roy921309的個人專頁

見好耐都無出街食飯今次有得出街食又見d人介紹話幾好就決定試呢間餐廳6:45pm到步當時得2抬客不過居然有4張抬一早就比人訂左真係有d驚訝一坐底未叫餐就先送黎4塊切片法包，其中兩塊係竹炭法包，另附牛油和黑醋今次叫左2人餐分別有2前菜+2餐湯+2主菜+2甜品+2餐飲前菜分別叫左水牛芝士配蕃茄同巴馬火腿配哈蜜瓜外觀方面唔錯水牛芝士陪上蕃茄有層次感配上醬汁(食落有紅酒同黑醋)食落覺得有水準而巴馬火腿配哈蜜瓜都唔錯兩者個人比較鐘意巴馬火腿配哈蜜瓜餐湯分別有南瓜湯同磨菇湯兩者都好濃郁特別係磨菇湯，由第一淡開始到最後一淡都好香濃主菜就叫左慢煮三文魚海膽忌廉汁配薯蓉同香煎大蝦配薯蓉香煎大蝦會配左黑椒汁而個黑椒汁非常香濃而且唔係辛辣係香辣薯蓉就係用薯仔壓成而唔係用機打成蓉，入面有保留一粒粒o既薯仔個人非常鐘意不過略嫌分量少，一個正常食量o既人未必夠食而慢煮三文魚因為慢煮o既關係肉質好嫩滑食落係半生熟o既感覺味道亦唔錯可惜配汁食唔出海膽味而且比較膩甜心就因為兩個人都鐘意食心太軟就黎左兩份質素非常之高，外層略脆內裡有濃郁o既朱古力完全符合心太軟好食o既條件配上雪糕一凍一熱更係一絕亦係全餐最滿足o既食物，為呢餐畫上個完美句號結論食物質素中上至上級，物有所值服務亦都唔錯，兩位姐姐都有問有答不過缺點就係出菜真係非常非常之慢入座到埋單用左差唔多兩個鐘每次上菜之間都差唔多有成廿分鐘等o既時間仲多過食，要黎食野真係要預好時間…查看更多

已經好耐無寫食評啦今次一寫就當然寫返自己住果邊d野食啦由領匯開始接管左個慈雲山中心之後d好野食真係少左好多而毓華街係呢年幾都少落左最近一落係巴士站附近真係發現多左好多野食而呢間鋪頭就新開無耐~睇落入面個格調都唔錯入面仲可以好似蘭桂芳d酒吧咁有足球時段另外有生蠔供應係慈雲山黎講真係少有餐方面夜晚就分dinner set同蠔餐set o既話可以加錢多隻蠔蠔餐就當然有隻蠔蠔呢度就分兩種coiffin bay同smoky bay唔太記得前者定後者海水味重d不過味道好好又唔會腥扒方面個人黎講幾鐘意個燒汁唔會同其它地方一樣得個死咸而羊扒又唔騷肉質腍又有咬口肉眼扒亦都鎖得住肉汁不過兩者都略嫌肉味不足配菜要薯菜的話有薯蓉薯條同菜薯蓉少少酸食落似有少少乳酪十分開胃薯條亦唔會吸汁即腍可以保持香脆要話問題o既話個餐無跟野飲真係差少少最神奇係呢度有炸大腸同咖哩角呢類街邊小食就試埋個炸大腸食落味道唔錯可惜o既係外皮比較硬脆而唔係香脆最後一提就係呢度個老板同老板娘都好好人會關心客人對食物o既感覺相反我好似有d唔識對應真係唔好意思…查看更多

其實知道爭鮮存在左係九龍灣好耐可惜一直無機會食終於今日搵到人一齊去＼（＾ ＾）／ バンザーイ睇開留言版知道台灣o既爭鮮地位同西九明將差唔多所以其實都只係本住西九明將心情去食可能因為岩岩過左食飯時間所以入面大把位不過店員依然將客人編到同一邊坐而且限時50分鐘真係有種趕客feel嘛~最緊要都係食物ヽ( ´￢`)ﾉ ﾜ～ｲ 碟數飛上面寫住三文魚味增買一送一所以一開始就要友人都話味道ok另外比較深印象就以下呢幾樣希靈魚壽司：印象中係爭鮮成名作之一，味道帶甜，似魚子咬落卜卜聲鰻魚壽司：燒汁無其它地方鹹，比較適中海膽壽司：地雷類，見佢岩岩放低就拎左黎食都依然覺得放左好耐咁又淋又腥蟹籽壽司：同為地雷類，食落真係無。比。腥ヽ(#`Д´)ﾉ┌┛〃∩AhｰAhｰAhｰ 另外有種燒帶子係白碟話每人限一碟食多要比$16@都係地雷類，淋到唔似帶子雖然地雷類多不過其實大部分都不過不失只係平凡過頭可惜比起西九明將爭鮮仲係拍馬都追唔上(地獄級地雷意味結論就係爭鮮>西九明將(´ ▽｀).。ｏ♪♪ ﾎﾞｹ～ 另外爭鮮做得比較差係連堂食都用包裝わさび而且連鼻都唔攻一下真係差左少少lo…查看更多

其實以而家o既飲食消費價格黎講呢度算係中等價錢的了又唔會特別貴食物質素唔算高不過我諗好多人都會話呢個價錢食到呢種水準差唔多吞拿魚沙律：因為個沙律汁基本得個酸味所以其實成個沙律其實只係靠吞拿魚o既味而吞拿魚個味調得不錯所以都幾好食煙三文魚白汁意粉：白汁唔夠香唔夠味係要點~又待改善~好就好在有4塊煙三文魚調味另外仲有自助芝士粉任加燒雞脾：碟野一黎就好奇怪其實本來真實食物同圖片唔同就正常不過無諗過差咁多顏色已經完完全全唔同圖片果張真係似燒過o既啡色不過真實食物樣就似鹽焗雞脾食落去超鹼真係食一隻可以送到3碗飯睇黎扒類呢度真係做得麻麻我叫多個意粉好過不過總結黎講~基本上你唔要扒類就無咁易踩地雷另外提一提服務方面~要有好服務真係要睇時間~一多少少人就好難搵到人落單之類…查看更多

得閒去探阿媽班順便去吉之島買d野就去左黃埔見到呢間野我又少去呢d鋪頭食拉麵就入左去食同阿媽叫左個2人餐有2碗叉燒/九川拉麵,1個蟹子沙律同1個燒牛舌仲有樣唔記得...蟹子沙律比起出面覺得差唔幾都ok啦個燒牛舌可能因為薄o既關係佢燒得過火左好難咬.....個拉麵就油左d,個湯底都好一般而且得個碗大同湯多,實際上麵其實得好少最後食完我阿媽仲出埋d味精反應......咁佢落味精都應該幾重手呢.......如果淨係去食小食都ok o既…查看更多

其實同fd食左幾次先寫呢個食評因為第一次去食果時好失望不過睇下會唔會有改善食物要睇佢會唔會改善所以每次都一定有人叫個牛肉麵可惜始終對住家形青紅羅白欠肉味湯底沒甚麼好感我諗左好耐其實佢個湯有無用過肉黎[淆]不過就好明顯無味精可能本生落鹽都夠晒多....其實鹹到飲唔出味精?d麵就一次比一次差由第一次就淋然後下次再食就變左糊埋鹽酥雞個份量同價錢比起黎就貴左d本來諗住炸野無碳化左就ok啦點知咬落去好似咬柴咁=_="""d粉厚過石屎牆.......最重點係d服務態度有時見到毓民真人係度睇報紙果時d待應都話會自動幫你加水問你有無差野未黎之類毓民人一唔係鋪頭到d待應圍埋一齊睇電視囧叫佢加水就只係加叫果個人囧牛肉麵由3分鐘黎到變左10分鐘都未到囧眼見換左幾次待應次次都係咁真係完全失望…查看更多

係黃金買完野行行下見到酸辣粉個名好得意就去食ww間鋪個位唔大所以坐得就唔太舒服黎得就梗係叫碗酸辣粉啦xd之後見到有個叫炸腸頭炸大腸就食得多~腸頭會爽d?所以就叫左黎試先講個酸辣粉食左一啖就覺得好奇怪點解酸辣粉唔酸o既?=_=雖然碗粉味道不過不失不過叫得做酸辣粉唔酸我就接受唔到到我地食完晒碗粉個腸頭都未炸到黎問下個人先知原來腸頭呢d係叫大鋪炸本來想取消點知岩岩黎到就算數個腸頭呢....得個皮脆之後食到入面好肥又唔係特別爽或者脆可能街邊d炸大腸仲好食d…查看更多

可能出名的關係水準次次都唔同今次都係買一路食開o既芝麻糕同紅豆糕再加左2件少食o既白糖糕白糖糕其實食過唔多次不過次次都好味因為買完之後要去搭車返屋企先食成日都擔心白糖糕會變酸不過食過幾次都無~都係好鬆有淡淡甜味相反芝麻糕就真係差左好多之前食係感覺到層次分明而家得頭果層係食到一層之外其它都一舊野咁連芝麻味都無之前咁多至於紅豆糕依然多豆不過同芝麻糕一樣有d[瀉]…查看更多

因為要去黃金買野所以路過行行下肚餓就去搵野食見到公和然後個fd話好食就入左去食叫左釀豆腐釀豆卜個豆腐真係煎到香一香咬落去都仲帶汁不過魚肉本生佢都調得唔太咸所以加d豉油會好味d個豆卜都好香本來見住佢出面咁大隻獲咁多油半煎炸咁以為會好油其實都唔係好油咬落去比豆腐多汁係汁唔係油www不過流程就好快叫完即有即食就要即走…查看更多

文記其實一路都好多人話好食嫁啦特別係炸醬麵好香好食不過最近可能d食材加價所以佢都加價普通特餐都加到$24牛腩食品仲要加多$1不過而家個牛腩就無以前咁好食而家個牛腩可以嚼到我半個鐘不過個常餐個豬扒麵都係咁好食個豬扒唔會好油又煎得夠香相反d特餐o既炒粉麵就落油落得好重手…查看更多

因為最近返學唔想用咁多錢食飯所以成日都去呢間每碗粉單拼只係$12www不過隻碗就比出面果d細隻d不過其實麵無少到只係湯少d成日都係食牛腩河雖然只係$12~不過都有3-4舊牛腩~而且都好入味又諗仲拉住少少根加埋細汽水都只係$15仲有個魚皮都好鬆脆又唔會太咸(有d地方d魚皮好咸又好硬的)有時同阿媽去食都會要魚皮不過如果太夜去食d魚皮就無中午果時咁好食啦…查看更多

突然想去食粥不過慈雲山無咩粥店所以同個fd去左狀元食叫左個牛肉粥同齋腸個fd就叫左干炒牛河牛肉粥真係好清....清到水咁咩味都無個齊腸又好鞋=_=d豉油一食就知係1比99咁溝水得個黑字fd個牛河等到我差唔多食晒先黎=_=佢話d牛肉成舊牙膠咁咬著可以去打拳....XD呢d野真係試一次就算了…查看更多

:其實之前食過幾次不過次次d水準都唔同=_=上次食肉丸明明好多汁好好味d薯片又好脆不過今次個肉丸一睇就覺得好干咬落去好似咬柴咁而d薯片都比個汁搞到淋晒....不過d凍蝦都好係鮮甜...不過就無咩蝦子都係蝦好食www如果佢保持到水準就好啦…查看更多