coey0120的個人專頁

平民地區高質食物😋，店員非常有禮貌。午餐：食物味道質素好好，餐湯一定要試忌廉湯，豬扒好淋，漢堡包非常大，厚肉。晚餐：選擇了二人晚餐，生蠔非常新鮮，海水味夠重，意粉好有咬口味道非常不錯，大人小朋友都岩食。生蠔如果淨叫都有，有五款不同價錢任你選為。係深水埗地方可以食到咁有質素既食品真係好難得。…查看更多

今次選擇而間酒店食自助餐，除了環境不錯外，食品質素都好好，重要既係，有折扣優惠。先講佢地既生蠔清理得好好，冇殻碎，雖然細隻，但就係因為細隻，所以每位人士都可以令到四隻生蠔。海鮮種類有四款，都係平時自助餐既款式，冇咩特別，但熟食真心唔錯，我最欣賞就係老火湯，好入味，最緊要係落足料，飲品方面，其實好小自助餐會有飲品提供，但而間就有不同凍熱飲品比大家選擇，真係唔錯。服務員方面要值得一讚既，因為當晚都好多枱客人，我地就偏去入一間冇門既房到食野，每次食完野都會有服務生收野既，有個年長既四眼叔叔服務生就係超級有禮貌，無論收野或令餐具比客戶，都會笑，你地知道啦，自助餐執枱既工作人員其實都好辛苦嫁。好啦再講講場地環境，舒服，出面重有多款遊戲比客人去玩，又電視，電腦，遊戲室，桌球等等，有得玩有得食。最後都好推介比大家去試試，可以打電話問下有冇其他優惠。…查看更多

因為有折扣優惠，價錢平，所以去試試。第一次係而間酒店食自助餐，我地渣車入去，唔難搵，好彩係平日，所以有免費車位泊車，泊車步驟就唔講啦，講下環境，食物質素，員工質素。我地個日去唔多人，野食唔洗排隊，但食物質素就有代改善啦，味道一般，食物選擇唔算多，但都算好快加食物上去，員工執枱都算快手，客人講唔該，佢地都好有禮貌回應，而點唔錯，我好滿意，蠔其實唔錯，有二款選擇，但得一個員工工作，所以洗得唔好，重有殻，啲蟹唔係麵包蟹，所以唔好食，冇長腳蟹，所以海鮮唔多選擇，等四款，其他熱食都不錯，蠔吧隔離有個熱食，可以選擇花膠粥，但個粥一啲都冇味，成碗白粥一樣，就算加了配料都冇味，而點要減分，沙拉有樣好，就係有一大舊芝士比你自己加，而個不錯，我諗成晚最好食既係自助班戟加自助Movenpick雪糕。大家可以考慮下去唔去而間酒店食自助餐啦。最後要提一提，因為外面景色都算靚，都有幾張枱可以坐既，但當日我出去影相就見有幾位內地客，張佢地對腳方上枱，令到我唔想出去睇景影相。…查看更多

第一次食有質素既自助餐，食品款式多，食品新鮮，味道唔錯，雖然好多人，但真係直得一試，比而個價格，有番咁上下食品算不錯，會考慮同朋友再去食。蠔新鮮，清洗得好好，冇殻，可放心食。熱食好多款，味道唔錯。海鮮好新鮮，有多款選擇，係長腳蟹喊左小小，大多數都不錯，甜品都多款，個湯要等，但都好飲，等都值得，飲品可以自己出去令，員工執枱都算快，有禮貌，最開心係個心太軟，可以留言比朋友，真心不錯。好建議大家去食，雖然貴，但味道不錯。…查看更多

星期日朋友約左一起去食飯，去左元朗洪水橋間泰國餐館食泰國菜。其實我覺得而間餐館既食品冇咩特別，但有個餸一定要推介比大家既係咖哩粉絲蟹，真係好好食，味道真不錯，個粉絲可以送飯，蟹肉都算新鮮。其實就真係冇咩特別啦。…查看更多

放題黎講算不錯了，魚生非常新鮮，上菜快，服務好，環境都非常舒服，食物款式，飲品款式，甜品款式都算非常多，除了指定雪糕係一人一杯之外，出面既雪米糍，大粒雪糕都係任食。食品推介：牛柳粒，辣味雞，好似係焗帶子仔，都值得一試，我朋友話個拉麵好食。（如唔食得辣的人，就唔好食辣味雞）…查看更多

平時係屋企自己整肉餅食，都覺得常算好食，但今次男朋友帶我去荃灣一間叫肉餅哥既店鋪食肉餅飯餐。佢地多款肉餅選擇，有蒸，有煎。飯都有得選，油飯或菜飯。入去店鋪一坐底已經有老火湯飲，之後我地睇餐牌。當晚我地叫左二個肉餅飯，一個係秘制金沙蛋黃煎肉餅（因為蒸係唔好食既），另一個係風味土魷蒸肉餅。二個肉餅都非常好食，如果想食香口既話就一定要選煎。菜飯都好多菜。店鋪重有其他小食，大家可以去試試，不過有機會要等位。…查看更多

這店鋪是新開的，平時食開雞煲，但鵝煲就第一次試，都真的不錯，食完重可以打邊爐，食品款式都多，除左打邊爐重有小炒皇，刺身，等等。三文魚非常甜，小炒皇非常好食，如果飲酒既人絕對可以叫黎食，炸魚皮絕對要試，雖然要等，但非常值得等，因為真係同出面一啲都唔同，值得試試。…查看更多

地方都算大，都算多位，食品款式還好，牛既款類都算好，不過就不同價錢，牛既質素都算好食，甜品方面都算多選擇，飲品都算多，都會再去食既。…查看更多