百目魚神的個人專頁

多人等，唔執枱，唔叫飛，垃圾安排。識叫位可以直入，祝佢早執早著。大家唔好幫襯。想幫襯，識人好過識字，唔想做生意不如早啲執咁佢，一個人霸大枱當睇唔到，想食翠園，同知客打好關係先啦…查看更多

山口商店是一所拉麵小店，店主兼大廚山口先生十分努力經營拉麵店，為了研製美味拉麵下了很大努力。拉麵種類有3款，其中豚骨+魚介更配有鯖魚，相信是香港較少見配搭。豚骨魚介湯味道唔差，但魚介味不算突出，相信調味上避重就輕，如果湯底魚介味能更重，會更好吃。鯖魚為長條形，作炙燒處理，加上以醋醃製，不但沒有魚腥味更有豐富的味道，配合叉燒更令整碗拉麵豐富突出。整體而言，山口商店由山口先生與山口太太主理，二人都十分努力經營拉麵店，但湯底仍有進步空間，相信現時口味迎合大多數人。…查看更多

去澳門食葡國菜是很多香港人的目標，但要找到一間性格比高的葡國菜又不是一件易事。波爾圖在氹仔舊城區附近，地理位置接近官也街，可達度高。價錢相對其他餐廳，散叫會較比算。當晚點了兩個小食兩個主菜，其中農夫包焗葡國雞、白酒煮蜆非常出色。白酒煮蜆有白酒香味，蜆加上白酒十分鮮甜，而煮出黎的湯汁更是鮮美無比。而農夫包焗葡國雞份量足，雞肉入味而且夠滑，農夫包吸收葡汁，非常好食。建議人多去食，可以試到更多食物，如馬介休球、乳豬等等…查看更多

斗滾訂位，等足一個月先食得，究竟值唔值得大家等呢？斗滾打邊爐放題位位$300，出面正正經經都閒閒地$200起錶，所以$300打個放題唔算太貴。首先坐低會黎個雞煲，雞煲有辣有唔辣，唔太食得辣嘅朋友建議BB辣或走辣，雞煲算足料，香料味好重，雞就一般，雖然都係任食，但你唔會食雞煲食飽啦？食完雞煲會上蒸海鮮，有6-7種，包括蝦、鮑魚、龍躉、大蜆、蟶子，扇貝，加上烏冬、大量金銀蒜，粉絲，非常好食，蟶子係最正，其他都可以食完海鮮就係打邊爐時間，有三款湯：1）烏雞煲瘦肉2）消湯牛腩3）花膠湯打邊爐之前飲左湯先，再加雞湯打邊爐，牛肉係手切牛頸脊，有肉味，唔太肥，6個人打食左接近20碟。配料好似丸、餃、魚皮、菜自助區自便。最後食埋燕窩糖水就完美。以$300而言，有海鮮有手切牛仲要位位$300有找，性價比高之餘十分抵食。另加公有象拔蚌食，鐘意食可考慮下。整體黎講，尖沙咀食海鮮打邊爐放題，$300依個價落樓真係好抵食，性格比極高，所以想食就預早訂位啦…查看更多

話說今晚約朋友食飯，介紹我食依間麵店，以北方菜而言，算是中規中矩。叫了一碗牛肉麵及一碗羊肉麵。北方菜味道濃烈，充滿香料。牛肉麵湯底一般，算不上是北方口味。如使用北方配方湯底，味道會較濃烈而帶羊臊味，估計店主遷就香港人口味而調配湯底。牛肉麵麵底採用拉麵，入口彈牙爽口，口感一流，但牛肉有點兒過火，影響口感。除左兩碗麵，亦點了孜然串燒拼盤，當中以羊肉串燒最好食，但孜然粉辣味非常，風味十足，吃完定會大汗淋漓，想食就要注意了。…查看更多

魚蛋佬，從名稱都知道與「魚蛋」有密不可分的關係。但原來，魚蛋佬最強勁的不是魚蛋，而是沙嗲醬……..話說賣魚蛋、牛丸，在太安樓起碼有3-4間，人人都賣，但最特別在於魚蛋佬賣到大排長龍，閒閒地20-30個人不在話下。但在云云競爭對手中可以鶴立雞群，魚蛋佬憑的是其沙嗲醬。沙嗲醬在店員手上接過，已經充滿香氣，強烈的沙嗲味已引人入勝，不是一味辛辣的感覺，是實實在在的沙嗲味。沙嗲醬入口起初不算辛辣，反而有獨特的花生味道，是沙嗲醬的靈魂，沒有濃烈的花生味道，根本算不上是沙嗲醬。入口後才爆發的辛辣感覺便是劃龍點精，沒有辛辣味便不是沙嗲醬，能將沙嗲醬拿捏到恰到好處，相信是魚蛋佬致勝的原因。但是魚蛋佬所賣的魚蛋卻較為遜色。魚蛋入口口感較鬆散，口感較參次，雖然重點在沙嗲醬，但相信換上陳皮魚蛋甚至爽口彈牙的墨魚丸會更美味。溫馨提示：買後即食，即食才可第一口品嘗個中美味。…查看更多

一間餐廳一出名，開得越多質素每況越下添好運自出名以來，越開越多，又得到米芝蓮加持，誰想到越做越差，質素下降到連屋邨酒樓都不如。由於人多，等位是必然，由於受防疫限制，每張枱只分2人同4人，自自然然排左兩條隊出黎。結果，成間舖2人枱多過4人枱好多，想3-4人食添好運，人家是不歡迎你。排隊叫飛仲會按熟悉啲分先後，例如你張飛10號，會叫左12號入座先，理由話兩張枱併埋入先，但全場9成都係2人枱，是否生客、人多唔做你生意？財大氣粗有米芝蓮加持是否就可以咁做？都唔緊要，定係評審面前扮晒嘢就可以瞞天過海？點心質素就唔需要多講，比深水埗、油麻地質素更差，同普通酒樓根本零分別，是否值得用心機同時間幫襯，大家真係要諗清諗楚。…查看更多

眾所週知，主題公園的餐廳往往如人：貴、難食的印象。以爐炭燒為例，位處海洋公園正門入口，主打泰菜及炭燒肉類及海鮮為主。由於食中午的關係，因此便抱一試無妨的心態一試。叫了兩個午餐，分別是炭燒牛柳及菠蘿海鮮炒飯。先談談炭燒牛柳。落單是要求5成熟，但因為落錯單的原因變了7成。當然出來的結果是5成熟但偏近7成。食第一口雖然感覺有輕微過火，但整體都貼近5成熟，外脆有焦香感，肉質嫩滑，加上帶豐富肉味，如做到成熟會更好。以主題公園餐廳而言，尚算合理。菠蘿海鮮炒飯屬一般菜式，無咩太打驚喜，不過炒飯算乾身，而且都係泰式炒飯，不過不失。整體來講，以主題公園的餐廳質素及價錢而言，實屬偏貴，但考慮到餐廳位置在於海洋公園內，屬中規中矩，大家不妨考慮一試。…查看更多

翠園是美心中菜旗下一個高級品牌，不論質素與味道都較一般酒樓好。但是，新都城翠園的服務態度與表現，完全令人嘆為觀止，奉勸各位小心為上。話說翠園11:00前有中茶優惠，11:00前入單，11:30前結帳方有優惠。於是10:15到場等位，初時見尚有15個號碼，於是耐心等候…..點知去到10:30酒樓內開始好多人結帳，枱亦開始多，當時尚有5個號碼的我，自然想像到可以準時入坐。時間一分一秒地過，去到10:45枱越來越多，但卻零叫號，於是詢問門口呀嬸，為何有枱不入，早茶快到。得到一句：夠鐘都無辦法。一下才恍然大悟，酒樓唔做早茶迫你食午市，一貫零良心做法，如果係咁，不如唔好做優惠，我亦大可幫襯其他酒樓，難怪整個集團「無良知」提醒各位，小心依間店…查看更多

好多人都話青衣這間小店都只係平平無奇，但試過之後，我相信你地一定會改觀。香港人基本上食西餐就好似係個幾味。係，唔係意粉就係扒，但要如何展現出好色，超高的技術就係考驗大廚功力的重要一環。是晚一套晚餐，有前菜、有主菜，兩樣都係大分出色的菜色。前菜：酒醉鮑魚看似中廚而又非中菜的前菜。大廚將鮑魚冷凍再切片，有鮮味之餘帶有陣陣酒氣。初夏吃上涼菜口感極佳，配上酒氣，將鮑魚鮮味提升，引人入勝。鮑魚下伴以蜜瓜簿片，蜜瓜甜味配上鮑魚汁更是一盡，在初夏完全帶來一陣清爽的感覺。主菜：香煎安格斯牛扒無錯，主菜就係用圍都食到的牛扒。看到肯定比人話無料到。但一塊牛扒卻用盡心思。塊扒先封乾兩個星期，煎出黎外脆但肉汁充滿成塊扒，食落口嫩口非常又不失口感。坊間好多牛扒煎出黎都流失肉汁而失分。最重要係唔係和牛口感而係真真正正有肉味有口感的牛扒。當然如果要食到和牛咁，咁大家就不用討論。基本上唔計甜品，成間餐廳老闆的確放左好多心機係上面，好唔好食係好主觀，但係老闆、老闆娘對食有一種堅持同此真，絕非因爲賺盡每一位而開餐廳。雖然服務同好多好多地方都有改善空間，但只要大家多一分支持就係比佢地最好的鼓勵。…查看更多

香港食沾麵的地方有好多，但大門拉麵是其中一間值得推薦的拉麵店。大門拉麵所提供的沾麵有三種，是日中午品嚐點了有叉燒的沾麵。就湯底而言，味道濃郁，口感層次十分豐富。店中標榜湯底由日本直送，相信這樣濃烈的湯必需用上大量材料製作，以$80一碗沾麵而言，絕對物超所值。而叉燒採用卷腩叉燒，叉燒表面亦用火燒過，外脆內軟，口感一流，值得推薦。店內小食亦有驚喜，玉子燒有口感，有蛋味，入口鬆化，絕對值得一試，其他小食如炸雞、炸魷魚亦十分可口，喜歡炸物的朋友絕對要試。…查看更多