foxhound_viper的個人專頁

去到今時今日，終於食過哂大部分嘅出品，所以再分享。肉醬意粉唔係一般蕃茄肉醬，而係墨西哥式嘅肉醬。一般香港嘅食店都有提供呢一個味道，所以幾特別。由於我個人鍾意墨西哥肉醬呢個味道，所以都好鍾意。如果老闆可以考慮提供墨西哥肉醬淋上薯條上呢一個選擇，咁就完美。蘑菇黑松露意粉就咁睇樣唔係好特別，但食落去係超好味。蘑菇係新鮮炒嘅，加埋醬汁同埋黑松露碎味道係一流。如果嗰日唔想食肉，呢個係好選擇。卡邦尼意粉正常嘅卡邦尼意粉，如果可以加隻蛋就應該會更好。烤菠蘿雞腿漢堡我個人唔係十分鍾意雞肉嘅漢堡（因為麥記俾得太多唔好嘅記憶）但因為想試哂所以出品，所以就叫嚟試吓。一食嘅時候係完全驚喜。雞扒多汁、夾埋菠蘿以及特別醬汁係完美。以後想食雞漢堡就只會諗佢。牛油果大啡菇漢堡啲菇好香，好好食。配埋牛油果醬係一流。另一唔食肉嘅好選擇。其他嘅牛肉漢堡，因為之前已經寫過，所以今次唔寫啦。或者補充一下，飛驒牛漢堡都係用新鮮蘑菇，加上煎蛋嘅香味，真係物有所值。而薯條就要再寫一次，真係好好食。就算我食意粉都會叫薯條食。茄汁再加 Tabasco 用嚟點薯條完全係我杯茶。…查看更多

首先，薯條一流，現場即食超好食。洋蔥圈都好正。香港唔係咁多地方食得到洋蔥圈，好食嘅就更加少漢堡包就食過以下嘅款，全部都好滿意：1.丹麥藍芝士漢堡，好好食好多汁。藍芝士好正。如果唔食藍芝士嘅朋友可以走芝士。2.漁夫之堡都好正，炸魚熟得啱啱好，外面脆入面有汁、他他醬好味。3.和牛漢堡，牛肉就更上一層樓，好食。下次會再試埋雞翼，試後再分享。大角咀有如此水準嘅漢堡，係嗰度返工嘅我非常幸運。誠意推介去大角咀揾食嘅朋友…查看更多

原本係俾佢華麗嘅裝修同埋以為比Pokka Cafe 高級嘅 Le Grand Pokka Cafe 所吸引而入去.坐低睇餐牌,附送聖誕到會order list 一張,已經對我心目中嘅 Le Grand 呢兩個字打咗折扣. 唔理佢,點菜.我叫咗一杯紅酒, 一個 salad, 一客飯糰, 我太太叫咗魚生飯.等上菜期間, 問我參唔參加 membership. 有discount, 之後埋單嘅時候再問多次, Le Grand 已經冇咗一半.紅酒到,聞落同我D模型油嘅開油水冇咩分別.飲落,就只有酒精嘅味道.蕃茄麻醬 Salad OK但飯糰就出事,一夾落去,好似D沙咁散哂.連我老婆碗魚生飯入面D飯都係夾唔起,嗰D係唔係日本米黎架?重有,我點菜嘅時候,我話明唔食魚唔食肉,我問飯糰入面會唔會有魚或肉,侍應話唔會有.但原來入面有木魚絲.埋單不均兩百蚊一位,我完全覺得物非所值.期間我更見到廚師幫手佈置聖誕樹??? 呢間 Le Grand 嘅表現令我連Pokka Cafe 都唔敢再去.…查看更多

飲咗多年啤酒，第一次係可以令我如此不滿。話說今日一人入去，明明有好多空位，侍應都面有難色咁同我講，坐住二人枱先。坐低，點咗一杯啤酒，一客炸薯條。 啤酒等咗二十分鐘，薯等咗四十五分鐘之後依然未黎。無奈埋單走人。 酒吧坐位二十個唔夠但仍然可以運作如此，我真係從未見識過。經過今日經歷已成為我永不幫襯之列。…查看更多