常適中..個湯底唔會太鹹同埋唔係嗰啲食完勁口渴勁多味精嘅湯底！同埋$78碗非常之值得一試！個拉麵就普通啲不過都係幾好食嘅！最後個餃子煎得都幾好味唔係嗰啲煎完擺勁耐又再煎嗰啲..我覺得呢間野都算幾好味！唔怪之得以前啲人成日排隊都要食 😋…查看更多

我想黎呢間餐廳度食好耐㗎啦!!之前見到個個喺度post d crepe 嗰啲相就已經覺得好吸引!!跟住點知比我見到係openrice訂枱食飯有discount跟住就即刻book咗...黎到見到得間餐廳都幾多人...坐低左之後本身諗住淨係食crepe但係又驚唔夠飽所以就帶多個lobster spaghetti ....個意粉就真係冇乜驚喜好普通啲龍蝦肉都比較細粒...但係個crepe我就相當滿意!!我總共叫咗一個咸嘅一個甜嘅!!!可能喊嘅我食唔慣硬係覺得有啲怪...覺得好一般但係甜嗰個我覺得好好食!!八折左之後一啲都唔貴好抵食呀！…查看更多

每隔半年左右就會搭船嚟呢間餐廳度食嘢..夏天嚟呢度都唔會覺得好熱反而覺得啲海風吹得都幾涼....每次都會叫佢嗰個蜆肉意粉...保守估計佢大概有20-25隻蜆..啲蜆都幾大隻同新鮮！如果細食嘅人真係可以share呢一碟意粉....今次我哋除咗叫蜆肉意粉仲叫咗一個沙律一碟意大利雲吞!!!本身仲諗住之後再叫甜品食因為睇到啲甜品好吸引但係真係好飽一啲都食唔到甜品!!!唔好以為搭船入嚟好貴因為憑張單可以換到一程免費出返去中環嘅船飛都幾抵㗎！…查看更多

今日放工醒起早排行過太子新開左間齒留香...記得電視睇過話啲叉燒同燒腩肉出咗名好好食...但係一個人食唔到半斤叉燒（$100 一斤)...所以我就決定買雙拼飯$37..本身都冇乜期望因為只係飯盒...但係我打開個飯盒就見到有五舊腩肉再加六舊叉燒!!d叉燒係Juicy又唔係太肥嗰隻!仲係厚切唔係乾爭爭嗰隻!!!極度推薦啦只係$37咋!!!!美中不足嘅地方就係我唔知佢係唔記得落豉油俾我,定係佢不嬲都冇...所以下次如果去食嘅話記得一定要提佢落豉油!!但係我覺得呢個飯係超級物有所值啊!!!!!…查看更多

呢間茶木係我食過咁多間之中最好食嘅一間...個滷水拼盤整得超入味...連佢下面嗰啲花生都每粒好淋好入味...除咗呢個拼盤另外一樣手作面都好好食...佢粒帶子好鮮味...意粉醬汁味道仲好特別唔係普通嘅白汁...絕對可以encore！最後就到我嗰個最鍾意食嘅蜜糖麵包磚...我諗我已經食過10個以上...每次去親茶木我都會叫雖然覺得佢只係麵包賣差唔多$100好唔抵..但係加埋雪糕同蜜糖真係好好食😂😂😂😂，…查看更多

今日去旺角新開嘅商場...入邊開咗幾間唔同嘅餐廳....見到呢間shabushabu門口有幾個人排緊隊我哋就去試吓..諗左好耐到底揀邊個餐食...但係之前聽個friend講其實呢啲餐廳揀最平嗰個餐食其實同貴啲嘅餐啲牛肉嘅quality都係差唔多所以我哋就揀咗最平嗰個.....果然差唔多成間餐廳嘅人諗法都係同我哋差唔多全部都係叫晒最平嗰個餐hahahaha...呢間啲牛肉雖然我哋係揀最平嗰個餐但係啲肉嘅質素都唔差...唔會係嗰啲第一碟好靚跟住後面345碟啲肉就變咗樣...加想除咗肉之外佢仲有唔同嘅送俾我哋響出邊夾都幾新鮮同多款式....買單兩個人$300多少少!絕對可以encore!!!!!!!!!…查看更多

今日行過尖沙咀又去呢間麵檔...食我最鍾意嘅黑豉油王撈麵同埋炸墨魚丸....呢兩樣係我覺得成間鋪頭最好食嘅嘢...同埋仲有墨魚餅都幾好味...佢唔係一舊麵粉你會食到有啲墨魚粒係入邊幾有咬口...千祈唔好叫我牛腩食因為我覺得牛腩唔夠淋真係好普通...呢間鋪頭我去過幾次多數我都會叫黑豉油王撈麵拼墨魚丸或者叫雲吞...我見到有啲人都會食佢哋個咖喱飯下次等我都試吓先!呢間野個地點好方便又唔使等好耐位價錢都唔係好貴！…查看更多

喺facebook見到呢間喺新蒲崗嘅餐廳講到啲小籠包好好食..今日去到新蒲崗就諗住試吓...果然真係冇講錯...好正宗嘅小籠包...同上海嘅佳家湯包有八成似...咬開入邊就見到有蟹肉..入面啲汁就會流出黎...見到好多蟹肉同埋蟹膏好鮮味...即刻覺得$15好抵食!!!佢塊皮仲好薄唔會好似其他餐廳講啲皮勁厚等個小籠包唔會咁容易爆...一籠$60有四隻！都算幾抵食！除咗呢樣第二樣要介紹就係蟹粉賽螃蟹...鍾意蟹膏同蟹肉嘅朋友去到呢度一定要食小籠包同埋呢樣...佢雖然係$158一碟..但係你會覺得物超所值因為佢有好多蟹肉同埋蟹膏...攞呢碟送來撈飯係非常之咁好食...唔需要叫其他餸淨係有呢碟餸你已經可以撈一碗飯食！食完呢兩樣我已經有啲飽但係我叫咗個俗氣擔擔麵所以我都有食埋佢...碗麵都算係一碗正正常常嘅面算幾好食啲面都彈牙...但係如果得兩個人嘅話可以考慮叫個鍋貼或者生煎包就唔使再叫多碗面...等我下次再嚟試埋佢隻片皮鴨😌😌😌😌…查看更多

呢排日日都去試唔同嘅黑糖珍珠鮮奶...好似中咗毒咁....喺火車站落黎見到呢間平時賣雞蛋仔好多人排隊...今日見到冇咁長龍就買杯佢哋嘅黑糖珍珠鮮奶...覺得佢哋嘅雞蛋仔好過呢杯黑糖珍珠鮮奶...我覺得有啲太甜同埋啲珍珠唔係好煙un...但係$30有700CC....總括嚟講都係抵飲嘅🤗 如果下次再叫可以試下問下有冇少甜....佢啲雞蛋仔真係好好食...每次都唔記得影相😅😅😅最鍾意係嗰個蜂蜜味中間好似流心咁好正😙😙😙…查看更多

今日山長水遠去東涌食lunch...結果中伏去咗一間睇落好似幾好食嘅韓焼餐廳...叫咗個生牛肉芝士拉麵...難食到爆🤢我個湯底就係一啲混濁嘅水完全冇味個面又硬到爆相我都唔想影!!!! 係完全一d芝士味都冇！但係我見到隔離枱你呀啲飯好似幾好食...如果再去呢間我一定唔會再叫面食....…查看更多

呢間珍珠奶茶係我近排飲過最好飲又唔使排隊嘅鋪頭....右邊個杯係黑糖青蛙撞奶冇得調教甜度...但係啲甜味同埋黑糖啱啱好..啲珍珠好煙un...仲有黑糖味嘅鮮奶如果我住喺元朗嘅話我諗我會日日都去買一杯飲!!!!隔離個杯黑糖珍珠奶茶相對就甜咗啲..但係如果鍾意飲珍珠奶茶嘅話呢杯都值得去試..都算幾好飲!!如果計唔使排隊來講呢間野真係好值得去飲！我見到旺角開咗一間同佢好似但係一啲都唔好飲!所以大家要小心千祈唔好去錯舖頭!!…查看更多

喺太子花墟行街見到呢間日本餐廳覺得入邊裝修幾靚所以就行入去試吓....三個人叫咗七樣餸...有燒八爪魚$72幾好食個汁好好味..仲有壽司飯同埋叫咗佢哋出名嘅幾個小卷...跟壽司飯嗰個味噌湯入面仲有三文魚肉😍但係我覺得最好味嘅係佢哋嘅壽司..叫咗個吞拿魚壽司同埋三文魚腩壽司🍣佢哋嘅魚生好新鮮好鮮味...壽司嘅價錢都唔係好貴...同普通壽司鋪嘅價錢差唔多..但係我覺得好食好多！夜晚九點之後仲有無限sake!!呢間餐廳價錢都唔會好貴亦都唔會好嘈..我覺得係可以再食...…查看更多

呢間日本野我已經係第三次食...佢啲嘢食簡直係可以話抵食夾大件....首先一定要食嗰個Kikusan卷...$68有勁多海膽同埋吞拿魚再加埋魚子粒粒係上面!絕對係非常之抵食!!喺葵芳或者旺角中心度嗰啲壽司店都食唔到咁抵嘅壽司!!仲有個千層豬扒擔擔面嗰塊千層豬扒整得好特別真係有幾層....擔擔麵果汁都幾好味有少少辣...小籠包都OK啦...極度推薦夜晚黎食...因為佢價錢同lunch一樣仲冇咁多人可以慢慢坐!!!夜晚一個人＄200已經食到好多嘢食!!正！…查看更多

行過呢間門面咁靚嘅火鍋店門口大大隻字寫住”火水爐”ho eye catching!!好有80年代feel就忍唔住入咗去食..上到去見到佢係任食打邊爐仲有雞煲又有肥牛仲有好多前菜! 仲有鮑魚!!!!!!!!!!!😛😛😛最吸引我係佢入邊嘅裝修同埋佢係可以任食你想食幾多都得又有海鮮又有肥牛又有得揀湯底!食咗差唔多三百幾蚊我覺得都算值嘅因為始終都有海鮮食都幾新鮮😋😋最後做一個好好食嘅糖水不過唔記得影相…查看更多

係OpenRice度搵餐廳同同事食farewell lunch...見到啲食評講話呢度啲魚生飯好似幾好食就黎試吓叫咗個蔥碎吞拿魚海膽三文魚子魚生飯lunch set$250...個餐有沙律同埋miso soup..個飯真係好足料...啲吞拿魚茸舖到好似漢堡扒咁厚啲三文魚子多到好似會跌出嚟咁...仲有啲海膽都好新鮮冇苦味....呢個lunch set嘅價錢我覺得都真係物超所值👍🏻 如果老細請食飯嘅話一定要黎試吓呢間😆…查看更多