家有巨熊的個人專頁

今日(11月8日)0係旺角新世紀廣場間大家樂度食左個火鍋。初時，我都發現到d類似昆蟲腳一條條0既野，但我安慰自己可能係d菜/金姑d根。不幸地,0係我差唔多晒時，發現原來0係果碗湯度，竟然有隻昆虫”翼”。於是就同個經理講,之後only退返$49比我炸，而家驚謹會肚痛。…查看更多

二月十四, 情人節, 想搵個坐得舒適, 食得招積既地方, 係open rice search 很耐, 終於搵到個好地方, L Cafe~~首先講個環境先, 地方雖然唔大, 只得十數張枱, 但勝在坐得舒服, 燈光柔和, 好有情調. 另外, 呢度仲有個party 房, 起碼坐到十五人, 仲有電視tim~~講到食物, 今日係情人節, 當然唔少得情人節套餐la, 但係, 佢個套餐其實同平時既晚餐一樣, 頭盤係煙鴨胸拼薯角, 主菜揀左香辣蝦意粉同千層面, 甜品則揀左芝士蛋糕x 2, 仲有兩杯野飲.個頭盤超正, 特別係鴨胸,正爆, 勁香, 薯角則普通.主菜, 個香辣蝦意粉開頭食幾野味, 但再食多兩啖就有點辣, 同埋, 平時係辣蝦蜆意粉嫁, 點解今日冇左蜆既~~~個千層面激讚, 真係唔識點形容, 一定要試下, 好在我地早去才食到, 佢話係限量供應, 我估佢得十客, 我地食到半路就話賣晒. 但個千層面淡一點更好.甜品係芝士蛋糕, 水準一般, 但係, 我都食到沙沙聲, 但唔係食到JACK JACK 聲. 點解? 因為我食到有蛋殼, 係咪有獎嫁??飲品有好多款, 我地揀左個兩杯, 咁啱水準一般, 或者, 其他可能好正都唔定!!總結, 呢度環境氣氛一流, 食物又中上, 仲可以任坐, 又有層層叠玩, 真係唔錯. 但價錢以樓上CAFE黎講都算貴. 情人節黎講, 都ok la, 因為, 佢唔使加一ga!!…查看更多

halo!!六四個日原本想去bbq, 但係又落雨, 我同d fans 唯有去食buffet la, 跟住我地搵左間近近地既悅來軒.其實, 呢間野既裝潢唔錯, 但係, 我地食lunch buffet 個陣好冷清, 得廿幾三十人, 而d waiter 反應慢, 我地食完d 碟都唔係即時幫我地收, 要我地叫先識收!!講番d 食物, 其實真係冇乜特別, 有牛羊豬雞, 仲有壽司, 三文魚, 仲有湯面, 甜品, 已經算係幾多野食, 但係, 味道只係一般!! 而且, 時限係兩個半小時, 咁就差d~~~~~但係, 睇番咁既價錢, 我覺得都ok gala, 橫掂佢都冇做tea buffet, 點解唔將lunch buffet 時間延長d 呢??…查看更多

小弟亦都係大埔人, 見到大家講到紅洋蔥咁正, 梗係要黎試下la~~~~但係, 呢間餐廳真係好難搵, 我搵左十幾分鐘, 我先問下人點去, 跟住佢話(門口好多人果間就係gala~~~)搵左咁耐, 終於搵到la~~~~ 果然好多人丫~~~~ 但係, 我第一個感覺好似間黑店~~~因為, 個門面真係好黑丫!!等左十分鐘, 我同女友終於可以開飯la~~~~~我地兩個人叫左個回鍋肉客飯, 小籠包同豆沙窩餅, 再叫多兩杯豆漿!! 埋單都係$98, 一百蚊有找. 呢道個門面雖然黑d, 比較難搵, 但係, d野真係平靚正, 合乎我開飯既原則. 雖然回鍋肉多油d, 但係, 撈飯真係一流. 豆沙窩餅真係好正, 我女友差唔多成個食晒, 我只係食得一角仔咋~~~好慘丫!!我下次實會再去紅洋蔥ga !! 豆沙窩餅, 你要等我丫!!…查看更多