Moka Ning的個人專頁

因為行過九龍城嘅時候見到佢個好誇張嘅門口，所以走左入去呢間鋪頭。本身未聽過呢間鋪頭嘅大名， 只係鍾意食傳統嘅糕點， 所以問鋪頭賣野嘅姐姐有無好介紹。經佢介紹之下，買左1.綠豆餅 2.鴨頸糖 3.淋糖。綠豆餅比想像中多油，雖然皮唔夠酥脆，但同鬆軟嘅內餡出奇地夾，食落口第一下覺得太甜，但係竟然又無搶左綠豆味，相當唔錯。鴨頸糖係明糖包著脆花生糖，外面再鋪一層芝麻，平日食花生糖最怕損口，依家一啖放落口，軟軟嘅明糖混和著香脆花生，將硬糖變做軟糖，又唔會影響花生嘅香味，必食推介！淋糖即係大大粒花生加麥芽糖。原本以為係硬糖，拎上手先知原來係稔嘅！d花生好似煲熟咁，我抱住食硬花生糖嘅期望放落口，覺得淋糖嘅花生實在唔夠香… 不過好啱老人家食嘅… 貴嶼和記隆嘅糕點雖然外貌同我響其他地方買到嘅一樣，但係食落嘅質感完全係兩回事，可能呢個先係真正嘅傳統味道?!…查看更多

唔知點解總係同呢件榴槤蛋撻緣慳一面.由我知道宇晴軒商場有間蛋撻王, 到發現佢有賣榴槤蛋撻, LUNCH TIME 幾次行過都食唔到佢.一係賣哂, 一係來不及排隊...... 講到好似好想食咁... 但其實我只係抱住冒險一試的心態去食! 不過都幾好彩~榴槤蛋撻真係啖啖都有榴槤香~ 榴槤蛋撻大概因為加左"料", 所以外觀同普通蛋撻有少少唔同餡的部份拱起左, 睇落去啞色D食落去, 口感比較厚, 加上陣陣榴槤香, 真的有少少好似食緊榴槤咁好有夏天的感覺!遺憾的是, 榴槤蛋撻的"榴槤"味掩蓋左"蛋"味, 唔講真係唔知有蛋..大概應該正名為"榴槤撻"吧?…查看更多

三十幾度的高溫之下行走成日...回到紅磡, 一下車, 我只想搵一D可以幫我消暑的小食!Yoggie 的位置不難找, 從巴士站的天橋往尖東方向走, 抬頭一看便可以見到了......... 問題是, 未去過的話, 你可能會MISS了它.... 因為舖頭佔地太少了, 基本上只有兩步的闊度!第一次找的話, 要留神呢其實我平常不太吃 FROYO, 只吃過4, 5 次, 所以覺得Yoggie 的出品有點特別.大 SIZE $20, 可加 ::::SMOOTHIE:::: 對快熱死的我來說可謂非常吸引 MINI SIZE $10, 但只可有一種TOPPING, 不可加SMOOTHIE (聽服務員說是因為杯太少了了了了)由於我在半小時後要吃晚飯, 所以選了MINI SIZE吃多了M雪糕, 很久沒見過可以拉得這麼高的疑似軟雪糕(乳酪)了見到的時候有點興奮~ 而到我拿到手的時候抬頭一看.... 寫著到FACEBOOK CHECK-IN的話可減 $2.... 太遲了.....MAY BE NEXT TIME....話說回來, 呢間FROYO 都算合格. 雖然奶味唔太濃, 但少少奶味加少少酸酸甜甜, 配上大大粒藍莓, 味道清新.而且有MINI SIZE呢個選擇都幾好. 最適合眼闊肚窄的人, 可以留位食多D唔同款的野, 又唔會撐爆肚皮~…查看更多

月尾. 冇得唔慳. 一餐BUDGET 只有廿蚊, 食得D咩?好在, 今時今日的香港仲有下午茶!下午茶 2點開始, 早5分鐘去到等掛牌.揀左蕃茄香草熱狗 (其實冇得揀, 因為佢只係掛左一個餐出來... )本來諗住大型連鎖快餐店的熱狗可能會超細一見到隻熱狗竟然有少少驚喜! (???)其實只係正常SIZE~ 不過味道都算唔錯. 個包有剛剛焗過的微溫, 有少少脆熱狗腸中規中矩, 微微的咸味配上這隻熱狗的精華: ~蛋黃醬~哈哈, 平常都只會叫這醬做沙律醬、美乃滋, 但呢隻熱狗的醬, 那蛋黃味實在有很強烈的存在感! 說是存在感, 因為蛋黃味並不是很重, 只能說這醬的味道很濃郁, 很厚, 但又不會覺得很空虛應該就是因為蛋黃的比例跟平常吃的美乃滋不同吧~~ (當然也不排除是因為其他材料啦~)這濃濃的醬, 配上普普通通的熱狗腸, 本來可能會太膩, 但加上蕃茄, 青瓜, 生菜絲的清新, 甜甜的麵包, 又剛剛好取得了平衡算是以最簡單的材料, 做出有點水準的味道了~$18 有件不錯的熱狗, 好味的熱奶茶, 仲容許我坐一陣~下個月尾都仲會再食~…查看更多

基本上，依家周圍都可以見到貢茶的店鋪一般大眾對連鎖店，往往都有一定的期望希望佢同你響第二D地方食到/飲到的味道會一樣早兩日響荔枝角的貢茶分店買左杯招牌奶蓋烏龍茶，希望響陌生的地方尋回熟悉的味道....但係, 實在太令人失望喇我本身幾鍾意貢茶的烏龍茶味，通常到手之後都會分開飲烏龍茶先但係.... 但係.... 佢 D 清香呢? 冇左! 我冇叫少甜，但係明顯唔夠甜...濃郁的奶味呢? ... 我覺得好似溝左水咁!到最後攪埋一齊飲，相當滑... 滑到有D似飲水... 總括而言... 淡!大概是冰塊溶化了，有點水，調配員一股腦兒倒到茶裡，沖淡了原來的香味...毀了原本的味道...其實，我去果時都冇其他人等緊，得我一個客人，都會整成咁，好難想像佢多客的時候會點...如果我第一次飲的奶蓋烏龍茶是這樣的味道，大概，很難會喜歡上它呢...…查看更多