ronaldhins的個人專頁

一直都想食呢間虹橋的小店，好幾次想食，但都係大排長龍，一係就撞正休息日。今次終於都可以食到。今次試左佢個蝦湯拉麵配cold blew 再加日式布丁嘅套餐價錢就$98+70=$168蝦湯夠晒濃味又夠香，一啖咖啡一啖湯，真係夠晒特別。拉麵質感亦都很不錯👍🏻冷萃咖啡都好飲，以一間日式拉麵店入面飲到呢個質素嘅啡真係好難得。日式布丁就一如其他食評所講有質素好水準！另外再試埋佢個雞白湯拉面，雞湯夠濃，忍唔住成碗飲晒。呢間鋪嘅雞白湯絕對唔會差過虹橋另一間排隊排到人山人海果間拉麵舖最後再試埋佢個tiramisu 巴斯克一件價錢$65但驚喜又好食，夠滑夠cream 而且店主都好好，會一邊同我地傾計，又會教我地煮野食！好有心同埋好睇得出店主對煮食嘅熱誠總括嚟講，呢間野值得推介，我都幾肯定我會再嚟呢間鋪頭…查看更多

今次食呢間餐廳位於屯門，作為屯門人都一定要試試呢間餐廳。今次同太太帶埋BB 去食，餐廳好好可以比我地放bb 車，而且環境夠大，所以都幾合適帶埋bb 車去。今次同太太家人一齊食慶生飯。焗豬手好正，外皮夠鬆脆，肉夠淋夠味，仲要現場比我地先打卡再即場切埋。值得推介！！！威靈頓牛都好高水準，外層酥皮夠軟夠香，入面牛柳都好淋好夠味，生熟程度好岩我地，都係一個好值得推介的菜式！！ 叫左個香煎帶子蘑菇醬扁意大利粉，一樣好正，汁夠濃夠香，好值得一試自家製甜品都正 又吸引 整體來講呢間餐廳絕對值得一試…查看更多

最近有為享慢煮意有優惠。一位$349再原價加一就可以食到90分鐘放題任食海鮮、威靈頓牛柳：1任食招牌龍蝦湯牛角包 /爆漿蟹膏牛角包2.海鮮塔（北海道珍寶帶子配魚子醬/波士頓龍蝦/鑽石蜆/無限追加：鱈場蟹腳/鳳尾蝦/空運活藍青囗3. 招牌酥皮龍蝦湯鍋（無限追加）4. 傳統威靈頓牛柳（無限追加）5. 法式甜品 （無限追加）雖然一開始聽到90分鐘好似會有少少趕，但其實餐廳唔會夠鐘就叫你走。只係90分鐘內可以任叫任食。只要在90分鐘內落單都可以坐喺餐廳慢慢食，所以時間都叫勉強足夠。餐廳位於THE ONE，環境都算唔錯。餐廳裝修同景觀都唔錯。食物方面質素都唔錯。龍蝦湯牛角包同爆漿蟹膏牛角包都好好食。酥皮夠鬆脆，湯又夠暖，真心唔錯。我同太太都忍唔住encore 左幾次海鮮塔就一般般。凍蝦雖然彈牙，但冇咩味。招牌酥皮龍蝦湯鍋有驚喜，個湯唔錯幾好飲傳統威靈頓牛柳都幾好食，有蘑菇醬係酥皮同牛柳，食埋去都幾有層次，雖然可以任食，但其實都食唔到幾多。甜品方面，選擇都算多，馬卡龍認真幾好食，以任食尼講有水準。牛角包雪糕就正常水平。總括嚟講，都值得推介，算係性價比高嘅餐廳…查看更多