Lyn86430的個人專頁

家人喜歡食中菜，特意帶他們來這裡。我想吃北京填鴨，但家人不吃鴨，所以就没點套餐，我覺得套餐比較抵食啲。我們也吃得不多只好散點。這個玫瑰荔枝茶好香，我很喜歡💕這個小籠包，包𥚃面的肉汁滿滿的，肉汁鮮甜加上醋一起吃更好吃，一定要趁熱食，才好吃，夾的時候要很小心，包皮薄很容易弄破。這個東坡肘子，好腍好滑，吃起來有點似食東坡肉，服務員服務很好幫我們把肉切出來，而且份量都幾多。我也特別欣賞這個高力豆沙香蕉，裏面的餡是香蕉，好吃。😋…查看更多

朋友想食日本菜，剛好找到這間在附近，店內的裝潢設計很日式，坐得又舒適。他主打的Menu係壽喜燒，而且係用日本A四黑毛和牛，還有其他壽司刺身丼飯。我們又想吃壽喜燒又想食刺身丼飯，所以就叫了一個壽喜燒加帶子三文魚刺身丼share一齊食。職員好有耐心教我們食這個壽喜燒的步驟，先要將牛肉放入鐵鑊煎幾秒再倒入壽喜燒汁，這牛非常香嫩，而且份量不少，職員教將燒完的牛沾生蛋汁再食，這味道更加香。食完牛之後就可以加湯打邊爐，將啲菜同烏冬倒入去煮。另外個帶子魚生丼套餐都非常不錯刺身厚切新鮮。這杯青檸檬茶都好好飲。最重要係全日不收加一服務費，性價比很高。…查看更多

之前在國內食過呢間的串串覺得好食，今日同朋友行奧海城發現竟然有呢間店。店舖不是很大有室外同室內坐位。我們點了羊肉串和玉米串，都燒得好好味，羊肉串有很香的羊肉味，肉質很嫩滑，加上孜然粉等香料特別香。玉米串也很香甜，所以我特別欣賞呢間的串燒，而且價錢比較相宜。我們見到牆上貼住雞煲的海報，朋友話想食，所以又點了小辣雞煲，這間的雞煲味道比較香濃，食完雞煲之後可以加湯打邊爐，套餐還包了一份手打面雞肉雞內臟雞皮及一份雜菜，二人絕對夠食，湯底仍然香濃，越食越辣。…查看更多

跟同事在港威商場附近做完嘢肚餓要穩食，就見到這間「姚姚酸菜魚」，成間店舖的裝橫用左Tiffany blue 的顏色，就這樣吸引左我入去。😆原來除咗招牌酸菜魚還有挺多菜式選擇的，看了菜單很久最後決定點雞煲二食套餐。雞煲不是很辣有很多配料好香，我特別欣賞他的新鮮竹筍片又脆又嫩，還有香菇片好香。吃完雞煲加上湯汁就可以打邊爐，套餐還包括有雞皮、雞胗、雞心、雞肝、雞肉用來打邊爐，我怕不夠吃另叫了份肥牛。雞皮已炸過所以特別香，雞肝好粉。打邊爐當然要加罐啤酒，呢個啤酒好飲真係飲到龍井味的。最後加埋個甜品今餐就完美了。…查看更多

路經見店面平平無奇的，没想到食物却有意外驚喜。我揀咗滷水汁牛雜車仔麵，這肥腸很肥美，滷水很香。牛膀牛肺都好入味，而且大大碗。50幾蚊連飲品咁大碗性價比真係好高。另外叫了個魚蛋牛腩車仔麵，估唔到係大大粒嘅長州魚蛋，牛腩夠淰，真係好足料。開頭以為唔夠食叫多兩個小食。没想到這個蝦餅咁多，外脆裡面彈牙。這個魷魚鬚都唔少，mix左啲辣醬，好野味。我覺得連小食都好大份。呢間隠蔽車仔麵真係超高性價，難怪咁多人來食。…查看更多

之前在尖沙咀K11也食過這間，一直都很喜歡這家的海南雞飯。最近知道這間餐廳在圍方新開了間分店，剛好約了朋友在大圍吃飯，一於就來食呢間。我們兩個人就點了個2人套餐。套餐包一款小食，兩款主菜，一款蔬菜，兩杯飲料，特飲就要加錢。小食我們選了魚餅，有小小辣，夾面包一齊吃，挺特色。主菜當然要選海南雞飯，另外一個就選擇了星州海鮮炒貴刁。我最喜歡就是這個海南雞飯的醬，雞的肉質嫩滑，油飯香。另外這個星州海鮮炒貴刁，料很足，有蝦、帶子、魷魚等海鮮，而且炒得很有鍋氣。我點了個蘋果紅茶不用加錢。這個二人套餐如果是女生就夠吃的。…查看更多

這間餐廳除了食物是必影相打卡多，連餐廳環境都好多打卡位。一入地下門口的走廊已好有日本居酒屋的感覺，而且中間還有個無面男可以影相打卡。上到樓上餐廳一入門就見到個部扭蛋機，服務員即刻給一個幣我扭個蛋，她說每個蛋都有禮品的。我扭到的是送2串串燒。店家很有心思。食物方面也很質素，我叫一個小食燒雞皮，很香很酥脆。另外叫了個海膽生蠔刺身杯，那片海膽都不小，又鮮甜，生蠔的鮮味十足，側邊還有些酸酸的梅汁啫喱。再加一個石燒A4和牛3款。有3個不同的部位，吃下去的肉質都不同。最後加個太卷和鱔肉串燒。…查看更多

放工同同事食飯，介紹左呢間潮州菜。估唔到餐廳的環境都幾舒適，裝潢好中式。一坐低，服務員就沖呢個功夫茶俾我哋，茶好香但我飲唔出係咩茶，之後我哋揀咗菊花茶，個菊花都好香。前菜小食我哋點左海蜇頭，海蜇頭好厚肉，好爽口。食朝州菜當然要食滷水，我們點左「鵝三寶」。有滷水鵝片、鵝腸、鵝肝，仲有滷豆腐。樣樣都好有水準，鵝片好香肉質嫩，鵝腸夠爽脆，鵝肝又大片，好好味。😋再點左個手工潮州菜「清燉荷包鱔」，係咸菜包住舊鱔肉去燉，所以個鱔肉好juice.再加個鹹菜花蛤湯，裡面加埋番茄，減低左鹹菜的咸，少少酸，又有花蛤嘅鮮甜，花蛤又大粒。…查看更多

在中環返工，收工想relax 下，芝加哥串燒係個唔錯嘅地方。想坐室內或室外都得，今晚同事一齊來relax 下。首先每人來一杯啤酒，我自己叫左個黑啤，麥味都幾濃，同事就叫左杯芝加哥啤酒，果香味出啲。兩款都幾好而且又杯。呢度陰左酒唔錯，食物都唔錯。我哋就叫左啲串燒來佐酒。叫了半打燒蠔，蠔係我的至愛，這個燒蠔好夠鮮味。還叫了鹽燒白膳，皮燒得好脆，肉質夠厚又彈牙，好味。一口和牛，燒得岩岩好，好嫩滑。再加椒鹽雞軟骨夠爽脆。燒玉子都好好味。呢值得推介。…查看更多

來V walk 逛街見到新開了間食店，店面的裝潢很少女都是粉紅色，就這樣就吸引了我進去，裡面不是很大也不多座位，原來這家是吃酸菜魚的，是我喜歡吃的。這個是海鮮藤椒湯可以自選配料，我選了蝦、魚片、肥牛還有萵筍片、豆干條。我喜歡這個湯底酸麻剛好很鮮甜，我連湯底都渴了，寬粉軟韌適中。另外再加天花頂酸菜魚，這個就比藤椒的辣一點，魚片很嫩滑，這個是套餐配有飯還有小菜酥肉，蓮藕粒。這個麻辣蓮藕夠爽脆。這個麻辣牛展很麻香。最後加個甜品彩虹冰粉，吃了感覺可以中和之前重口味的菜式。…查看更多

好朋友返來香港好想食中菜，在open rice 搜到這間店。這家在商廈裡面，環境很舒適，不會覺得很吵雜。這家是走精緻中菜的路線，看他的menu 的菜式圖片都覺得得很精緻。看見很多都很想吃，但人少吃不到那麼多。最後點了個艇家醬香炒蜆，蜆肉夠肥美，没有沙，這個醬有點甜甜的很香。還有點了蓮藕蜜椒骨，反而這個菜令我最驚喜的就是這個又薄又脆的蓮藕片而且沾了些蜜糖十分好吃😋。朋友想吃這個紅湯酸菜辣煮龍躉球，我覺得這個紅湯酸菜的酸度剛好，龍躉球夠厚又夠彈牙，裡面還有其他配料有豆腐，牙菜，薯粉等。這個金菊桃膠燉手工菊花豆腐真的可以顯出師傅的手工。還有這間桂花烏龍茶都很好渴。…查看更多

其實九龍灣的工廈都不少好味餐廳。今次我係被呢間的長鰻魚飯吸引左來的。呢間和洋食屋都幾特色，集合了娛樂休閒美食。喺呢度食夠唔知幾錢就可以打桌球，而且又有得打機同玩射標，放工後都可你來呢度relax 下，最重要呢度啲野食唔錯。我睇到食評的鰻魚蛋飯飯相唔錯，當然要叫啦，鰻魚又大條又幾厚肉，加埋個汁配飯一流，份量又多，對我來講一個人真係食唔晒。朋友就叫左佢大蝦明太子意粉，都好味，而且有2隻大蝦。份量都不少，我中意每一條意粉都痴滿晒明太子。以為我哋叫兩個主食唔夠，叫多個小食炸雞軟骨，點知食唔晒。…查看更多

原來大角咀有好多美食的，今晚發現了在中匯街有間越南餐廳啲裝修幾新穎，座位夠闊落好舒服。個個manual 好多選擇，都唔知揀咩好。最後我們點了咖喱蝦餅配印度薄餅，咖喱蝦餅好特別，再加上辣椒漿好野味。再加個馬來濃湯蝦米粉，湯底的蝦味濃郁，米粉可以索左啲湯味，而且好多料，蝦肉彈牙，份量夠大，我們兩人一齊吃都吃不完。開始以為叫兩個主食唔夠食，所以加多兩個小食。越式無骨鳳爪，我中意呢個的酸味重。蒜蓉牛油雞翼，雞翼仍保持嫩滑多汁。再叫兩杯椰汁珍多冰及三色冰。…查看更多

咁啱同朋友喺銅鑼灣行完街又來銅鑼灣廣場搵食，泰國菜都係我好中意食嘅菜式之一，這間店之前都有來食過，今次再來食。今次點左之前未有食過菜式。侍應推介我哋食二人套餐，但我哋都係點自己想食嘅菜式好啲。我哋點左個泰式鮮蝦炒金邊粉，啲蝦幾大隻又夠彈牙。另外點左個冬蔭功海鮮湯，啲海鮮好足料，隻蝦又大隻又新鮮，除咗蝦還有墨魚仔同青口，個湯都幾夠酸，不過可以再辣多少少，因為我喜歡食辣🤤🤤沙爹牛肉串燒，燒得剛剛好，啲肉唔韌。還有叫了個椰汁珍多冰同椰青。…查看更多

今天來到K11 musea行街，喺度唔知食咩好之際，就見到這間新加坡菜餐廳，之前又未食過這間餐廳。見佢個招牌菜係海南雞飯，咁一於點呢個。首先個油飯已經好香，個雞的肉質好嫩滑，另外果三款醬都好味，食得出呢間好有誠意。另外再叫多個海鮮喇沙湯米線。呢個都好好味，我食過啲喇沙湯粉係會連個湯都飲埋的，個湯底好香濃，我飲到芝麻花生同蝦味都好出，而且食材靚，蝦係新鮮彈牙的。加多個沙嗲豬肉串，個豬肉串一啲都唔乾，好有肉汁同鮮嫩。這間餐廳值得再來。…查看更多