manman 123的個人專頁

星期五晚見里間餐廳有得訂位，就訂星期六同太太朋友食飯。去到企喺門口等帶位，個門口男接待員衝過問有無訂位，態度已經唔多好，book室內又唔知咩料入面唔坐得人俾個半室外位。跟住其他侍應服務都係差，體驗唔係幾好，4杯水倒3杯行左去，室內唔知邊度有舊嘢又係咁閃燈，投訴完佢又無閃。感覺最差係好似趕住收工咁，碟嘢一拎左最後果舊就即收左碟。食埋枱上最後果件食物，佢就衝過黎請晒d嘢，問都唔問就連刀叉碟一吓收晒，勁無禮貌。其實成間店得一半人，仲要我地都仲有排未夠鐘，嗯，唔怪得咁多間book唔到係得佢有位啦。隔離枱生日播生日歌，播到好似DJ捽碟咁講返嘢食，d食物係好食嘅，價錢唔算貴，百零蚊一碟係ok嘅，炸魚薯條有喜出望外。意粉上面d肉粒好食wow。墨西哥餅佢話必食，嗯，不過不失啦（可以叫第樣），pizza就正常發揮law。…查看更多

今日經whatapps落order，叫左4個餐，加兩個小食外賣，12點落單話1點黎拎，要d時間整，咁1點就去到餐廳俾錢，等左好耐都未有，最後等到1點45分先有得拎。外面其他人都係之前打電話落單，但等左起碼半個鐘先有。最嬲係唔知點解有d後黎先現場落單，竟然仲早高外面d人有，可能佢地d嘢易整掛。講返食物味道，都係正常素食嘢味道，牛柳飯ok嘅，最好飲反而係杯越南咖啡。總結而言，如果去到無人，可以試一次嘅。…查看更多

原本一家人去食晚飯，訂左一圍12位，但去到竟然無mark到位，又要後補返。之後發覺原來好多人訂左位，都係無位無留枱要等，咁究竟book位訂左位係做咩？最後等得太耐決定走人。。。…查看更多

lunch行過見到新開店，就過去幫襯試下，叫左個豬排飯同蒸魚。豬排好好食好大塊，可以encore，但蒸魚就完全唔得，d肉好“鞋”同好散，好似蒸左好耐咁。豬排真係好食，都係叫返豬穩陣d....…查看更多

今晚行過元朗四圍搵嘢食，無意中見到里間小店，望一望價錢又唔價，就入去試試。叫左個廚師推介嘅烤豬仔髀，然後叫左個黑松露帶子意大利飯。豬仔髀烤得好好食，個汁好好味，配菜薯條都好食。意大利飯就更加係正，個飯好creamy好好食，價錢唔貴下次會再encore。…查看更多

今日lunch4個朋友去食lunch，叫左酸菜魚米線，酸菜魚米線，雞翼米線等4個餐，然後黎左5個米線。點餐落單系統有問題，出錯單叫職員幫手，佢就話我地屈佢，然後叫佢取消又話“得，你屈我地，我請你地”。 我地4個人叫左4個餐，佢出左5個，仲要出4杯嘢飲，個系統有問題又唔跟進。。。一味喺度行黎行去話“有人屈佢出錯單”…查看更多

好耐無食燒鴨就幫襯下，屋企人落order，平時食早餐多，好少食燒味。嗯，食落無咩特別，叉燒又唔特別，晚市得燒味無其他嘢食。叫左半隻燒鴨，半斤叉燒仲有半隻雞。見個鴨醬咁少，就問個職員拎燒鴨醬，點知佢話半隻鴨夠架喇，問佢拎多碟，佢話拎多碟要兩蚊，心諗得嗰咁少醬要兩蚊就放棄。平時幫襯開街市入面嗰間，下次都係買返嗰間算。…查看更多

幫襯里間新開上海店，之前平日食過都ok，lunch有餐都唔錯，所以假期一家人落去幫襯。中午預早行快去到拎位，職員問家人幾點到，我話10分鐘行緊黎，點知佢過一陣好無禮貌咁行黎話：“你未齊人要起身。”我一家人10分鐘都唔夠就到，費事又轉場，同該職員講返話轉頭叫返餐，佢就黑晒面咁走開。轉頭十分鐘齊人啦，叫左人頭咁多餐，佢d嘢都大碟，最後食唔晒包走埋。入黎又無話要齊人，入到黎等又黑面。講完服務講嘢食，佢地個炒回鍋肉粗炒，蛋白炒飯，幾好食。小食就小籠包，春卷ok，其他試過都唔特別。…查看更多

朋友生日慶祝食飯，服務都幾好，但食物質素好一般。醬油蟹好食好鮮甜ge，算係最好食的一樣。至於其他食物，豬腩肉鍋真係無特別，泡菜多腩肉少，味道好淡，但部隊鍋就太咸。叫左個燒肉拼盤，嗯，我地食左都覺得over cook左。跟著到炸雞，炸到好乾身好“柴”，有d失望。…查看更多

今日去左里間餐廳相當有驚喜。位於油麻地交通方便，店內裝修十分有心思，而且店員服務態度好親切。講返嘢食，今日叫左蟹肉牛油果意大利飯，大蝦意粉，仲有杯咖啡，味道好好而且賣相好靚，值得再次幫襯。…查看更多