donut_cyc_hk的個人專頁

大約晚上8點23分落單，叫咗兩個 dinner set。當時餐廳唔多客，得五六檯 (得一檯係遲過我地落單)，但都要35分鐘先上齊菜。加咗錢轉特飲，一半係泡沫一半係液體，仲要係糖水味道，唔好飲另加配咗個黑松露薯條，食落完全冇黑松露味道，就係一般炸薯條囉餐湯揀咗濃/龍蝦湯，味道OK，全餐最好係依樣。主菜一份要三文魚，一份要豬鞍扒，兩份個醬汁食落差唔多味，唔覺有分別。三文魚比較老，食落好乾，乾到起渣。豬鞍扒肉質好淋，好明顯係乸到淋哂，冇哂肉味，大X樂一哥焗豬都好味過佢本身係睇完食評先嚟食，都帶有期望的，但食完好失望，份量少唔緊要，唔好食果吓慘，總之就係性價比低。…查看更多

假期前夕9點半入座，叫咗4樣嘢再加白飯，上菜都算快。煎蠔餅有兩塊，唔多蠔仔，但煎得好香口，所以都 OK。薯仔牛柳粒，薯仔香口，但牛柳粒炒得過咗火，口感比較乾。沙拉骨唔合格，全碟都係一塊塊無骨豬排嚟嘅，仲要係用鬆肉粉乸到腍曬嗰隻。$128 條烏頭好唔掂，超腥，但家人話佢沾咗醬食就冇問題，所以我放棄，留哂俾佢食。疫情前同疫情中都食過依間，果陣都唔錯嘅，唔知點解依家差咗咁多呢…查看更多

lunch time 見佢唔駛等，可以直入，就試吓依間啦，見佢有傳統蒸飯定食好似嘅特別，因為韓國菜我一向食開都係石頭窩飯，未試過蒸飯，所以一人叫咗一個試試。落完 order 等咗超過20分鐘先上菜，都理解嘅，即叫即蒸會耐少少都正常嘅。。。牛肋骨蒸飯先上，個樣睇落都ok，牛肋骨有三片，點知個飯底係燶咗嘅！原來蒸飯都會有飯焦㗎？個湯就好咸，飲落有少少魚味，唔知係咩湯，唔會係咸魚湯掛？飲咗兩啖放棄咗之後再上埋個辣炒雞蒸飯，份量幾多，可惜個雞唔係炒出嚟，真係連埋啲飯一齊蒸嘅！唔辣不特止，仲要冇咸味，簡單嚟講就係冇味。。。仲要個飯蒸得唔夠耐，𢳂起嚟仲係濕濕地，食落仲有少少生骨𠻹 算啦，我唯有當自己食緊 risotto吧。。。…查看更多

之前食過三四次放題，今年第一次嚟，食午市時段，$258一位，可以食三粒鐘。一坐低就即刻掃 QR code 落單，第一張單 1202 入，除咗杯野飲好快到咗，野食一直冇嚟，1226嚟咗清酒煮蜆，見廚房好得閒在傾計，1232 再催佢，其他野食 1237 終於到，應該係漏單了吧？🙄第二張單 1208 入，但啲刺身數目俾唔啱數，最離譜係油甘魚點5件只俾2件🙃 中拖羅有根而且冇味，比較失望...清酒煮蜆好淡好淡，地獄炒蜆唔辣的，不過好濃味，都好過清酒果個冇味既😅 烏冬幾彈牙，蘆筍都好味，係啲牛柳冇牛味啫😅 炸物燒物都正常發揮，不過燒蝦就好霉😔坐坐吓有人搭檯，之後我哋個檯號就出咗問題，落完啲野唔識嚟，跟住侍應俾咗另一個檯號的 QR code 我再掃，話剛才落果啲記錄冇哂，叫我重新落過單。但之後又聽到廚房同返侍應講，話我哋啲野食點解一模一樣落兩次單？🤷🏿⁉️今次體驗真係差過之前好多，我諗我以後唔敢再食依間了.... 最後一提，甜品方面係可以每人叫一件 H 牌雪糕或雪條，食完會開心返少少嘅😂…查看更多